လုကာ 11இலிருந்து பிரபலமான வேதாகம வசனங்கள்

பகிர்

အနီကြောင်းငို နောင်နိယဟော့ ပွယ်ငှားဟော့ ချောင်အဖြစ်ကနိပ နောင်နိစိုးနောင်ဝဲ့ယာ ပွယ်ဟော့ အရာဝဲ့နော နောင်နိပိတ်ကနို ရွှေမြို့တော်ဝါအမော့ငဟော့ ပအောင်ဘုရားရှင်လော့ဟော ယငွါတုန်းအုံဟော့ချောင်ငါ ပိုလော့ပဘုရားအမွင်ချို အပိတ်ကိုင်းဆိတ်ကမိုး" သိမ်အမိန့်တော်မူတို့။

အနီကြောင်းငို နောင်နိယာကဟောက်ဝဟော့ တုံအုန်ဘွေ့တို့၊ နောင်နိလော့ နောင်နိလာ့အာဝိုင်း။ ရွှီဘွေ့တို့၊ နောင်နိခွန်းနိုင်း။ ဒိုင်ဆွတ်ခုတ်ဘွေ့၊ ဒိုက်ဆွတ်ခုတ်ဟော့ ချောင်အားလုံးငါပ အဟူးပိတ်ကိုင်း။

ဘယ်သိမ်ကြောင်းငိုဝါနိုးပုဝါ တုန်းအုန်ဟော့ ချောင်အားလုံးလော့ ယနိ လာ့အဝိုင်း၊ ရွှီဟော့ချောင်လော့ အခွန်းနိုင်း၊ ဒိုက်ဆွတ်ခုတ်ဟော့ ချောင်တကားဝါ ဒိုက်ဆွတ်အဟူးပိတ်ကိုင်း။

နီပေါင်ပိ ကိုယ်တော်လော့ ယနိဝါ "နောင်းနိဆုတောင်းအောင်ကနို 'ရွှေမြို့တော်ဝါအမော့ဟော့ ပအောင်ဘုရားဝေါ၊ ပအော်ဘုရား နာမတော်ငဟော့ ရိုသေလေးစားခြင်းမော့ပဲဆု၊ ပအောင်ဘုရား သာသနာတော်ငဟော ပေါ်ထွန်းဘဲဆု။

ကေ့နိအပေါ်ဝါ အပြစ်ကျူးလွန်ဟော့ ချောင်တကားဝါ ဟော့ ကေ့နိလော့ခွင့်လှို့တော်မှုလောက်ကာ ကနိယာဟော့ ဒုစရိုက် အပြစ်သဲ့ဟော့ ခွင့်အလှို့ပိတ်ဘွေ့ ကနိယာဒုစရိုက်ကနိကျူးလွန်နိုင်းတောက် ဖြားရောင်းသွေးဆောင်ငဟော့ဟောကာကွယ်ပိတ်ဘွေ' သိမ်ဆုတောင်းအောင်ဘွေတွက်" သိမ်အမိန့်တော်မူတို့။

ကေ့နိတောက်အလိုငဟော့ အအေးအုပ်ဗုန်းငဟော့ နှုတ်တောင်းအပိတ်တော်မှုဘွေ၊

နောင်နိ မိတ်ရဲ့ယဟော့ နောင်နိဟော့ခန္ဓာကိုယ်ဝါအဝါန်းပိတ်ငဟော့မီးအိမ်လှောက်နော အဖြစ်။ နောင်းမိတ်အပွယ်ကနို နောင်ခန္ဓာကိုယ် ဝဟော့ အလင်းရောင်အားလုံးလာ့အာသလော့သဲ့၊ နောင်မိတ်အပွယ်ငှားကနို ခန္ဓာကိုယ်အရာအားလုံး အရှုန်းငိုင်ဝဲ။

ကိုယ်တော်လော့ "မီးထွန်းလော့အသောက်ကဟော့ မီးအိမ် ငဟော့နီးလော့ဟော့ ထုဝအို့၊ တုံကောဝါဟောသောက်ကအို့၊ အင်းဒိက်ကာဝေါင်လူးဟော့ချောင်ငဲ့လော့ အဝမ်းအလာ့အာဝိုင့်တောတ် မီးအိမ်ငဟော့ မီးတောင်ငါနော ဘို့အလော့သဲ့သောက်။