ஆதியாகமம் 27இலிருந்து பிரபலமான வேதாகம வசனங்கள்

பகிர்

இறைவன் உனக்கு வானத்தின் பனியையும், மண்ணின் வளத்தையும், தானியத்தையும், திராட்சைரசத்தையும் நிறைவாகத் தருவாராக. மக்கள் கூட்டங்கள் உனக்குப் பணி செய்யட்டும். பல இனங்கள் உனக்குத் தலை வணங்கட்டும். உன் சகோதரர்களுக்கு மேலாக நீ அவர்களை ஆளுகை செய்வாய், உன் தாயின் மகன்மார் உனக்குத் தலை வணங்குவார்கள். உன்னைச் சபிக்கின்றவர்கள் சபிக்கப்படுவார்களாக. உன்னை ஆசீர்வதிக்கின்றவர்கள் ஆசீர்வதிக்கப்படுவார்களாக” என்றான்.

அதைக் கேட்டதும் ஏசா தந்தையிடம், “அவனுக்கு யாக்கோபு என சரியாகத்தான் பெயரிடப்பட்டிருக்கிறது! அவன் என்னை இரண்டு முறை ஏமாற்றிவிட்டான்: அன்று என் பிறப்புரிமையை எடுத்துக்கொண்டான், இன்று என் ஆசீர்வாதத்தையும் எடுத்துக்கொண்டான்!” எனக் கூறிவிட்டு, “எனக்காக நீங்கள் எந்த ஆசீர்வாதத்தையும் ஒதுக்கி வைக்கவில்லையா?” என்று கேட்டான்.

அவனுடைய தந்தையாகிய ஈசாக்கு அவனிடம், “பூமியின் செழிப்புக்கும் வானத்தின் பனிக்கும் தூரமாகவே உன் குடியிருப்பு இருக்கும். நீ உன் வாளினால் வாழ்ந்து, உன் சகோதரனுக்குப் பணி செய்வாய். ஆனால் நீ கிளர்ந்து எழுகின்றபோது, அவன் உன் கழுத்தின் மேல் வைத்த நுகத்தை நீ எடுத்து எறிந்து விடுவாய்” என்றான்.

அப்போது ஏசா தந்தையிடம், “அப்பா, ஒரேயொரு ஆசீர்வாதம் மட்டும்தானா உங்களிடம் இருக்கின்றது? என்னையும் ஆசீர்வதியுங்கள்!” என்று கூறி சத்தமிட்டு அழுதான்.