ஆதியாகமம் 17இலிருந்து பிரபலமான வேதாகம வசனங்கள்

பகிர்

ஆபிராம் தொண்ணூற்றொன்பது வயதாயிருந்தபோது, கர்த்தர் அவருக்குக் காட்சியளித்து, “நான் சர்வ வல்லமை கொண்ட இறைவன், நீ எனக்கு முன்பாக மாசற்றவனாக நடந்து என்னைப் பணிந்து கொள்வாயாக.

நான் உன்னை அநேக இனங்களுக்குத் தந்தையாக்குகின்றேன், அதனால் நீ இனி ஆபிராம் என்று அழைக்கப்படாமல், ஆபிரகாம் என்றே அழைக்கப்படுவாய்.

நான் என் உடன்படிக்கையை எனக்கும் உனக்கும் இடையிலும், உனக்குப் பின்னர் தலைமுறை தோறும் எனக்கும் உன் சந்ததிகளுக்கு இடையிலும் நித்திய உடன்படிக்கையாக ஏற்படுத்துவேன்; அத்துடன் உனது இறைவனாகவும் உனக்குப் பின்னர் உனது சந்ததிகளுடைய இறைவனாகவும் இருப்பேன்.

“இதோ, நான் உன்னுடன் ஏற்படுத்துகின்ற உடன்படிக்கை இதுவே: நீ அநேக இனங்களுக்குத் தந்தையாவாய் என்று வாக்குறுதி அளிக்கின்றேன்.

அதற்கு இறைவன், “ஆம்; ஆனாலும், சாராள் உனக்கு ஒரு மகனைப் பெற்றெடுப்பாள்; நீ அவனுக்கு ஈசாக்கு என்று பெயரிடு. நான் என் உடன்படிக்கையை அவனுடன் ஏற்படுத்துவேன்; அது அவனுக்குப் பின்னர் அவனுடைய சந்ததிகளுக்கும் ஒரு நித்திய உடன்படிக்கையாக இருக்கும்.

நீ இப்போது பிறநாட்டவனாக வாழும் இந்தக் கானான் நாடு முழுவதையும், உனக்கும் உனக்குப் பின்னர் உன் சந்ததிகளுக்கும் ஒரு நித்திய உடைமையாகக் கொடுத்து, நானே அவர்களுக்கு இறைவனாய் இருப்பேன்” என்றார்.

அப்போது ஆபிரகாம் தலைதாழ்த்தி வீழ்ந்து வணங்கி, “நூறு வயதுள்ள மனிதனுக்குப் பிள்ளை பிறக்குமோ? தொண்ணூறு வயதில் சாராள் ஒரு பிள்ளையைப் பெற்றெடுப்பாளோ?” என்று தனக்குள்ளே சொல்லிச் சிரித்துக் கொண்டார்.

மேலும் இறைவன் ஆபிரகாமிடம், “நீ இனிமேல் உன் மனைவி சாராயை, சாராய் என்று அழைக்காமல் சாராள் என்று அழைப்பாயாக; இதுவே அவள் பெயராயிருக்கும்” என்றார்.

எனக்கும் உனக்கும் இடையிலான உடன்படிக்கையின் அடையாளமாய் இருக்கும்படியாக, நீ உனது நுனித்தோலைச் சுற்றியுள்ள சதையை விருத்தசேதனம் செய்துகொள்ள வேண்டும்.

ஆனால், அடுத்த வருடம் இதே காலத்தில், சாராள் உனக்குப் பெற்றெடுக்கப் போகின்ற பிள்ளையாகிய ஈசாக்குடனேயே என் உடன்படிக்கையை ஏற்படுத்துவேன்” என்றார்.

தலைமுறை தோறும், ஒவ்வொரு ஆண் குழந்தையும் பிறந்து எட்டாவது நாளில் இவ்வாறு விருத்தசேதனம் செய்யப்பட வேண்டும். உங்கள் குடும்பத்தில் பிறந்தவர்களும், உங்கள் சந்ததியாய் இல்லாமல் பிற இனத்தவரிடமிருந்து பணத்துக்கு வாங்கப்பட்டவர்களும் விருத்தசேதனம் செய்யப்பட வேண்டும். உனது குடும்பத்தில் பிறந்தவர்களும், பணத்துக்கு வாங்கப்பட்டவர்களும் நிச்சயமாக விருத்தசேதனம் செய்யப்பட வேண்டும். இது உங்கள் உடலில் என் நித்திய உடன்படிக்கையின் அடையாளமாக இருக்கும்.