Кыкетӥ Закон 8இலிருந்து பிரபலமான வேதாகம வசனங்கள்

பகிர்

Инмардэ Кузё-Инмарез тодад возь, Со тыныд узырлык люканы кужым сётэ уго, озьы Со та дырозь но атайёсыныды кыл сётыса кылдытэм кусыпсэ уте.

Со тонэ зӥбыт-востэм карылӥз, сютэм возьыса утчаз, маннаен тонэ сюдӥз, со маннаез тон но, атайёсыд но ӧд тодылэ, – Со озьы кариз, тон мед тодод: адями нянен гинэ уг улы, Кузё-Инмарлэн ымысьтыз потӥсь котькудӥныз [кылыныз] со улэ

Тодад вай Инмаредлэсь Кузё-Инмарлэсь тонэ нуллэм быдэс сюрессэ, тонэ зӥбыт-востэм карон понна, тонэ эскерон-чаклан понна, тодон понна: мар тынад сюлмад, Солэсь курон-косонъёссэ быдэсъяса улод-а, уд-а, Со тонэ луоё кыр дуннеетӥ ньыльдон ар ӵоже нуллӥз

сюлэм пушкад таӵе малпан медаз кылды: «Ас кужмыным, ас киылэн юнлыкеныз та узырлыкез мон люкай»

Чакласькыса ул, Инмардэ Кузё-Инмарез медад вунэты, Солэсь вань курон-косонъёссэ, законъёссэ, пуктон-косонъёссэ быдэсъяса ул, кудъёссэ тыныд туннэ сӥзьыса сётӥсько.

Сюлмыныд тод: Инмаред Кузё-Инмар тонэ дышетэ адямилэн пизэ дышетэмез кадь ик.

Сиськыса кӧтыд тыриз ке, Инмаредлы Кузё-Инмарлы тау кар тыныд сыӵе умой музъем сётэмез понна.

Инмаредлэсь Кузё-Инмарлэсь курон-косонъёссэ уть, Солэсь кышкаса, Солэн возьматэм сюрес вылтӥз ветлы.

луоё кыр дуннеын Со тонэ маннаен сюдӥз, кудӥз сярысь [тон но,] атайёсыд но ӧз тодэ, – та тонэ зӥбыт-востэм карон понна, тонэ эскерон-чаклан понна, нош берло тыныд ӟеч карон понна вал

Сиськыса кӧтыд тыриз ке, умоесь коркаос пуктылыса, [отын] улӥд ке, сюро таза пудоед, сюро векчи пудоед тынад трос луиз ке, азвесед, зарниед трос луиз ке, котьмаид но тынад трос луиз ке, чакласькы: сюлмыныд вылтӥяськыны эн кутскы, Египет музъемысь, ляльчиын улон коркась, тонэ поттӥсь Инмардэ Кузё-Инмарез эн вунэты

Инмаред Кузё-Инмар тонэ ӟеч музъеме нуэ ук, кытын шур вуос бызё, нёжалъёсысь, гурезьёсысь ошмесъёс ву потто, тыос пуко, со музъемын чабей, йыды, виноградпудъёс, смоквапуос, гранатпуос будо, со вӧйпуо, чечыё музъем, со музъемын тон кӧтыд сюмаса уд улы, номырлы но ёрмыса уд улы; изъёсыз пушкын корт вань, гурезьёсысьтыз тон ыргон поттыны быгатод.

Туннэ тӥледлы сӥзьыса сётэм вань курон-косонъёсме быдэсъяны тырше, улэп мед кылёды, мед йылоды но мыныса [Инмарлэсь] Кузё-Инмарлэсь тӥляд атайёстылы сётыны сӥзем [ӟеч] музъемез мед киултоды.

тани, ньыльдон ар ӵоже ини дӥськутэд тынад ӧз пӧсьтылы, пыдыд тынад ӧз пыктылы.

Со тонэ быдӟым, шимес, луоё кыр дуннеетӥ, кыйёс, василиск кыйёс, скорпионъёс пӧлтӥ, вутэм, кӧс интыостӥ нуиз; гранит изгурезьысь Со тыныд ву поттӥз