Nanti Espíritu ɨmoti Felipe: “Akosi esa axɨmanu kareton akosi chepe name.” Naukiche sɨrotitɨ Felipe esa axɨmanu kareton, onkoiti nuraxti maniki etiope iku axɨmanu nikonomosoxti profeta Isaías. Auki ñankitioti pɨnanakiti:
–¿Iyebo obi axɨmanu astai korobo?
Axti maniki etiope aiñumuti nuraxti:
–¿Kausane aye sobi, champɨti naki uiche aiñununekanañɨ?
Auki nanti ɨmoti Felipe aɨroti ape atɨmoti ichepeti.