Axti Festo, anankati taki ocho o diez naneneka au Jerusalén, auki basɨkɨbɨkoti tato au Cesarea. Au axɨmanu kiatax nanenes atɨmoti kauta nityɨmo mayɨriabuka auki bakɨpuruti iyoti Pablo. Naukiche tɨsɨrotitɨpo Pablo, axɨmanuma judíos iñataimia auki Jerusalén sɨromatɨ esati auki urabomati yokɨtɨpɨ chɨtamampatai axɨba yarusɨrɨx nipɨnatenti au ñakionkoxɨma, ta champɨ tabɨko uimia axɨna chuxiampɨ isamutenti.