Eseia 54இலிருந்து பிரபலமான வேதாகம வசனங்கள்

Ond fydd yr arfau sydd wedi’u llunio i dy daro di ddim yn llwyddo, a bydd y rhai sy’n codi i dystio yn dy erbyn yn cael eu condemnio. Dyna ydy etifeddiaeth gweision yr ARGLWYDD, a’r hyn dw i wedi’i wneud iddyn nhw.” –yr ARGLWYDD sy’n dweud hyn.

Falle y bydd y mynyddoedd yn symud a’r bryniau’n cael eu hysgwyd, ond bydd fy nghariad i atoch chi yn aros, a fydd fy ymrwymiad heddwch ddim yn siglo,” –meddai’r ARGLWYDD, sy’n dy garu di.

Paid bod ag ofn, gei di ddim dy wrthod. Paid synnu, gei di ddim dy siomi! Byddi’n anghofio cywilydd dy ieuenctid, ac yn cofio dim am warth dy gyfnod fel gweddw.

Mae’r un wnaeth dy greu di wedi dy briodi di! Yr ARGLWYDD hollbwerus ydy ei enw e. Bydd Un Sanctaidd Israel yn dy ollwng di’n rhydd – ie, ‘Duw yr holl daear’.

“Gwna fwy o le i dy babell, a lledu’r llenni lle rwyt ti’n byw! Estyn nhw allan! Paid dal yn ôl! Gwna’r rhaffau’n hirach, rho’r pegiau’n sownd.

Bydd pob un o dy blant yn cael eu dysgu gan yr ARGLWYDD, a bydd dy blant yn profi heddwch mawr.

Rôn i wedi gwylltio am foment, ac wedi troi i ffwrdd oddi wrthot ti. Ond gyda chariad sy’n para am byth bydda i’n garedig atat ti eto,” –meddai’r ARGLWYDD, sy’n dy ollwng di’n rhydd.

“Gwrthodais di am ennyd fach, ond gyda thosturi mawr bydda i’n dod â ti’n ôl.

“Mae’r un fath â’r dilyw yng nghyfnod Noa. Fel gwnes i addo bryd hynny na fyddai’r ddaear yn cael ei boddi byth eto, dw i’n addo i chi na fydda i’n ddig hefo chi, nac yn eich cosbi eto.

Bydda i’n gwneud dy dyrau o emau, dy giatiau o risial coch, a bydd dy waliau i gyd yn feini gwerthfawr.