ലൂക്കോസ് 14இலிருந்து பிரபலமான வேதாகம வசனங்கள்

பகிர்

<<എന്ന് പട്ട്‌ക്ക് ബന്ത് എന്ന് സൊല്ലുപഡി ണഡാക്ക്യ ആസെപഡ്‌റവാ് തന്ന് അവ്വപ്പലണാഗൊ, പെ്ണ്ട്‌പ്‌ള്ളെഗണാഗൊ, അണ്ണതമ്പിലണാഗൊ, അക്കതങ്കെലണാഗൊ, തന്ന് സൊന്ത ഉജുറുണാഗൊ ബ്‌ഡ എനാണ റമ്പ സീവാ് ബ്‌ഡാത്തവാ് എന്ന് സൊല്ലുപഡി ണഡാക്കവാ് ആയ മുഡ്യമാട്ട.

എന്ന് പേരിലി എന്ത കജട്ട ബന്താല്‌മ് അദ്‌ണ താങ്കികൊണ്ട് എന്ന് പിന്ന്‌മേലെ ബര്യ മുഡ്യാത്തവാന്‌ക്ക്‌മ് എന്ന് സൊല്ലുപഡി ണഡാക്കവാ് ആയ മുഡ്യമാട്ട.

തനാണതാനെ ഉജാത്തി കെ്ട്ട്‌റവാന താത്തി കെ്ട്ടുവാ്. തനാണതാനെ താത്തി കെ്ട്ട്‌റവാന ഉജാത്തി കെ്ട്ടുവാ്.>>

അദേപാസെത്തെ ണിമാക്ക് ഇര്‌ക്കാദ്‌ണെല്ല എക്കി തള്ളി എന്ന്‌ദൊപ്പ ബര്യ മുഡ്യാദെ പോന ആര്‌ക്ക്‌മ് എന്ന് സൊല്ലുപഡി ണഡാക്കവാ് ആയ മുഡ്യമാട്ട.>>

ണിമ്മ് കൂട്ടാത്തിലി ആരാറ്റ്, ബെല്ല്യൊരു കൂരെ കെ്ട്ട്യ ണെനേത്താക്കി, മുദ അദ്‌ണ സെയ്‌ദ് മുഡിക്ക്യുള്ള പണ കയ്യിലിര്‌ക്ക്‌ദ എന്ത് ണോഡമാട്ടാന? അച്ചെ കല്ല് പദിത്ത് കൂരെ കെ്ട്ട്യ പ്‌ഡിത്ത് അദ്‌ണ സെയ്‌ദ് മുഡിക്ക്യ മുഡ്യാദെ പോന കാണ്‌റവാരെല്ല അവാന ണാണഗെ്ഡ്‌സമാട്ടാര? ആള്‌ഗ: <ഇവാ് കെ്ട്ട്യ പ്‌ഡിത്താ്, ആന അദ്‌ണ സെയ്‌ദ് മുഡിക്ക്യ മുഡ്യാലെ> എന്ത് സൊല്ലുവാരല്ല?

ണീ ബിര്‌ന്തട്ട് തീറ്റ്‌റദാനാക്കി ഏ്ളെഗ, കയ്യിമൊണ്ടി, കാല്‌മൊണ്ടി, കുറുഡാര് ഇവാര്‌ഗണ ഒളേക്കുഡൊ. അപ്പ്‌ത്തെ ണിനാക്ക് ണല്ലാദ് കെ്ഡേക്കു. എന്ത്‌ക്കെന്റ അവാര്‌ക്ക് ണീ സെയ്‌ദ പാസെ ണിനാക്ക് തിലിപ്പി സെയ്യ അവാര് കയ്യിലി ഒന്റുമില്ലെല്ല. ണേര്‌മെക്കാറാര് ഉജുറേ്റ ഗള്യേക്ക് ണിനാക്ക് സാമി അദ്‌ക്കുള്ള കൂലി തരുവാ്.>>

<<ഉപ്പു ണല്ലാദ്‌ത്തെ. ആന ഉപ്പുക്കിര്‌ക്ക രുജി ഇല്ലാദെ പോന അദ്‌ണ എച്ചെ പിന്നേമ് രുജി ബര്‌സ്യ മുഡ്യു. അദ്‌ണ മണ്ണ്‌ക്ക്‌മ് എരുവുക്ക്‌മ് സേത്ത്യാമ് മുഡ്യമാട്ട. അദ്‌ണ ബെ്ള്യെ ബീസെക്ക്യാത്തെ പറ്റു. ണാന് സൊല്ലുറാദ്‌ണ കേ്ക്ക്യ മനേസ്സിര്‌ക്കവാ് കേ്ക്കുഡൊ.>>