ወንጌል ዘማርቆስ 10இலிருந்து பிரபலமான வேதாகம வசனங்கள்

பகிர்

እስመ ወልደ ዕጓለ እመሕያውኒ ኢመጽአ ከመ ይትለአክዎ ዘእንበለ ዳእሙ ከመ ይትለአክ ወከመ ይቤዝዎሙ ለብዙኃን በነፍሱ።

ወነጸሮሙ እግዚእ ኢየሱስ ወይቤሎሙ በኀበ ሰብእ ኢይትከሀል ዝ ወበኀበ እግዚአብሔርሰ ኵሉ ይትከሀል።

ወይቤሎ እግዚእ ኢየሱስ ሑር ሃይማኖትከ አሕየወተከ ወርእየ ሶቤሃ ወተለዎ በፍኖት።

ዘእግዚአብሔር እንከ አስተፃመረ ሰብእ ኢይፍልጥ።

ወነጸሮ እግዚእ ኢየሱስ ወአፍቀሮ ወይቤሎ እመሰ ትፈቅድ ፍጹመ ትኩን አሐቲ ተርፈተከ ሑር ሢጥ ኵሎ ዘብከ ወሀብ ለነዳያን ወትረክብ መዝግበ በሰማያት ወጹር መስቀለ ሞትከ ወነዓ ትልወኒ።

ወአውሥአ እግዚእ ኢየሱስ ወይቤሎ ምንተ ትፈቅድ እግበር ለከ ወይቤሎ ውእቱ ዕዉር ረቡኒ ከመ እርአይ።

ወለክሙሰ አኮ ከማሁ አላ ዘይፈቅድ እምኔክሙ ይኩን ሊቀ ይኩንክሙ ገብረ።

አማን እብለክሙ ዘኢተቀበላ ለመንግሥተ እግዚአብሔር ከመ ሕፃን ኢይበውኣ።

ወብዙኃን ቀደምት ይከውኑ ደኀርተ ወደኀርትኒ ይከውኑ ቀደምተ።

ወእምፍጥረትሰ ተባዕተ ወአንስተ ገብረ እግዚአብሔር ። ወበእንተ ዝንቱ የኀድግ ብእሲ አባሁ ወእሞ ወይተልዋ ለብእሲቱ። ወይከውኑ ክልኤሆሙ አሐደ ሥጋ ናሁኬ ኢኮኑ ክልኤተ አላ አሐዱ ሥጋ እሙንቱ።