ኀበ ሰብአ ቈላስይስ 3இலிருந்து பிரபலமான வேதாகம வசனங்கள்

பகிர்

ጹርዎሙ ለቢጽክሙ ወተጻገዉ በበይናቲክሙ ኅድጉ ለቢጽክሙ ዘተሓየስክምዎሙ ከመ ክርስቶስ ጸገወክሙ ከማሁ አንትሙሂ ግበሩ።

ዘላዕሉ ኀልዩ ወአኮ ዘበምድር።

ተአምሩ ከመ እምኀበ እግዚአብሔር ትትዐሰዩ እስመ ለክርስቶስ ትትቀነዩ።

ልበስዎ እንከ ከመ ኅሩያነ እግዚአብሔር ቅዱሳን ወፍቁራን በምሕረት ወበተሣህሎ ወበኂሩት ወትሑት ልብ በየውሀት ወበትዕግሥት።

ወአንብቡ መዝሙረ ወስብሐተ ወማኅሌተ ቅድሳት ወቃለ እግዚአብሔር ይጽናዕ በኀቤክሙ ከመ ትብዐሉ በኵሉ ጥበብ ወመሀሩ ነፍሰክሙ ወገሥጹ በመንፈስ ዘምሩ ለእግዚአብሔር በልብክሙ። ወኵሎ ዘገበርክሙ በስመ እግዚእነ ኢየሱስ ክርስቶስ አእኵትዎ ለእግዚአብሔር አብ በእንቲኣሁ።

ወምስለ ዝንቱ ኵሉ ተፋቀሩ ዘልፈ እስመ ማእሰረ ተፍጻሜቱ ውእቱ።

ወእመሰ ተንሣእክሙ ምስለ ክርስቶስ ዘላዕሉ ኅሡ ኀበ ሀሎ ክርስቶስ በየማነ እግዚአብሔር ይነብር።

ወሰላሙ ለክርስቶስ ይጽናዕ በልብክሙ ዘሎቱ ተጸዋዕክሙ በአሐዱ ሥጋ ወሀልዉ በአኰቴተ ክርስቶስ።

አሙትዎ ለነፍስትክሙ ዘዲበ ምድር እምዝሙት ወርኵስ ወመንሱት ወፍትወት እኪት ወትዕግልት ዘውእቱ አምልኮ ጣዖት።

እስመ ወዳእክሙ ሞትክሙ ወኅብእት ሕይወትክሙ ምስለ ክርስቶስ በኀበ እግዚአብሔር።

ወይእዜሰ ኅድግዋ ለመዓት ወለቍጥዓ ወለእከይ ወለፅርፈት ወለነገረ ኀፍረት ወነገረ ከንቱ ኢይፃእ እምአፉክሙ።

ወኢተሐስዉ ቢጸክሙ ዳእሙ ኅድግዎ ለብሉይ ብእሲ ምስለ እኩይ ምግባሩ። ወልበስዎ ለሐዲስ ብእሲ ዘይትሔደስ በአእምሮ አምሳለ ፈጣሪሁ።

ዕደውኒ አፍቅሩ አንስቲያክሙ ወኢትግአዝዎን።

ውሉድኒ ተአዘዙ ለአዝማዲክሙ በኵሉ እስመ ከማሁ ርቱዕ ወይሠምር እግዚአብሔር።

ወአንስትኒ ተአዘዛ ለአምታቲክን ከመ ዘለእግዚአብሔር።