ኀበ ሰብአ ተሰሎንቄ 1 5இலிருந்து பிரபலமான வேதாகம வசனங்கள்

பகிர்

ተፈሥሑ በኵሉ ጊዜ ወጸልዩ ወትረ። አእኵትዎ ለእግዚአብሔር አብ በእንተ ኵሉ ግብር። እስመ ዝ ውእቱ ፈቃዱ ለእግዚአብሔር እምውስቴትክሙ በኢየሱስ ክርስቶስ።

ወእግዚአብሔር አምላከ ሰላም ይቀድስክሙ ፍጹመ ወያጥዒክሙ ነፍሰክሙ ወመንፈሰክሙ ወሥጋክሙ በንጽሕ እስከ ምጽአተ እግዚእነ ኢየሱስ ክርስቶስ። ወዘጸውዐክሙ ጻድቅ ውእቱ ይግበር ለክሙ ዘንተ።

ዑቁ ኢትግበሩ እኩየ ህየንተ እኪት አላ ተባደሩ ዘልፈ ለሠናይ በበይናቲክሙ ወለኵሉሂ።

ወይእዜኒ አስተፍሥሑ ቢጸክሙ በእንተዝ ወይሕንጽ አሐዱ አሐዱ ካልኦ ዘከመ ትገብሩ ዓዲ።

ወናስተቍዐክሙ አኀዊነ ገሥጽዎሙ ለዝሉፋን ናዝዝዎሙ ለኅዙናን ጹርዎሙ ለድኩማን ወተዐገሡ ላዕለ ኵሉ።

እስመ ኢረሰየነ እግዚአብሔር ለመንሱት ዘእንበለ ለሕይወት ወለመድኀኒት በእግዚእነ ኢየሱስ ክርስቶስ፤

እስመ ኵልክሙ ውሉደ ብርሃን አንትሙ ወውሉደ መዓልት ወኢኮንክሙ ውሉደ ሌሊት ወኢውሉደ ጽልመት።