PURA' 32இலிருந்து பிரபலமான வேதாகம வசனங்கள்

பகிர்

Kareb lun mula' ineh nginulat ni Musa mio macing rat luun pegkung, idi ideh nepamung ni Arun, kebaladeh, “Nganau' aceh akang luk miak nguyut nekai, ngaceku na kai kali' luk mangun kuan Musa luk nenguyut nekai remuat rat bang bawang Masir.”

Idi kebala Tuhan ni Musa, “Saget lemubed, ngaceku pupumu luk inuitmu rat bawang Masir, pangeh nenganau' sala' idi nengelegkan Negku. Nekini ideh pangeh lemubed ratnan luk pangeh bilaKu nedeh. Ideh pangeh nenganau' aceh anak sapi' luk inurai idi ideh sembayang neneh, idi ideh maré luk sabpen kuanneh, kebaladeh, ‘O lun Israil, ini allah muyuh luk pangeh nenguit nemuyuh remuat rat bang bawang Masir!’ ”

Idi Arun nenganau' aceh bubpun pa atun anak sapi' ineh, idi kebalaneh, “Pekak nebpa inan aceh irau rayeh kuan Tuhan!” Pekak kenebpa idi ideh nekulat uka-uka, idi ideh nemaré luk sabpen idi nenguit baré luk nguit pedo' teh. Idi ideh netudo kuman idi ngirup. Pangeh ineh idi ideh marot rot luk dat.

Idi pekak kenebpa Musa nepebala kuan pupu ini, “Muyuh ini pangeh nenganau' sala' luk rayeh. Iamo' nekini ui mudik pegkung amé' inan Tuhan. Kian miak ui ngalap pedo' ngaceku sala' muyuh ineh lek.”