Matayo 26இலிருந்து பிரபலமான வேதாகம வசனங்கள்

பகிர்

Laleń rembo mwiterevaa Iṛuva, amu mutavingwa mmakusaṛo a inunua. Nrima ufurie itomaa da, kake vvili ni llemwa.

Yesu kavaia: Nrima wakwa uwore unaari nnu, useere ifwa da. Kaań ia mulale rembo andu emwi nań.

Kaserika kinnya na kwa mbele kawa si na kisangu katereva Iṛuva eereraa: Vaava wakwa, kwakooya kivaa kwite ukiva lu kwaashaań. Kake kitave sheeli niń mfurie ndi, kive sheeli iwe kufurie.

Amu ilu llo usao lwakwa luvaa mma shiiya ya imwitanisa na Iṛuva. Lwiritwaa kiimba kya veengi vakooye itio mareko awo.

Nawo ili veelyaa shoonga, Yesu kaimboo nkate kaana Iṛuva kaufukyafukya kaavya vanalosho vamwi eevaiaa: Ngyeń kuliyeń! Uu ni vvili wakwa.

Numa kaimboo umbata kaana Iṛuva kavaniingya eevaiaa: Nwiń ini mu woose!

Kauya na kwa vaseṛo vamwi kavakooya vallala. Kaia Petiro: Nta mumakii ilala rembo andu emwi nań nta saa imwi ndi?

Kake namuia: Kuuka alli nkinwaa neeni minuye ii ya mfinyo ndi kumande nkonu ulya nndenwaa neeni minuye miiya ifo umangiń lwa Vaava wakwa.

Io Petiro kakumbua kirero kilya kya Yesu eemwiaa: Kitaare nguku ya shawu yamaa iikoṛo, kushikanaa kararu. Kasomuka wooṛo ya muṛi kaiya kutu na unaari unini.

Kwimbooń teende, amu ulya andeshiṛiinga ansha kufui.

Na Yesu kamwia: wiiṛa shombo yafo kiboń! Amu woose vawaa na shombo nawo vawalwaa na shombo.