Alo 2இலிருந்து பிரபலமான வேதாகம வசனங்கள்

Mũndũ we, yĩla ũũsilĩla andũ ala mekaa maũndũ asu na ũimeka we mwene, wĩona ta ũkavonoka ũsilĩlo wa Ngai? Kana we ko wosaa ũseo wa Ngai na tei wake vamwe na wũmĩĩsyo wake oou ta kĩndũ kya mana? We no ũũmanya kana kĩtumi kya ũseo ũsu wa Ngai nĩ kana eenda wĩlile kwondũ wa naĩ syaku?

We mũndũ ũla ũsilĩlaa andũ ala angĩ, ndwĩ na ũndũ wa kwĩlingya o na ethĩwa nue ũũ, nũndũ yĩla ũũsilĩla andũ ala angĩ na ũyĩka maũndũ o asu mo mekwĩka, wĩthĩawa ũyĩsilĩla we mwene.

Nũndũ Ngai ti mwendeasya wa andũ.

Andũ mayĩthĩawa me alũngalu methonĩ ma Ngai nũndũ wa kwĩthukĩĩsya Mĩao, ĩndĩ matalawa kwĩthĩwa me alũngalu nũndũ wa kwĩka ũndũ Mĩao ĩkwasya.

Nũndũ akatuva kĩla mũndũ kwĩanana na meko make.

Namo ala maatĩĩaa mawendi moo ene, na maleaa kũatĩĩa ũla w'o na kũatĩĩa ũla ũthũku, asu makakwatwa nĩ ũthatu na woo wa Ngai.

Ĩndĩ yu nũndũ wa wũmũ waku wa ngoo, na kũlea kwĩlila kwondũ wa naĩ syaku, ũendee na kũneneveesya ũkany'o waku mũthenyanĩ ũla Ngai ũkavuany'a ũthatu wake na kũsilĩla andũ kwa ũw'o.