तोलिङ्‌सोमु 32இலிருந்து பிரபலமான வேதாகம வசனங்கள்

பகிர்

खे़न् मनाःल्‍ले़ खुने़ॽ मे़त्तु, “आल्‍ल खे़ने़ॽ के़मिङ् याकुब मेःन् कर इस्राइल पोङ्, थेआङ्‌भे़ल्‍ले़ खे़ने़ॽ निङ्‌वाॽफुमाङ्‌ङिन्‍नु हे़क्‍क्‍याङ् मे़न्‍छाम् याप्‍मिहाॽनु के़धक्‍ते़आङ् के़नाःन्‍दुरो॥”

खे़ब्‍याङ् खे़न् मनाःल्‍ले़ मे़त्तु, “खाओःप्‍मा चोक्, आङ्‌गाॽ पेःक्‍मा पाङ्‌घाङ्‌ङे़ॽ॥” कर याकुबरे़ नुगप् पिरु, “आङ्‌गाॽ मुॽइसाम् के़म्‍बिआन्‍ल थारिक् मे़ले़त्‍ने़न्॥”

अक्‍खेलॽरिक् याकुबे़न् एःक् याःक्‍ते़॥ हे़क्‍क्‍याङ् लत्‍छा मनाधिक् खामे़न्‍ओःत्ते थारिक् खुने़ॽनु चुङे़॥

खे़ल्‍ले़चोगुल्‍ले़ याकुबरे़ खे़न् ते़न्‍निन् पनिएल मिङ् वाःत्तु, थेआङ्‌भे़ल्‍ले़ “निङ्‌वाॽफुमाङ्‌ङिन् निसुङ्‌ङाङ्‌साङ् आङ्‌गाॽ कुहिङ्‌वे़त्ते वाॽआरो” लॽरिक् खुने़ॽ पाःत्तु॥

खे़न् मनाःल्‍ले़ याकुबे़न् नाःम्‍मा मे़सुक्‍तुम्‍बा निसुआङ् खे़ल्‍ले़ याकुबरे़ कुलाङ्‌भिःप्‍मे़न् सुसु पिरु, खे़ल्‍ले़चोगुल्‍ले़ खे़न् मनाःन्‍नु चुङे़ल्‍ले़ याकुबरे़ कुलाङ्‌ङिन् लिघे़ॽ ले़न्‍दे़॥

खे़न् मनाःल्‍ले़ मे़त्तु, “के़मिङ् थेग?” खुने़ॽ नुगप् पिरु, “याकुब॥”

खे़ब्‍याङ् याकुबे़ल्‍ले़ खे़न् सेःन्‍लाप्‍तु, “आङ्‌गाॽ पेलि फाक्‍ने़, के़मिङ् थेग? मे़त्ताङ्‌ङे़ॽ॥” कर खे़ल्‍ले़ मे़त्तु, “थेआङ् आमिङ् से़ःन्‍गे़दोआबे?” खे़ब्‍याङ् याकुबे़न् मुॽइसाम् पिरु॥

खे़ने़ॽ के़से़वारोबान् उसेःन्‍धाङ् के़जोगुबा लुङ्‌माॽ तुक्‍मे़न् नु नसाःन्‍साबा पोङ्‌मा पाःन्‍ने़न् आङ्‌गाॽ मिसाक्‍काङ् मे़लाॽआन्‍लो॥ थेआङ्‌भे़ल्‍ले़ आङ्‌गाॽ यर्दन यङ्‌घङ्‌ङिन् काःक्‍तुङ्‌ङाङ् फे़राङ्‌ङिल्‍ले़ लत्‍छा तक्‍कात् थिक्‍लक् फे़त्तुङ्‌ङाङ् वये़॥ कर आल्‍लो कुलुप् ने़त्‍छि हिम्‍सयङ् नु कम्‍भ्‍यारिक् यरिक् थक्‍साहाॽ कत्तुङ्‌सिङ्‌ॽ॥

खे़न् मनाःल्‍ले़ याकुबरे़ कुलाङ्‌भिःप्‍मो सुसु पिरु खे़ल्‍ले़चोगुल्‍ले़ आल्‍लो थारिक्‍साङ् इस्राइलिहाॽरे़ सालाङ्‌भिःप्‍मोबा सान् मे़न्‍जने़ल्‍लो॥

खे़ब्‍याङ् याकुबे़ल्‍ले़ पेलिगे़न् तुवा चोगु, “आन्‍धे़बा अब्राहाम्‍मिल्‍ले़ कुनिङ्‌वाॽफुमाङ्, आम्‍बा इसहाक्‍के़ल्‍ले़ कुनिङ्‌वाॽफुमाङ्, यहवे दाङ्‌बाए, ‘खे़ने़ॽ आबाङे के़लाजेॽओ हे़क्‍क्‍याङ् के़गाॽइहाॽओ नुःक्‍खे़ पेगे़ॽओ, हे़क्‍क्‍याङ् आङ्‌गाॽ नुरिक् मे़त्‍ने़रो’ के़मे़त्ताङ्‌ङाङ् वये़॥

आङ्‌गाॽ पेलि फाक्‍ने़रो, आम्‍भुॽ एसाबरे़ कुहुक्‍कोलाम् आङ्‌गाॽ से़ःप्‍ताङ्‌ङे़ॽओ, थेआङ्‌भे़ल्‍ले़ आनिगे कुम्‍मा कुस्‍साहाॽआङ् के़रे़क् से़रिगे़बि फाॽआङ् आङ्‌गाॽ खुने़ॽनु किआरो॥