Maatosa 7இலிருந்து பிரபலமான வேதாகம வசனங்கள்

பகிர்

“Woossite hintew imetana, koyite hinte demmana, kare yidi xeegite hintew dooyetana.

Woossiya oodeska imetana, koyiya oodeska bentana, kare yidi xeegiya oodeska dooyetenna.

“Hiza, ha ta qaala si7idi oothiya oonika ba keethaa shucha bolla keexida wozanaama asa mela.

Harati hintew oothana mela hinte koyaba ubbaa hinteka haratas oothite. Ayis giiko, Muse higgeynne nabeti tamaarsey haysa.

Shin de7uwako efiya ogeynne wulay xuunthu; yaa geliya asayka guutha.

“Xuuntha wulara gelite; ayis giiko, dhayos efiya ogey wogga, wulayka dalga. Iyara geliya asayka daro.

Yaatin hinte iita gidishe hinte naytas lo77oba imo eriko, hinte salo aaway bana woosseysatas lo77oba waati darsidi immenee?

“Hinte bolla pirdetonna mela harata bolla pirdofite. Ayis giiko, harata bolla hinte pirdeysada hinte bolla pirdetana; hinte haratas makidaban hintew zaari maketana.

Ha ta qaala si7idi oothonna oonika ba keethaa shafe bolla keexida eeya uraa mela.

Ne ayfen de7iya tuussu daaneysa be7onna ne ishaa ayfen de7iya buuriya ayis be7ay? Ne ayfen tuussi de7ishin ne ishaa ayfen de7iya buuriya kesso gaanaw waana danda7ay?

“Bolla baggara dorse daanidi banta gaathan suudhume gididi hinte giddo geliya wordancho nabetape naagetite. Hinte enta, enta ayfiyape erana; agunthafe woyney, kinchotepe laadey maxetenna.

Hessa mela lo77o mithi ubbay lo77o ayfe ayfees; iita mithi iita ayfe ayfees.

Lo77o mithi iita ayfe ayfena, qassi iita mithi lo77o ayfe ayfanaw danda7enna.

Lo77o ayfe ayfonna mithi ubbay qanxetidi taman xuugetana.