Матфейица бицараб Рохалил хабар 18இலிருந்து பிரபலமான வேதாகம வசனங்கள்

பகிர்

Щай абуни, дир цӏаралъе гӏоло кӏиго яги лъабго чи данделъани, гьезда гьоркьов дунги вукӏуна.

Цоги абулеб буго дица нужеда: нужер кӏигояв рекъон дуниялалда нужеца щиб гьараниги, Зобалазда вугев дир Инсуца тӏубазабила гьеб.

Гӏисаца, аскӏобе ахӏун, цо лъимер гьезда гьоркьоб эхетизабуна. Гьес абуна: – Хӏакълъун абулеб буго дица нужеда: гӏакълу-пикру хисичӏони ва лъимал гӏадин лъугьинчӏони, Зобалазул Парччахӏлъиялде лъугьинаро нуж киданиги.

Живго гьитӏинлъизавурав ва гьеб лъимер гӏадин лъугьарав чи бищунго кӏудиявлъун вукӏине вуго Зобалазул Парччахӏлъиялда.

Цо гьадинаб лъимер, дие гӏоло, лъицаниги къабул гьабуни, гьеб бащалъизе буго дун къабул гьавиялда.

Хӏакълъун абулеб буго дица нужеда: ракьалда нужеца гьукъарабщинаб зобалаздаги гьукъила. Ракьалда нужеца изну кьурабщиналъе зобалаздаги изну кьела.

Гьедин гьабила нужееги Зобалазда вугев дир Инсуца, нужер щивав чи ракӏ-ракӏалъго вацасда тӏасалъугьинчӏони.

Амма диде иман лъуразда гьоркьоса цониги лъимер гӏадинав пулан мунагьалде цӏалев чиясде балагь бачӏина. Гьесие лъикӏаб букӏинаан, гьобоги горбода бухьун, гъваридаб ралъдалъ гъанкъизавуни.

Кин нужеда ракӏалде кколеб: масала, цо пуланав чиясул буго нусго чахъу. Гьезул цояб билани, доб ункъоялда анцӏила ичӏабгоги магӏарда тун, гьеб билараб чахъу балагьизе инарищ гьев?