ROMANIK 14இலிருந்து பிரபலமான வேதாகம வசனங்கள்

பகிர்

amu laitornatetap Kamuktaindet koma amisyet ak eeiset, ago imanda ak kaalyeet ak poiboiyet eng' Kabuuset ne Tiliil. Amu ineendet ne otei Kristo eng' tuguuchuuto koboiboi Kamuktaindet, ak koyanjin piik.

Amu ngesaptosi, kesaptosi eng' Kiptaiyat, ak ngebegu, kebegu eng' Kiptaiyat: nooto anyun, ngesaptosi anan ngebegu, kebo Kiptaiyat.

Nooto anyun, ongisup tuguuk che yaei kaalyeet, ak tuguuk che kiteegegei acheegei eng' acheegei.

Nooto anyun, amat kota kirwookyigei kogeny: ago kaigai orwooch ko uu ni keele amat konde chii kanagut ooreetap ne tupcho, anan kiy ne igoochin kobut.

Amu ki kisir keele, “Ko uu ye asabe, Mwaei Kiptaiyat, ko tuun kutung'jino kutundo age tugul, ak kolas ng'elyepta age tugul Kamuktaindet.” Nooto anyun, tuun tetyin chii age tugul Kamuktaindet atebeennyi.

Ago otaach ineendet ne nyalulat eng' kayaneet, ago ma si orwookyi kabwaatutikyik.

Ii ng'oo inyee ne irwookyini otwogindetap chiito age? Tononi anan kobuti eng' kiptaiyandennyi. Ee, kinamei kotonon; amu imuuchi Kiptaiyat konam ineendet kotonon.