Mazatec, Chiquihuitlán: Compromisu xi majo xi casahmi nina cojo xuta New Testament

© 1991, Wycliffe Bible Translators, Inc.
℗ 1989/1993 Wycliffe

Compromisu xi majo xi casahmi nina cojo xuta

<div class="version vid735 iso6393maq" data-vid="735" data-iso6393="maq">
 <div class="book bkMRK">
 <div class="chapter ch13" data-usfm="MRK.13">
 <div class="label">13</div><div class="s">Jes&#250;s ne, chja me ta yungun xi matitjun ne, cuetsunya</div><div class="p"> 1Hya xi cam&#225; ne, hora xi tivetju Jes&#250;s ts&#235;h&#235; ndatsen yungun xi matitjun jan cojo cha ladu r&#235; me ne, ngajan xi chja nga cha ladu r&#235; me jan cojo r&#235; me cuitjin:</div><div class="p">&#8213;&#8205;Maestro, chutsujun ndyojo xi texo yungun vihi ta tjercu tu ndacun camahani. Hacuaha ndihya ts&#235;h&#235; ne, jercu tu cun camahani.</div><div class="p"> 2Ngajan xi chja Jes&#250;s cojo cha cuitjin:</div><div class="p">&#8213;&#8205;Sacuaha ndihya ndacun xi chutsujun ne, cuechu nixtin xi hisca xi ngu ndyojo vi ne, tsajin hinchasuncoo xicjin ta, cju&#235; y&#235;j&#235; cuixujne.</div><div class="s">Hacutjin cum&#225; hya xi cju&#235; ngasunhnd&#235;</div><div class="p"> 3Caf&#235; cachja me cuitjin ne, sehe cavetju me quiji me cojo cha ladu r&#235; me, cafehe me ti&#241;a rcu Naxi Olivu, quixi r&#235; tingotjo yungun xi matitjun jan. Hane xi quijixin me cojo cha Pedru cojo cha Jacobo cojo cha Juan cojo cha Andr&#233;s, sehe cavinenguise cha me cuitjin:</div><div class="p"> 4&#8213;&#8205;&#191;Janihya cuetjucaa xcusun v&#235;h&#235; xi can&#250;jun?</div><div class="p"> 5Ngajan xi cachja Jes&#250;s cojo cha cuitjin:</div><div class="p">&#8213;&#8205;Nechun cuidadu cojo sa xi hacuiin cuma ndacha ngayun ta, 6ts&#235;h&#235; xi jemu cj&#237;n xuta cjuehe me xi cuichja me cueyanangui me &#241;ihi naha cuichja me xi hacui me xi Cristu me. Hane cuatjin jemu cj&#237;n xuta cumacjain r&#235; me cjuandacha r&#235; me xi cuacun v&#235;.</div><div class="p"> 7&#8217;Hacuaha hya xi cumachaya nuju cjua xi jemu yehe si tijima ne o s&#225; xi tjin cjuacjintacun ta jemu yehe si nduva ne, hacuiin cumacjintacun ta ha tuxa cuatjin cuma. Peru hacuiin ha hya cju&#235; nixtin r&#235; ngasunhnd&#235; vihi. 8Xuta nandya scaan cojo xuta xi hacjahi. Ngu naci&#243;n cojo ngu nga ne, scaan. Hacuaha cj&#237;n cahnd&#235;&#769; xi cjuani nangui. Hacuaha cj&#237;n cahnd&#235;&#769; ne, cuma jindya. Cuatjin cum&#225; xi cuetsihin cjua&#241;ihi xi cuatju xuta.</div><div class="p"> 9&#8217;Nechun cuidadu ta, cuechu nixtin xi xuta nandya ne, cjue cani nuju me xcun xutaxa r&#235; yungun ne, hacuaha cuaja nuju me. Hacuaha tjin nuju xi cuangun xcun xutaxa r&#235; ndihyavasen cojo xcun gobernador ngats&#235; r&#235; xi macjain nuju ngahan. Hane ngajan ninguixun y&#235;j&#235; cjua hacutjin cavicuy&#225; nuju. 10Peru chaja sa xi cju&#235; ngasunhnd&#235; ne, meje r&#235; xi cuichja xuta ladu naha cjua r&#235; Nina jingujy&#235; ni nandya ts&#235;h&#235; ngasunhnd&#235;. 11Hora xi cjui chani nuju xcun xutaxa r&#235; ne, hacuiin cumacjintacun ts&#235;h&#235; cjua xi cuin&#250;jun jan ta, Hasen r&#235; Nina ne, scuxaha cjuatacun nuju hora v&#235;h&#235; hacutjin cuin&#250;jun. Hacuaha v&#235;h&#235; ni cuin&#250;jun ta ts&#235;h&#235; xi hacuiin cjuatacun nuju xi cuin&#250;jun ta cjuatacun r&#235; Nina xi sua nuju Hasen r&#235; Nina. 12Xuta nandya ne, cuinchajy&#235; me hnts&#235; me, cuinchajy&#235; me xutacha r&#235; me, hacuaha cuinchajy&#235; me quihndi r&#235; me, cojo sa xi xutaxa r&#235; ne, cjuaha me xuta xi cuacun v&#235; ne, tsiquehen me. 13Hane y&#235;j&#235; xuta ne, choho scu&#235;&#235; nuju me ngats&#235; naha. Peru jar&#235; ngayun xi scaa nuju cojo cjuacjintacun v&#235;h&#235; hisca xi cueyun ne, cuechun xcun Nina. &#8213;&#8205;Cuatjin cachja Jes&#250;s.</div><div class="s">Cjuacjintacun jy&#235; xi cuma</div><div class="p"> 14&#8217;Yo xi scutaya cjua xi sehe nduva vi ne, meje r&#235; xi ndaja catetaharcun. Tjin xcusun xi tsinguetsun r&#235; cahntsua yungun xi matitjun. Hane hya xi cjuehe ngu xcusun xi cuacun v&#235; hiscan xi ndajintjin xi cjuehe ne, y&#235;j&#235; ni xuta xi siu ladu ts&#235;h&#235; distritu Judea nixtin hya ne, ngutjen ni catangahma me hiscan ndetjun. 15Hacuaha jar&#235; me xi hinchasun rcu ndava xi cuitujne me, hacuiin cuijne me xi cuisehen me cahntsua ndihya cjuaha me m&#233; ts&#235;h&#235; me xi cjuaha me. 16Hacuaha yo xi hinchataha me nguij&#241;a ne, mij&#237; r&#235; xi cuya cjue me ndava me xi cjuejaha ndastu tsjanga r&#235;. 17Jemu chojyihi ts&#235;h&#235; y&#235;j&#235; ni yachjin xi hinchahma quihndi r&#235; cojo y&#235;j&#235; me xi tjin r&#235; quihndi vaqui ne nixtin hya. 18Chjahyun r&#235; Nina xi cjua&#241;ihi v&#235;h&#235; ne, hacuiin cuinduva nixtin chan hnchan ta, 19cjua&#241;ihi xi cuma ne, ngu cjua&#241;ihi jy&#235; xi cj&#235;&#235; camahani cum&#225; hisca ntsacu cavetsihin ngasunhnd&#235; hacuaha cuyaain cuatjin cuma. 20S&#225; xi jemu cj&#237;n nixtin cjuecani r&#235; cjua&#241;ihi v&#235;h&#235; ne, hisca ngu xuta ne, cuetjintjiin me. Peru ngats&#235; r&#235; cjuahmutacun xi tjin r&#235; Nina cojo xuta xi cavaxijin me xi cum&#225; me ladu r&#235; me ne, sahmichuva me nixtin v&#235;h&#235;.</div><div class="p"> 21&#8217;Nixtin v&#235;h&#235; ne, s&#225; xi yo xi cuichja cojo nuju xi ngajan o s&#225; xi nguehe tacun me xi m&#225; Cristu, xi camacjaain nuju ta quixiin xi chja me. 22Ngujo xuta vindacha ne, cuichja me ta: &#8220;Ngahan xi Cristu xi cumatitjun ngahan tsujun.&#8221; Ngujo nga me ne, cuichja me ta: &#8220;Ngahan xi chj&#225; cjua r&#235; Nina.&#8221; Peru vindacha ni me, quixiin cjua xi cuichja me. Hacuaha sahmi me xcusun sacuaha cjuarcun, ts&#235;h&#235; xi hisca cojo xuta xi cavaxijin Nina meje cuindacha me. 23Nechun cuidadu ta cojo chaja sa xi cuechu nixtin v&#235;h&#235; ne, ngahan ne, ha casua camachaya nuju xi cuatju v&#235;.</div><div class="s">Xi cuya nga Jes&#250;s ne, cumatsejen hasen r&#235; ngah&#241;u r&#235; me</div><div class="p"> 24&#8217;Xi cuatjun nixtin ts&#235;h&#235; cjua&#241;ihi jan ne, cuinduva nixtin xi cju&#235; ndav&#225; r&#235; tsuhi. S&#225; ne, hacuaha ha quihnd&#235; suaain ndav&#225; r&#235;. 25Hane ni&#241;u ne, cuixu ts&#235;h&#235; ngahnga. Hisca ngah&#241;u xi yaha ngahnga ne, cjuiniyaya. 26Xcun cjuacjintacun v&#235;h&#235; ne, scu&#235;&#235; xuta xi ngahan, Quihndi r&#235; Xuta Jain, cuinduv&#225; ngaj&#241;i r&#235; yuf&#237; cojo jemu jy&#235; ngah&#241;u hisca seti tsejen ngahan xi nduv&#225;. 27Hya ne, tsing&#225;tju &#225;ngel naha y&#235;j&#235; ni ladu ts&#235;h&#235; ngasunhnd&#235;, cjuejaha r&#235; y&#235;j&#235; xuta naha xi cavaxejen, sahmi tangun r&#235; hiscan tej&#241;a.</div><div class="p"> 28&#8217;Quihnd&#235; ne, cuetaharcun ngujo cjua ts&#235;h&#235; yaxujun xi chine t&#250; r&#235;. Hya xi cuetsihin cum&#225; xcuen tsja r&#235; yaxujun jan ts&#235;h&#235; xi cuetsihin cuetjusehen ne, ngayun ne ha hyun ta ha jemu camati&#241;a chan tsi. 29Hacuaha xi cjuehe cjua&#241;ihi xi cachj&#225; cojo nuju ne, v&#235;h&#235; sua cumachaya nuju ta ha ti&#241;a tacun xi cju&#235; ngasunhnd&#235;, hisca meje cum&#225;. 30Cuichj&#225; cjuaquixi cojo nuju ta xuta xi siu quihnd&#235; ne, siu cuaha me hya xi cuetjucaa xcusun xi cachj&#225; cojo nuju. 31Cuechu nixtin xi cju&#235; nangui, cju&#235; ngahnga. Peru cjua naha ne, tsajin nixtin xi cju&#235;.</div><div class="p"> 32&#8217;Sacuaha nixtin xi cuetjucaa cjuatacun v&#235;h&#235; ne, tsajin yo v&#235;&#235; r&#235; janihya cuetjucaa. Hisca hv&#237;in &#225;ngel xi siu ngahnga. Hisca hveen ngahan xi Quihndi r&#235; Nina. Suva ni Nina ngu tutu nahmi naja ne, me v&#235;h&#235; xi v&#235;&#235; me janihya cum&#225;.</div><div class="p"> 33&#8217;V&#235;h&#235; xi nechun cuidadu, hacuaha ningascun r&#235; hits&#235; cjuatacun nuju ta, ngayun ne, hyuun janihya xi cjuehe Nai nuju. V&#235;h&#235; xi chj&#225; cojo nuju ta ningascun r&#235; hits&#235; cjuatacun nuju ta ngayun ne, hyuun janihya c&#250;ya, &#191;h&#225; j&#241;u ne?, &#191;h&#225; &#241;ah&#241;u cju&#235;h&#235;? 34Ngahan ne, sacuaha ngu xuta xi cuetju cjue ngu nangui cjin. Chaja sa xi cuetjun me ts&#235;h&#235; ndava me, cuichja me cojo mosu r&#235; me m&#233; xa sahmi jimangu mosu. Hacuaha cuitexa ngu mosu xi cuahacuenda tingotjo ndava me. Cuatjin sahme. 35V&#235;h&#235; xi chj&#225; cojo nuju ta ningascun r&#235; hits&#235; cjuatacun nuju ta ngayun ne, hyuun janihya c&#250;ya, &#191;h&#225; j&#241;u ne, h&#225; nixten ne, h&#225; ti&#241;a sahasen, o sa sahasen camahani c&#250;ya? Sa xi &#241;ah&#241;u cju&#235;h&#235; hane tsajin tjin chjine ngayun. 36Cuidadu s&#225; xi ngu &#241;ah&#241;u nduv&#225; hane ngayun ne, tsajin tjin chine ngayun. 37Xi chj&#225; cojo nuju ne, ha cuanitjin ni chj&#225; cojo y&#235;j&#235; ni xuta: Meje r&#235; xi catitsingasca me hits&#235; cjuatacun r&#235; me. &#8213;&#8205;Cuatjin cachja Jes&#250;s.</div>
 </div>
 </div>
</div>

Hya xi camá ne, hora xi tivetju Jesús tsëhë ndatsen yungun xi matitjun jan cojo cha ladu rë me ne, ngajan xi chja nga cha ladu rë me jan cojo rë me cuitjin:
―‍Maestro, chutsujun ndyojo xi texo yungun vihi ta tjercu tu ndacun camahani. Hacuaha ndihya tsëhë ne, jercu tu cun camahani.
Ngajan xi chja Jesús cojo cha cuitjin:
―‍Sacuaha ndihya ndacun xi chutsujun ne, cuechu nixtin xi hisca xi ngu ndyojo vi ne, tsajin hinchasuncoo xicjin ta, cjuë yëjë cuixujne.

Cafë cachja me cuitjin ne, sehe cavetju me quiji me cojo cha ladu rë me, cafehe me tiña rcu Naxi Olivu, quixi rë tingotjo yungun xi matitjun jan. Hane xi quijixin me cojo cha Pedru cojo cha Jacobo cojo cha Juan cojo cha Andrés, sehe cavinenguise cha me cuitjin:
―‍¿Janihya cuetjucaa xcusun vëhë xi canújun?
Ngajan xi cachja Jesús cojo cha cuitjin:
―‍Nechun cuidadu cojo sa xi hacuiin cuma ndacha ngayun ta, tsëhë xi jemu cjín xuta cjuehe me xi cuichja me cueyanangui me ñihi naha cuichja me xi hacui me xi Cristu me. Hane cuatjin jemu cjín xuta cumacjain rë me cjuandacha rë me xi cuacun vë.
’Hacuaha hya xi cumachaya nuju cjua xi jemu yehe si tijima ne o sá xi tjin cjuacjintacun ta jemu yehe si nduva ne, hacuiin cumacjintacun ta ha tuxa cuatjin cuma. Peru hacuiin ha hya cjuë nixtin rë ngasunhndë vihi. Xuta nandya scaan cojo xuta xi hacjahi. Ngu nación cojo ngu nga ne, scaan. Hacuaha cjín cahndë́ xi cjuani nangui. Hacuaha cjín cahndë́ ne, cuma jindya. Cuatjin cumá xi cuetsihin cjuañihi xi cuatju xuta.
’Nechun cuidadu ta, cuechu nixtin xi xuta nandya ne, cjue cani nuju me xcun xutaxa rë yungun ne, hacuaha cuaja nuju me. Hacuaha tjin nuju xi cuangun xcun xutaxa rë ndihyavasen cojo xcun gobernador ngatsë rë xi macjain nuju ngahan. Hane ngajan ninguixun yëjë cjua hacutjin cavicuyá nuju. Peru chaja sa xi cjuë ngasunhndë ne, meje rë xi cuichja xuta ladu naha cjua rë Nina jingujyë ni nandya tsëhë ngasunhndë. Hora xi cjui chani nuju xcun xutaxa rë ne, hacuiin cumacjintacun tsëhë cjua xi cuinújun jan ta, Hasen rë Nina ne, scuxaha cjuatacun nuju hora vëhë hacutjin cuinújun. Hacuaha vëhë ni cuinújun ta tsëhë xi hacuiin cjuatacun nuju xi cuinújun ta cjuatacun rë Nina xi sua nuju Hasen rë Nina. Xuta nandya ne, cuinchajyë me hntsë me, cuinchajyë me xutacha rë me, hacuaha cuinchajyë me quihndi rë me, cojo sa xi xutaxa rë ne, cjuaha me xuta xi cuacun vë ne, tsiquehen me. Hane yëjë xuta ne, choho scuëë nuju me ngatsë naha. Peru jarë ngayun xi scaa nuju cojo cjuacjintacun vëhë hisca xi cueyun ne, cuechun xcun Nina. ―‍Cuatjin cachja Jesús.

’Yo xi scutaya cjua xi sehe nduva vi ne, meje rë xi ndaja catetaharcun. Tjin xcusun xi tsinguetsun rë cahntsua yungun xi matitjun. Hane hya xi cjuehe ngu xcusun xi cuacun vë hiscan xi ndajintjin xi cjuehe ne, yëjë ni xuta xi siu ladu tsëhë distritu Judea nixtin hya ne, ngutjen ni catangahma me hiscan ndetjun. Hacuaha jarë me xi hinchasun rcu ndava xi cuitujne me, hacuiin cuijne me xi cuisehen me cahntsua ndihya cjuaha me mé tsëhë me xi cjuaha me. Hacuaha yo xi hinchataha me nguijña ne, mijí rë xi cuya cjue me ndava me xi cjuejaha ndastu tsjanga rë. Jemu chojyihi tsëhë yëjë ni yachjin xi hinchahma quihndi rë cojo yëjë me xi tjin rë quihndi vaqui ne nixtin hya. Chjahyun rë Nina xi cjuañihi vëhë ne, hacuiin cuinduva nixtin chan hnchan ta, cjuañihi xi cuma ne, ngu cjuañihi jyë xi cjëë camahani cumá hisca ntsacu cavetsihin ngasunhndë hacuaha cuyaain cuatjin cuma. Sá xi jemu cjín nixtin cjuecani rë cjuañihi vëhë ne, hisca ngu xuta ne, cuetjintjiin me. Peru ngatsë rë cjuahmutacun xi tjin rë Nina cojo xuta xi cavaxijin me xi cumá me ladu rë me ne, sahmichuva me nixtin vëhë.
’Nixtin vëhë ne, sá xi yo xi cuichja cojo nuju xi ngajan o sá xi nguehe tacun me xi má Cristu, xi camacjaain nuju ta quixiin xi chja me. Ngujo xuta vindacha ne, cuichja me ta: “Ngahan xi Cristu xi cumatitjun ngahan tsujun.” Ngujo nga me ne, cuichja me ta: “Ngahan xi chjá cjua rë Nina.” Peru vindacha ni me, quixiin cjua xi cuichja me. Hacuaha sahmi me xcusun sacuaha cjuarcun, tsëhë xi hisca cojo xuta xi cavaxijin Nina meje cuindacha me. Nechun cuidadu ta cojo chaja sa xi cuechu nixtin vëhë ne, ngahan ne, ha casua camachaya nuju xi cuatju vë.

’Xi cuatjun nixtin tsëhë cjuañihi jan ne, cuinduva nixtin xi cjuë ndavá rë tsuhi. Sá ne, hacuaha ha quihndë suaain ndavá rë. Hane niñu ne, cuixu tsëhë ngahnga. Hisca ngahñu xi yaha ngahnga ne, cjuiniyaya. Xcun cjuacjintacun vëhë ne, scuëë xuta xi ngahan, Quihndi rë Xuta Jain, cuinduvá ngajñi rë yufí cojo jemu jyë ngahñu hisca seti tsejen ngahan xi nduvá. Hya ne, tsingátju ángel naha yëjë ni ladu tsëhë ngasunhndë, cjuejaha rë yëjë xuta naha xi cavaxejen, sahmi tangun rë hiscan tejña.
’Quihndë ne, cuetaharcun ngujo cjua tsëhë yaxujun xi chine tú rë. Hya xi cuetsihin cumá xcuen tsja rë yaxujun jan tsëhë xi cuetsihin cuetjusehen ne, ngayun ne ha hyun ta ha jemu camatiña chan tsi. Hacuaha xi cjuehe cjuañihi xi cachjá cojo nuju ne, vëhë sua cumachaya nuju ta ha tiña tacun xi cjuë ngasunhndë, hisca meje cumá. Cuichjá cjuaquixi cojo nuju ta xuta xi siu quihndë ne, siu cuaha me hya xi cuetjucaa xcusun xi cachjá cojo nuju. Cuechu nixtin xi cjuë nangui, cjuë ngahnga. Peru cjua naha ne, tsajin nixtin xi cjuë.
’Sacuaha nixtin xi cuetjucaa cjuatacun vëhë ne, tsajin yo vëë rë janihya cuetjucaa. Hisca hvíin ángel xi siu ngahnga. Hisca hveen ngahan xi Quihndi rë Nina. Suva ni Nina ngu tutu nahmi naja ne, me vëhë xi vëë me janihya cumá.
’Vëhë xi nechun cuidadu, hacuaha ningascun rë hitsë cjuatacun nuju ta, ngayun ne, hyuun janihya xi cjuehe Nai nuju. Vëhë xi chjá cojo nuju ta ningascun rë hitsë cjuatacun nuju ta ngayun ne, hyuun janihya cúya, ¿há jñu ne?, ¿há ñahñu cjuëhë? Ngahan ne, sacuaha ngu xuta xi cuetju cjue ngu nangui cjin. Chaja sa xi cuetjun me tsëhë ndava me, cuichja me cojo mosu rë me mé xa sahmi jimangu mosu. Hacuaha cuitexa ngu mosu xi cuahacuenda tingotjo ndava me. Cuatjin sahme. Vëhë xi chjá cojo nuju ta ningascun rë hitsë cjuatacun nuju ta ngayun ne, hyuun janihya cúya, ¿há jñu ne, há nixten ne, há tiña sahasen, o sa sahasen camahani cúya? Sa xi ñahñu cjuëhë hane tsajin tjin chjine ngayun. Cuidadu sá xi ngu ñahñu nduvá hane ngayun ne, tsajin tjin chine ngayun. Xi chjá cojo nuju ne, ha cuanitjin ni chjá cojo yëjë ni xuta: Meje rë xi catitsingasca me hitsë cjuatacun rë me. ―‍Cuatjin cachja Jesús.

கேளுங்கள் San Marcos 13