<div class="version vid433 iso6393miq" data-vid="433" data-iso6393="miq">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Bamna baku kasbrika pura bara tasba aiska ba bara diara nani baha bilara kan ba sut pat paski tnata alkan kata. 2G&#226;d ai warkka nani daukan ba yu 7 kat paski tnata alkan, bara ris brin.#Imp St 20.11; Hib 4.4,10. 3Bara G&#226;d bui witin yu 7 wark daukan yua ba holikira kulkata, kan baha yua ba witin ris brin ai warkka aiska paskan ba wina#Imp St 20.11.. 4Naha sika kasbrika pura bara tasba ba sin paskan sturka ba.</div><div class="s1">Upla ba Eden giadinka ra</div><div class="p">Dawan G&#226;d bui tasba bara kasbrika pura ba sin paskan piua ra, 5tasba ra kau inma nani sin p&#226;wi takras kan, insla namya nani sut sin kau p&#226;wras kata, kan l&#238; ba sin Dawan G&#226;d mita kau yan tasba purara auhras kan bamna, bara upla sin kau &#226;pu kan tasba ra insla daukaia. 6Ban sakuna, tasba wina l&#238; laiwi kan, bara baku sika tasba aiska ra l&#238; buski kan ba. 7Bamna Dawan G&#226;d bui upla ba#2.7 Hibru ulbanka ra ulban sa adam, baha t&#226;nka ba upla. Bara kli wisa adam&#225;, baha t&#226;nka ba, tasba. Sakuna upla ba sin Adam 4.25 ra baku t&#226;nka ba ban auya. tasba yuya pali wina paskan, bara raya kaia payaska ba kakma unta nani ra puhbi dingkan. Baku sika upla ba ai rayaka mahka brin.</div><div class="p"> 8Bara Dawan G&#226;d bui dus m&#226; nani giadinka kumi mangkan Eden lalma tani ra, bara witin bui upla paskata ba bahara swin. 9Bara tasba ba wina yan dus nani pranakira s&#226;t s&#226;t p&#226;wan, baha m&#226; nani ba sin kaiki aihni pin wan dauki s&#226;tka ba. Baku sin giadin lilapas kat yan p&#226;wan raya kaia dusa ba,#Par M 2.7; 22.2,14. bara diara yamni bara diara saura ba wal t&#226;nka kaikaia dusa ba sin.</div><div class="p"> 10Bara Eden ba wina awala kum takan, giadin ba ra l&#238; yaia dukiara, bara baha wina klahkla walhwal ra kilwi taki kan. 11Awalka pas nina ba Pis&#243;n m&#226;kan; baha sika Havil&#225; tasbaya aiska kir tawi ba, bamna bahara gul b&#226;ra sa. 12Bara tasbaya gulka ba pain pali sa; bahara dus m&#226;ka painkira s&#226;tka kum b&#226;ra sa bara walpa sangni manakira sin. 13Awala w&#226;lka ba nina Guih&#243;n m&#226;kan, baha sika Cus tasbaya kir tawi auya ba. 14Bara awalka yumhpika ba nina Tigris, baha sika Asiria lalmika tani ra auya ba. Bara awalka walhwalka ba nina lika &#201;ufrates.</div><div class="p"> 15Bamna Dawan G&#226;d bui upla ba Eden giadinka ra swin ba ra, plun m&#226; mangki bara main kaikbia dukiara, 16witin ra naha adarka yaban: &#8220;Dus nani sut giadin ra b&#226;ra ba wina man piaia sip sma, 17sakuna diara yamni bara saura t&#226;nka kaikaia dusa m&#226; ba wina lika man pipara. Man baha dusa m&#226; wina pipara, kan pima kaka, rait pali man pruma.&#8221;#Ro 6.23.</div><div class="p"> 18Ningkara Dawan G&#226;d win: &#8220;Yamni apia sa upla ba yakan kabia. Bamna upla kum paski yabamna witin wal baku, ai hilpka pana pana dauki kaia ba dukiara.&#8221; 19-20Bamna Dawan G&#226;d bui daiwan nani sut bara tnawira nani sin tasba wina paskan, bara upla ra bri balan baha nani ra nina mangkbia dukiara. Bara upla ba mita daiwan tim nani sut ra nina m&#226;kan, baku sin tnawira nani bara daiwan wail nani sut ra, bara baha nina ba wal takaski banhwan. Ban sakuna, upla ba wal baku pana pana ai hilpka dauki kaia ba lika baha nani wina kumi sin sakras kata. 21Bara Dawan G&#226;d yapan tara kum upla ba purara yan balan, bara witin yapi kan ba ra ai tnaya mina dusa kumi saki brin, bara ai watlika ra kli w&#238;na ni prakan. 22Bara baha tnaya mina wina Dawan G&#226;d bui baha ni mairin kum paski muni, witin ba waitna ra bri balan, 23bamna waitna ba mairin ra kaikan ba ra, naku win:</div><div class="p">&#8220;&#161;Naha lika yang w&#238;nki wina w&#238;nka sa bara dusi nani wina dusa! Bamna witin ai nina ba, &#8216;mairin&#8217;#2.23 Mairin: Hibru ulbanka ra naha b&#238;la ulban ba mairin dukiara aisi ba, waitna ra aisi ba wal talia sa. m&#226;kan kabia, kan witinka ba waitna wina brih paskan sa.&#8221;</div><div class="p"> 24Baku bamna mairin ba dukiara waitna ba ai aisika bara ai yaptika sin swibia, bara ai mairka ra asla prawbia, bara witin nani wal ai t&#226;nka brih, wal ai w&#238;na kumi takbia.#Mt 19.5; Mk 10.7-8; 2 Ko 6.16; Epe 5.31.</div><div class="p"> 25Waitna bara mairin ba witin nani w&#226;lsut susu kan, sakuna baku ba dukiara wal ai swira lukras kata.</div>
 </div>
 </div>
</div>

Bamna baku kasbrika pura bara tasba aiska ba bara diara nani baha bilara kan ba sut pat paski tnata alkan kata. Gâd ai warkka nani daukan ba yu 7 kat paski tnata alkan, bara ris brin. Bara Gâd bui witin yu 7 wark daukan yua ba holikira kulkata, kan baha yua ba witin ris brin ai warkka aiska paskan ba wina. Naha sika kasbrika pura bara tasba ba sin paskan sturka ba.

Dawan Gâd bui tasba bara kasbrika pura ba sin paskan piua ra, tasba ra kau inma nani sin pâwi takras kan, insla namya nani sut sin kau pâwras kata, kan lî ba sin Dawan Gâd mita kau yan tasba purara auhras kan bamna, bara upla sin kau âpu kan tasba ra insla daukaia. Ban sakuna, tasba wina lî laiwi kan, bara baku sika tasba aiska ra lî buski kan ba. Bamna Dawan Gâd bui upla ba tasba yuya pali wina paskan, bara raya kaia payaska ba kakma unta nani ra puhbi dingkan. Baku sika upla ba ai rayaka mahka brin.
Bara Dawan Gâd bui dus mâ nani giadinka kumi mangkan Eden lalma tani ra, bara witin bui upla paskata ba bahara swin. Bara tasba ba wina yan dus nani pranakira sât sât pâwan, baha mâ nani ba sin kaiki aihni pin wan dauki sâtka ba. Baku sin giadin lilapas kat yan pâwan raya kaia dusa ba, bara diara yamni bara diara saura ba wal tânka kaikaia dusa ba sin.
Bara Eden ba wina awala kum takan, giadin ba ra lî yaia dukiara, bara baha wina klahkla walhwal ra kilwi taki kan. Awalka pas nina ba Pisón mâkan; baha sika Havilá tasbaya aiska kir tawi ba, bamna bahara gul bâra sa. Bara tasbaya gulka ba pain pali sa; bahara dus mâka painkira sâtka kum bâra sa bara walpa sangni manakira sin. Awala wâlka ba nina Guihón mâkan, baha sika Cus tasbaya kir tawi auya ba. Bara awalka yumhpika ba nina Tigris, baha sika Asiria lalmika tani ra auya ba. Bara awalka walhwalka ba nina lika Éufrates.
Bamna Dawan Gâd bui upla ba Eden giadinka ra swin ba ra, plun mâ mangki bara main kaikbia dukiara, witin ra naha adarka yaban: “Dus nani sut giadin ra bâra ba wina man piaia sip sma, sakuna diara yamni bara saura tânka kaikaia dusa mâ ba wina lika man pipara. Man baha dusa mâ wina pipara, kan pima kaka, rait pali man pruma.”
Ningkara Dawan Gâd win: “Yamni apia sa upla ba yakan kabia. Bamna upla kum paski yabamna witin wal baku, ai hilpka pana pana dauki kaia ba dukiara.” Bamna Dawan Gâd bui daiwan nani sut bara tnawira nani sin tasba wina paskan, bara upla ra bri balan baha nani ra nina mangkbia dukiara. Bara upla ba mita daiwan tim nani sut ra nina mâkan, baku sin tnawira nani bara daiwan wail nani sut ra, bara baha nina ba wal takaski banhwan. Ban sakuna, upla ba wal baku pana pana ai hilpka dauki kaia ba lika baha nani wina kumi sin sakras kata. Bara Dawan Gâd yapan tara kum upla ba purara yan balan, bara witin yapi kan ba ra ai tnaya mina dusa kumi saki brin, bara ai watlika ra kli wîna ni prakan. Bara baha tnaya mina wina Dawan Gâd bui baha ni mairin kum paski muni, witin ba waitna ra bri balan, bamna waitna ba mairin ra kaikan ba ra, naku win:
“¡Naha lika yang wînki wina wînka sa bara dusi nani wina dusa! Bamna witin ai nina ba, ‘mairin’ mâkan kabia, kan witinka ba waitna wina brih paskan sa.”
Baku bamna mairin ba dukiara waitna ba ai aisika bara ai yaptika sin swibia, bara ai mairka ra asla prawbia, bara witin nani wal ai tânka brih, wal ai wîna kumi takbia.
Waitna bara mairin ba witin nani wâlsut susu kan, sakuna baku ba dukiara wal ai swira lukras kata.

கேளுங்கள் Blasi Sturka 2