If you would like a copy of this version please contact info@davaraudiobibles.org

Kasem Bible © Ghana Institute Of Linguistics, Literacy and Bible Translation (GILLBT). Kasem Old Testament Audio Bible, ℗ 2022, Davar Partners International.

Kasem Old Testament

<div class="version vid3661 iso6393xsm" data-vid="3661" data-iso6393="xsm">
 <div class="book bkGEN">
 <div class="chapter ch8" data-usfm="GEN.8">
 <div class="label">8</div><div class="p"> 1W&#603; d&#233;em nam wo swei Noah de vara bam dwi maama na t&#596;ge ba wo nabworo kom wone to swia. O d&#233;em p&#603; se vio mo dole, ye konto ma pa se na bam bobo se ba taa wea. 2Na-f&#596;r&#596; kom daa ba tae ba nwo&#331;a tega ne. Doa kam de daa ba nena, W&#603; na chege-ka to &#331;waane. 3Na-f&#596;r&#596; kom kwei da bi de finnu mo ko ma ko we fenfee se ko ba ko ti. 4Chane serep&#603; chana kam wone, ka da fuga-yarep&#603; d&#603; dem ne mo nabworo kom yi Ararati peero tem jei sem ne ye ko sagele peo kom yuu ne. 5Na bam d&#233;em ma bobo se ba taa tu tega. Ko nam ye chane fuga chana kam boboa d&#603; ne mo peero tedwonna yuni bobo se te taa nae pwooni yiga ne.</div><div class="p"> 6Da finna na k&#603; to, Noah ma pore nabworo kom takworo, 7ye o daare o yage bachangaao se ko nwo&#331;i pwooni. Ko d&#233;em maa kare pwooni ne ko beera taa se na bam ba ba we. 8O daa ma yage kunkwo&#331;a se ka de nwo&#331;i ka beeri se o l&#596;re na bam na we tega kam ba&#331;a ne tei to. 9Kunkwo&#331;a kam maa wo n&#603; jei se ka jeini da, kokuri to, na bam d&#233;em ta tagele mo jei sem maama. Kunkwo&#331;a kam ma jwoori Noah tei ne nabworo kom ne. O de ma twe o je&#331;a o ja-ka se ka zo da. 10O d&#233;em daa ma pa se da yarep&#603; k&#603; ye o yage kunkwo&#331;a kam se ka nwo&#331;i pwooni. 11Dedaan-ni ma&#331;a na yi to mo kunkwo&#331;a kam jwoori Noah tei ne de ka ni Olivi tio yuu v&#596;-l&#603;&#596;. Noah laam ma l&#596;re we na bam wora ba we mo. 12Da yarep&#603; daa na woli da to, mo Noah yage kunkwo&#331;a kam se ka nwo&#331;i. Ka de na nwo&#331;i konto to, ka daa wo jwoori o tei ne.</div><div class="p"> 13Noah na yi bena bia yaredo de dedwe (601) to, mo na-f&#596;r&#596; kom ya na wo tega kam ba&#331;a ne to laam we. Bene dem boboa chana kam boboa d&#603; dem ne mo konto. O ma pore wo&#331;o kolo ba ya na m&#603; ba kwoli nabworo kom to. O ma nii o na we tega kam laam wora ka kora mo. 14Chane selei chana kam ne mo, tega kam ba&#331;a laam y&#596;&#596;re ka ko ga wegesege. Ko maa ye chana kam da finlei-yarep&#603; d&#603; dem ne mo konto.</div><div class="p"> 15W&#603; laam ma ta de Noah we, 16&#8220;Ja n kaane, de n bia bam, de ba kaana bam maama se &#225; nwo&#331;i nabworo kom wone. 17Nam ta ja vara bam dwi dwi, de zuna bam dwi maama dedaane tega-veila de wo-korro tem maama n woli da se &#225; nwo&#331;i. Wonnu tem maama ye se te puli mo te jage tega kam maama ba&#331;a ne.&#8221;</div><div class="p"> 18Noah de o kaane, de o bu-baara bam, de ba kaana bam maama laam ma nwo&#331;i ba yage nabworo kom. 19Varem dwi maama, de zuna bam dwi maama dedaane tega-veila de wo-korro tem maama de ma nwo&#331;i. Ba d&#233;em t&#596;ge daane ba nwo&#331;i mo se ko ma&#331;e de ba dwi dem na ye tei to.</div><div class="p"> 20Noah ma l&#596; bimbini se o ma o kaane Ba&#331;a W&#603;. O ma daare o le vara dedaane zuna balo na ma&#331;e de kaanem to dwi maama wone dedoa dedoa. O laam zw&#603;-te o pa Ba&#331;a W&#603;. 21Ba&#331;a W&#603; ma lwo&#331;i kaanem dem ye de su o yi. O ma ta o tete ne we, &#8220;Amo daa b&#225; ch&#596;ge tega kam nabiina toto&#331;a &#331;waane. Nabiina bobo&#331;a de ba pale-kia maama ma&#331;e ya t&#596;ge lwarem yerane mo ko zege ba biini ne. De konto de, amo nam daa b&#225; ch&#596;ge wonnu telo a na ke ye te jege &#331;wea to nen&#603;&#603;ne a na ke tei tento.</div><div class="m"> 22Tega ba&#331;a na w&#243; taa wora ma&#331;a kalo maama ne to,</div><div class="q1">Duum ma&#331;a de kwea ma&#331;a w&#243; taa wora.</div><div class="q1">Waaro de wulim de w&#243; taa wora.</div><div class="q1">Yad&#603; dedaane te-pwo&#331;a b&#225; f&#596;ge te ti.</div><div class="q1">Wea de tete de b&#225; f&#596;ge te ti.&#8221;</div>
 </div>
 </div>
</div>

Wɛ déem nam wo swei Noah de vara bam dwi maama na tɔge ba wo nabworo kom wone to swia. O déem pɛ se vio mo dole, ye konto ma pa se na bam bobo se ba taa wea. Na-fɔrɔ kom daa ba tae ba nwoŋa tega ne. Doa kam de daa ba nena, Wɛ na chege-ka to ŋwaane. Na-fɔrɔ kom kwei da bi de finnu mo ko ma ko we fenfee se ko ba ko ti. Chane serepɛ chana kam wone, ka da fuga-yarepɛ dɛ dem ne mo nabworo kom yi Ararati peero tem jei sem ne ye ko sagele peo kom yuu ne. Na bam déem ma bobo se ba taa tu tega. Ko nam ye chane fuga chana kam boboa dɛ ne mo peero tedwonna yuni bobo se te taa nae pwooni yiga ne.
Da finna na kɛ to, Noah ma pore nabworo kom takworo, ye o daare o yage bachangaao se ko nwoŋi pwooni. Ko déem maa kare pwooni ne ko beera taa se na bam ba ba we. O daa ma yage kunkwoŋa se ka de nwoŋi ka beeri se o lɔre na bam na we tega kam baŋa ne tei to. Kunkwoŋa kam maa wo nɛ jei se ka jeini da, kokuri to, na bam déem ta tagele mo jei sem maama. Kunkwoŋa kam ma jwoori Noah tei ne nabworo kom ne. O de ma twe o jeŋa o ja-ka se ka zo da. O déem daa ma pa se da yarepɛ kɛ ye o yage kunkwoŋa kam se ka nwoŋi pwooni. Dedaan-ni maŋa na yi to mo kunkwoŋa kam jwoori Noah tei ne de ka ni Olivi tio yuu vɔ-lɛɔ. Noah laam ma lɔre we na bam wora ba we mo. Da yarepɛ daa na woli da to, mo Noah yage kunkwoŋa kam se ka nwoŋi. Ka de na nwoŋi konto to, ka daa wo jwoori o tei ne.
Noah na yi bena bia yaredo de dedwe (601) to, mo na-fɔrɔ kom ya na wo tega kam baŋa ne to laam we. Bene dem boboa chana kam boboa dɛ dem ne mo konto. O ma pore woŋo kolo ba ya na mɛ ba kwoli nabworo kom to. O ma nii o na we tega kam laam wora ka kora mo. Chane selei chana kam ne mo, tega kam baŋa laam yɔɔre ka ko ga wegesege. Ko maa ye chana kam da finlei-yarepɛ dɛ dem ne mo konto.
Wɛ laam ma ta de Noah we, “Ja n kaane, de n bia bam, de ba kaana bam maama se á nwoŋi nabworo kom wone. Nam ta ja vara bam dwi dwi, de zuna bam dwi maama dedaane tega-veila de wo-korro tem maama n woli da se á nwoŋi. Wonnu tem maama ye se te puli mo te jage tega kam maama baŋa ne.”
Noah de o kaane, de o bu-baara bam, de ba kaana bam maama laam ma nwoŋi ba yage nabworo kom. Varem dwi maama, de zuna bam dwi maama dedaane tega-veila de wo-korro tem maama de ma nwoŋi. Ba déem tɔge daane ba nwoŋi mo se ko maŋe de ba dwi dem na ye tei to.
Noah ma lɔ bimbini se o ma o kaane BAŋA Wɛ. O ma daare o le vara dedaane zuna balo na maŋe de kaanem to dwi maama wone dedoa dedoa. O laam zwɛ-te o pa BAŋA Wɛ. BAŋA Wɛ ma lwoŋi kaanem dem ye de su o yi. O ma ta o tete ne we, “Amo daa bá chɔge tega kam nabiina totoŋa ŋwaane. Nabiina boboŋa de ba pale-kia maama maŋe ya tɔge lwarem yerane mo ko zege ba biini ne. De konto de, amo nam daa bá chɔge wonnu telo a na ke ye te jege ŋwea to nenɛɛne a na ke tei tento.
Tega baŋa na wó taa wora maŋa kalo maama ne to,
Duum maŋa de kwea maŋa wó taa wora.
Waaro de wulim de wó taa wora.
Yadɛ dedaane te-pwoŋa bá fɔge te ti.
Wea de tete de bá fɔge te ti.”

கேளுங்கள் Pulim 8