<div class="version vid1437 iso6393yao" data-vid="1437" data-iso6393="yao">
    <div class="book bkGEN">
        <div class="chapter chINTRO1" data-usfm="GEN.INTRO1">
            <div class="imt"><span class="content">MALO&#372;E GANDANDA</span></div><div class="ip"><span class="content">Lina lyakuti </span><span class="bk"><span class="content">Genesesi</span></span><span class="content"> likugopolela kuti &#8220;ndandililo.&#8221; Bukuji jili jandanda m'Malangano Gakala, nipo jikusala ya kupanganyidwa kwa cilambo cakwinani ni cilambo capasi, ndande ja mtundu wa &#373;andu, ndande ja ulemwa ni yipwetesi ya pa cilambo pano. </span><span class="bk"><span class="content">Buku ja Genesesi</span></span><span class="content"> jiga&#373;idwe pa&#373;ili:</span></div><div class="ip"><span class="content">(1) Kupanganyidwa kwa cilambo capasi ni kwinani ni mbili jakalakala ja mtundu wa &#373;andu. Apano pana yakulembedwa yayikusala ngani ja Adamu ni Hawa, Kaini ni Abele, Nowa ni cikumba ca mesi, ni Sanja ja ku Babiloni (1&#8212;11).</span></div><div class="ip"><span class="content">(2) Mbili ja kalakala ja acinangolo &#373;a Aisalaeli. Nangolo jwandanda jwaliji Abulahamu, ju&#373;apikanice mnope ligongo lya cikulupi ni kumpikanila Mlungu. Kaneko tukupikana soni ya ngani ja Isaki mwanace jwa Abulahamu, ni cisukulu cakwe Yakobo (jwele ju&#373;akolanjidwaga kuti Isalaeli), ni ngani ja &#373;anace 12 &#373;a Yakobo &#373;i&#373;aliji acimlongola &#373;a ngosyo 12 sya ku Isalaeli sila. Ngani jajikulungwa jigonile mnope pa mwanace jumo jwakolanjidwa Yosefe, ni yine yiyatendesye kuti Yakobo pamo ni &#373;anace &#373;akwe &#373;ane, ni li&#373;asa lyosope ajawule kukutama ku cilambo ca Iguputo (12&#8212;50).</span></div><div class="ip"><span class="content">Bukuji pandanda pasyesyene, jikutanda kusala ni kusimicisya kuti Mlungu ni ju&#373;apanganyisye yindu yosope yili kwinani ni pa cilambo capasi, soni jikumalicisya kusala ya cilanga ci&#373;a&#373;isile Mlungu, kuti tacipitilisya kwasamalila &#373;andu &#373;akwe. Mu buku josopeji jikusala mnope ya ndamo ja Mlungu, jwakusalamula ni kupeleka cilango kwa &#373;andu &#373;a ulemwa, soni Mlungujo akusi&#373;alongolela ni kwakamusya &#373;andu &#373;akwe. Bukuji jilembedwe kuti jitusalile ngani sya cikulupi ca &#373;andu ni kwakamucisya kuti jemanjajo akoleje cele cikulupico.</span></div><div class="iot"><span class="content">Mitwe ja ya mkatimu</span></div><div class="io1"><span class="content">Kupanganyidwa kwa kwinani ni pasi pamo ni mtundu wa &#373;andu 1:1&#8212;2:25</span></div><div class="io1"><span class="content">Ndande ja ulemwa ni yipwetesi 3:1-24</span></div><div class="io1"><span class="content">Mipago ja &#373;andu kutyocela pa Adamu mpaka pa Nowa 4:1&#8212;5:32</span></div><div class="io1"><span class="content">Nowa ni cikumba ca mesi 6:1&#8212;10:32</span></div><div class="io1"><span class="content">Sanja ja ku Babiloni 11:1-9</span></div><div class="io1"><span class="content">Mipago ja &#373;andu kutyocela pa Shemu mpaka pa Abulamu 11:10-32</span></div><div class="io1"><span class="content">Acinangolo: Abulahamu, Isaki ni Yakobo 12:1&#8212;35:29</span></div><div class="io1"><span class="content">Yisukulu ya Esawu 36:1-43</span></div><div class="io1"><span class="content">Yosefe ni acalongo acimjakwe 37:1&#8212;45:28</span></div><div class="io1"><span class="content">Aisalaeli ku cilambo ca Iguputo 46:1&#8212;50:26</span></div>
        </div>
    </div>
</div>

Chiyawo Bible: Buku Jeswela © Bible Society of Malawi, 2014

MALOŴE GANDANDA
Lina lyakuti Genesesi likugopolela kuti “ndandililo.” Bukuji jili jandanda m'Malangano Gakala, nipo jikusala ya kupanganyidwa kwa cilambo cakwinani ni cilambo capasi, ndande ja mtundu wa ŵandu, ndande ja ulemwa ni yipwetesi ya pa cilambo pano. Buku ja Genesesi jigaŵidwe paŵili:
(1) Kupanganyidwa kwa cilambo capasi ni kwinani ni mbili jakalakala ja mtundu wa ŵandu. Apano pana yakulembedwa yayikusala ngani ja Adamu ni Hawa, Kaini ni Abele, Nowa ni cikumba ca mesi, ni Sanja ja ku Babiloni (1—11).
(2) Mbili ja kalakala ja acinangolo ŵa Aisalaeli. Nangolo jwandanda jwaliji Abulahamu, juŵapikanice mnope ligongo lya cikulupi ni kumpikanila Mlungu. Kaneko tukupikana soni ya ngani ja Isaki mwanace jwa Abulahamu, ni cisukulu cakwe Yakobo (jwele juŵakolanjidwaga kuti Isalaeli), ni ngani ja ŵanace 12 ŵa Yakobo ŵiŵaliji acimlongola ŵa ngosyo 12 sya ku Isalaeli sila. Ngani jajikulungwa jigonile mnope pa mwanace jumo jwakolanjidwa Yosefe, ni yine yiyatendesye kuti Yakobo pamo ni ŵanace ŵakwe ŵane, ni liŵasa lyosope ajawule kukutama ku cilambo ca Iguputo (12—50).
Bukuji pandanda pasyesyene, jikutanda kusala ni kusimicisya kuti Mlungu ni juŵapanganyisye yindu yosope yili kwinani ni pa cilambo capasi, soni jikumalicisya kusala ya cilanga ciŵaŵisile Mlungu, kuti tacipitilisya kwasamalila ŵandu ŵakwe. Mu buku josopeji jikusala mnope ya ndamo ja Mlungu, jwakusalamula ni kupeleka cilango kwa ŵandu ŵa ulemwa, soni Mlungujo akusiŵalongolela ni kwakamusya ŵandu ŵakwe. Bukuji jilembedwe kuti jitusalile ngani sya cikulupi ca ŵandu ni kwakamucisya kuti jemanjajo akoleje cele cikulupico.
Mitwe ja ya mkatimu
Kupanganyidwa kwa kwinani ni pasi pamo ni mtundu wa ŵandu 1:1—2:25
Ndande ja ulemwa ni yipwetesi 3:1-24
Mipago ja ŵandu kutyocela pa Adamu mpaka pa Nowa 4:1—5:32
Nowa ni cikumba ca mesi 6:1—10:32
Sanja ja ku Babiloni 11:1-9
Mipago ja ŵandu kutyocela pa Shemu mpaka pa Abulamu 11:10-32
Acinangolo: Abulahamu, Isaki ni Yakobo 12:1—35:29
Yisukulu ya Esawu 36:1-43
Yosefe ni acalongo acimjakwe 37:1—45:28
Aisalaeli ku cilambo ca Iguputo 46:1—50:26

கேளுங்கள் Gen MALOŴE GANDANDA