Spreuke – eenjaarleesplanMfano

Vers 11: Wysheid is nie gebaseer op rykdom of armoede nie. 'n Ryk mens kan val vir die dwaasheid om te dink hy het wysheid in pag, net omdat hy ryk is (Spreuke 26:12; 12:15). Wysheid is egter nie gebaseer op rykdom of armoede nie. Dit kom van die Here af (Spreuke 14:24). Soos inderdaad rykdom ook van Hom af kom, al maak Hy natuurlik nie alle wyses ryk nie (Spreuke 15:16). Iemand wat verstandig is, al is hy arm, sien regdeur die ryke se verwaandheid. ‘n Ryk man kan daarom lelik verras word as hy ‘n arm mens onderskat, net omdat hy arm is.