Soma Biblia Kila Siku Desemba 2021Mfano

Kwao waliotegemea Babeli, kuanguka kwake kutakuwa hasara kubwa, lakini kwa watakatifu, mitume na manabii unatolewa mwito wa kufurahi. Maana sasa Mungu ameuhukumu utawala wa mpinga Kristo uliosimamia kuwaua. Kama jiwe litupwavyo baharini hautainuka tena, na waumini wamepewa haki yao (m.20, Furahini juu yake, enyi mbingu, nanyi watakatifu na mitume na manabii; kwa maana Mungu amehukumu hukumu yenu juu yake). Hakika Bwana Mungu hudhibiti mambo yote duniani. Atazikomesha taasisi na taratibu za maisha za kishetani. Ni heri kwako na kwangu ikiwa kujua haya kunaleta furaha na nguvu mpya kumtegemea Mungu.