Soma Biblia Kila Siku 6Mfano

Paulo alipotaka kuihubiri Injili Ulaya aliingia katika mapambano ya kiroho, lakini jina la Yesu ni jina la ushindi, ni jina kuu! Yule pepo wa uaguzi akamtoka saa ile ile(m.18)! Alikuwa amemsumbua Paulo siku nyingi. Bila shaka alikuwa ameliweka jambo hili mbele ya Bwana katika sala kama Yesu alivyofundisha: Yesu alipoingia nyumbani, wanafunzi wake wakamwuliza kwa faragha, Mbona sisi hatukuweza kumtoa?Akawaambia, Namna hii haiwezi kutoka kwa neno lo lote, isipokuwa kwa kuomba(Mk 9:28-29). Tukio hili liliwafanya Paulo na Sila kutupwa gerezani na kufungwa miguu kwa mkatale (mti uliochongwa na kutobolewa tundu kubwa). Je, hayo kweli ni ushindi wa Yesu au ni wa Shetani? Jibu litapatikana kesho!