Zaburi 73:1-5

Shirikisha

Zaburi 73:1-5 Biblia Habari Njema (BHN)

Hakika, Mungu ni mwema kwa watu wanyofu; ni mwema kwa walio safi moyoni. Karibu sana ningejikwaa, kidogo tu ningeteleza; maana niliwaonea wivu wenye kiburi, nilipoona wakosefu wakifanikiwa. Maana hao hawapatwi na mateso; miili yao ina afya na wana nguvu. Taabu za binadamu haziwapati hao; hawapati mateso kama watu wengine.

Zaburi 73:1-5 Swahili Revised Union Version (SRUV)

Hakika Mungu ni mwema kwa Israeli, Kwa hao walio safi mioyo yao. Nami miguu yangu ilikuwa karibu kupotoka, Hatua zangu zilikuwa karibu kuteleza. Maana niliwaonea wivu wenye kujivuna, Nilipoiona hali ya amani ya wasio haki. Maana hawana maumivu katika kufa kwao, Na miili yao ina nguvu. Hawana taabu kama watu wengine, Wala hawapati mapigo kama wanadamu wenzao.

Zaburi 73:1-5 Maandiko Matakatifu ya Mungu Yaitwayo Biblia (SUV)

Hakika Mungu ni mwema kwa Israeli, Kwa hao walio safi mioyo yao. Nami miguu yangu ilikuwa karibu na kupotoka, Hatua zangu zilikuwa karibu na kuteleza. Maana naliwaonea wivu wenye kujivuna, Nilipoiona hali ya amani ya wasio haki. Maana hawana maumivu katika kufa kwao, Na mwili wao una nguvu. Katika taabu ya watu hawamo, Wala hawapati mapigo pamoja na wanadamu.

Zaburi 73:1-5 Neno: Bibilia Takatifu 2025 (NENO)

Hakika Mungu ni mwema kwa Israeli, kwa wale ambao mioyo yao ni safi. Bali mimi, miguu yangu ilikuwa karibu kuteleza; nilikuwa karibu kuanguka. Kwa maana niliwaonea wivu wenye kujivuna nilipoona kufanikiwa kwa waovu. Wao hawana taabu; miili yao ina afya na nguvu. Hawapati shida zinazowataabisha watu wengine, wala hawapati mapigo kama wanadamu wengine.