Roma 3
3
1Tawamhã bété e marĩ te tãma 're hâimana za'ra, Zudeu norĩ ma hã, Zudeu'õ norĩ nhipai u. Sihâiwata nhihâri ré 're ihâimana za'ra mono hã, e marĩ ipire te tãma 're hâimana za'ra. 2Ĩhe, iré hã tô, sipu'u pese na! Imorĩ'rada ipire tãma ihâimana za'ra hã, 'Re ihâimana u'âsi mono timreme ma tô tãma sõmri za'ra, Zudeu norĩ ma. 3Tazahã, nima norĩ hã sena na 're hâimana za'ra mono õ di. E tahawa, te za bété 'Re ihâimana u'âsi mono hã senai'õ na 're hâimana. 4Mare uptabi di! 'Re ihâimana u'âsi mono hã te za tô sena na 're ihâimana mono na 're hâimana u'âsi, uburé dazadawa nhipese na 're danomro mono nherẽ. Ibaihâ Iwazé pese na rob'ui'éré imreme na inomro zarina, ãne ãma hã:
“'Re aimreme mono wamhã, i'uwaibaba na si 're i'aihâimana mono zém na, te za da te 're aiwaihu'u za'ra.
Te za duré da'ãma 're i'ai'uté mo, aiwasédé, da te ai'ãma 're nomri mono wamhã.”
5Tane nherẽ, marĩ iwasédé, wa te 're i'manharĩ za'ra mono zéb zarina, 'Re ihâimana u'âsi mono i'uwaibaba na si te te 're i'a'manharĩ mono zé, sõ'awi wa te 're hâi'ré za'ra mono wamhã, e niha wa za tawamhã wa te 're nharĩ za'ra. E 'Re ihâimana u'âsi mono i'uwaibaba õ na te te 're i'a'manharĩ mono na, te te wama 're arob'manharĩ pipa mono wamhã. (Wa tinha ãne hã, ti'ai ãma danhimirosa'rata na.) 6Mare di! 'Re ihâimana u'âsi mono hã i'uwaibaba na 're hâimana mono õ 'wa'âhã, e niha te te aré bété 're rowairébé, ti'ai ãma 're idahâimana za'ra mono norĩ na hã.
7Ãté ni'wa hã te za tinha ãne: “Senai'õ na ĩhâimanazé hã, 'Re ihâimana u'âsi mono sena na 're ihâimana mono zé te te sina hâimo da, te te 'manharĩ wamhã, duré taha zarina wẽ uptabi na 're ihâimana mono zé hã sa'ẽtẽ wamhã, ãne wamhã, e marĩ zarina ĩwasédé, da te ĩ'ãma 're nomri mono da bâ.” 8E tawamhã i'uwaibaba aré, ãne, wa te 're nharĩ za'ra mono wamhã: “Tane ze te bâ, marĩ iwasété si, wa te 're 'manharĩ za'ra wa'aba mono, ta hawi, marĩ iwẽ hã 're wairébé mono da.” Tô sena, te ni'wam norĩ hã te te 're ĩwasu'u wasété za'ra, ãne na te 're inharĩ mono na hã. Tane nherẽ, ta norĩ ma, te za rowasédé hã 'Re ihâimana u'âsi mono te te tãma 're apisutu, i'uwaibaba na te te 're robzépata za'ra mono da.
Uburé wa norĩ hã marĩ na i'upai'wa na, wa 're wahâimana za'ra
9Tawamhã e wa norĩ Zudeu na 're iwahâimana za'ra mono hã, wa Zudeu'õ norĩ nhipai u rowẽ na 're wahâimana za'ra. Mare uptabi di! Ãne na wa tô hâi'ré pa, uburé wa norĩ Zudeu norĩ, duré Zudeu'õ norĩ zama, 're idawasété za'ra mono zém nhiptete zahâpâ 're iwahâimana za'ra mono na hã aiwa. 10Ãne na Ibaihâ Iwazé pese na rob'ui'éré hã te tinha:
“Ni'wa hã hâimana õ di, i'uwaibaba si te te 're i'a'manharĩ mono hã.
11Ni'wa hã hâimana õ di, i'rã nhimiza're hã. Duré ni'wa hã hâimana õ di, 'Re ihâimana u'âsi mono zô si 're irĩtĩ mono hã.
12Uburé ma tô dasina 're dapahâ za'ra, bâdâdi iwẽ nhiti. Uburé ma tô 're dasisimini za'ra. Ni'wai õ di, marĩ iwẽ te te 're i'a'manharĩ mono hã. Ni'wai õ uptabi di tô.
13Dazadawa za'ra hã te dama 're hâimana za'ra, adâ'â 'ru 'ridawa haré ne. Danhoto na te 're dazadawa nhipese za'ra.
Dazaihâ hawi te damreme hã 're wairébé, da te ãma 're idanhimroi mono hã, wahi 'wa wa'u ne.
14Dazadawa hã te 'masisi na dama 're hâimana za'ra, marĩ iwasété uptabi, da te dama 're ipisutu za'ra mono zéb ré, duré da'ruiwaparizéb ré.
15Dasi'aba'ré na te 're dahâimana za'ra, da te 're danhimroi mono da.
16Daro mono bâ 're danomro mono sidâpâ, te da te 're rowamnarĩ za'ra. Te duré da te dama 're sani za'ra, robzépatazé hã.
17Rowẽ u'âsi 're idanomro mono zép te bâdâdi hã, da te 're waihu'u za'ra mono õ di.
18Duré 'Re ihâimana u'âsi mono ma, 're idapahi za'ra mono zé hã iwazébzéb zama, da te 're waihu'u za'ra mono õ di.”
19Wa waihu'u za'ra ni, uburé 'Re ihâimana u'âsi mono nhimiroti zahi na Mozési te te irob'ui'érézé 're ihâimana mono na hã isarina 're ihâimana za'ra mono norĩ ma. Ã hã te 're hâimana, dawẽ na dasina 're idawata za'ra mono zé, da te 're sahâri za'ra mono da, duré uburé ropâ 're dahâimana za'ra mono da, 'Re ihâimana u'âsi mono te te da'ãma 're i'arowairébé mono zéb zahâpâ. 20Tahawa, ni'wa hã 'Re ihâimana u'âsi mono nhimiroti zahi na Mozési te te irob'ui'érézé te te 're i'a'madâ'â pese mono zéb zarina, 'Re ihâimana u'âsi mono te te oto 're 'madâ'â mono dai õ di, i'uwaibaba na 're ihâimana mono na hã. E marĩ wa. Isimiroti zahi hã taré 're hâimana mono wa, ãma 're dasiwaihu'u za'ra mono da, dawasété na 're idanomro mono na.
'Re ihâimana u'âsi mono, i'uwaibaba na 're idahâimana za'ra mono na, te te 're ida'a'madâ'â mono zé, da te dasina 're i'umnhasi za'ra mono zéb zarina si
21Tane nherẽ, ãhã na hã 'Re ihâimana u'âsi mono hã ma tô oto wama hâi'ré za'ra, isimiroti 'rada, da te 're i'madâ'â pese za'ra mono zarina, i'uwaibaba na 're idahâimana za'ra mono na te te 're ida'a'madâ'â mono õ na hã. Uburé 'Re ihâimana u'âsi mono nhimiroti zahi na Mozési te te ãma i'arob'ui'érézé hã duré isadawa 'mahârâ'wa norĩ te te ãma irob'ui'éré za'ra zéb zama titõmo na te te i'madâ'â za'ra zéb zarina ma tô te te ãma 're rob'mahârâ za'ra, ãne: 22'Re ihâimana u'âsi mono hã Zezu Cristu, da te dasina 're i'umnhasi za'ra mono zéb zarina si te te oto 're da'a'madâ'â, i'uwaibaba na 're idahâimana za'ra mono na hã. Ãne te 'Re ihâimana u'âsi mono hã te te 're 'manharĩ, uburé te te 're isaze za'ra mono norĩ ma hã, aimawi na tãma 're da'maihâimana mono õ wa, Zudeu na, niwamhã Zudeu'õ na. 23Uburé te dawasédé hã da te 're 'manharĩ za'ra. Tahawa, te 'Re ihâimana u'âsi mono, wẽ uptabi na 're isãmra mono nhiti 're dahâimana za'ra. 24Tane nherẽ, tinhimizawi pese zéb zarina duré iwa'rãmi marĩ te te dawi 're awaptẽrẽ mono ãna, te 'Re ihâimana u'âsi mono hã i'uwaibaba na 're idahâimana za'ra mono na te te 're da'a'madâ'â, Cristu Zezusi te te ida'awa'âbâ u'âbâ. 25'Re ihâimana u'âsi mono hã ma tô Cristuhu ãma tinhopru, danhimizama da te 're izata za'ra mono ne, wedepo'o nhonhi'rãmi na tidâ'âzém na, Cristu hã 're hâimana mono da, dawasédé 'Re ihâimana u'âsi mono te te da'ãma 're i'a'madâ'â mono õ zé, da te ãma 're sõpẽtẽ za'ra mono da, da te dasina 're i'umnhasi za'ra mono zéb zarina. Ãne ma tô 'Re ihâimana u'âsi mono hã 'manha, i'uwaibaba na 're ihâimana mono na sihâi'ré da. Duréihã wa'a su'u ãna ma tô 're hâimana. Tahawa dawasété nherẽ, te te dama 're arob'manharĩ pipa mono õ di. 26Tane nherẽ, ãhã na hã 'Re ihâimana u'âsi mono hã Cristuhu dâ'âzém na danhimizama da te 're izata za'ra mono ne, ma tô oto sihâi'ré, i'uwaibaba na 're ihâimana mono na. Ãne wa, te i'uwaibaba na 're hâimana. Te te duré 're awẽsãmri, Zezusi te te 're isaze za'ra mono norĩ hã.
27E tawamhã wa za 'râwi 're wasi'madâ'â ze za'ra. Mare uptabi di! E marĩ wa. E 'Re ihâimana u'âsi mono nhimiroti 'rata na Mozési te te irob'ui'érézé, wa te 're 'madâ'â pese za'ra mono wẽ te. Mare di. Taha wab õ di. Tazahã, Cristu, wa te 're isaze za'ra mono zém na si. 28Ãne zarina, wa waihu'u za'ra ni, 'Re ihâimana u'âsi mono hã da te dasina 're i'umnhasi za'ra mono zéb zarina si, i'uwaibaba na 're idahâimana za'ra mono na te te 're ida'a'madâ'â mono na hã, mare di, Mozésihi nhimiroti 'rada, da te 're i'madâ'â pese za'ra mono zarina hã. 29E tawamhã 'Re ihâimana u'âsi mono hã, Zudeu norĩ te si 'Re ihâimana u'âsi mono. E Zudeu'õ norĩ te zamai ã bâ. Tô Zudeu'õ norĩ te zama. 30'Re ihâimana u'âsi mono hã tô misi, 're ihâimana mono. Tahawa, te za Zudeu norĩ hã te te 're 'madâ'â za'ra, i'uwaibaba na 're ihâimana za'ra mono na, te te sina 're i'umnhasi za'ra mono zéb zarina, duré Zudeu'õ norĩ zama tô te te sina 're i'umnhasi za'ra mono zéb zarina si. 31E tawamhã marĩ dai ãna te za wama 're hâimana za'ra Mozésihi nhimi'ui'éré 'rada hã, 'Re ihâimana u'âsi mono, wa te wasina 're umnhasi za'ra mono wa. Mare uptabi di. Zahadu te pire na wama 're wahâimana za'ra.
Iliyochaguliwa sasa
Roma 3: xavBP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.
Roma 3
3
1Tawamhã bété e marĩ te tãma 're hâimana za'ra, Zudeu norĩ ma hã, Zudeu'õ norĩ nhipai u. Sihâiwata nhihâri ré 're ihâimana za'ra mono hã, e marĩ ipire te tãma 're hâimana za'ra. 2Ĩhe, iré hã tô, sipu'u pese na! Imorĩ'rada ipire tãma ihâimana za'ra hã, 'Re ihâimana u'âsi mono timreme ma tô tãma sõmri za'ra, Zudeu norĩ ma. 3Tazahã, nima norĩ hã sena na 're hâimana za'ra mono õ di. E tahawa, te za bété 'Re ihâimana u'âsi mono hã senai'õ na 're hâimana. 4Mare uptabi di! 'Re ihâimana u'âsi mono hã te za tô sena na 're ihâimana mono na 're hâimana u'âsi, uburé dazadawa nhipese na 're danomro mono nherẽ. Ibaihâ Iwazé pese na rob'ui'éré imreme na inomro zarina, ãne ãma hã:
“'Re aimreme mono wamhã, i'uwaibaba na si 're i'aihâimana mono zém na, te za da te 're aiwaihu'u za'ra.
Te za duré da'ãma 're i'ai'uté mo, aiwasédé, da te ai'ãma 're nomri mono wamhã.”
5Tane nherẽ, marĩ iwasédé, wa te 're i'manharĩ za'ra mono zéb zarina, 'Re ihâimana u'âsi mono i'uwaibaba na si te te 're i'a'manharĩ mono zé, sõ'awi wa te 're hâi'ré za'ra mono wamhã, e niha wa za tawamhã wa te 're nharĩ za'ra. E 'Re ihâimana u'âsi mono i'uwaibaba õ na te te 're i'a'manharĩ mono na, te te wama 're arob'manharĩ pipa mono wamhã. (Wa tinha ãne hã, ti'ai ãma danhimirosa'rata na.) 6Mare di! 'Re ihâimana u'âsi mono hã i'uwaibaba na 're hâimana mono õ 'wa'âhã, e niha te te aré bété 're rowairébé, ti'ai ãma 're idahâimana za'ra mono norĩ na hã.
7Ãté ni'wa hã te za tinha ãne: “Senai'õ na ĩhâimanazé hã, 'Re ihâimana u'âsi mono sena na 're ihâimana mono zé te te sina hâimo da, te te 'manharĩ wamhã, duré taha zarina wẽ uptabi na 're ihâimana mono zé hã sa'ẽtẽ wamhã, ãne wamhã, e marĩ zarina ĩwasédé, da te ĩ'ãma 're nomri mono da bâ.” 8E tawamhã i'uwaibaba aré, ãne, wa te 're nharĩ za'ra mono wamhã: “Tane ze te bâ, marĩ iwasété si, wa te 're 'manharĩ za'ra wa'aba mono, ta hawi, marĩ iwẽ hã 're wairébé mono da.” Tô sena, te ni'wam norĩ hã te te 're ĩwasu'u wasété za'ra, ãne na te 're inharĩ mono na hã. Tane nherẽ, ta norĩ ma, te za rowasédé hã 'Re ihâimana u'âsi mono te te tãma 're apisutu, i'uwaibaba na te te 're robzépata za'ra mono da.
Uburé wa norĩ hã marĩ na i'upai'wa na, wa 're wahâimana za'ra
9Tawamhã e wa norĩ Zudeu na 're iwahâimana za'ra mono hã, wa Zudeu'õ norĩ nhipai u rowẽ na 're wahâimana za'ra. Mare uptabi di! Ãne na wa tô hâi'ré pa, uburé wa norĩ Zudeu norĩ, duré Zudeu'õ norĩ zama, 're idawasété za'ra mono zém nhiptete zahâpâ 're iwahâimana za'ra mono na hã aiwa. 10Ãne na Ibaihâ Iwazé pese na rob'ui'éré hã te tinha:
“Ni'wa hã hâimana õ di, i'uwaibaba si te te 're i'a'manharĩ mono hã.
11Ni'wa hã hâimana õ di, i'rã nhimiza're hã. Duré ni'wa hã hâimana õ di, 'Re ihâimana u'âsi mono zô si 're irĩtĩ mono hã.
12Uburé ma tô dasina 're dapahâ za'ra, bâdâdi iwẽ nhiti. Uburé ma tô 're dasisimini za'ra. Ni'wai õ di, marĩ iwẽ te te 're i'a'manharĩ mono hã. Ni'wai õ uptabi di tô.
13Dazadawa za'ra hã te dama 're hâimana za'ra, adâ'â 'ru 'ridawa haré ne. Danhoto na te 're dazadawa nhipese za'ra.
Dazaihâ hawi te damreme hã 're wairébé, da te ãma 're idanhimroi mono hã, wahi 'wa wa'u ne.
14Dazadawa hã te 'masisi na dama 're hâimana za'ra, marĩ iwasété uptabi, da te dama 're ipisutu za'ra mono zéb ré, duré da'ruiwaparizéb ré.
15Dasi'aba'ré na te 're dahâimana za'ra, da te 're danhimroi mono da.
16Daro mono bâ 're danomro mono sidâpâ, te da te 're rowamnarĩ za'ra. Te duré da te dama 're sani za'ra, robzépatazé hã.
17Rowẽ u'âsi 're idanomro mono zép te bâdâdi hã, da te 're waihu'u za'ra mono õ di.
18Duré 'Re ihâimana u'âsi mono ma, 're idapahi za'ra mono zé hã iwazébzéb zama, da te 're waihu'u za'ra mono õ di.”
19Wa waihu'u za'ra ni, uburé 'Re ihâimana u'âsi mono nhimiroti zahi na Mozési te te irob'ui'érézé 're ihâimana mono na hã isarina 're ihâimana za'ra mono norĩ ma. Ã hã te 're hâimana, dawẽ na dasina 're idawata za'ra mono zé, da te 're sahâri za'ra mono da, duré uburé ropâ 're dahâimana za'ra mono da, 'Re ihâimana u'âsi mono te te da'ãma 're i'arowairébé mono zéb zahâpâ. 20Tahawa, ni'wa hã 'Re ihâimana u'âsi mono nhimiroti zahi na Mozési te te irob'ui'érézé te te 're i'a'madâ'â pese mono zéb zarina, 'Re ihâimana u'âsi mono te te oto 're 'madâ'â mono dai õ di, i'uwaibaba na 're ihâimana mono na hã. E marĩ wa. Isimiroti zahi hã taré 're hâimana mono wa, ãma 're dasiwaihu'u za'ra mono da, dawasété na 're idanomro mono na.
'Re ihâimana u'âsi mono, i'uwaibaba na 're idahâimana za'ra mono na, te te 're ida'a'madâ'â mono zé, da te dasina 're i'umnhasi za'ra mono zéb zarina si
21Tane nherẽ, ãhã na hã 'Re ihâimana u'âsi mono hã ma tô oto wama hâi'ré za'ra, isimiroti 'rada, da te 're i'madâ'â pese za'ra mono zarina, i'uwaibaba na 're idahâimana za'ra mono na te te 're ida'a'madâ'â mono õ na hã. Uburé 'Re ihâimana u'âsi mono nhimiroti zahi na Mozési te te ãma i'arob'ui'érézé hã duré isadawa 'mahârâ'wa norĩ te te ãma irob'ui'éré za'ra zéb zama titõmo na te te i'madâ'â za'ra zéb zarina ma tô te te ãma 're rob'mahârâ za'ra, ãne: 22'Re ihâimana u'âsi mono hã Zezu Cristu, da te dasina 're i'umnhasi za'ra mono zéb zarina si te te oto 're da'a'madâ'â, i'uwaibaba na 're idahâimana za'ra mono na hã. Ãne te 'Re ihâimana u'âsi mono hã te te 're 'manharĩ, uburé te te 're isaze za'ra mono norĩ ma hã, aimawi na tãma 're da'maihâimana mono õ wa, Zudeu na, niwamhã Zudeu'õ na. 23Uburé te dawasédé hã da te 're 'manharĩ za'ra. Tahawa, te 'Re ihâimana u'âsi mono, wẽ uptabi na 're isãmra mono nhiti 're dahâimana za'ra. 24Tane nherẽ, tinhimizawi pese zéb zarina duré iwa'rãmi marĩ te te dawi 're awaptẽrẽ mono ãna, te 'Re ihâimana u'âsi mono hã i'uwaibaba na 're idahâimana za'ra mono na te te 're da'a'madâ'â, Cristu Zezusi te te ida'awa'âbâ u'âbâ. 25'Re ihâimana u'âsi mono hã ma tô Cristuhu ãma tinhopru, danhimizama da te 're izata za'ra mono ne, wedepo'o nhonhi'rãmi na tidâ'âzém na, Cristu hã 're hâimana mono da, dawasédé 'Re ihâimana u'âsi mono te te da'ãma 're i'a'madâ'â mono õ zé, da te ãma 're sõpẽtẽ za'ra mono da, da te dasina 're i'umnhasi za'ra mono zéb zarina. Ãne ma tô 'Re ihâimana u'âsi mono hã 'manha, i'uwaibaba na 're ihâimana mono na sihâi'ré da. Duréihã wa'a su'u ãna ma tô 're hâimana. Tahawa dawasété nherẽ, te te dama 're arob'manharĩ pipa mono õ di. 26Tane nherẽ, ãhã na hã 'Re ihâimana u'âsi mono hã Cristuhu dâ'âzém na danhimizama da te 're izata za'ra mono ne, ma tô oto sihâi'ré, i'uwaibaba na 're ihâimana mono na. Ãne wa, te i'uwaibaba na 're hâimana. Te te duré 're awẽsãmri, Zezusi te te 're isaze za'ra mono norĩ hã.
27E tawamhã wa za 'râwi 're wasi'madâ'â ze za'ra. Mare uptabi di! E marĩ wa. E 'Re ihâimana u'âsi mono nhimiroti 'rata na Mozési te te irob'ui'érézé, wa te 're 'madâ'â pese za'ra mono wẽ te. Mare di. Taha wab õ di. Tazahã, Cristu, wa te 're isaze za'ra mono zém na si. 28Ãne zarina, wa waihu'u za'ra ni, 'Re ihâimana u'âsi mono hã da te dasina 're i'umnhasi za'ra mono zéb zarina si, i'uwaibaba na 're idahâimana za'ra mono na te te 're ida'a'madâ'â mono na hã, mare di, Mozésihi nhimiroti 'rada, da te 're i'madâ'â pese za'ra mono zarina hã. 29E tawamhã 'Re ihâimana u'âsi mono hã, Zudeu norĩ te si 'Re ihâimana u'âsi mono. E Zudeu'õ norĩ te zamai ã bâ. Tô Zudeu'õ norĩ te zama. 30'Re ihâimana u'âsi mono hã tô misi, 're ihâimana mono. Tahawa, te za Zudeu norĩ hã te te 're 'madâ'â za'ra, i'uwaibaba na 're ihâimana za'ra mono na, te te sina 're i'umnhasi za'ra mono zéb zarina, duré Zudeu'õ norĩ zama tô te te sina 're i'umnhasi za'ra mono zéb zarina si. 31E tawamhã marĩ dai ãna te za wama 're hâimana za'ra Mozésihi nhimi'ui'éré 'rada hã, 'Re ihâimana u'âsi mono, wa te wasina 're umnhasi za'ra mono wa. Mare uptabi di. Zahadu te pire na wama 're wahâimana za'ra.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.