Roma 2
2
'Re ihâimana u'âsi mono hã, dahâiba pisutu te te da'ãma 're arowairébé
1Ĩsiwaihu, ni'wai ãma za iwasédé ãma ihiri da, rosa'rata wamhã, 'râwi te za asima asadawa nhipe. E marĩ wa. Ni'wai ãma iwasédé hiri wamhã, isine marĩ 're a'manharĩ mono nherẽ, 'râwi te za asima ipisu, ropire hã. 2Wama waihu'u pese za'ra di, 'Re ihâimana u'âsi mono tinhimihâzé ipipa i'uwaibaba na te te dama 're i'apisutu mono na hã, ã norĩ marĩ iwasédé te te 're i'manharĩ za'ra mono norĩ ma. 3Tane nherẽ, a hã, dawasédé da'ãma 're aza'ra mono nherẽ, marĩ iwasédé dasine 're a'manharĩ mono wamhã, e tane nherẽ, te asina irosa'ra, 'Re ihâimana u'âsi mono nhimihâzé wi za i'asisõ'reptu na hã. 4E niwamhã te 're iwẽ'õ pese mo, 'Re ihâimana u'âsi mono nhimizawi pese zé hã, duré da'ãma 're iwa'a su'u mono õ zé hã. E waihu'u ã bâ, isimizawi pese zé te te aré i'ai'ãwisi da hã, aihâimanazém na saprĩ da. 5Tane nherẽ, aipẽ'ẽ tete di. Duré asima wẽ õ di, aihâimanazém na isaprĩ da hã. Tahawa te asima isa'ẽtẽ u'âsi mo, 'Re ihâimana u'âsi mono nhimihâzé za 're isépata mono zé hã, niwa za isahizé isihâi'rézéb ãma, i'uwaibaba na za te te da'ãma i'arowairébézéb ãma hã. 6'Re ihâimana u'âsi mono hã te za dama awa'â dahâiba mono bâ, marĩ, da te 're i'manharĩ za'ra mono zéb uwaibaba. 7'Re ihâimana u'âsi mono hã dahâimanazé isi'utõrĩ'õ te za tãma apisutu, ni'wam norĩ marĩ iwẽ si te te 're 'manharĩ za'ra mono da, te te 're i'wapéi u'âsi za'ra mono norĩ ma hã, duré ite rowẽ zô sima sô 're isõpré mono norĩ ma hã, duré 'Re ihâimana u'âsi mono nhimiwazéb zô, duré dahâimanazé isi'utõrĩ'õ zô sima sô 're isõpré mono norĩ ma. 8Tazahã, tizahizé hã duré tinhimihâzé hã te za pisutu, sima si 're ihâimana za'ra mono norĩ ma hã, duré marĩ i'uwaibaba 're ihâimana za'ra mono te te siwi 're iwẽ'õ za'ra mono norĩ ma hã, marĩ iwasété zarina si 're nomro mono da. 9Robzépada hã te za 're hâimana, duré marĩ isé zépada hã marĩ iwasété si te te 're i'manharĩ za'ra mono norĩ ma hã, imorĩ'rata na hã Zudeu norĩ ma, taha parimhã Zudeu'õ norĩ ma zama. 10Tazahã, 'Re ihâimana u'âsi mono hã rowẽ u'â te za tãma pisutu za'ra, duré tinhimiwazébzé hã duré toi u'âsi 're ihâimana za'ra mono zé hã, uburé marĩ iwẽ te te 're i'manharĩ za'ra mono norĩ ma, imorĩ'rata na hã Zudeu norĩ ma, taha parimhã Zudeu'õ norĩ ma. 11E marĩ wa. 'Re ihâimana u'âsi mono hã uburé aiwam na te te 're da'a'madâ'â mono wa.
12Uburé, 'Re ihâimana u'âsi mono nhimiroti zahi na Mozésihi te te ãma irob'ui'érézé te te 're waihu'u za'ra mono ãna tiwasédé te te 're i'manharĩ za'ra mono norĩ hã ta norĩ hã te za 're sisimini za'ra, ta hã roti zahi ãna. Tazahã duré ni'wam norĩ, 'Re ihâimana u'âsi mono nhimiroti zahi na Mozésihi te te ãma irob'ui'érézé te te 're waihu'u za'ra mono pari, tiwasédé te te 're i'manharĩ za'ra mono hã ta norĩ zada te za tô sada 're hâimana za'ra, ta hã roti zahi hã te te ãma 're arowairébé mono da. 13E marĩ wa. Ni'wam norĩ i'uwaibaba na 're ihâimana za'ra mono na, 'Re ihâimana u'âsi mono te te oto 're i'madâ'â za'ra mono, ta norĩ mare di, isimiroti zahi taré tipo're na te te 're iwapari za'ra mono. Tazahã, isimiroti zahi inomro zarina, marĩ iwẽ te te 're i'manharĩ za'ra mono. 14Zudeu'õ norĩ ma, 'Re ihâimana u'âsi mono nhimiroti zahi tãma 're hâimana za'ra mono õ di. Tazahã, 'râwi marĩ te te sima 're iwẽ za'ra mono zéb zarina, roti zahi inomro zarina te te 're 'manharĩ za'ra mono wamhã, ãne wamhã, ta norĩ hã te za 're hâimana za'ra, 'râwi sima roti zahi na, 'Re ihâimana u'âsi mono nhimiroti zahi hã tãma 're hâimana za'ra mono õ nherẽ. 15Ta norĩ hã tihâimanazém na te te 're hâi'ré za'ra, ipẽ'ẽ 're roti zahi na rob'ui'éré tãma 're ihâimana za'ra mono na hã. Isimirosa'rada ãne hã te te tô 're hâi'ré za'ra. 'Râwi tinhimirosa'rata na 're isiwẽ'õ za'ra mono zé hã, te te 're hâi'ré za'ra, ta hã tô sena na hã. Duré ite za'ra rosa'rada hã te duré ta hã te te 're hâi'ré za'ra. Isimirosa'rata za'ra hã nimahã na te za 'râwi iwasédé hã ãma sa'ra za'ra. Nimahã na te za duré i'wawi aimapa za'ra. 16Ãne hã te za tô tiromhâiba, 'Re ihâimana u'âsi mono hã Zezu Cristu, isadawa para te te da'ãma arowairébé wamhã, uburé da'ãma, rosa'rada i'rowi uptabi dama 're ihâimana za'ra mono na, Rowasu'uwẽ hã te dama 're i'mahârâ mono zéb zarina.
Zudeu norĩ, duré 'Re ihâimana u'âsi mono nhimiroti zahi na Mozési te te irob'ui'érézé
17A hã te asina 're inharĩ mo, Zudeu na hã. 'Re ihâimana u'âsi mono nhimiroti zahi na Mozési te te irob'ui'érézé hã te duré 're i'umnhasi mo. Te duré asima 're irowẽ mo, 'Re ihâimana u'âsi mono ãma 're aihâimana mono wa. 18Aima waihu'u pese di, 'Re ihâimana u'âsi mono te te sima iwẽ na hã marĩ iwẽ 're i'manharĩ mono da hã. Duré isimiroti zahi zarina te asima iwaihu'u mo, marĩ i'uwaibaba si 're a'manharĩ mono da.
19Te asina 're irosa'rata mo, itob'a norĩ zaprõni'wa na, duré rob'uiwẽ'wa na robra na 're ihâimana za'ra mono norĩ ma hã, 20duré isimirowaihu'u õ norĩ ma rowahutu'wa na, duré ihâiba tém norĩ ma romnhoré'wa na. Te duré asina 're irosa'rata mo, uburé marĩ aima iwaihu'u pese na, duré uburé tô sena rowaihu iwẽ aima iwaihu'u pese na, 'Re ihâimana u'âsi mono nhimiroti zahi na Mozési te te irob'ui'érézé aima 're hâimana mono wa. 21A hã dama 're irowahutu mono hã, e niha bâ 'râwi asima 're rowahutu mono õ di. Te dama 're irowasu'u mo, 're danhipsaihuri za'ra mono tõ da. E niha bâ te ãne nherẽ 're asimisaihuri mo. 22Te duré 're irowahutu mo, damro na dasiwi 're danhimisaihuri za'ra mono tõ da. E niha bâ bété, te a zama damro na dawi 're asimisaihuri mo. Duré ihâiba'õ norĩ hâiba 'manharĩ hã te asiwi 're iwẽ'õ pese mo. Tane nherẽ, e niha bâ te 'ri, ãma 're idawata za'ra mono zéb ãma marĩ 're isimasa mono hã 're i'anhimi'uri mo. 23Te duré 're asi'madâ'â zei mo, 'Re ihâimana u'âsi mono nhimiroti zahi aima 're ihâimana mono na. Tane nherẽ, te 'Re ihâimana u'âsi mono wi asina 're irowazé mo, isimiroti 're a'madâ'â pese mono õ wa. 24Ãne Ibaihâ Iwazé pese na rob'ui'éré hã te nomro: “Zudeu norĩ, Zudeu'õ norĩ hã te ai'u'âbâb za'ra wa'aba 'Re ihâimana u'âsi mono ãma te te 're wasété za'ra.”
25'Re ihâimana u'âsi mono nhimiroti zahi na rob'ui'éré hã 're a'madâ'â pese mono wap si, danhihâiwata nhihâri hã te za pire na 're hâimana. Tazahã, 're a'madâ'â pese mono õ wamhã, asihâiwata nhizâri õ ne, te 're aihâimana mo. 26Duré, ni'wa isihâiwata nhizâri õ, 'Re ihâimana u'âsi mono nhimiroti zahi te te 're a'madâ'â pese mono wamhã, te za 'Re ihâimana u'âsi mono hã te te 're 'madâ'â u'âsi, sihâiwata nhizâri ré 're ihâimana mono ne. 27Ãne wa, a norĩ wa'wa Zudeu norĩ, te za Zudeu'õ norĩ hã aiwasédé te te ai'ãma 're sa'ra za'ra wa'wa, 'Re ihâimana u'âsi mono nhimiroti zahi i'ui'éré na inomro hã aima 're hâimana za'ra wa'aba mono nherẽ, 're 'madâ'â pese za'ra wa'aba mono õ wa, duré asihâiwata nhihâri za'ra wa'aba ré nherẽ, duré Zudeu'õ norĩ hã 'Re ihâimana u'âsi mono nhimiroti zahi te te 're 'madâ'â pese za'ra mono wa, sihâiwata nhihâri ãna 're nomro mono nherẽ. 28Tahawa, wa za asadanharĩ za'ra wa'wa, ãne: E 'wa hã sena na Zudeu. E 'wa hã sena na sihâiwata nhizâri ré 're ihâimana mono. Mare di tô, Zudeu ihâiba mana wawi sõ'awi sihâiwata nhizâri ré 're ihâimana mo. 29Tazahã, sena na Zudeu na 're ihâimana mono hã, ta hã ipẽ'ẽ 're sena na sihâiwata nhizâri ré ne 're ihâimana mono. Ta hã 'Re ihâimana u'âsi mono Pẽ'ẽzani te te dama 're i'a'manharĩ mono, isimiroti zahi na rob'ui'éré te te i'manharĩ waihu'u õ hã. Taha wasu'u wẽ, tãma 're ihâimana mono hã ti'ai ãma dahawib õ di. Tazahã 'Re ihâimana u'âsi mono hawip si.
Iliyochaguliwa sasa
Roma 2: xavBP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.
Roma 2
2
'Re ihâimana u'âsi mono hã, dahâiba pisutu te te da'ãma 're arowairébé
1Ĩsiwaihu, ni'wai ãma za iwasédé ãma ihiri da, rosa'rata wamhã, 'râwi te za asima asadawa nhipe. E marĩ wa. Ni'wai ãma iwasédé hiri wamhã, isine marĩ 're a'manharĩ mono nherẽ, 'râwi te za asima ipisu, ropire hã. 2Wama waihu'u pese za'ra di, 'Re ihâimana u'âsi mono tinhimihâzé ipipa i'uwaibaba na te te dama 're i'apisutu mono na hã, ã norĩ marĩ iwasédé te te 're i'manharĩ za'ra mono norĩ ma. 3Tane nherẽ, a hã, dawasédé da'ãma 're aza'ra mono nherẽ, marĩ iwasédé dasine 're a'manharĩ mono wamhã, e tane nherẽ, te asina irosa'ra, 'Re ihâimana u'âsi mono nhimihâzé wi za i'asisõ'reptu na hã. 4E niwamhã te 're iwẽ'õ pese mo, 'Re ihâimana u'âsi mono nhimizawi pese zé hã, duré da'ãma 're iwa'a su'u mono õ zé hã. E waihu'u ã bâ, isimizawi pese zé te te aré i'ai'ãwisi da hã, aihâimanazém na saprĩ da. 5Tane nherẽ, aipẽ'ẽ tete di. Duré asima wẽ õ di, aihâimanazém na isaprĩ da hã. Tahawa te asima isa'ẽtẽ u'âsi mo, 'Re ihâimana u'âsi mono nhimihâzé za 're isépata mono zé hã, niwa za isahizé isihâi'rézéb ãma, i'uwaibaba na za te te da'ãma i'arowairébézéb ãma hã. 6'Re ihâimana u'âsi mono hã te za dama awa'â dahâiba mono bâ, marĩ, da te 're i'manharĩ za'ra mono zéb uwaibaba. 7'Re ihâimana u'âsi mono hã dahâimanazé isi'utõrĩ'õ te za tãma apisutu, ni'wam norĩ marĩ iwẽ si te te 're 'manharĩ za'ra mono da, te te 're i'wapéi u'âsi za'ra mono norĩ ma hã, duré ite rowẽ zô sima sô 're isõpré mono norĩ ma hã, duré 'Re ihâimana u'âsi mono nhimiwazéb zô, duré dahâimanazé isi'utõrĩ'õ zô sima sô 're isõpré mono norĩ ma. 8Tazahã, tizahizé hã duré tinhimihâzé hã te za pisutu, sima si 're ihâimana za'ra mono norĩ ma hã, duré marĩ i'uwaibaba 're ihâimana za'ra mono te te siwi 're iwẽ'õ za'ra mono norĩ ma hã, marĩ iwasété zarina si 're nomro mono da. 9Robzépada hã te za 're hâimana, duré marĩ isé zépada hã marĩ iwasété si te te 're i'manharĩ za'ra mono norĩ ma hã, imorĩ'rata na hã Zudeu norĩ ma, taha parimhã Zudeu'õ norĩ ma zama. 10Tazahã, 'Re ihâimana u'âsi mono hã rowẽ u'â te za tãma pisutu za'ra, duré tinhimiwazébzé hã duré toi u'âsi 're ihâimana za'ra mono zé hã, uburé marĩ iwẽ te te 're i'manharĩ za'ra mono norĩ ma, imorĩ'rata na hã Zudeu norĩ ma, taha parimhã Zudeu'õ norĩ ma. 11E marĩ wa. 'Re ihâimana u'âsi mono hã uburé aiwam na te te 're da'a'madâ'â mono wa.
12Uburé, 'Re ihâimana u'âsi mono nhimiroti zahi na Mozésihi te te ãma irob'ui'érézé te te 're waihu'u za'ra mono ãna tiwasédé te te 're i'manharĩ za'ra mono norĩ hã ta norĩ hã te za 're sisimini za'ra, ta hã roti zahi ãna. Tazahã duré ni'wam norĩ, 'Re ihâimana u'âsi mono nhimiroti zahi na Mozésihi te te ãma irob'ui'érézé te te 're waihu'u za'ra mono pari, tiwasédé te te 're i'manharĩ za'ra mono hã ta norĩ zada te za tô sada 're hâimana za'ra, ta hã roti zahi hã te te ãma 're arowairébé mono da. 13E marĩ wa. Ni'wam norĩ i'uwaibaba na 're ihâimana za'ra mono na, 'Re ihâimana u'âsi mono te te oto 're i'madâ'â za'ra mono, ta norĩ mare di, isimiroti zahi taré tipo're na te te 're iwapari za'ra mono. Tazahã, isimiroti zahi inomro zarina, marĩ iwẽ te te 're i'manharĩ za'ra mono. 14Zudeu'õ norĩ ma, 'Re ihâimana u'âsi mono nhimiroti zahi tãma 're hâimana za'ra mono õ di. Tazahã, 'râwi marĩ te te sima 're iwẽ za'ra mono zéb zarina, roti zahi inomro zarina te te 're 'manharĩ za'ra mono wamhã, ãne wamhã, ta norĩ hã te za 're hâimana za'ra, 'râwi sima roti zahi na, 'Re ihâimana u'âsi mono nhimiroti zahi hã tãma 're hâimana za'ra mono õ nherẽ. 15Ta norĩ hã tihâimanazém na te te 're hâi'ré za'ra, ipẽ'ẽ 're roti zahi na rob'ui'éré tãma 're ihâimana za'ra mono na hã. Isimirosa'rada ãne hã te te tô 're hâi'ré za'ra. 'Râwi tinhimirosa'rata na 're isiwẽ'õ za'ra mono zé hã, te te 're hâi'ré za'ra, ta hã tô sena na hã. Duré ite za'ra rosa'rada hã te duré ta hã te te 're hâi'ré za'ra. Isimirosa'rata za'ra hã nimahã na te za 'râwi iwasédé hã ãma sa'ra za'ra. Nimahã na te za duré i'wawi aimapa za'ra. 16Ãne hã te za tô tiromhâiba, 'Re ihâimana u'âsi mono hã Zezu Cristu, isadawa para te te da'ãma arowairébé wamhã, uburé da'ãma, rosa'rada i'rowi uptabi dama 're ihâimana za'ra mono na, Rowasu'uwẽ hã te dama 're i'mahârâ mono zéb zarina.
Zudeu norĩ, duré 'Re ihâimana u'âsi mono nhimiroti zahi na Mozési te te irob'ui'érézé
17A hã te asina 're inharĩ mo, Zudeu na hã. 'Re ihâimana u'âsi mono nhimiroti zahi na Mozési te te irob'ui'érézé hã te duré 're i'umnhasi mo. Te duré asima 're irowẽ mo, 'Re ihâimana u'âsi mono ãma 're aihâimana mono wa. 18Aima waihu'u pese di, 'Re ihâimana u'âsi mono te te sima iwẽ na hã marĩ iwẽ 're i'manharĩ mono da hã. Duré isimiroti zahi zarina te asima iwaihu'u mo, marĩ i'uwaibaba si 're a'manharĩ mono da.
19Te asina 're irosa'rata mo, itob'a norĩ zaprõni'wa na, duré rob'uiwẽ'wa na robra na 're ihâimana za'ra mono norĩ ma hã, 20duré isimirowaihu'u õ norĩ ma rowahutu'wa na, duré ihâiba tém norĩ ma romnhoré'wa na. Te duré asina 're irosa'rata mo, uburé marĩ aima iwaihu'u pese na, duré uburé tô sena rowaihu iwẽ aima iwaihu'u pese na, 'Re ihâimana u'âsi mono nhimiroti zahi na Mozési te te irob'ui'érézé aima 're hâimana mono wa. 21A hã dama 're irowahutu mono hã, e niha bâ 'râwi asima 're rowahutu mono õ di. Te dama 're irowasu'u mo, 're danhipsaihuri za'ra mono tõ da. E niha bâ te ãne nherẽ 're asimisaihuri mo. 22Te duré 're irowahutu mo, damro na dasiwi 're danhimisaihuri za'ra mono tõ da. E niha bâ bété, te a zama damro na dawi 're asimisaihuri mo. Duré ihâiba'õ norĩ hâiba 'manharĩ hã te asiwi 're iwẽ'õ pese mo. Tane nherẽ, e niha bâ te 'ri, ãma 're idawata za'ra mono zéb ãma marĩ 're isimasa mono hã 're i'anhimi'uri mo. 23Te duré 're asi'madâ'â zei mo, 'Re ihâimana u'âsi mono nhimiroti zahi aima 're ihâimana mono na. Tane nherẽ, te 'Re ihâimana u'âsi mono wi asina 're irowazé mo, isimiroti 're a'madâ'â pese mono õ wa. 24Ãne Ibaihâ Iwazé pese na rob'ui'éré hã te nomro: “Zudeu norĩ, Zudeu'õ norĩ hã te ai'u'âbâb za'ra wa'aba 'Re ihâimana u'âsi mono ãma te te 're wasété za'ra.”
25'Re ihâimana u'âsi mono nhimiroti zahi na rob'ui'éré hã 're a'madâ'â pese mono wap si, danhihâiwata nhihâri hã te za pire na 're hâimana. Tazahã, 're a'madâ'â pese mono õ wamhã, asihâiwata nhizâri õ ne, te 're aihâimana mo. 26Duré, ni'wa isihâiwata nhizâri õ, 'Re ihâimana u'âsi mono nhimiroti zahi te te 're a'madâ'â pese mono wamhã, te za 'Re ihâimana u'âsi mono hã te te 're 'madâ'â u'âsi, sihâiwata nhizâri ré 're ihâimana mono ne. 27Ãne wa, a norĩ wa'wa Zudeu norĩ, te za Zudeu'õ norĩ hã aiwasédé te te ai'ãma 're sa'ra za'ra wa'wa, 'Re ihâimana u'âsi mono nhimiroti zahi i'ui'éré na inomro hã aima 're hâimana za'ra wa'aba mono nherẽ, 're 'madâ'â pese za'ra wa'aba mono õ wa, duré asihâiwata nhihâri za'ra wa'aba ré nherẽ, duré Zudeu'õ norĩ hã 'Re ihâimana u'âsi mono nhimiroti zahi te te 're 'madâ'â pese za'ra mono wa, sihâiwata nhihâri ãna 're nomro mono nherẽ. 28Tahawa, wa za asadanharĩ za'ra wa'wa, ãne: E 'wa hã sena na Zudeu. E 'wa hã sena na sihâiwata nhizâri ré 're ihâimana mono. Mare di tô, Zudeu ihâiba mana wawi sõ'awi sihâiwata nhizâri ré 're ihâimana mo. 29Tazahã, sena na Zudeu na 're ihâimana mono hã, ta hã ipẽ'ẽ 're sena na sihâiwata nhizâri ré ne 're ihâimana mono. Ta hã 'Re ihâimana u'âsi mono Pẽ'ẽzani te te dama 're i'a'manharĩ mono, isimiroti zahi na rob'ui'éré te te i'manharĩ waihu'u õ hã. Taha wasu'u wẽ, tãma 're ihâimana mono hã ti'ai ãma dahawib õ di. Tazahã 'Re ihâimana u'âsi mono hawip si.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.