Zuwã 21
21
Zezusi hã isiré norĩ 're inomro mono 7 na ihâiba za'ra norĩ ma, isihâi'rézé
1Ãne parimhã, Zezusi hã ma tô duré sihâi'ré, isiré 're inomro mono norĩ ma, isõ'u Tiberiadi 'rata. Ãne ma tô tiromhâiba.
2Tawamhã siré ma tô asimro: Simau Pedru, duré Tome “Didimo” na isisi amo hã; Natãnaéu, Cana na 'ri wa'õtõ nhisi hawimhã Galiléia 'remhã; duré Zebedeu 'ra norĩ hã, duré maparane isiré 're ine ihâiba amo norĩ hã. 3Tawamhã Simau Pedru hã ma tô tisiré norĩ ma tinha, ãne:
— Tepe zô, wa za mo.
Tahawa isiré norĩ hã ma tô duré tãma nharĩ za'ra, ãne:
— Wa norĩ zama wa za ãma asiré ai'aba'ré ni, tepe zô.
Tahawa uburé ma tô sô ai'aba'ré. Siré ma tô uba're wa asisi. Tane nherẽ, taha mara na hã tebe te te 'mai'âri za'ra õ di. 4Tawamhã awẽm na oto rowa'a wi, Zezusi hã ma tô nhamra, supara ai wa. Tane nherẽ, isiré 're inomro mono norĩ hã te te siwi waihu'u õ di. 5Tawamhã Zezusi hã ma tô sadanharĩ za'ra, ãne:
— Ĩsiré norĩ, e tebe hã ma tô i'mai'âri za'ra wa'wa.
Ma sada'âbâ za'ra, ãne:
— Mare di. Wa te 'mai'âri za'ra õ di.
6Tawamhã Zezusi hã ma tô tãma nharĩ za'ra, ãne:
— Ma'ãpé, abazipara hã uba're nhimire niwĩ asiwi mei wa'aba. Tawamhã tebe hã te za iwaibu za'ra wa'wa.
Tahawa, ma tô sô siwi time, abazipara hã. Te te siwi mei wamhã, â hawimhã te te siwi wazere waihu'u õ di, uba're u hã, tebe ahâ uptabi wa, i'remhã. 7Tawamhã, Zezusihi siré 're imorĩ, te te 're isawi pese mono hã te Pedruhu ma tinha, ãne:
— Õ hã, Wanhib'apito Zezusi!
Tawamhã Simau Pedru, Wanhib'apito na te te tãma iwasu'u na imreme te te wapari wamhã, ti'uza ihâpa na ma tô apâ si'uza, te te aré sisa wazere wa. Taha pari ma tô âi ba tobro. 8Tazahã isiré norĩ hã uba're ma tô siwi tisa tepe ré, romhutu wa supara ai u hã, 100 metru na ti'ai pibuzé pazaihâ u hã. 9Uba're hawi wairébé wamhã, uzâ hã ma tô siwi 'madâ, duré pré'a nhisiwi tebe isimi'wara hã, duré i'u'ẽtẽ wapu zama. 10Tawamhã Zezusi hã ma tô tãma nharĩ za'ra, ãne:
— Tebe hã we asiwi 'mai'âri aba, nimosi iwaibu za'ra wa'wa hã.
11Tawamhã Simau Pedru ma tô uba're wa ãzé. Uba're hawi ma tô abazipara hã tisa, supara u. I'remhã 'masisi uptabi di tebe hã. Isa'ẽtẽ si hã 153 na ihâiba hã. Tane nherẽ, te te sina tari õ di. 12Tawamhã Zezusi hã ma tô 'mahârâ za'ra, ãne:
— We ai'aba'réi wa'aba, asaihuri aba da.
Tawamhã isiré 're inomro mono norĩ hã, ni'wa hã sada si'aibâ õ di, te te isadanharĩ da hã, ãne: “E 'wa hã a hã”, tãma waihu'u pese za'ra wa, Wanhib'apito na hã. 13Tawamhã Zezusi ma tô i'u'ẽtẽ wapu hã ti'â. Taha pari ma tô tãma sõmri za'ra. Tô õne ma tô duré 'manha, tepe norĩ na hã.
14Ã hã si'ubdatõ ãma hã ma tô Zezusi hã sihâi'ré, isiré 're inomro mono norĩ ma, hâiwa'utu parimhã.
Zezusi hã Pedru te te sina isadanharĩzé
15Tawamhã saihuri parimhã, Zezusi hã ma tô Simau Pedru sina sadanha, ãne:
— Simau, Zuwãhã 'ra, e aima ĩzawi uptabi di, ã norĩ hã te te 're ĩzawi za'ra mono nhipai u.
Tawamhã Pedru hã ma sada'â, ãne:
— Ĩhe. Wanhib'apito, aima waihu'u pese di, ĩma i'asawi uptabi na hã.
Tahawa te Zezusi hã tãma tinha, ãne:
— Ma'ãpé ĩte pone'ẽrebâ i'rare norĩ hã 're a'madâ'â pese mono!
16Taha pari maparane ãma hã te duré sina sadanha, ãne:
— Simau, Zuwãhã 'ra, e aima ĩzawi uptabi di.
Pedru hã ma duré sada'â, ãne:
— Ĩhe. Wanhib'apito, aima waihu'u pese di, ĩma i'asawi uptabi na hã.
Tahawa te Zezusi hã duré tãma tinha, ãne:
— Ma'ãpé, 're a'madâ'â pese mono, ĩte pone'ẽrebâ norĩ hã.
17Tawamhã si'ubdatõ ãma te duré sina sadanha, ãne:
— Simau, Zuwãhã 'ra, e aima ĩzawi uptabi di.
Tawamhã Pedruhu wi ma tô tirobzei'õ, Zezusi hã si'ubdatõ te te duré sadanharĩ wa, ãne: “E aima ĩzawi uptabi di.” Tawamhã ma tô sada'â, ãne:
— Wanhib'apito, uburé marĩ hã aima waihu'u pese di. Duré aima ĩwaihu'u pese di, ĩma i'asawi uptabi na hã.
Tahawa Zezusi hã ma tô duré tãma ti'ru, ãne:
— Ma'ãpé, 're a'madâ'â pese mono, ĩte pone'ẽrebâ norĩ hã. 18Aihâiba téb ré hã, te 're asi'uza mo, asima 're irowẽ mono zéb uwaibaba, 're ane mono da. Tane nherẽ, wa za tô sena ãne hã aima waihu'u: Asi'ihi wamhã, asib'rada hã te za dama iwẽ zahuré. Tawamhã te za aipawasisi ni. Taha pari te za asaprõni ni, asima rowẽ õ nherẽ, nimomo za i'aimorĩzéb u hã.
19Ãne na ma tô Zezusi hã tãma tinha, niha na za idâ'âzé hã te te tãma waihu'u siromo da, duré taha na 'Re ihâimana u'âsi mono, wẽ uptabi na 're ihâimana mono zé hã te te hâi'ré da.
Tawamhã Zezusi hã Pedruhu ma, ma tô tinha, ãne:
— We ĩzarina aimorĩ.
Zezusi hã Pedruhu ma, te te irotizé, Zuwãhã ãma
20Tawamhã Pedru hã sibabarãi u ma tô aipi'ra. Tahawa ma tô 'madâ, Zezusi te te 're isawi pese mono isarina imorĩ zahuré na hã. Ta hã Zezusihi zababa isãmra, barana saihuri wamhã, Pascoa na dato nhisi ihâimana ãma hã, 'râwi pesere te te itẽme sina irotédé, te te sadanharĩ da, ãne hã: “Wanhib'apito, e 'wa hã te za dama aihâiba nho.” 21Tawamhã Pedru hã, isa'u imorĩ zahuré te te 'madâ'â wamhã, ma tô Zezusi hã ãma sadanha, ãne:
— Wanhib'apito. E niha za bété, ã hã.
22Tawamhã Zezusi hã ma ãma sada'â, ãne:
— Apâ we ĩmorĩzéb u, dâ'â ãna 're hâimana mono da, te ĩsima wẽ wamhã, a hã ãma asi'madâ'â dai õ di. Ĩzarina si we aimorĩ, a hã.
23Tahawa, rowasu'u hã ma tô ropé Zezusihi zazei'wa norĩ 'remhã, Zezusi te te 're isawi pese mono za idâ'â õ na hã. Tane nherẽ, Zezusi hã ãne te te ãma nharĩ õ di. Taré ma tô ãma tinha, ãne: “Apâ we ĩmorĩzéb u, dâ'â ãna 're hâimana mono da, te ĩsima wẽ wamhã, e niha te ãma irosa'ra, a hã.”
24Ã hã Zezusihi siré re imorĩ, ãne na te te 're irowasu'u mono, duré te te ãma irob'ui'éré. Wama waihu'u pese za'ra di, isimirowasu'u hã tô sena uptabi na hã.
Zuwã te te irob'ui'éré 'rãsutu zé
Zuwã 20.30-31
25Zezusi hã ahâ uptabi na ma tô duré marĩ hã te te 're a'manharĩ. Uburé pese ãma rob'ui'éré, hâimana za'ra 'wa'âhã, ti'ai ãma ropâ itepãiwasi ãma rob'ui'éré ré hã aré 're ihâimana za'ra mono da hã, tãma rob're su'ure di.
Iliyochaguliwa sasa
Zuwã 21: xavBP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.
Zuwã 21
21
Zezusi hã isiré norĩ 're inomro mono 7 na ihâiba za'ra norĩ ma, isihâi'rézé
1Ãne parimhã, Zezusi hã ma tô duré sihâi'ré, isiré 're inomro mono norĩ ma, isõ'u Tiberiadi 'rata. Ãne ma tô tiromhâiba.
2Tawamhã siré ma tô asimro: Simau Pedru, duré Tome “Didimo” na isisi amo hã; Natãnaéu, Cana na 'ri wa'õtõ nhisi hawimhã Galiléia 'remhã; duré Zebedeu 'ra norĩ hã, duré maparane isiré 're ine ihâiba amo norĩ hã. 3Tawamhã Simau Pedru hã ma tô tisiré norĩ ma tinha, ãne:
— Tepe zô, wa za mo.
Tahawa isiré norĩ hã ma tô duré tãma nharĩ za'ra, ãne:
— Wa norĩ zama wa za ãma asiré ai'aba'ré ni, tepe zô.
Tahawa uburé ma tô sô ai'aba'ré. Siré ma tô uba're wa asisi. Tane nherẽ, taha mara na hã tebe te te 'mai'âri za'ra õ di. 4Tawamhã awẽm na oto rowa'a wi, Zezusi hã ma tô nhamra, supara ai wa. Tane nherẽ, isiré 're inomro mono norĩ hã te te siwi waihu'u õ di. 5Tawamhã Zezusi hã ma tô sadanharĩ za'ra, ãne:
— Ĩsiré norĩ, e tebe hã ma tô i'mai'âri za'ra wa'wa.
Ma sada'âbâ za'ra, ãne:
— Mare di. Wa te 'mai'âri za'ra õ di.
6Tawamhã Zezusi hã ma tô tãma nharĩ za'ra, ãne:
— Ma'ãpé, abazipara hã uba're nhimire niwĩ asiwi mei wa'aba. Tawamhã tebe hã te za iwaibu za'ra wa'wa.
Tahawa, ma tô sô siwi time, abazipara hã. Te te siwi mei wamhã, â hawimhã te te siwi wazere waihu'u õ di, uba're u hã, tebe ahâ uptabi wa, i'remhã. 7Tawamhã, Zezusihi siré 're imorĩ, te te 're isawi pese mono hã te Pedruhu ma tinha, ãne:
— Õ hã, Wanhib'apito Zezusi!
Tawamhã Simau Pedru, Wanhib'apito na te te tãma iwasu'u na imreme te te wapari wamhã, ti'uza ihâpa na ma tô apâ si'uza, te te aré sisa wazere wa. Taha pari ma tô âi ba tobro. 8Tazahã isiré norĩ hã uba're ma tô siwi tisa tepe ré, romhutu wa supara ai u hã, 100 metru na ti'ai pibuzé pazaihâ u hã. 9Uba're hawi wairébé wamhã, uzâ hã ma tô siwi 'madâ, duré pré'a nhisiwi tebe isimi'wara hã, duré i'u'ẽtẽ wapu zama. 10Tawamhã Zezusi hã ma tô tãma nharĩ za'ra, ãne:
— Tebe hã we asiwi 'mai'âri aba, nimosi iwaibu za'ra wa'wa hã.
11Tawamhã Simau Pedru ma tô uba're wa ãzé. Uba're hawi ma tô abazipara hã tisa, supara u. I'remhã 'masisi uptabi di tebe hã. Isa'ẽtẽ si hã 153 na ihâiba hã. Tane nherẽ, te te sina tari õ di. 12Tawamhã Zezusi hã ma tô 'mahârâ za'ra, ãne:
— We ai'aba'réi wa'aba, asaihuri aba da.
Tawamhã isiré 're inomro mono norĩ hã, ni'wa hã sada si'aibâ õ di, te te isadanharĩ da hã, ãne: “E 'wa hã a hã”, tãma waihu'u pese za'ra wa, Wanhib'apito na hã. 13Tawamhã Zezusi ma tô i'u'ẽtẽ wapu hã ti'â. Taha pari ma tô tãma sõmri za'ra. Tô õne ma tô duré 'manha, tepe norĩ na hã.
14Ã hã si'ubdatõ ãma hã ma tô Zezusi hã sihâi'ré, isiré 're inomro mono norĩ ma, hâiwa'utu parimhã.
Zezusi hã Pedru te te sina isadanharĩzé
15Tawamhã saihuri parimhã, Zezusi hã ma tô Simau Pedru sina sadanha, ãne:
— Simau, Zuwãhã 'ra, e aima ĩzawi uptabi di, ã norĩ hã te te 're ĩzawi za'ra mono nhipai u.
Tawamhã Pedru hã ma sada'â, ãne:
— Ĩhe. Wanhib'apito, aima waihu'u pese di, ĩma i'asawi uptabi na hã.
Tahawa te Zezusi hã tãma tinha, ãne:
— Ma'ãpé ĩte pone'ẽrebâ i'rare norĩ hã 're a'madâ'â pese mono!
16Taha pari maparane ãma hã te duré sina sadanha, ãne:
— Simau, Zuwãhã 'ra, e aima ĩzawi uptabi di.
Pedru hã ma duré sada'â, ãne:
— Ĩhe. Wanhib'apito, aima waihu'u pese di, ĩma i'asawi uptabi na hã.
Tahawa te Zezusi hã duré tãma tinha, ãne:
— Ma'ãpé, 're a'madâ'â pese mono, ĩte pone'ẽrebâ norĩ hã.
17Tawamhã si'ubdatõ ãma te duré sina sadanha, ãne:
— Simau, Zuwãhã 'ra, e aima ĩzawi uptabi di.
Tawamhã Pedruhu wi ma tô tirobzei'õ, Zezusi hã si'ubdatõ te te duré sadanharĩ wa, ãne: “E aima ĩzawi uptabi di.” Tawamhã ma tô sada'â, ãne:
— Wanhib'apito, uburé marĩ hã aima waihu'u pese di. Duré aima ĩwaihu'u pese di, ĩma i'asawi uptabi na hã.
Tahawa Zezusi hã ma tô duré tãma ti'ru, ãne:
— Ma'ãpé, 're a'madâ'â pese mono, ĩte pone'ẽrebâ norĩ hã. 18Aihâiba téb ré hã, te 're asi'uza mo, asima 're irowẽ mono zéb uwaibaba, 're ane mono da. Tane nherẽ, wa za tô sena ãne hã aima waihu'u: Asi'ihi wamhã, asib'rada hã te za dama iwẽ zahuré. Tawamhã te za aipawasisi ni. Taha pari te za asaprõni ni, asima rowẽ õ nherẽ, nimomo za i'aimorĩzéb u hã.
19Ãne na ma tô Zezusi hã tãma tinha, niha na za idâ'âzé hã te te tãma waihu'u siromo da, duré taha na 'Re ihâimana u'âsi mono, wẽ uptabi na 're ihâimana mono zé hã te te hâi'ré da.
Tawamhã Zezusi hã Pedruhu ma, ma tô tinha, ãne:
— We ĩzarina aimorĩ.
Zezusi hã Pedruhu ma, te te irotizé, Zuwãhã ãma
20Tawamhã Pedru hã sibabarãi u ma tô aipi'ra. Tahawa ma tô 'madâ, Zezusi te te 're isawi pese mono isarina imorĩ zahuré na hã. Ta hã Zezusihi zababa isãmra, barana saihuri wamhã, Pascoa na dato nhisi ihâimana ãma hã, 'râwi pesere te te itẽme sina irotédé, te te sadanharĩ da, ãne hã: “Wanhib'apito, e 'wa hã te za dama aihâiba nho.” 21Tawamhã Pedru hã, isa'u imorĩ zahuré te te 'madâ'â wamhã, ma tô Zezusi hã ãma sadanha, ãne:
— Wanhib'apito. E niha za bété, ã hã.
22Tawamhã Zezusi hã ma ãma sada'â, ãne:
— Apâ we ĩmorĩzéb u, dâ'â ãna 're hâimana mono da, te ĩsima wẽ wamhã, a hã ãma asi'madâ'â dai õ di. Ĩzarina si we aimorĩ, a hã.
23Tahawa, rowasu'u hã ma tô ropé Zezusihi zazei'wa norĩ 'remhã, Zezusi te te 're isawi pese mono za idâ'â õ na hã. Tane nherẽ, Zezusi hã ãne te te ãma nharĩ õ di. Taré ma tô ãma tinha, ãne: “Apâ we ĩmorĩzéb u, dâ'â ãna 're hâimana mono da, te ĩsima wẽ wamhã, e niha te ãma irosa'ra, a hã.”
24Ã hã Zezusihi siré re imorĩ, ãne na te te 're irowasu'u mono, duré te te ãma irob'ui'éré. Wama waihu'u pese za'ra di, isimirowasu'u hã tô sena uptabi na hã.
Zuwã te te irob'ui'éré 'rãsutu zé
Zuwã 20.30-31
25Zezusi hã ahâ uptabi na ma tô duré marĩ hã te te 're a'manharĩ. Uburé pese ãma rob'ui'éré, hâimana za'ra 'wa'âhã, ti'ai ãma ropâ itepãiwasi ãma rob'ui'éré ré hã aré 're ihâimana za'ra mono da hã, tãma rob're su'ure di.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.