Zuwã 20
20
Zezusi hã, apâ ihâiwa'utuzé
Mateus 28.1-8; Marcus 16.1-8; Lucas 24.1-12
1Tawamhã dumigu mararé uptabi, zahadu robra ré, Maria Madalena hã ma tô mo, ab're u. Tamomo wisi wamhã, ẽne ab're nhitobzé hã ma tô 'madâ, ni'wa te te isa'ré na hã. 2Tahawa, ma tô wara Simau Pedru isãmrazéb u, duré ihâiba amo isiré 're imorĩ, Zezusi te te 're isawi pese mono u zama. Ãne ma tô tãma rowasu'u zahuré:
— Wanhib'apito hã ma tô dasiwi wazere ni, ab're hawi. Duré waihu'u õ di nimame, da te dasiwi ihirizé hã.
3Tawamhã Pedru duré isiré 're imorĩ Zezusi te te 're isawi pese mono me, ma tô awa'awi tipusi zahuré. Ab're u ma tô asamro. 4Siré sisamroi wamhã, ihâiba amo hã ma tô Pedruhu ãma sisa'u. Tahawa ma tô ta hã imorĩ'rata na wi, ab're u. 5Wisi wamhã, ab're u ma tô aiwẽ'ẽ, te te rob'madâ'â da. Tawamhã ab're 'remhã ma tô 'madâ za'ra, zazahâ ihâirã i'ubuzé isimi'wara hã. Tane nherẽ, ab're u hã sébré õ di. 6Tawamhã Simau Pedru isa'u iwi hã ma tô õne haré ãzé, ab're 're. Ta hã ma tô duré 'madâ, zazahâ ihâirã i'ubuzé isimi'wara hã, 7duré zazahâ ihâirã, Zezusihi 'rã ubuzéb zama. Ihâiba ubuzém nhiti, te nomro, hâ nhinhai wẽ na. 8Tawamhã isiré 're imorĩ Pedruhu wana iwi hã ma tô duré ãzé oto, ab're 're. Ma tô sabu. Tahawa ma tô saze. 9(Ta norĩ hã, zahadu te te sadaihu'u zahuré õ di, Ibaihâ Iwazé pese na rob'ui'éré inomro hã, tô i'ru zahi zarina, Zezusi apâ ihâiwa'utu da hã.) 10Taha pari ab're hawi, ma tô apâ tineb zahuré, 'ri u.
Zezusi hã Maria Madalenahã ma isihâi'rézé
Mateus 28.9-10; Marcus 16.9-11
11Tane nherẽ, Maria Madalenahã si ma tô isa'u zahuré aiwa'õ, ab're dawa. Siwa'õi ré, ma tô aiwẽ'ẽ, ab're u te te rob'madâ'â da. 12Tawamhã maparane hâiwa hawi romhuri'wa i'uza ihâirã uptabi zahuré hã ma tô 'madâ'â zahuré, Zezusihi hâiba inomrozéb ãma simasisi ré. Ihâiba amo hã i'rãi ãma te nhamra. Duré ihâiba amo hã ipara ãma te nhamra. 13Tawamhã hâiwa hawi romhuri'wa norĩ hã te Maria Madalena sadanharĩ zahuré, ãne:
— Pi'õ, e marĩ wa, te aiwa'õ.
— Ĩnhib'apito hã, da te dasiwi wazere wa, duré nimame da te ihirizé hã te waihu'u õ wa. — Ãne ma tô Maria Madalena hã ãma sada'âbâ zahuré.
14Ãne te te tãma nharĩ zahuré pari, ma tô aipi'ra, Maria Madalena hã. Tame ma tô 'madâ Zezusi hã, hâiwi isam na. Tane nherẽ, te te waihu'u õ di. 15Tawamhã Zezusi hã ma tô sadanha, ãne:
— Pi'õ, e marĩ wa, te aiwa'õ. E 'wa sô, te airĩ.
Tawamhã Maria hã ma tô ãma rosa'rata, isadanharĩ'wa hã rob'rere 'madâ'â'wa newa. Tahawa ma tô ãne tãma tinha:
— A hã ã hawi wazere wamhã, ma'ãpé ihirizé hã ĩma wasu'u na, te waihu'u da, ihirizéb u sô ĩmorĩ da, apâ te wei âri da.
16Tawamhã Zezusi hã ma tô 'mahâ, ãne:
— Maria!
Maria hã tinhisi te te wapari wa, ma tô itẽme aipi'ra. Ma tô sada'â Ebreu norĩ mreme na, ãne:
— Raboni. (Ã hã damreme ãma isaprĩ hã “Rowahutu'wa”.)
17Tawamhã Zezusi hã te tãma tinha, ãne:
— Ĩtété tõ, zahadu apâ ĩmorĩ õ wa, Ĩmama u hã. Tahawa mo oto aimorĩ, ĩsisãnawã norĩ u, tãma ĩzadawa wasu'u za'ra da, ãne: “Apâ wa za oto mo Ĩmama u, duré Aimama za'ra wa'aba u, ĩte 'Re ihâimana u'âsi mono u, duré ate za'ra wa'wa 'Re ihâimana u'âsi mono u hã.”
18Tawamhã Maria Madalena hã ma tô itẽme timorĩ za'ra. Ãne ma tô tãma rowasu'u za'ra, Zezusihi siré 're inomro mono norĩ ma:
— Wanhib'apito hã wa tô 'madâ.
Tawamhã ma tô duré tãma wasu'u za'ra, Wanhib'apito te te tãma inharĩzé hã.
Zezusi hã isiré 're inomro mono norĩ ma isihâi'rézé
Mateus 28.16-20; Marcus 16.14-18; Lucas 24.36-49
19Tawamhã dumigu na ma'rã wi, isiré 're inomro mono norĩ hã ma tô si'rã'õtõ. Zudeu norĩ ma, pahi za'ra wa, ma tô 'ridawa hã siré tété za'ra. Tawamhã Zezusi hã ma tô iwa'wab za'ra sihâi'ré. Ãne ma tô tãma nharĩ za'ra:
— Rowẽ hã asiré 're hâimana za'ra wa'aba mono!
20Ãne te te tãma nharĩ za'ra parimhã, tinhib'rada hã ma tô tãma hâi'ré za'ra, duré ti'a're zama. Tawamhã isiré 're inomro mono norĩ hã Wanhib'apito te te siwi 'madâ'â wamhã, ma tô 're to za'ra, rowẽ te. 21Tawamhã Zezusi hã te duré tãma nharĩ za'ra, ãne:
— Rowẽ hã asiré 're hâimana za'ra wa'aba mono! Ĩmama hã we te te ĩzatõrĩ ne, wa duré a norĩ wa'wa hã asatõrĩ za'ra wa'wa.
22Ãne te te tãma nharĩ za'ra pari, ma tô tizadawa wa'u'u na sa'uri za'ra. Ãne te tãma nharĩ za'ra:
— Ĩmama Pẽ'ẽzani hã, waibui wa'aba. 23Ni'wa hã tiwasédé te te 're i'ab'manharĩ mono zé hã ãma 're 'madâ'â za'ra wa'aba mono õ wamhã, taha zarina 'Re ihâimana u'âsi mono zama te te duré ãma 're 'madâ'â mono õ di za. Tazahã, ãma 're 'madâ'â u'âsi za'ra wa'aba mono wamhã, taha zarina te za duré 'Re ihâimana u'âsi mono zama te te ãma 're 'madâ'â u'âsi.
Zezusi hã Tomehẽ ma isihâi'rézé
24Tawamhã Zezusi hã isiré 're inomro mono norĩ ma sihâi'ré wamhã, Tome (Didimo na isisi amo hã) sãmra õ di, tisiré norĩ siré hã. 25Tahawa, isiré norĩ hã ma tô ãne tãma rowasu'u za'ra:
— Wanhib'apito hã, wa wasiwi 'madâ'â ni.
Tawamhã Tome hã ma sada'âbâ za'ra, ãne:
— Isi'uwazi prégu na da te isib'rata zapu'uzé hã te 'madâ'â õ wamhã, duré ĩnhiptõmo hi isib'rata zapu'u 'remhã te sẽrẽ õ wamhã, duré da te i'a're zapu'uzéb ãma ĩnhib'rada hã te sẽrẽ õ wamhã, ãma ĩnhimizazei õ di za.
26Tawamhã romhuri misi si'utõrĩ parimhã, Zezusihi siré 're inomro mono norĩ hã ma tô duré si'rã'õtõ, 'ridawa tété haré. Tome hã te oto isiré tinhamra za'ra. Tawamhã Zezusi hã ma tô oto iwa'wab za'ra tãma sihâi'ré za'ra. Ãne te tãma nharĩ za'ra:
— Rowẽ hã asiré 're hâimana za'ra wa'aba mono.
27Taha pari Zezusi hã te Tomehẽ ma tinha, ãne:
— Ma'ãpé ĩnhib'rada hã 'madâ'â zahuré na. Ma'ãpé duré asipto hã ĩnhib'rata zapu'u norĩ ãma sẽrẽ. Ma'ãpé duré asib'rada hã wei wẽ na. Sẽrẽ, ĩ'a're wi, da te ĩwa'rézéb ãma. Asimiwawã hã sazâri. Ma'ãpé ĩzaze na.
28Tawamhã Tome hã ma tô ãne sada'â:
— Ĩnhib'apito, duré ĩte 'Re ihâimana u'âsi mono.
29Tahawa ma tô Zezusi hã ãne tãma tinha:
— E ĩ'madâ'â wap si, ma ĩzaze. Te te 're ĩ'madâ'â za'ra mono õ nherẽ, te te 're ĩzaze za'ra mono norĩ ma si, 're rowẽ uptabi za'ra mono di.
Rowasu'u 'rãsudu
30Zezusi hã ahâ uptabi na ma tô aimawi marĩ dama i'manharĩ waihu'u'õ hã te te 're a'manharĩ, isiré 're inomro mono norĩ nho'a, ã hã ibaihâ na nima norĩ na ãma irob'ui'éré õ hã. 31Tane nherẽ, ã norĩ ãma rob'ui'éré ihâimana za'ra hã, saze za'ra wa'aba da, Zezusi hã danho'reptui'wa na, 'Re ihâimana u'âsi mono 'ra hã, 're saze za'ra wa'aba mono wa, aihâimanazé isi'utõrĩ'õ hã ãma aima 're hâimana za'ra wa'aba mono da.
Iliyochaguliwa sasa
Zuwã 20: xavBP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.
Zuwã 20
20
Zezusi hã, apâ ihâiwa'utuzé
Mateus 28.1-8; Marcus 16.1-8; Lucas 24.1-12
1Tawamhã dumigu mararé uptabi, zahadu robra ré, Maria Madalena hã ma tô mo, ab're u. Tamomo wisi wamhã, ẽne ab're nhitobzé hã ma tô 'madâ, ni'wa te te isa'ré na hã. 2Tahawa, ma tô wara Simau Pedru isãmrazéb u, duré ihâiba amo isiré 're imorĩ, Zezusi te te 're isawi pese mono u zama. Ãne ma tô tãma rowasu'u zahuré:
— Wanhib'apito hã ma tô dasiwi wazere ni, ab're hawi. Duré waihu'u õ di nimame, da te dasiwi ihirizé hã.
3Tawamhã Pedru duré isiré 're imorĩ Zezusi te te 're isawi pese mono me, ma tô awa'awi tipusi zahuré. Ab're u ma tô asamro. 4Siré sisamroi wamhã, ihâiba amo hã ma tô Pedruhu ãma sisa'u. Tahawa ma tô ta hã imorĩ'rata na wi, ab're u. 5Wisi wamhã, ab're u ma tô aiwẽ'ẽ, te te rob'madâ'â da. Tawamhã ab're 'remhã ma tô 'madâ za'ra, zazahâ ihâirã i'ubuzé isimi'wara hã. Tane nherẽ, ab're u hã sébré õ di. 6Tawamhã Simau Pedru isa'u iwi hã ma tô õne haré ãzé, ab're 're. Ta hã ma tô duré 'madâ, zazahâ ihâirã i'ubuzé isimi'wara hã, 7duré zazahâ ihâirã, Zezusihi 'rã ubuzéb zama. Ihâiba ubuzém nhiti, te nomro, hâ nhinhai wẽ na. 8Tawamhã isiré 're imorĩ Pedruhu wana iwi hã ma tô duré ãzé oto, ab're 're. Ma tô sabu. Tahawa ma tô saze. 9(Ta norĩ hã, zahadu te te sadaihu'u zahuré õ di, Ibaihâ Iwazé pese na rob'ui'éré inomro hã, tô i'ru zahi zarina, Zezusi apâ ihâiwa'utu da hã.) 10Taha pari ab're hawi, ma tô apâ tineb zahuré, 'ri u.
Zezusi hã Maria Madalenahã ma isihâi'rézé
Mateus 28.9-10; Marcus 16.9-11
11Tane nherẽ, Maria Madalenahã si ma tô isa'u zahuré aiwa'õ, ab're dawa. Siwa'õi ré, ma tô aiwẽ'ẽ, ab're u te te rob'madâ'â da. 12Tawamhã maparane hâiwa hawi romhuri'wa i'uza ihâirã uptabi zahuré hã ma tô 'madâ'â zahuré, Zezusihi hâiba inomrozéb ãma simasisi ré. Ihâiba amo hã i'rãi ãma te nhamra. Duré ihâiba amo hã ipara ãma te nhamra. 13Tawamhã hâiwa hawi romhuri'wa norĩ hã te Maria Madalena sadanharĩ zahuré, ãne:
— Pi'õ, e marĩ wa, te aiwa'õ.
— Ĩnhib'apito hã, da te dasiwi wazere wa, duré nimame da te ihirizé hã te waihu'u õ wa. — Ãne ma tô Maria Madalena hã ãma sada'âbâ zahuré.
14Ãne te te tãma nharĩ zahuré pari, ma tô aipi'ra, Maria Madalena hã. Tame ma tô 'madâ Zezusi hã, hâiwi isam na. Tane nherẽ, te te waihu'u õ di. 15Tawamhã Zezusi hã ma tô sadanha, ãne:
— Pi'õ, e marĩ wa, te aiwa'õ. E 'wa sô, te airĩ.
Tawamhã Maria hã ma tô ãma rosa'rata, isadanharĩ'wa hã rob'rere 'madâ'â'wa newa. Tahawa ma tô ãne tãma tinha:
— A hã ã hawi wazere wamhã, ma'ãpé ihirizé hã ĩma wasu'u na, te waihu'u da, ihirizéb u sô ĩmorĩ da, apâ te wei âri da.
16Tawamhã Zezusi hã ma tô 'mahâ, ãne:
— Maria!
Maria hã tinhisi te te wapari wa, ma tô itẽme aipi'ra. Ma tô sada'â Ebreu norĩ mreme na, ãne:
— Raboni. (Ã hã damreme ãma isaprĩ hã “Rowahutu'wa”.)
17Tawamhã Zezusi hã te tãma tinha, ãne:
— Ĩtété tõ, zahadu apâ ĩmorĩ õ wa, Ĩmama u hã. Tahawa mo oto aimorĩ, ĩsisãnawã norĩ u, tãma ĩzadawa wasu'u za'ra da, ãne: “Apâ wa za oto mo Ĩmama u, duré Aimama za'ra wa'aba u, ĩte 'Re ihâimana u'âsi mono u, duré ate za'ra wa'wa 'Re ihâimana u'âsi mono u hã.”
18Tawamhã Maria Madalena hã ma tô itẽme timorĩ za'ra. Ãne ma tô tãma rowasu'u za'ra, Zezusihi siré 're inomro mono norĩ ma:
— Wanhib'apito hã wa tô 'madâ.
Tawamhã ma tô duré tãma wasu'u za'ra, Wanhib'apito te te tãma inharĩzé hã.
Zezusi hã isiré 're inomro mono norĩ ma isihâi'rézé
Mateus 28.16-20; Marcus 16.14-18; Lucas 24.36-49
19Tawamhã dumigu na ma'rã wi, isiré 're inomro mono norĩ hã ma tô si'rã'õtõ. Zudeu norĩ ma, pahi za'ra wa, ma tô 'ridawa hã siré tété za'ra. Tawamhã Zezusi hã ma tô iwa'wab za'ra sihâi'ré. Ãne ma tô tãma nharĩ za'ra:
— Rowẽ hã asiré 're hâimana za'ra wa'aba mono!
20Ãne te te tãma nharĩ za'ra parimhã, tinhib'rada hã ma tô tãma hâi'ré za'ra, duré ti'a're zama. Tawamhã isiré 're inomro mono norĩ hã Wanhib'apito te te siwi 'madâ'â wamhã, ma tô 're to za'ra, rowẽ te. 21Tawamhã Zezusi hã te duré tãma nharĩ za'ra, ãne:
— Rowẽ hã asiré 're hâimana za'ra wa'aba mono! Ĩmama hã we te te ĩzatõrĩ ne, wa duré a norĩ wa'wa hã asatõrĩ za'ra wa'wa.
22Ãne te te tãma nharĩ za'ra pari, ma tô tizadawa wa'u'u na sa'uri za'ra. Ãne te tãma nharĩ za'ra:
— Ĩmama Pẽ'ẽzani hã, waibui wa'aba. 23Ni'wa hã tiwasédé te te 're i'ab'manharĩ mono zé hã ãma 're 'madâ'â za'ra wa'aba mono õ wamhã, taha zarina 'Re ihâimana u'âsi mono zama te te duré ãma 're 'madâ'â mono õ di za. Tazahã, ãma 're 'madâ'â u'âsi za'ra wa'aba mono wamhã, taha zarina te za duré 'Re ihâimana u'âsi mono zama te te ãma 're 'madâ'â u'âsi.
Zezusi hã Tomehẽ ma isihâi'rézé
24Tawamhã Zezusi hã isiré 're inomro mono norĩ ma sihâi'ré wamhã, Tome (Didimo na isisi amo hã) sãmra õ di, tisiré norĩ siré hã. 25Tahawa, isiré norĩ hã ma tô ãne tãma rowasu'u za'ra:
— Wanhib'apito hã, wa wasiwi 'madâ'â ni.
Tawamhã Tome hã ma sada'âbâ za'ra, ãne:
— Isi'uwazi prégu na da te isib'rata zapu'uzé hã te 'madâ'â õ wamhã, duré ĩnhiptõmo hi isib'rata zapu'u 'remhã te sẽrẽ õ wamhã, duré da te i'a're zapu'uzéb ãma ĩnhib'rada hã te sẽrẽ õ wamhã, ãma ĩnhimizazei õ di za.
26Tawamhã romhuri misi si'utõrĩ parimhã, Zezusihi siré 're inomro mono norĩ hã ma tô duré si'rã'õtõ, 'ridawa tété haré. Tome hã te oto isiré tinhamra za'ra. Tawamhã Zezusi hã ma tô oto iwa'wab za'ra tãma sihâi'ré za'ra. Ãne te tãma nharĩ za'ra:
— Rowẽ hã asiré 're hâimana za'ra wa'aba mono.
27Taha pari Zezusi hã te Tomehẽ ma tinha, ãne:
— Ma'ãpé ĩnhib'rada hã 'madâ'â zahuré na. Ma'ãpé duré asipto hã ĩnhib'rata zapu'u norĩ ãma sẽrẽ. Ma'ãpé duré asib'rada hã wei wẽ na. Sẽrẽ, ĩ'a're wi, da te ĩwa'rézéb ãma. Asimiwawã hã sazâri. Ma'ãpé ĩzaze na.
28Tawamhã Tome hã ma tô ãne sada'â:
— Ĩnhib'apito, duré ĩte 'Re ihâimana u'âsi mono.
29Tahawa ma tô Zezusi hã ãne tãma tinha:
— E ĩ'madâ'â wap si, ma ĩzaze. Te te 're ĩ'madâ'â za'ra mono õ nherẽ, te te 're ĩzaze za'ra mono norĩ ma si, 're rowẽ uptabi za'ra mono di.
Rowasu'u 'rãsudu
30Zezusi hã ahâ uptabi na ma tô aimawi marĩ dama i'manharĩ waihu'u'õ hã te te 're a'manharĩ, isiré 're inomro mono norĩ nho'a, ã hã ibaihâ na nima norĩ na ãma irob'ui'éré õ hã. 31Tane nherẽ, ã norĩ ãma rob'ui'éré ihâimana za'ra hã, saze za'ra wa'aba da, Zezusi hã danho'reptui'wa na, 'Re ihâimana u'âsi mono 'ra hã, 're saze za'ra wa'aba mono wa, aihâimanazé isi'utõrĩ'õ hã ãma aima 're hâimana za'ra wa'aba mono da.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.