Atus 3
3
Pedru hã ihi'ré te te ipesezé
1Tawamhã nimahã bâtâ na Pedru norĩ hã ma tô tineb zahuré, Zuwãhã me, 'Re ihâimana u'âsi mono nhorõwa 'ri 'rãihâ u, bâdâ da te 're irowaptẽrẽ za'ra mono zéb da bâtâ ãma, bâtâ pibuzé hã si'ubdatõ bâtâ ãma hâiwahâ. 2Tame aibâ hã te nhamra, hi'ré haré ipodo hã. Awẽ sidâpâ ma tô da te 're 'wapé “I'madâ'â ze” na 'ridawa nhisi u, rob'uiprazém na te te 're da'awari mono da, 're danhisisi mono sidâpâ. 3Tawamhã Pedru norĩ Zuwãhã me 'ri 'wawi wa'ra u zasi zahuré na te te 'madâ'â zahuré wamhã, ma tô wari zahuré. 4Tahawa Pedru norĩ hã Zuwãhã me, ma tô 'madâ'â pese zahuré, aibâ ihi'ré hã. Ãne te Pedru hã tãma tinha:
— Wa'madâ'â!
5Tawamhã aibâ hã ma tô 'madâ'â zahuré. Ma tô mapa, marĩ te te tãma sõmri zahuré da newa. 6Tane nherẽ, Pedru hã te duré tãma tinha, ãne:
— Rob'uiprazé ĩte hã baba di. Tane nherẽ, ĩma ihâimana na wa za aipawapto. Zezu Cristu, Nazaré ãma aré 're isãmra mono nhisi na aiwahutu. Aimorĩ oto!
7Taha parimhã, Pedru hã ma tô pa'â isimire niwĩ, ihi'ré hã. Ma tô wahutu. Awa'awi pesere aibâ para hã duré ipara'õno hã ma tô aptete zahuré. 8Tawamhã hâimo ma tô sime. Timorĩ na ma tô sãna'rata. Taha pari isiré ma tô tizébré zahuré, 'Re ihâimana u'âsi mono nhorõwa 'ri 'rãihâ 'wawi wa'ra u, morĩ sina duré sarõtõ mono sina, 'Re ihâimana u'âsi mono ãma wata sina. 9Tawamhã da'ahâ uptabi na idahâimana za'ra hã, aibâ, 're isarõtõ mono na duré 'Re ihâimana u'âsi mono ãma iwata na da te dasiwi 'madâ'â wamhã, 10ma tô dasiwi waihu'u ni, õ hã tô 're isãmra mono na te te 're da'awari mono da, 'ri 'rãihâ u 're idanhisisi mono zé “I'madâ'â ze” na isisi u hã. Ma tô ãma tatob'uzu za'ra ni. Ma tô duré tãma a'rãmi pese za'ra ni, tãma iromhâimanazé ma.
'Re ihâimana u'âsi mono nhorõwa 'ri 'rãihâ ãma, Pedru te te dama irowahutuzé
11Aibâ hã ma tô mo Pedru norĩ siré, Zuwãhã me. Uburé ma tô ãma tatob'uzu za'ra ni. Tahawa ma tô isarina dasisa're, Salomahã nhisi na 'ri zahâpâ nhisi u. 12Tawamhã Pedru hã te te da'a'madâ'â wamhã, ma tô ãne dama tinha:
— Izaraéu nhihudu norĩ, e marĩ da, ma tô ãma atob'uzu za'ra wa'wa. E marĩ wa, te iwa'madâ'â pese za'ra wa'wa, wa norĩ hã wa te i'manharĩ ne, ã hã aibâ hã morĩ ré da hã. E wawaihu'u pese bâ. Duré e iwahâimana wẽ zéb zarina bâ. 13'Re ihâimana u'âsi mono, wahi'rada Abra'ãhã te, Izaquihi te, duré Zacoho te, ta hã ma tô tite romhuri'wa Zezusihi ma tisõ, iwaihu'u pe hã. Tane nherẽ, ta hã ma tô asiwi i'rui wa'wa da te dasiwi wĩrĩ da hã ma tô duré asiwi iwẽ'õ wa'wa Pilatuhu nho'remhã, te te sima rowairébé nherẽ apâ te te sãrĩ da morĩ da. 14Ma tô asiwi i'udâ wa'wa sõ'awi, Iwẽ Uptabi hã duré 'Re Imorĩ Wẽ Uptabi hã. I'upana ma tô asiwi iwaptẽrẽ 'wa, dapãrĩ'wa hã da te wazere da, morĩ da oto. 15Ãne ma tô asiwi iwĩrĩ 'wa, Dahâimanazém nhomri'wa hã. Tane nherẽ, 'Re ihâimana u'âsi mono ma tô apâ hâiwa'utu. Wa norĩ hã wa tô 'madâ'â za'ra ni. 16Zezusihi nhisi i'umnhasi zarina, ma tô Isisi hã ã hã aibâ ihi'ré hã pese, ã hã i'madâ'â za'ra wa'wa hã duré iwaihu'u za'ra wa'wa hã. Isisi i'umnhasi zarina, ta hã Zezusihi umnha ma tô pese ã hã aibâ hã, asõ'a za'ra wa'aba.
17— Ãhã na hã ĩsisãnawã norĩ, wa tô oto aiwaihu'u za'ra wa'wa, i'manharĩ za'ra wa'aba na hã aima waihu'u za'ra wa'aba ãna, asib'ihâ'a norĩ me. 18Tane nherẽ, 'Re ihâimana u'âsi mono hã ãne na ma tô ãma uwaimra, te te 're i'awaihu'u mono zé hã, isadawa 'mahârâ'wa norĩ te te 're iwasu'u za'ra mono zéb zarina hâiba mono bâ, danho'reptui'wa da, te te ipisudu hã za te te irobzépata za'ẽtẽ na hã. 19Tahawa, aiwasété na asi'ruiwapari za'ra wa'aba. 'Re ihâimana u'âsi mono u apâ aipizari za'ra wa'aba, te te ai'ãma 'madâ'â za'ra wa'aba tõ da, aiwasédé hã. 20Bâdâ hã aima hâimana za'ra wa'aba da, i'aiwa'utu za'ra wa'aba zé hã Uburé Danhib'apito hawimhã, te te we atẽme satõrĩ za'ra wa'aba da, Zezusi hã, ate za'ra wa'wa danho'reptui'wa da, te te ipisudu hã. 21Tane nherẽ, i'ru zahi, Zezusi hã a'â 're hâimana mono da hâiwa ãma, uburé marĩ isisaprĩ za'ra zéb u bâdâ iwisizéb u, 'Re ihâimana u'âsi mono hã wahub ahâ na te te iwaihu'uzéb zarina, isadawa 'mahârâ'wa norĩ sena uptabi tãma 're ihâimana za'ra mono norĩ, te te 're iwasu'u za'ra mono zéb zarina. 22Duréihã, Mozési ma tô ãne rob'ui'éré: “Uburé Danhib'apito 'Re ihâimana u'âsi mono hã te za tizadawa 'mahârâ'wa hã pisutu, te te ĩpisutu ne, aihawi za'ra wa'aba. Taha mreme hã te za uburé 're iwapari pese za'ra wa'aba mo za. 23Ni'wa hã imreme te te wapari õ wamhã, te za dasiwi wĩrĩ ni, 'Re ihâimana u'âsi mono nhib'a'uwẽ 're ihâimana za'ra mono norĩ wa'wa 're ihâimana mono zém hawimhã.” 24Tô duréihã uburé 'Re ihâimana u'âsi mono zadawa 'mahârâ'wa norĩ hã Samuéu hawi ma tô ãne na ãma rowasu'u siromo za'ra, hâiba mono bâ, ã hã bâdâ ihâimana za'ra zém na hã. 25A norĩ wa'wa hã, 'Re ihâimana u'âsi mono zadawa 'mahârâ'wa norĩ nhihudu. Tahawa, 'Re ihâimana u'âsi mono aihi'rata norĩ wa'aba ma, te te iropisutuzé hã aima za'ra wa'aba zama te 're hâimana. Abra'ãhã ma, ma tô ãne tinha: “Asihudu norĩ u'âbâ, wa za uburé daro mono bâ a'uwẽ norĩ ma, iwẽ hã te 're apisutu.”
26— Ãne, 'Re ihâimana u'âsi mono hã ma tô tite Romhuri'wa pisutu. Ta hã ma tô we satõ imorĩ'rata na, atẽme za'ra wa'aba, iwẽ te te aima pisutu za'ra wa'aba da, duré aihâiba mono bâ wa'aba aiwasédé hã rẽme za'ra wa'aba da.
Iliyochaguliwa sasa
Atus 3: xavBP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.
Atus 3
3
Pedru hã ihi'ré te te ipesezé
1Tawamhã nimahã bâtâ na Pedru norĩ hã ma tô tineb zahuré, Zuwãhã me, 'Re ihâimana u'âsi mono nhorõwa 'ri 'rãihâ u, bâdâ da te 're irowaptẽrẽ za'ra mono zéb da bâtâ ãma, bâtâ pibuzé hã si'ubdatõ bâtâ ãma hâiwahâ. 2Tame aibâ hã te nhamra, hi'ré haré ipodo hã. Awẽ sidâpâ ma tô da te 're 'wapé “I'madâ'â ze” na 'ridawa nhisi u, rob'uiprazém na te te 're da'awari mono da, 're danhisisi mono sidâpâ. 3Tawamhã Pedru norĩ Zuwãhã me 'ri 'wawi wa'ra u zasi zahuré na te te 'madâ'â zahuré wamhã, ma tô wari zahuré. 4Tahawa Pedru norĩ hã Zuwãhã me, ma tô 'madâ'â pese zahuré, aibâ ihi'ré hã. Ãne te Pedru hã tãma tinha:
— Wa'madâ'â!
5Tawamhã aibâ hã ma tô 'madâ'â zahuré. Ma tô mapa, marĩ te te tãma sõmri zahuré da newa. 6Tane nherẽ, Pedru hã te duré tãma tinha, ãne:
— Rob'uiprazé ĩte hã baba di. Tane nherẽ, ĩma ihâimana na wa za aipawapto. Zezu Cristu, Nazaré ãma aré 're isãmra mono nhisi na aiwahutu. Aimorĩ oto!
7Taha parimhã, Pedru hã ma tô pa'â isimire niwĩ, ihi'ré hã. Ma tô wahutu. Awa'awi pesere aibâ para hã duré ipara'õno hã ma tô aptete zahuré. 8Tawamhã hâimo ma tô sime. Timorĩ na ma tô sãna'rata. Taha pari isiré ma tô tizébré zahuré, 'Re ihâimana u'âsi mono nhorõwa 'ri 'rãihâ 'wawi wa'ra u, morĩ sina duré sarõtõ mono sina, 'Re ihâimana u'âsi mono ãma wata sina. 9Tawamhã da'ahâ uptabi na idahâimana za'ra hã, aibâ, 're isarõtõ mono na duré 'Re ihâimana u'âsi mono ãma iwata na da te dasiwi 'madâ'â wamhã, 10ma tô dasiwi waihu'u ni, õ hã tô 're isãmra mono na te te 're da'awari mono da, 'ri 'rãihâ u 're idanhisisi mono zé “I'madâ'â ze” na isisi u hã. Ma tô ãma tatob'uzu za'ra ni. Ma tô duré tãma a'rãmi pese za'ra ni, tãma iromhâimanazé ma.
'Re ihâimana u'âsi mono nhorõwa 'ri 'rãihâ ãma, Pedru te te dama irowahutuzé
11Aibâ hã ma tô mo Pedru norĩ siré, Zuwãhã me. Uburé ma tô ãma tatob'uzu za'ra ni. Tahawa ma tô isarina dasisa're, Salomahã nhisi na 'ri zahâpâ nhisi u. 12Tawamhã Pedru hã te te da'a'madâ'â wamhã, ma tô ãne dama tinha:
— Izaraéu nhihudu norĩ, e marĩ da, ma tô ãma atob'uzu za'ra wa'wa. E marĩ wa, te iwa'madâ'â pese za'ra wa'wa, wa norĩ hã wa te i'manharĩ ne, ã hã aibâ hã morĩ ré da hã. E wawaihu'u pese bâ. Duré e iwahâimana wẽ zéb zarina bâ. 13'Re ihâimana u'âsi mono, wahi'rada Abra'ãhã te, Izaquihi te, duré Zacoho te, ta hã ma tô tite romhuri'wa Zezusihi ma tisõ, iwaihu'u pe hã. Tane nherẽ, ta hã ma tô asiwi i'rui wa'wa da te dasiwi wĩrĩ da hã ma tô duré asiwi iwẽ'õ wa'wa Pilatuhu nho'remhã, te te sima rowairébé nherẽ apâ te te sãrĩ da morĩ da. 14Ma tô asiwi i'udâ wa'wa sõ'awi, Iwẽ Uptabi hã duré 'Re Imorĩ Wẽ Uptabi hã. I'upana ma tô asiwi iwaptẽrẽ 'wa, dapãrĩ'wa hã da te wazere da, morĩ da oto. 15Ãne ma tô asiwi iwĩrĩ 'wa, Dahâimanazém nhomri'wa hã. Tane nherẽ, 'Re ihâimana u'âsi mono ma tô apâ hâiwa'utu. Wa norĩ hã wa tô 'madâ'â za'ra ni. 16Zezusihi nhisi i'umnhasi zarina, ma tô Isisi hã ã hã aibâ ihi'ré hã pese, ã hã i'madâ'â za'ra wa'wa hã duré iwaihu'u za'ra wa'wa hã. Isisi i'umnhasi zarina, ta hã Zezusihi umnha ma tô pese ã hã aibâ hã, asõ'a za'ra wa'aba.
17— Ãhã na hã ĩsisãnawã norĩ, wa tô oto aiwaihu'u za'ra wa'wa, i'manharĩ za'ra wa'aba na hã aima waihu'u za'ra wa'aba ãna, asib'ihâ'a norĩ me. 18Tane nherẽ, 'Re ihâimana u'âsi mono hã ãne na ma tô ãma uwaimra, te te 're i'awaihu'u mono zé hã, isadawa 'mahârâ'wa norĩ te te 're iwasu'u za'ra mono zéb zarina hâiba mono bâ, danho'reptui'wa da, te te ipisudu hã za te te irobzépata za'ẽtẽ na hã. 19Tahawa, aiwasété na asi'ruiwapari za'ra wa'aba. 'Re ihâimana u'âsi mono u apâ aipizari za'ra wa'aba, te te ai'ãma 'madâ'â za'ra wa'aba tõ da, aiwasédé hã. 20Bâdâ hã aima hâimana za'ra wa'aba da, i'aiwa'utu za'ra wa'aba zé hã Uburé Danhib'apito hawimhã, te te we atẽme satõrĩ za'ra wa'aba da, Zezusi hã, ate za'ra wa'wa danho'reptui'wa da, te te ipisudu hã. 21Tane nherẽ, i'ru zahi, Zezusi hã a'â 're hâimana mono da hâiwa ãma, uburé marĩ isisaprĩ za'ra zéb u bâdâ iwisizéb u, 'Re ihâimana u'âsi mono hã wahub ahâ na te te iwaihu'uzéb zarina, isadawa 'mahârâ'wa norĩ sena uptabi tãma 're ihâimana za'ra mono norĩ, te te 're iwasu'u za'ra mono zéb zarina. 22Duréihã, Mozési ma tô ãne rob'ui'éré: “Uburé Danhib'apito 'Re ihâimana u'âsi mono hã te za tizadawa 'mahârâ'wa hã pisutu, te te ĩpisutu ne, aihawi za'ra wa'aba. Taha mreme hã te za uburé 're iwapari pese za'ra wa'aba mo za. 23Ni'wa hã imreme te te wapari õ wamhã, te za dasiwi wĩrĩ ni, 'Re ihâimana u'âsi mono nhib'a'uwẽ 're ihâimana za'ra mono norĩ wa'wa 're ihâimana mono zém hawimhã.” 24Tô duréihã uburé 'Re ihâimana u'âsi mono zadawa 'mahârâ'wa norĩ hã Samuéu hawi ma tô ãne na ãma rowasu'u siromo za'ra, hâiba mono bâ, ã hã bâdâ ihâimana za'ra zém na hã. 25A norĩ wa'wa hã, 'Re ihâimana u'âsi mono zadawa 'mahârâ'wa norĩ nhihudu. Tahawa, 'Re ihâimana u'âsi mono aihi'rata norĩ wa'aba ma, te te iropisutuzé hã aima za'ra wa'aba zama te 're hâimana. Abra'ãhã ma, ma tô ãne tinha: “Asihudu norĩ u'âbâ, wa za uburé daro mono bâ a'uwẽ norĩ ma, iwẽ hã te 're apisutu.”
26— Ãne, 'Re ihâimana u'âsi mono hã ma tô tite Romhuri'wa pisutu. Ta hã ma tô we satõ imorĩ'rata na, atẽme za'ra wa'aba, iwẽ te te aima pisutu za'ra wa'aba da, duré aihâiba mono bâ wa'aba aiwasédé hã rẽme za'ra wa'aba da.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.