Atus 2
2
'Re ihâimana u'âsi mono Pẽ'ẽzani we te te isi'razé
1Pẽtecosti na bâtâ nhisi iwisizéb u hã, Zezusihi zazei'wa norĩ hã ma tô si'rã'õtõ siré, 'ri 're. 2Tawamhã rosa'rese õ ré, robruru hã ma tô watobro hâiwa hawi, rowa'u isa'ẽtẽ uptabi te te 're irobruru'u za'ra mono ne. Ta hã 'ri ma tô sina sito, siré isi'ubumrozé hã. 3Tawamhã ma tô 'madâ'â za'ra unhama ro'o zoto ne sima isipé hã. Ta norĩ hâiba mono bâ ma tô i'rã nhisiwi mazahâri za'ra. 4Tahawa uburé pese 'Re ihâimana u'âsi mono Pẽ'ẽzani ihâiba 're 'masisi na ma tô tihâimana za'ra. Damreme aimawi na timremezém nhiti, ma tô duré oto mreme zu, 'Re ihâimana u'âsi mono Pẽ'ẽzani te te tãma iwaihu'u za'ra zéb zarina.
5Tame Zeruzalẽ 'remhã te 're si'ubumro, Zudeu norĩ 'Re ihâimana u'âsi mono nhimiroti na rob'ui'éré 'madâ'â'wa norĩ hã ropâ daro 're ihâimana za'ra mono hawi 're isihutu mono hã. 6Robruru da te wapari za'ra wamhã, da'ahâ uptabi na ma tô ubumro ni. Tawamhã ma tô ãma tatob'uzu za'ra ni, damreme mono bâ da te wapari za'ra wa. 7Da'ahâ uptabi na ma tô ãma tatob'uzu za'ra ni. Tahawa, te ãne dasima nharĩ za'ra ni:
— Uburé ã hã aibâ norĩ hã e Galiléia ãma 're isi'ubumroi mono ã bâ, te ãne hã mreme zu. 8E niha wa wamreme mono bâ, imreme za'ra hã wapari za'ra ni, wahâiba mono bâ. 9Wa norĩ hã Patia na ti'a nhisi hawimhã, Média, Elã, Mezopotãmia, Zudéa, Capadosia, Põtu, duré Azia na ti'a nhisi hawimhã, 10Frizia na ti'a nhisi hawimhã, Pãfilia, Ezitu, duré Libia na ti'a nhisi hawimhã, tame Cireni na 'ri nhisi 'rata daza'rui hawimhã. Nima norĩ hã Roma hawimhã ma tô we duré aihutu, 11Zudeu norĩ hã duré nima norĩ zudeu'õ, Zudeu norĩ hâimanazéb u isipizari za'ra norĩ hã. Nima norĩ hã Creta hawimhã duré nima norĩ hã Arabia hawimhã. E niha wa bété wamreme mono bâ wapari za'ra ni, aibâ norĩ te te wama irowasu'u za'ra zé hã, 'Re ihâimana u'âsi mono, te te dama 're i'ab'manharĩ wẽ uptabi mono wasu'u hã.
12Tawamhã uburé ma tô ãma tatob'uzu za'ra ni. Da te ãma rosa'rata waihu'u za'ra õ di. Tahawa, te ãne tasisadanharĩ za'ra ni:
— E niha wa za ãma waihu'u za'ra ni.
13Tane nherẽ, ni'wam norĩ hã ma tô duré ãma tito za'ra. Ãne te nasi nharĩ za'ra ni:
— Uva 'rãi wa'u isé hã sa'ẽtẽ na te te âhuri wa, ma si'uihâ idi'iti za'ra.
Pedru te te dama irowahutuzé
14Tawamhã Pedru hã ma tô hâiwi za, tisiré Zezusihi zadawa wasu'u'wa norĩ, 11 na ihâiba za'ra norĩ siré. Tawamhã mreme 'rãihâ na ma tô da'ahâ uptabi na idahâimana za'ra norĩ ma tinha, ãne:
— Wasiré Zudeu norĩ duré uburé Zeruzalẽ 're, 're i'ai'ubumroi wa'aba mono norĩ, ĩwapari pese za'ra wa'aba, za te aima irowasu'u za'ra wa'aba zém na hã. 15Ã hã aibâ norĩ hã, 'rã siwamnarĩ za'ra õ di, ãma irosa'rata za'ra wa'aba zarina. Zahadu bâtâ pibuzé hã 9 hora ãma. 16Tazahã ãhã na iromhâimana na hã 'Re ihâimana u'âsi mono zadawa wasu'u'wa Zoéu ma tô ãma rob'ui'éré siro, ãne:
17“Ãne wa za 'manha, Rob'rãsutuzéb ãma bâdâ si'utõrĩ wana ré hã. — Ãne 'Re ihâimana u'âsi mono te tinha.
Ĩpẽ'ẽzani hã wa za sa'wa, uburé dapoto mono bâ.
Ai'ra si'aibâ norĩ duré ai'ra sipi'õ norĩ hã te za te te 're ĩmreme 'mahârâ za'ra.
Aibâ ipréduptém norĩ hã sõtõ 'rowim ne, te za marĩ hã te te 're waihu'u za'ra.
Ihi norĩ hã te za te te 're rosawẽrẽ za'ra.
18Ĩma romhuri'wa norĩ aibâ duré pi'õ norĩ ma, Ĩpẽ'ẽzani hã wa za sa'wa.
Tawamhã ta norĩ hã taha bâtâ 'remhã te za te te 're ĩzadawa 'mahârâ za'ra.
19Wa za hâi'ré hâiwa na marĩ dama iwaihu'u'õ hã, ti'ai ãma zama.
Dawapru duré uzâ duré hunhizé unhama nhizédé na hã te za tihâimana za'ra.
20Bâdâ hã te za tirobra.
A'amo hã te za titõmo wapru, dawapru ne, bâdâ iwẽ uptabi wisi wana ré, Bâdâ Uburé Danhib'apito te hã.
21Tawamhã uburé ni'wam norĩ hã Uburé Danhib'apito zô isisi na ihãsi hã ta norĩ te za sõ'reptu za'ra.”
22Tawamhã Pedru hã ma duré ãma uzusi, ãne:
— Izaraéu nhihudu norĩ, ã hã ĩmreme hã wapari pese za'ra wa'aba. Zezusi hã Nazaré ãma aré 're isãmra mono hã, 'Re ihâimana u'âsi mono ma tô wẽsã. Ma tô aima hâi'ré zara wa'wa, marĩ dama i'manharĩ waihu'u'õ te te 're i'a'manharĩ mono zém na. Zezusihi hâiba na 'Re ihâimana u'âsi mono ma tô marĩ dama i'manharĩ waihu'u'õ hã te te 're a'manharĩ. Ta hã aima waihu'u pese za'ra wa'aba di. 23'Re ihâimana u'âsi mono hã te te sima iwẽzéb zarina, duré tiwaihu'u pese na ma tô waihu'u siro, Zezusi hã za asib'rata aima ihâimana za'ra wa'aba na hã. Tahawa ma tô asiwi iwĩrĩ 'wa, aibâ iwasété norĩ nhib'rata na. Wedepo'o nhonhi'rãmi na ma tô asiwi isasõmri 'wa. 24Tane nherẽ, 'Re ihâimana u'âsi mono hã ma tô apâ hâiwa'utu. Adâ 're ihâimana za'ra mono zém hawimhã ma tô waze, dadâ'â nhiptetezé wi. E marĩ wa. Pire uptabi wa, dadâ te te ãma i'ai'uté da hã. 25Davi hã Zezusihi ãma ma tô duréihã rob'ui'éré, ãne:
“Wa tô te 're 'madâ'â u'âsi, Uburé Danhib'apito hã ĩnho're.
E marĩ wa. Ta hã ĩnhimire niwĩ te 're hâimana, marĩ hã te te ĩrési tõ da.
26Tahawa, ĩpẽ'ẽ 'remhã ĩma rowẽ di.
Duré ĩmreme toi uptabi di.
Tahawa, ĩhâiba na wa rob'umnhasi sina 're ĩhâimana.
27E marĩ wa. A hã adâ'â norĩ, 're ihâimana za'ra mono zéb ãma ĩrẽme õ wa za, ĩdâ'â u'âsi ĩhâimana tõ da hã.
Duré wa hã te aima 're romhuri wẽ u'âsi mono wa, 'ru dai õ di za, ab're 're ĩhâiba 'ro da hã.
28A hã ma tô ĩma iwaihu, bâdâdi dahâimanazé isi'utõrĩ'õ u 're idanomro mono zé hã.
Asõ're, 're ĩhâimana mono wa, rowẽ isa'ẽtẽ na ma tô 're ĩhâiba ubu mo.”
29Tawamhã Pedru hã te duré dama rowasu'u, ãne:
— Ĩsisãnawã norĩ, wa ĩsima wẽ, sõ'awi te aima wasu'u za'ra wa'aba da, wahi'rada Davi hã. Ta hã apito dama isa'ẽne ma tô dârâ. Ma tô ãma ti'a ni. Ta hã te zahadu 're hâimana, ã bâtâ na zama. 30Ta hã 'Re ihâimana u'âsi mono zadawa 'mahârâ'wa. Duré tãma waihu'u pese di, 'Re ihâimana u'âsi mono te te tãma iropisutuzé hã, isihudu hã za isine apito na 're ihâimana mono na hã. 31Davi hã te te waihu'u pese di duré, za 'Re ihâimana u'âsi mono te te i'manharĩzé hã. Tahawa ma tô wasu'u, Danho'reptui'wa da, 'Re ihâimana u'âsi mono te te ipisudu apâ ihâiwa'utuzém na hã, ãne:
“Dâ'â nherẽ, 'Re ihâimana u'âsi mono hã te te rẽme õ di, adâ'â norĩ 're ihâimana za'ra mono zéb ãma hã. Ihâiba hã 'roi õ di, ab're 'remhã.”
32'Re ihâimana u'âsi mono hã ma tô õ hã Zezusi hâiwa'utu apâ. Ta hã wa tô 'madâ'â za'ra ni wa norĩ hã. 33'Re ihâimana u'âsi mono hã ma tô sitẽme ti'â apâ, isimire niwĩ oto 're sãmra u'âsi mono da. Taha ma Imama ma tô tisõ, Tipẽ'ẽzani hã te te ãma iropisudu hã. Ta hã ma tô we sa'wa. Ta hã te ãhã na i'madâ'â za'ra wa'wa. Te duré iwapari zara wa'wa. 34Davi hã hâiwa u morĩ õ di, Zezusi hã imorĩ ne. Tane nherẽ, ma tô ãne wasu'u:
“Uburé Danhib'apito hã te ãne tinha, Ĩnhib'apito ma: ‘Ĩnhimire niwĩ asãmra, 35asitob'ru norĩ aipara nhimizusizéb zahâpâ, te isõrézéb u.’ ”
36Tahawa, uburé Izaraéu nhihudu norĩ hã waihu'u za'ra wa'aba. Ã hã Zezusi hã wedepo'o nhonhi'rãmi na asiwi isasõmri 'wa hã, 'Re ihâimana u'âsi mono ma tô pisutu Wanhib'apito da, duré Danho'reptui'wa da.
37Ãne hã da te wapari za'ra wamhã, ma tô dasina tahâtâ'â za'ẽtẽ za'ra ni. Tahawa, Pedru hã ma tô siwi sadanha duré Zezusihi zadawa wasu'u'wa norĩ hã, ãne:
— Wasisãnawã norĩ, e marĩ, wa za tawamhã 'manharĩ za'ra ni.
38Tawamhã Pedru hã ma ãma sada'âbâ za'ra, ãne:
— Aiwasété na te za asisãmri za'ra wa'wa, taha zarina asiwẽ'õ za'ra wa'aba da. Tawamhã aihâiba mono bâ te za â dawabzuri hã i'manharĩ za'ra wa'wa, Zezu Cristuhu nhisi na, aiwasédé i'manharĩ za'ra wa'aba zé hã te te oto ai'ãma 'madâ'â za'ra wa'aba tõ da. Tawamhã 'Re ihâimana u'âsi mono te za Tipẽ'ẽzani tinhoprubzé iwẽ uptabi iwa'âbâ'õ hã aima sõmri za'ra wa'wa. 39Ã hã ropisudu hã aima za'ra wa'aba, ai'ra norĩ wa'aba ma hã duré romhâ na 're idahâimana za'ra mono norĩ ma zama, uburé dama hã Uburé Danhib'apito 'Re ihâimana u'âsi mono, sima dazô 're ihârâ mono norĩ ma hã.
40Tawamhã Pedru hã ma tô 'wapé za'ra, te te tãma irowasu'u za'ra zém na, te te pizari za'ra da, ãne:
— Ã bâtâ 'remhã dawasété na 're idahâimana za'ra mono norĩ wi asisani za'ra wa'aba, asisõ'reptu za'ra wa'aba da!
41Tawamhã da'ahâ na ma tô saze za'ra ni, Pedru te te dama irowasu'uzém na hã. Ta norĩ hã â dawabzuri ma tô 'manharĩ za'ra. Taha bâtâ 'remhã niwamhã 3 miu na dahâiba na ma tô Zezusihi zazei'wa norĩ siré oto tahâimana za'ra ni, duré tô 3 miu na ãma isisiwi na dahâiba na.
Isaze na'rata 'wa norĩ hâimanazé
42Isazei'wa norĩ hã ma tô te te 're wapari pese za'ra, Zezusihi zadawa wasu'u'wa norĩ nhimirowahudu hã. Siré ma tô 're hâimana za'ra. I'u'ẽtẽ wapu hã siré ma tô te te 're huri#2.42 isazei'wa norĩ hã, siré 're si'rã'õtõ mono wa, 're isaihuri mono zé. Siré ma tô duré te te 're rowaptẽrẽ za'ra. 43Tawamhã Zezusihi zadawa wasu'u'wa norĩ hã marĩ dama i'manharĩ waihu'u hã ma tô te te 're 'manharĩ za'ra, duré marĩ iwẽ uptabi hã ãma 're idatob'uzu za'ra mono zama. Tahawa 'Re ihâimana u'âsi mono wazép sina, ma tô 're dahâimana za'ra.
44Tawamhã isazei'wa norĩ hã siré te oto 're hâimana za'ra. Uburé tinhibrom na ma tô duré 're sipawapto wẽ za'ra. 45Tinhipti'a hã ma tô te te 're wede za'ra, tinhimarĩ zama. Taha wa'â hã ma tô te te dama 're po'o zara, marĩ hã dawi sô 're irowaptâ'â za'ra mono zéb uwaibaba, marĩ sa'ẽtẽ na niwamhã duré suru na zama. 46Awẽ sidâpâ ma tô 're si'rã'õtõ simisutu, 'Re ihâimana u'âsi mono nhorõwa 'ri 'rãihâ 'wawi wa'ra 're. Tinhorõwa mono bâ, ma tô duré i'u'ẽtẽ wapu hã te te siré 're huri. Siré ma tô duré 're saihuri, rowẽ sina duré tipẽ'ẽ 're sena na 're ihâimana za'ra mono zéb zarina. 47'Re ihâimana u'âsi mono ãma ma tô 're wata za'ra. Aihĩni ma tô da te 're wẽsãmri za'ra, ta norĩ hã. Tawamhã bâtâ sidâpâ ma tô Uburé Danhib'apito hã da'ãma hâ'â u'âsi, te te isõ'reptu za'ra norĩ na hã.
Iliyochaguliwa sasa
Atus 2: xavBP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.
Atus 2
2
'Re ihâimana u'âsi mono Pẽ'ẽzani we te te isi'razé
1Pẽtecosti na bâtâ nhisi iwisizéb u hã, Zezusihi zazei'wa norĩ hã ma tô si'rã'õtõ siré, 'ri 're. 2Tawamhã rosa'rese õ ré, robruru hã ma tô watobro hâiwa hawi, rowa'u isa'ẽtẽ uptabi te te 're irobruru'u za'ra mono ne. Ta hã 'ri ma tô sina sito, siré isi'ubumrozé hã. 3Tawamhã ma tô 'madâ'â za'ra unhama ro'o zoto ne sima isipé hã. Ta norĩ hâiba mono bâ ma tô i'rã nhisiwi mazahâri za'ra. 4Tahawa uburé pese 'Re ihâimana u'âsi mono Pẽ'ẽzani ihâiba 're 'masisi na ma tô tihâimana za'ra. Damreme aimawi na timremezém nhiti, ma tô duré oto mreme zu, 'Re ihâimana u'âsi mono Pẽ'ẽzani te te tãma iwaihu'u za'ra zéb zarina.
5Tame Zeruzalẽ 'remhã te 're si'ubumro, Zudeu norĩ 'Re ihâimana u'âsi mono nhimiroti na rob'ui'éré 'madâ'â'wa norĩ hã ropâ daro 're ihâimana za'ra mono hawi 're isihutu mono hã. 6Robruru da te wapari za'ra wamhã, da'ahâ uptabi na ma tô ubumro ni. Tawamhã ma tô ãma tatob'uzu za'ra ni, damreme mono bâ da te wapari za'ra wa. 7Da'ahâ uptabi na ma tô ãma tatob'uzu za'ra ni. Tahawa, te ãne dasima nharĩ za'ra ni:
— Uburé ã hã aibâ norĩ hã e Galiléia ãma 're isi'ubumroi mono ã bâ, te ãne hã mreme zu. 8E niha wa wamreme mono bâ, imreme za'ra hã wapari za'ra ni, wahâiba mono bâ. 9Wa norĩ hã Patia na ti'a nhisi hawimhã, Média, Elã, Mezopotãmia, Zudéa, Capadosia, Põtu, duré Azia na ti'a nhisi hawimhã, 10Frizia na ti'a nhisi hawimhã, Pãfilia, Ezitu, duré Libia na ti'a nhisi hawimhã, tame Cireni na 'ri nhisi 'rata daza'rui hawimhã. Nima norĩ hã Roma hawimhã ma tô we duré aihutu, 11Zudeu norĩ hã duré nima norĩ zudeu'õ, Zudeu norĩ hâimanazéb u isipizari za'ra norĩ hã. Nima norĩ hã Creta hawimhã duré nima norĩ hã Arabia hawimhã. E niha wa bété wamreme mono bâ wapari za'ra ni, aibâ norĩ te te wama irowasu'u za'ra zé hã, 'Re ihâimana u'âsi mono, te te dama 're i'ab'manharĩ wẽ uptabi mono wasu'u hã.
12Tawamhã uburé ma tô ãma tatob'uzu za'ra ni. Da te ãma rosa'rata waihu'u za'ra õ di. Tahawa, te ãne tasisadanharĩ za'ra ni:
— E niha wa za ãma waihu'u za'ra ni.
13Tane nherẽ, ni'wam norĩ hã ma tô duré ãma tito za'ra. Ãne te nasi nharĩ za'ra ni:
— Uva 'rãi wa'u isé hã sa'ẽtẽ na te te âhuri wa, ma si'uihâ idi'iti za'ra.
Pedru te te dama irowahutuzé
14Tawamhã Pedru hã ma tô hâiwi za, tisiré Zezusihi zadawa wasu'u'wa norĩ, 11 na ihâiba za'ra norĩ siré. Tawamhã mreme 'rãihâ na ma tô da'ahâ uptabi na idahâimana za'ra norĩ ma tinha, ãne:
— Wasiré Zudeu norĩ duré uburé Zeruzalẽ 're, 're i'ai'ubumroi wa'aba mono norĩ, ĩwapari pese za'ra wa'aba, za te aima irowasu'u za'ra wa'aba zém na hã. 15Ã hã aibâ norĩ hã, 'rã siwamnarĩ za'ra õ di, ãma irosa'rata za'ra wa'aba zarina. Zahadu bâtâ pibuzé hã 9 hora ãma. 16Tazahã ãhã na iromhâimana na hã 'Re ihâimana u'âsi mono zadawa wasu'u'wa Zoéu ma tô ãma rob'ui'éré siro, ãne:
17“Ãne wa za 'manha, Rob'rãsutuzéb ãma bâdâ si'utõrĩ wana ré hã. — Ãne 'Re ihâimana u'âsi mono te tinha.
Ĩpẽ'ẽzani hã wa za sa'wa, uburé dapoto mono bâ.
Ai'ra si'aibâ norĩ duré ai'ra sipi'õ norĩ hã te za te te 're ĩmreme 'mahârâ za'ra.
Aibâ ipréduptém norĩ hã sõtõ 'rowim ne, te za marĩ hã te te 're waihu'u za'ra.
Ihi norĩ hã te za te te 're rosawẽrẽ za'ra.
18Ĩma romhuri'wa norĩ aibâ duré pi'õ norĩ ma, Ĩpẽ'ẽzani hã wa za sa'wa.
Tawamhã ta norĩ hã taha bâtâ 'remhã te za te te 're ĩzadawa 'mahârâ za'ra.
19Wa za hâi'ré hâiwa na marĩ dama iwaihu'u'õ hã, ti'ai ãma zama.
Dawapru duré uzâ duré hunhizé unhama nhizédé na hã te za tihâimana za'ra.
20Bâdâ hã te za tirobra.
A'amo hã te za titõmo wapru, dawapru ne, bâdâ iwẽ uptabi wisi wana ré, Bâdâ Uburé Danhib'apito te hã.
21Tawamhã uburé ni'wam norĩ hã Uburé Danhib'apito zô isisi na ihãsi hã ta norĩ te za sõ'reptu za'ra.”
22Tawamhã Pedru hã ma duré ãma uzusi, ãne:
— Izaraéu nhihudu norĩ, ã hã ĩmreme hã wapari pese za'ra wa'aba. Zezusi hã Nazaré ãma aré 're isãmra mono hã, 'Re ihâimana u'âsi mono ma tô wẽsã. Ma tô aima hâi'ré zara wa'wa, marĩ dama i'manharĩ waihu'u'õ te te 're i'a'manharĩ mono zém na. Zezusihi hâiba na 'Re ihâimana u'âsi mono ma tô marĩ dama i'manharĩ waihu'u'õ hã te te 're a'manharĩ. Ta hã aima waihu'u pese za'ra wa'aba di. 23'Re ihâimana u'âsi mono hã te te sima iwẽzéb zarina, duré tiwaihu'u pese na ma tô waihu'u siro, Zezusi hã za asib'rata aima ihâimana za'ra wa'aba na hã. Tahawa ma tô asiwi iwĩrĩ 'wa, aibâ iwasété norĩ nhib'rata na. Wedepo'o nhonhi'rãmi na ma tô asiwi isasõmri 'wa. 24Tane nherẽ, 'Re ihâimana u'âsi mono hã ma tô apâ hâiwa'utu. Adâ 're ihâimana za'ra mono zém hawimhã ma tô waze, dadâ'â nhiptetezé wi. E marĩ wa. Pire uptabi wa, dadâ te te ãma i'ai'uté da hã. 25Davi hã Zezusihi ãma ma tô duréihã rob'ui'éré, ãne:
“Wa tô te 're 'madâ'â u'âsi, Uburé Danhib'apito hã ĩnho're.
E marĩ wa. Ta hã ĩnhimire niwĩ te 're hâimana, marĩ hã te te ĩrési tõ da.
26Tahawa, ĩpẽ'ẽ 'remhã ĩma rowẽ di.
Duré ĩmreme toi uptabi di.
Tahawa, ĩhâiba na wa rob'umnhasi sina 're ĩhâimana.
27E marĩ wa. A hã adâ'â norĩ, 're ihâimana za'ra mono zéb ãma ĩrẽme õ wa za, ĩdâ'â u'âsi ĩhâimana tõ da hã.
Duré wa hã te aima 're romhuri wẽ u'âsi mono wa, 'ru dai õ di za, ab're 're ĩhâiba 'ro da hã.
28A hã ma tô ĩma iwaihu, bâdâdi dahâimanazé isi'utõrĩ'õ u 're idanomro mono zé hã.
Asõ're, 're ĩhâimana mono wa, rowẽ isa'ẽtẽ na ma tô 're ĩhâiba ubu mo.”
29Tawamhã Pedru hã te duré dama rowasu'u, ãne:
— Ĩsisãnawã norĩ, wa ĩsima wẽ, sõ'awi te aima wasu'u za'ra wa'aba da, wahi'rada Davi hã. Ta hã apito dama isa'ẽne ma tô dârâ. Ma tô ãma ti'a ni. Ta hã te zahadu 're hâimana, ã bâtâ na zama. 30Ta hã 'Re ihâimana u'âsi mono zadawa 'mahârâ'wa. Duré tãma waihu'u pese di, 'Re ihâimana u'âsi mono te te tãma iropisutuzé hã, isihudu hã za isine apito na 're ihâimana mono na hã. 31Davi hã te te waihu'u pese di duré, za 'Re ihâimana u'âsi mono te te i'manharĩzé hã. Tahawa ma tô wasu'u, Danho'reptui'wa da, 'Re ihâimana u'âsi mono te te ipisudu apâ ihâiwa'utuzém na hã, ãne:
“Dâ'â nherẽ, 'Re ihâimana u'âsi mono hã te te rẽme õ di, adâ'â norĩ 're ihâimana za'ra mono zéb ãma hã. Ihâiba hã 'roi õ di, ab're 'remhã.”
32'Re ihâimana u'âsi mono hã ma tô õ hã Zezusi hâiwa'utu apâ. Ta hã wa tô 'madâ'â za'ra ni wa norĩ hã. 33'Re ihâimana u'âsi mono hã ma tô sitẽme ti'â apâ, isimire niwĩ oto 're sãmra u'âsi mono da. Taha ma Imama ma tô tisõ, Tipẽ'ẽzani hã te te ãma iropisudu hã. Ta hã ma tô we sa'wa. Ta hã te ãhã na i'madâ'â za'ra wa'wa. Te duré iwapari zara wa'wa. 34Davi hã hâiwa u morĩ õ di, Zezusi hã imorĩ ne. Tane nherẽ, ma tô ãne wasu'u:
“Uburé Danhib'apito hã te ãne tinha, Ĩnhib'apito ma: ‘Ĩnhimire niwĩ asãmra, 35asitob'ru norĩ aipara nhimizusizéb zahâpâ, te isõrézéb u.’ ”
36Tahawa, uburé Izaraéu nhihudu norĩ hã waihu'u za'ra wa'aba. Ã hã Zezusi hã wedepo'o nhonhi'rãmi na asiwi isasõmri 'wa hã, 'Re ihâimana u'âsi mono ma tô pisutu Wanhib'apito da, duré Danho'reptui'wa da.
37Ãne hã da te wapari za'ra wamhã, ma tô dasina tahâtâ'â za'ẽtẽ za'ra ni. Tahawa, Pedru hã ma tô siwi sadanha duré Zezusihi zadawa wasu'u'wa norĩ hã, ãne:
— Wasisãnawã norĩ, e marĩ, wa za tawamhã 'manharĩ za'ra ni.
38Tawamhã Pedru hã ma ãma sada'âbâ za'ra, ãne:
— Aiwasété na te za asisãmri za'ra wa'wa, taha zarina asiwẽ'õ za'ra wa'aba da. Tawamhã aihâiba mono bâ te za â dawabzuri hã i'manharĩ za'ra wa'wa, Zezu Cristuhu nhisi na, aiwasédé i'manharĩ za'ra wa'aba zé hã te te oto ai'ãma 'madâ'â za'ra wa'aba tõ da. Tawamhã 'Re ihâimana u'âsi mono te za Tipẽ'ẽzani tinhoprubzé iwẽ uptabi iwa'âbâ'õ hã aima sõmri za'ra wa'wa. 39Ã hã ropisudu hã aima za'ra wa'aba, ai'ra norĩ wa'aba ma hã duré romhâ na 're idahâimana za'ra mono norĩ ma zama, uburé dama hã Uburé Danhib'apito 'Re ihâimana u'âsi mono, sima dazô 're ihârâ mono norĩ ma hã.
40Tawamhã Pedru hã ma tô 'wapé za'ra, te te tãma irowasu'u za'ra zém na, te te pizari za'ra da, ãne:
— Ã bâtâ 'remhã dawasété na 're idahâimana za'ra mono norĩ wi asisani za'ra wa'aba, asisõ'reptu za'ra wa'aba da!
41Tawamhã da'ahâ na ma tô saze za'ra ni, Pedru te te dama irowasu'uzém na hã. Ta norĩ hã â dawabzuri ma tô 'manharĩ za'ra. Taha bâtâ 'remhã niwamhã 3 miu na dahâiba na ma tô Zezusihi zazei'wa norĩ siré oto tahâimana za'ra ni, duré tô 3 miu na ãma isisiwi na dahâiba na.
Isaze na'rata 'wa norĩ hâimanazé
42Isazei'wa norĩ hã ma tô te te 're wapari pese za'ra, Zezusihi zadawa wasu'u'wa norĩ nhimirowahudu hã. Siré ma tô 're hâimana za'ra. I'u'ẽtẽ wapu hã siré ma tô te te 're huri#2.42 isazei'wa norĩ hã, siré 're si'rã'õtõ mono wa, 're isaihuri mono zé. Siré ma tô duré te te 're rowaptẽrẽ za'ra. 43Tawamhã Zezusihi zadawa wasu'u'wa norĩ hã marĩ dama i'manharĩ waihu'u hã ma tô te te 're 'manharĩ za'ra, duré marĩ iwẽ uptabi hã ãma 're idatob'uzu za'ra mono zama. Tahawa 'Re ihâimana u'âsi mono wazép sina, ma tô 're dahâimana za'ra.
44Tawamhã isazei'wa norĩ hã siré te oto 're hâimana za'ra. Uburé tinhibrom na ma tô duré 're sipawapto wẽ za'ra. 45Tinhipti'a hã ma tô te te 're wede za'ra, tinhimarĩ zama. Taha wa'â hã ma tô te te dama 're po'o zara, marĩ hã dawi sô 're irowaptâ'â za'ra mono zéb uwaibaba, marĩ sa'ẽtẽ na niwamhã duré suru na zama. 46Awẽ sidâpâ ma tô 're si'rã'õtõ simisutu, 'Re ihâimana u'âsi mono nhorõwa 'ri 'rãihâ 'wawi wa'ra 're. Tinhorõwa mono bâ, ma tô duré i'u'ẽtẽ wapu hã te te siré 're huri. Siré ma tô duré 're saihuri, rowẽ sina duré tipẽ'ẽ 're sena na 're ihâimana za'ra mono zéb zarina. 47'Re ihâimana u'âsi mono ãma ma tô 're wata za'ra. Aihĩni ma tô da te 're wẽsãmri za'ra, ta norĩ hã. Tawamhã bâtâ sidâpâ ma tô Uburé Danhib'apito hã da'ãma hâ'â u'âsi, te te isõ'reptu za'ra norĩ na hã.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.