Atus 11
11
Pedru hã zudeu'õ norĩ u imorĩzém na isiwasu'uzé
1Tawamhã Zezusihi zadawa wasu'u'wa norĩ duré isazei'wa norĩ uburé Zudéa ti'ai 're, 're isi'ubumroi mono norĩ hã ma tô rowasu'u hã wapari za'ra, zudeu'õ norĩ zama 'Re ihâimana u'âsi mono mreme te te isaze za'ra na hã. 2Tawamhã Pedru hã Zeruzalẽ u apâ morĩ wamhã, ni'wam norĩ hã 're idasisihâiwata nhihâri za'ra mono niwĩ 're ihâimana za'ra mono norĩ hã ma tô siwi wasu. 3Ma tô tãma nharĩ za'ra, ãne:
— A hã ma tô asé, aibâ 're isisihâiwata nhihâri za'ra mono õ norĩ nhorõwa u. Te duré isiré asa za'ra.
4Tawamhã Pedru hã ma tô ãma tãma rowasu'u za'ra, isãna'rata hawi uburé iromhâimanazém na hã. Ãne te tãma rowasu'u za'ra:
5— Zopi ãma ĩnhamra ré hã, te rowaptẽrẽ ré, wa tô marĩ hã 'madâ, ĩnhotõ 'rowim ne. Wa 'madâ marĩ hã zazahâ hâi wawẽ ne, hâiwa hawi we te te isi'ra hã, maparane si'uiwa na ihâ 'rãsutu na iwasi hã. Ta hã ĩ'rata ma tô mazazâ. 6I'remhã wa tô 'madâ'â pese. Abaze da te 're itébré za'ra mono hã wa tô 'madâ duré rom na abaze zahi hã duré abaze di'i na 're inomro mono duré si norĩ zama. 7Taha pari damreme hã wa tô wapa, ãne te te ĩma inharĩ hã: “Pedru, aiwahutu! Asima 'maiwĩrĩ, 'mai'rẽne da.” 8Tahawa wa sada'â, ãne: “Ĩnhib'apito, mare di! Niwa marĩ te 'rẽne õ di iwasétére hã, 'Re ihâimana u'âsi mono nhimiroti zahi na Mozési te te irob'ui'érézém na te te wawi isawi za'ra hã.” 9Tawamhã hâiwa hawi damreme te duré ĩma tinha, ãne: “Marĩ hã wasété newa, sisisi tõ, 'Re ihâimana u'âsi mono wẽ na hâimana da, te te oto i'manharĩ hã.” 10Ãne hã si'ubdatõ ma tô ãma ĩma sahu. Taha pari ma tô apâ hâiwa u âri ni. 11Tawamhã tô taha bâtâ pibuzém na ma tô aibâ norĩ si'ubdatõ aihutu ĩza'warizéb u, da te ãma ĩzô isatõrĩ za'ra hã Cézaréia hawi. 12Tawamhã 'Re ihâimana u'âsi mono Pẽ'ẽzani hã ma tô ĩma tinha, isiré ĩmorĩ za'ra da, ĩsiti ãna. Ã hã ĩsisãnawã norĩ 6 na ihâiba za'ra hã ma tô we ĩsiré ai'aba'ré. Tawamhã wa tô asisi ni, Cornéliu nhorõwa u. 13Ta hã ma tô duré wama siwasu'u za'ra, hâiwa hawi 'Re ihâimana u'âsi mono ma romhuri'wa tãma isihâi'ré na hã, ãne te te tãma inharĩ na hã: “Ma'ãpé, da'mazatõrĩ Zopi u, Simau Pedru na isisi zô. 14Ta hã te za rowasu'uwẽ na aima rowasu'u za'ra wa'wa, taha zarina 'Re ihâimana u'âsi mono hã te te asõ'reptu da, duré uburé asõrõwa 're, 're isi'ubumroi mono norĩ zama.”
15— Tawamhã rowasu'u na te ãma tãma sãna'rata za'ra wamhã, 'Re ihâimana u'âsi mono Pẽ'ẽzani hã ma tô we isisiwib za'ra si'ra, wanhisiwib za'ra te te isi'ra ne isãna'rata hawimhã. 16Tawamhã Wanhib'apito mreme na wa tô po're puru, ãne te te inharĩzém na: “Zuwã Batista hã ma tô â uptabi na si te te 're da'ahâiba ubu, â dawabzuri te te dama 're a'manharĩ mono wamhã. Tanei õ di oto. 'Re ihâimana u'âsi mono hã te za Tipẽ'ẽzani na te te 're aihâiba ubu za'ra wa'wa, iré 're anomro u'âsi aba mono da.” 17Tahawa zudeu'õ norĩ zama ma tô waibu, 'Re ihâimana u'âsi mono nhoprubzé iwẽ uptabi hã, Wanhib'apito Zezu Cristu, wa te saze za'ra wamhã, wa te iwaibu ne aiwa. E 'wa hã, wa hã tawamhã, 'Re ihâimana u'âsi mono zada ĩzab da hã.
18Tawamhã ãne hã te te wapari za'ra wamhã, niha hã te te nharĩ waihu'u za'ra õ di. 'Re ihâimana u'âsi mono ãma si ma tô tiwata za'ra, ãne:
— 'Re ihâimana u'âsi mono hã ma tô nare pisutu, bâdâ hã zudeu'õ norĩ ma tiwasété wi isipizari za'ra zéb zarina, dahâimanazé isi'utõrĩ'õ hã te te sina uwaimrami za'ra da.
Ãtioquia ãma Zezusihi zazei'wa norĩ 're ihâimana za'ra mono zé
19Estevã hã da te dasiwi iwĩrĩ hawi, isazei'wa norĩ ãma, da te irowasété za'ra zéb zarina, ni'wam norĩ te te iropéi mono hã ma tô aihutu, Fenisia na ti'a nhisi u, rob'ré za'idi Chipri u, 'ri nho'u Ãtioquia u zama. Tame 'Re ihâimana u'âsi mono zadawa wasu'u hã ma tô nasi wasu'u za'ra, Zudeu norĩ ma si. 20Tane nherẽ, nima norĩ Chipri hawimhã duré 'ri wa'õno Cireni hawimhã, ma tô duré ai'aba'ré, Ãtioquia u hã. Ta norĩ hã ma tô zudeu'õ norĩ ma zama rowasu'u za'ra, Rowasu'uwẽ Wanhib'apito Zezusihi wasu'u na hã. 21Uburé Danhib'apito nhib'rada hã ma tô isisiwi tihâimana za'ra. Tahawa ma tô ahâ na saze za'ra. Ma tô duré Wanhib'apito u hã aipizari za'ra.
22Ã hã romreme hã ma tô wi, isazei'wa norĩ Zeruzalẽ ãma siré 're isi'rã'õtõ mono norĩ u. Taha zarina ma tô siwi satõ Barnabé hã, Ãtioquia u. 23Ta hã tamomo wisi wamhã, duré 'Re ihâimana u'âsi mono hã iwẽ na dama 're isõpru mono zé hã te te 'madâ'â wamhã, tãma rowẽ uptabi di, Barnabéhé ma hã. Ta hã ma tô uburé pawaptob za'ra, siptete sina sena na Wanhib'apito ãma hâimana u'âsi za'ra da, tipẽ'ẽ na hã.
24Barnabé hã aibâ ihâimana wẽ. 'Masisi na, 'Re ihâimana u'âsi mono Pẽ'ẽzani ré, 're ihâimana mono, duré 'Re ihâimana u'âsi mono te te sina 're i'umnhasi mono zé tãma 're ihâimana mono. Tawamhã da'ahâ na ma tô aipizari za'ra ni, Wanhib'apito u hã.
25Taha pari Barnabé hã ma tô mo Tarsu u, Sauluhu zô rĩtĩ da. 26Te te sõpẽtẽ wamhã, ma tô saprõ, Ãtioquia u. Tame misi wahub 're, ma tô siré aimasisi zahuré, isazei'wa norĩ me. Da'ahâ na ma tô te te 're da'apawaptob zahuré, rowasu'u iwẽ na hã. Ãtioquia ãma imorĩ'rata na Zezusihi nhirã zarina 're inomro mono norĩ hã ma tô sisi za'ra ni, Cristuhu nhib'a'uwẽ na.
27Tawamhã taha bâtâ mono na hã, 'Re ihâimana u'âsi mono zadawa 'mahârâ'wa norĩ nima norĩ hã ma tô ai'aba'ré, Zeruzalẽ hawi, Ãtioquia u. 28Isiré za'ra hã, Agabu na isisi hã ma tô wahudu. 'Re ihâimana u'âsi mono Pẽ'ẽzani zadawa para, te ãne rowasu'u:
— Amnho zô te za rowaptâ, uburé ti'ai mono bâ hã.
Ãne hã ma tô tiromhâiba, Claudiu hã danhib'apito na 're hâimana mono ré, Roma 'remhã.
29Tahawa, Zezusihi zazei'wa norĩ hã ma tô sima waihu'u za'ra, te te pawaptob za'ra da, isazei'wa norĩ Zudéa ãma 're isi'ubumroi mono norĩ hã. Tawamhã ma tô 'rã'õtõ za'ra hâiba mono bâ, marĩ hã tãma iwapu za'ra zarina. 30Ta hã ma tô 'manharĩ za'ra. Tinhoprubzé hã ma tô tãma sõmri za'ra, Barnabé duré Sauluhu norĩ nhib'rata, isazei'wa norĩ 'madâ'â'wa norĩ ma hã.
Iliyochaguliwa sasa
Atus 11: xavBP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.
Atus 11
11
Pedru hã zudeu'õ norĩ u imorĩzém na isiwasu'uzé
1Tawamhã Zezusihi zadawa wasu'u'wa norĩ duré isazei'wa norĩ uburé Zudéa ti'ai 're, 're isi'ubumroi mono norĩ hã ma tô rowasu'u hã wapari za'ra, zudeu'õ norĩ zama 'Re ihâimana u'âsi mono mreme te te isaze za'ra na hã. 2Tawamhã Pedru hã Zeruzalẽ u apâ morĩ wamhã, ni'wam norĩ hã 're idasisihâiwata nhihâri za'ra mono niwĩ 're ihâimana za'ra mono norĩ hã ma tô siwi wasu. 3Ma tô tãma nharĩ za'ra, ãne:
— A hã ma tô asé, aibâ 're isisihâiwata nhihâri za'ra mono õ norĩ nhorõwa u. Te duré isiré asa za'ra.
4Tawamhã Pedru hã ma tô ãma tãma rowasu'u za'ra, isãna'rata hawi uburé iromhâimanazém na hã. Ãne te tãma rowasu'u za'ra:
5— Zopi ãma ĩnhamra ré hã, te rowaptẽrẽ ré, wa tô marĩ hã 'madâ, ĩnhotõ 'rowim ne. Wa 'madâ marĩ hã zazahâ hâi wawẽ ne, hâiwa hawi we te te isi'ra hã, maparane si'uiwa na ihâ 'rãsutu na iwasi hã. Ta hã ĩ'rata ma tô mazazâ. 6I'remhã wa tô 'madâ'â pese. Abaze da te 're itébré za'ra mono hã wa tô 'madâ duré rom na abaze zahi hã duré abaze di'i na 're inomro mono duré si norĩ zama. 7Taha pari damreme hã wa tô wapa, ãne te te ĩma inharĩ hã: “Pedru, aiwahutu! Asima 'maiwĩrĩ, 'mai'rẽne da.” 8Tahawa wa sada'â, ãne: “Ĩnhib'apito, mare di! Niwa marĩ te 'rẽne õ di iwasétére hã, 'Re ihâimana u'âsi mono nhimiroti zahi na Mozési te te irob'ui'érézém na te te wawi isawi za'ra hã.” 9Tawamhã hâiwa hawi damreme te duré ĩma tinha, ãne: “Marĩ hã wasété newa, sisisi tõ, 'Re ihâimana u'âsi mono wẽ na hâimana da, te te oto i'manharĩ hã.” 10Ãne hã si'ubdatõ ma tô ãma ĩma sahu. Taha pari ma tô apâ hâiwa u âri ni. 11Tawamhã tô taha bâtâ pibuzém na ma tô aibâ norĩ si'ubdatõ aihutu ĩza'warizéb u, da te ãma ĩzô isatõrĩ za'ra hã Cézaréia hawi. 12Tawamhã 'Re ihâimana u'âsi mono Pẽ'ẽzani hã ma tô ĩma tinha, isiré ĩmorĩ za'ra da, ĩsiti ãna. Ã hã ĩsisãnawã norĩ 6 na ihâiba za'ra hã ma tô we ĩsiré ai'aba'ré. Tawamhã wa tô asisi ni, Cornéliu nhorõwa u. 13Ta hã ma tô duré wama siwasu'u za'ra, hâiwa hawi 'Re ihâimana u'âsi mono ma romhuri'wa tãma isihâi'ré na hã, ãne te te tãma inharĩ na hã: “Ma'ãpé, da'mazatõrĩ Zopi u, Simau Pedru na isisi zô. 14Ta hã te za rowasu'uwẽ na aima rowasu'u za'ra wa'wa, taha zarina 'Re ihâimana u'âsi mono hã te te asõ'reptu da, duré uburé asõrõwa 're, 're isi'ubumroi mono norĩ zama.”
15— Tawamhã rowasu'u na te ãma tãma sãna'rata za'ra wamhã, 'Re ihâimana u'âsi mono Pẽ'ẽzani hã ma tô we isisiwib za'ra si'ra, wanhisiwib za'ra te te isi'ra ne isãna'rata hawimhã. 16Tawamhã Wanhib'apito mreme na wa tô po're puru, ãne te te inharĩzém na: “Zuwã Batista hã ma tô â uptabi na si te te 're da'ahâiba ubu, â dawabzuri te te dama 're a'manharĩ mono wamhã. Tanei õ di oto. 'Re ihâimana u'âsi mono hã te za Tipẽ'ẽzani na te te 're aihâiba ubu za'ra wa'wa, iré 're anomro u'âsi aba mono da.” 17Tahawa zudeu'õ norĩ zama ma tô waibu, 'Re ihâimana u'âsi mono nhoprubzé iwẽ uptabi hã, Wanhib'apito Zezu Cristu, wa te saze za'ra wamhã, wa te iwaibu ne aiwa. E 'wa hã, wa hã tawamhã, 'Re ihâimana u'âsi mono zada ĩzab da hã.
18Tawamhã ãne hã te te wapari za'ra wamhã, niha hã te te nharĩ waihu'u za'ra õ di. 'Re ihâimana u'âsi mono ãma si ma tô tiwata za'ra, ãne:
— 'Re ihâimana u'âsi mono hã ma tô nare pisutu, bâdâ hã zudeu'õ norĩ ma tiwasété wi isipizari za'ra zéb zarina, dahâimanazé isi'utõrĩ'õ hã te te sina uwaimrami za'ra da.
Ãtioquia ãma Zezusihi zazei'wa norĩ 're ihâimana za'ra mono zé
19Estevã hã da te dasiwi iwĩrĩ hawi, isazei'wa norĩ ãma, da te irowasété za'ra zéb zarina, ni'wam norĩ te te iropéi mono hã ma tô aihutu, Fenisia na ti'a nhisi u, rob'ré za'idi Chipri u, 'ri nho'u Ãtioquia u zama. Tame 'Re ihâimana u'âsi mono zadawa wasu'u hã ma tô nasi wasu'u za'ra, Zudeu norĩ ma si. 20Tane nherẽ, nima norĩ Chipri hawimhã duré 'ri wa'õno Cireni hawimhã, ma tô duré ai'aba'ré, Ãtioquia u hã. Ta norĩ hã ma tô zudeu'õ norĩ ma zama rowasu'u za'ra, Rowasu'uwẽ Wanhib'apito Zezusihi wasu'u na hã. 21Uburé Danhib'apito nhib'rada hã ma tô isisiwi tihâimana za'ra. Tahawa ma tô ahâ na saze za'ra. Ma tô duré Wanhib'apito u hã aipizari za'ra.
22Ã hã romreme hã ma tô wi, isazei'wa norĩ Zeruzalẽ ãma siré 're isi'rã'õtõ mono norĩ u. Taha zarina ma tô siwi satõ Barnabé hã, Ãtioquia u. 23Ta hã tamomo wisi wamhã, duré 'Re ihâimana u'âsi mono hã iwẽ na dama 're isõpru mono zé hã te te 'madâ'â wamhã, tãma rowẽ uptabi di, Barnabéhé ma hã. Ta hã ma tô uburé pawaptob za'ra, siptete sina sena na Wanhib'apito ãma hâimana u'âsi za'ra da, tipẽ'ẽ na hã.
24Barnabé hã aibâ ihâimana wẽ. 'Masisi na, 'Re ihâimana u'âsi mono Pẽ'ẽzani ré, 're ihâimana mono, duré 'Re ihâimana u'âsi mono te te sina 're i'umnhasi mono zé tãma 're ihâimana mono. Tawamhã da'ahâ na ma tô aipizari za'ra ni, Wanhib'apito u hã.
25Taha pari Barnabé hã ma tô mo Tarsu u, Sauluhu zô rĩtĩ da. 26Te te sõpẽtẽ wamhã, ma tô saprõ, Ãtioquia u. Tame misi wahub 're, ma tô siré aimasisi zahuré, isazei'wa norĩ me. Da'ahâ na ma tô te te 're da'apawaptob zahuré, rowasu'u iwẽ na hã. Ãtioquia ãma imorĩ'rata na Zezusihi nhirã zarina 're inomro mono norĩ hã ma tô sisi za'ra ni, Cristuhu nhib'a'uwẽ na.
27Tawamhã taha bâtâ mono na hã, 'Re ihâimana u'âsi mono zadawa 'mahârâ'wa norĩ nima norĩ hã ma tô ai'aba'ré, Zeruzalẽ hawi, Ãtioquia u. 28Isiré za'ra hã, Agabu na isisi hã ma tô wahudu. 'Re ihâimana u'âsi mono Pẽ'ẽzani zadawa para, te ãne rowasu'u:
— Amnho zô te za rowaptâ, uburé ti'ai mono bâ hã.
Ãne hã ma tô tiromhâiba, Claudiu hã danhib'apito na 're hâimana mono ré, Roma 'remhã.
29Tahawa, Zezusihi zazei'wa norĩ hã ma tô sima waihu'u za'ra, te te pawaptob za'ra da, isazei'wa norĩ Zudéa ãma 're isi'ubumroi mono norĩ hã. Tawamhã ma tô 'rã'õtõ za'ra hâiba mono bâ, marĩ hã tãma iwapu za'ra zarina. 30Ta hã ma tô 'manharĩ za'ra. Tinhoprubzé hã ma tô tãma sõmri za'ra, Barnabé duré Sauluhu norĩ nhib'rata, isazei'wa norĩ 'madâ'â'wa norĩ ma hã.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.