Atus 10
10
Pedru norĩ Cornéliuhu me
1Cézaréia na 'ri nho'õmo nhisi ãma hã te 're sãmra Cornéliu na aibâ isisi hã, dasi'wapéi 'manharĩ'wa norĩ wada'uri'wa. Ta hã romanu. Dasi'wapéi 'manharĩ'wa norĩ, isimi'ubumro norĩ hã Italianu na iwaptẽrẽ. 2Ta hã 'Re ihâimana u'âsi mono nhimiroti 'madâ'â'wa. Duré uburé isipoto hawi a'uwẽ norĩ hã 'Re ihâimana u'âsi mono ãma si, te 're wata za'ra. Cornéliu hã Zudeu isimarĩ'õ norĩ hã ma tô te te 're apawapto. Ma tô duré te te 're rowaptẽrẽ, õne u'âsi. 3Tawamhã nimahã bâtâ na hâiwahâ, bâtâ pibuzé hã si'ubdatõ ãma#10.3 Hâiwahâ si'ubdatõ ãma bâtâ pibuzém na Zudeu norĩ te te 're irowaptẽrẽ za'ra mono zé hã, ma tô sõtõ 'rowim ne 'madâ, sõ'awi hâiwa hawi 'Re ihâimana u'âsi mono ma romhuri'wa hã. Ma tô itẽme sina rotété. Ãne te 'mahâ:
— Cornéliu!
4Tawamhã pahi uptabi sina ma tô 'madâ pese. Tahawa te ãne sadanha:
— E marĩ.
Tawamhã hâiwa hawi romhuri'wa hã ma sada'â, ãne:
— 'Re irowaptẽrẽ mono zé duré isimarĩ'õ norĩ 're i'apawapto mono zé hã ma tô sai'uri zahuré 'Re ihâimana u'âsi mono nho're u hã, tahawa ai'ãma po're si âri õ di. 5Tahawa, ma'ãpé satõrĩ za'ra na nima norĩ aibâ norĩ hã, 'ri nho'u Zopi u, te te we siwi saprõni da Simau hã. Duré ta hã dama waihu'u pese di, Pedru na isisi na hã. 6Tinhipsara romhâ su'u'wa nhorõwa ãma te nhamra. Isõrõwa hã âporé zaihâ na te 're sa.
7Tawamhã hâiwa hawi 'Re ihâimana u'âsi mono ma romhuri'wa hã te te tãma inharĩ hã oto morĩ pari, Coneliu hã maparane tite romhuri'wa norĩ zô ma tô tihârâ zahuré, duré dasi'wapéi 'manharĩ'wa tãma iromhuri'wa 'Re ihâimana u'âsi mono nhimiroti 'madâ'â'wa zô zama. 8Tawamhã Cornéliu hã ma tô tãma rowasu'u pese za'ra iromhâimanazém na hã. Taha pari ma tô satõrĩ za'ra, Zopi u si'aba'ré da.
9Tawamhã awẽm na hã abzuma wa'wa, zahadu bâdâdi na si'aba'réi ré, duré 'ri nho'õmo u te te sina rotété za'ra ré hã, Pedru hã ma tô sai'u hâiwi 'ri nhisi u, te te rowaptẽrẽ da. 10Tawamhã Pedru hã mra ma tô azâri pese. Tahawa ma tô aré sima wẽ, marĩ te te 'rẽne da. Abzuma wa'wa dasa hã sebre za'ra ré hã, ma tô marĩ 'madâ, sõtõ 'rowim ne. 11Tawamhã hâiwa 'ridawa haré ma tô 'madâ duré zazahâ hâi wawẽ ne hã, iwasi hã maparane si'uiwa na ihâ 'rãsutu na, hâiwa hawi we te te isi'ra hã ti'ai u. 12I'remhã sipu'u pese na abaze norĩ hã iwamri mono bâ te daba'wara, maparane si'uiwa na ipara hã, abaze di'i na 're inomro mono duré si norĩ hâiwi 're isisa'rei mono norĩ zama. 13Tawamhã Pedru hã, ma tô wapa damreme hã. Ãne te tãma tinha:
— Pedru, aiwahutu! Asima 'maiwĩrĩ, 'rẽne da!
14Tane nherẽ, Pedru hã ma sada'â, ãne:
— Mare uptabi di, Ĩnhib'apito! Niwa te 'rẽne õ di, 'Re ihâimana u'âsi mono nhimiroti zahi na Mozési te te irob'ui'érézé te te wawi isawi zahi za'ra hã, iwasétére hã.
15Tawamhã damreme hã te duré tãma tinha, ãne:
— Marĩ hã wasété newa, sisisi tõ, 'Re ihâimana u'âsi mono wẽ na hâimana da, te te oto i'manharĩ hã.
16Ãne hã ma tô ãma tãma sahu si'ubdatõ. Taha parimhã zazahâ hâi wawẽ ne hã ma tô âri ni apâ, hâiwa u.
17Tawamhã Pedru hã te te sadaihu'u da, te te ãma rosa'rata pese ré, aibâ norĩ Cornéliu te te isatõrĩ za'ra hã ma tô siwi uwaimra, Simahã nhorõwa hã. Tahawa 'ridawa ãma te oto aimasa. 18Ma tô dazô ti'maihârâ za'ra. Te duré anharĩ za'ra, ãne:
— E Simau Pedru na aibâ nhisi hã te ãme nhamra.
19Tawamhã Pedru hã sõtõ 'rowim ne te te i'madâ'âzém na zahadu te te ãma rosa'rata ré hã, 'Re ihâimana u'âsi mono Pẽ'ẽzani hã ma tô ãne tãma tinha:
— Simau, si'ubdatõ aibâ norĩ hã te asô 're rĩtĩ za'ra. 20Tahawa, ma'ãpé aiwahutu. Si'ra na, isiré aimorĩ za'ra da. Aihâtâ'â ãna isiré aimorĩ za'ra na. E marĩ wa. Wa hã wa we satõrĩ za'ra ãwa, we si'aba'ré da hã.
21Tawamhã Pedru hã ma tô si'ra. Aibâ norĩ ma, ma tô siwasu'u, ãne:
— Wa hã, ĩzô te we airĩtĩ za'ra wa'wa. E marĩ zô te we ai'aba'réi wa'wa.
22Tawamhã aibâ norĩ hã ma siwi sada'â, ãne:
— Cornéliu dasi'wapéi 'manharĩ'wa norĩ wada'uri'wa hã te wei wazatõrĩ za'ra. Ta hã aibâ iwẽ, 'Re ihâimana u'âsi mono si te te 're umnhasi. Duré uburé Zudeu norĩ 'remhã dama wazé pese di. Hâiwa hawi 'Re ihâimana u'âsi mono ma romhuri'wa hã ma tô tãma tinha, tinhorõwa u asô hârâ da, te te aiwapari da, marĩ na tãma inharĩzém na hã.
23Tawamhã Pedru hã ma tô tãma nharĩ za'ra, 'ri para u sisisi da, sõtõ za'ra da a'â.
Awẽm na hã Pedru hã ma tô isiré timorĩ za'ra. Tawamhã nima norĩ isazei'wa norĩ Zopi 're, 're isi'ubumroi mono hã te isiré ai'aba'ré. 24Tawamhã awẽm na si ma tô aihutu, Cézaréia u hã. Cornéliu hã te sô mapari za'ra, tisiwadi norĩ ré duré isiwaihu'u norĩ 'râwi tãma 're ihâimana za'ra mono norĩ te te i'apo're pu'u ré. 25Tawamhã Pedru hã 'ri para u isébrézéb u, ma tô Cornéliu hã sina uzusi 'ridawa u. Hi'rãtitõ ma ipapara aime, ãma wata da. Coneliu hã. 26Tane nherẽ, Pedru hã ma tô wahutu. Ma tô tãma tinha, ãne:
— Aiwahutu. Wa hã tarére hã aibâ asine hã.
27Te te tãma robzanhamri sina, ma tô Pedru hã ãzé 'ri para u. Tame ma tô da'anhopẽtẽ, da'ahâ na idasi'rã'õno hã. 28Tawamhã Pedru hã te tãma nharĩ za'ra, ãne:
— Aima waihu'u pese za'ra wa'aba di, Zudeu norĩ nhimizaze hã te te i'rui õ na hã zudeu'õ norĩ na 're siwaihu'u za'ra mono tõ da, duré isõrõwa u 're sisisi mono tõ da hã. Tane nherẽ, 'Re ihâimana u'âsi mono hã ma tô ĩma hâi'ré, ni'wa hã iwasété na duré niwamhã i'u're na te wẽ'õ tõ da, zudeu norĩ hâimanazéb zarina 're hâimana mono õ nherẽ. 29Tahawa, ãma ĩzô aihârâ za'ra wa'aba wamhã, wa tô wei mo, ĩsiwapsari ãna. Tahawa wa ĩsima wẽ, te waihu'u da. E marĩ da, te ãma ĩzô aihârâ za'ra wa'wa.
30Tawamhã Cornéliu hã ma sada'â, ãne:
— Si'ubdatõ bâdâ ma tô ai'utõ, te irowaptẽrẽzém na hã ĩnhorõwa ãma, ãne bâtâ na si'ubdatõ ãma bâtâ pibuzém na hâiwahâ. Tawamhã rosa'rese õ ré, ĩnho're ma tô za, aibâ i'uza ihâirã uptabi hã. 31Ta hã te ãne ĩma tinha: “Cornéliu, 'Re ihâimana u'âsi mono hã ma tô wapa, tiwi irowaptẽrẽzé hã. Ma tô duré ãma sipo're pu'u, isimarĩ'õ 're i'apawapto mono zém na hã. 32Ma'ãpé ni'wa hã satõrĩ Zopi u, Simau Pedru na isisi zô. Ta hã te tihâiba tinhipsara Simau romhâ su'u'wa nhorõwa ãma, â poré zaihâ na 're isãmra mono ãma.” 33Tahawa, wa tô ãma asô satõrĩ za'ra awa'awi na, we te te siwi asaprõni da. Tahawa wẽ di, we i'aiwisizé hã. Ãhã na hã ãme wa oto wahâimana za'ra ni 'Re ihâimana u'âsi mono nho're, wa te aiwapari za'ra da, Uburé Danhib'apito te te aima iwaihu'uzém na hã.
Pedru hã te te irowasu'uzé, Cornéliu norĩ ma
34Tawamhã Pedru hã ma timreme na oto tãma sãna'rata za'ra, ãne:
— Ãhã na hã wa tô oto waihu'u pese, 'Re ihâimana u'âsi mono aiwap si te te 're ida'a'madâ'â mono na hã. 35Uburé dapoto mono bâ te te 're awaibui wẽ, ni'wam norĩ te te 're iwazé pese za'ra mono norĩ hã duré marĩ i'uwaibaba si te te 're i'manharĩ za'ra mono norĩ zama. 36Aima waihu'u pese za'ra wa'aba di, 'Re ihâimana u'âsi mono zadawa wasu'u, tinhib'a'uwẽ Izaraéu nhihudu norĩ ma, te te isõmri hã, Rowasu'uwẽ hã rowẽ u'âsi 're idahâimana za'ra mono zé hã Zezu Cristuhu ãma, Uburé Danhib'apito ãma. 37Aima waihu'u pese za'ra wa'aba di, iromhâimanazé hã uburé Izaraéu 'remhã, Galiléia ãma isãna'ratazé hã, â dawabzuri na Zuwã hã te te dama 're rowahutu mono pari. 38Aima waihu'u pese za'ra wa'aba di duré, ãne: 'Re ihâimana u'âsi mono hã ma tô 'manha, Zezusi Nazaré ãma aré 're isãmra mono ma, Ipẽ'ẽzani hã itẽme wisi da. Ma tô duré tãma tisõ, iwaihu'u pe hã. Ta hã Zezusi hã ma tô 're mo, daro mono bâ. Marĩ iwẽ hã te te 're a'manharĩ. Te duré te te 're apese wa'uburé te te 're iwati pese za'ra mono norĩ hã, 'Re ihâimana u'âsi mono isiré 're hâimana mono wa. 39Wa norĩ hã watõmo na i'madâ'â'wa, uburé marĩ te te 're i'a'manharĩ mono zé hã Zudeu norĩ nhipti'ai 'remhã duré Zeruzalẽ 'remhã. Tame ma tô dasiwi wĩrĩ ni, wedepo'o nhonhi'rãmi na da te dasiwi isasõmrizém na. 40Tane nherẽ, 'Re ihâimana u'âsi mono ma tô apâ hâiwa'utu, si'ubdatõ bâtâ ãma. Ma tô duré tãma pisutu, wa te wasiwi 'madâ'â da hã. 41Uburé a'uwẽ norĩ hã da te dasiwi 'madâ'â õ di. Wa norĩ si, wa tô 'madâ'â za'ra ni, 'Re ihâimana u'âsi mono duréi te te iwapisutu siromo za'ra hã. Dâ'â nherẽ, apâ hâiwa'utu parimhã, wa tô isiré wasaihuri ni. Duré isiré wa âhuri ni. 42Tawamhã Zezusi hã ma tô wama 'ru za'ra, Rowasu'uwẽ na wa te dama 're rowahutu za'ra mono da, duré ta hã wa te 're wasu'u za'ra mono da, 'Re ihâimana u'âsi mono te te ipisutu na hã da'ãma rowairébé'wa na hâiba ré 're ihâimana za'ra mono norĩ ma, duré idâ'â za'ra norĩ ma zama. 43Duréihã uburé 'Re ihâimana u'âsi mono zadawa 'mahârâ'wa norĩ hã ma tô Zezusi te te dama 're wasu'u za'ra, ni'wam norĩ te te 're isaze za'ra mono hã dawasédé te te da'ãma 're i'ab'madâ'â mono õ zé, za te te sima 're iwaibui mono na hã, õhõ nhisi zarina si.
Zudeu'õ norĩ hã 'Re ihâimana u'âsi mono Pẽ'ẽzani te te iwaibuzé
44Tawamhã Pedru hã zahadu te te tãma rowasu'u za'ra ré, ma tô 'Re ihâimana u'âsi mono Pẽ'ẽzani hã si'ra, uburé Pedruhu nhimirowasu'u te te iwapari za'ra norĩ nhisiwimhã. 45Tawamhã Zudeu norĩ, Zezusihi zazei'wa norĩ Zopi hawi Pedruhu siré isi'aba'ré hã ma tô ãma titob'uzui pese za'ra, 'Re ihâimana u'âsi mono tinhoprubzé iwẽ uptabi hã Tipẽ'ẽzani, zudeu'õ norĩ nhisiwi te te isa'warizém na hã. 46E marĩ wa. Ma tô wapari za'ra zudeu'õ norĩ hã, damreme aimawi na imreme zusi na hã duré 'Re ihâimana u'âsi mono hã danhipai u waihu'u pese uptabi wa, ãma iwata za'ra zé hã.
Tawamhã Pedru hã te tinha, ãne:
47— E 'wa hã te te tiwi sawi za'ra da bâ bété, ã norĩ hã â dawabzuri te te i'manharĩ za'ra da hã. 'Re ihâimana u'âsi mono Pẽ'ẽzani hã ma tô waibu, wa te iwaibu ne.
48Tawamhã ma tô tãma 'ru za'ra, Zezu Cristuhu nhisi na, â dawabzuri hã te te 'manharĩ za'ra da. Taha parimhã Pedruhu wi ma tô waptẽrẽ za'ra, a'â niha bâtâ na i'rata sãmra za'ra da.
Iliyochaguliwa sasa
Atus 10: xavBP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.
Atus 10
10
Pedru norĩ Cornéliuhu me
1Cézaréia na 'ri nho'õmo nhisi ãma hã te 're sãmra Cornéliu na aibâ isisi hã, dasi'wapéi 'manharĩ'wa norĩ wada'uri'wa. Ta hã romanu. Dasi'wapéi 'manharĩ'wa norĩ, isimi'ubumro norĩ hã Italianu na iwaptẽrẽ. 2Ta hã 'Re ihâimana u'âsi mono nhimiroti 'madâ'â'wa. Duré uburé isipoto hawi a'uwẽ norĩ hã 'Re ihâimana u'âsi mono ãma si, te 're wata za'ra. Cornéliu hã Zudeu isimarĩ'õ norĩ hã ma tô te te 're apawapto. Ma tô duré te te 're rowaptẽrẽ, õne u'âsi. 3Tawamhã nimahã bâtâ na hâiwahâ, bâtâ pibuzé hã si'ubdatõ ãma#10.3 Hâiwahâ si'ubdatõ ãma bâtâ pibuzém na Zudeu norĩ te te 're irowaptẽrẽ za'ra mono zé hã, ma tô sõtõ 'rowim ne 'madâ, sõ'awi hâiwa hawi 'Re ihâimana u'âsi mono ma romhuri'wa hã. Ma tô itẽme sina rotété. Ãne te 'mahâ:
— Cornéliu!
4Tawamhã pahi uptabi sina ma tô 'madâ pese. Tahawa te ãne sadanha:
— E marĩ.
Tawamhã hâiwa hawi romhuri'wa hã ma sada'â, ãne:
— 'Re irowaptẽrẽ mono zé duré isimarĩ'õ norĩ 're i'apawapto mono zé hã ma tô sai'uri zahuré 'Re ihâimana u'âsi mono nho're u hã, tahawa ai'ãma po're si âri õ di. 5Tahawa, ma'ãpé satõrĩ za'ra na nima norĩ aibâ norĩ hã, 'ri nho'u Zopi u, te te we siwi saprõni da Simau hã. Duré ta hã dama waihu'u pese di, Pedru na isisi na hã. 6Tinhipsara romhâ su'u'wa nhorõwa ãma te nhamra. Isõrõwa hã âporé zaihâ na te 're sa.
7Tawamhã hâiwa hawi 'Re ihâimana u'âsi mono ma romhuri'wa hã te te tãma inharĩ hã oto morĩ pari, Coneliu hã maparane tite romhuri'wa norĩ zô ma tô tihârâ zahuré, duré dasi'wapéi 'manharĩ'wa tãma iromhuri'wa 'Re ihâimana u'âsi mono nhimiroti 'madâ'â'wa zô zama. 8Tawamhã Cornéliu hã ma tô tãma rowasu'u pese za'ra iromhâimanazém na hã. Taha pari ma tô satõrĩ za'ra, Zopi u si'aba'ré da.
9Tawamhã awẽm na hã abzuma wa'wa, zahadu bâdâdi na si'aba'réi ré, duré 'ri nho'õmo u te te sina rotété za'ra ré hã, Pedru hã ma tô sai'u hâiwi 'ri nhisi u, te te rowaptẽrẽ da. 10Tawamhã Pedru hã mra ma tô azâri pese. Tahawa ma tô aré sima wẽ, marĩ te te 'rẽne da. Abzuma wa'wa dasa hã sebre za'ra ré hã, ma tô marĩ 'madâ, sõtõ 'rowim ne. 11Tawamhã hâiwa 'ridawa haré ma tô 'madâ duré zazahâ hâi wawẽ ne hã, iwasi hã maparane si'uiwa na ihâ 'rãsutu na, hâiwa hawi we te te isi'ra hã ti'ai u. 12I'remhã sipu'u pese na abaze norĩ hã iwamri mono bâ te daba'wara, maparane si'uiwa na ipara hã, abaze di'i na 're inomro mono duré si norĩ hâiwi 're isisa'rei mono norĩ zama. 13Tawamhã Pedru hã, ma tô wapa damreme hã. Ãne te tãma tinha:
— Pedru, aiwahutu! Asima 'maiwĩrĩ, 'rẽne da!
14Tane nherẽ, Pedru hã ma sada'â, ãne:
— Mare uptabi di, Ĩnhib'apito! Niwa te 'rẽne õ di, 'Re ihâimana u'âsi mono nhimiroti zahi na Mozési te te irob'ui'érézé te te wawi isawi zahi za'ra hã, iwasétére hã.
15Tawamhã damreme hã te duré tãma tinha, ãne:
— Marĩ hã wasété newa, sisisi tõ, 'Re ihâimana u'âsi mono wẽ na hâimana da, te te oto i'manharĩ hã.
16Ãne hã ma tô ãma tãma sahu si'ubdatõ. Taha parimhã zazahâ hâi wawẽ ne hã ma tô âri ni apâ, hâiwa u.
17Tawamhã Pedru hã te te sadaihu'u da, te te ãma rosa'rata pese ré, aibâ norĩ Cornéliu te te isatõrĩ za'ra hã ma tô siwi uwaimra, Simahã nhorõwa hã. Tahawa 'ridawa ãma te oto aimasa. 18Ma tô dazô ti'maihârâ za'ra. Te duré anharĩ za'ra, ãne:
— E Simau Pedru na aibâ nhisi hã te ãme nhamra.
19Tawamhã Pedru hã sõtõ 'rowim ne te te i'madâ'âzém na zahadu te te ãma rosa'rata ré hã, 'Re ihâimana u'âsi mono Pẽ'ẽzani hã ma tô ãne tãma tinha:
— Simau, si'ubdatõ aibâ norĩ hã te asô 're rĩtĩ za'ra. 20Tahawa, ma'ãpé aiwahutu. Si'ra na, isiré aimorĩ za'ra da. Aihâtâ'â ãna isiré aimorĩ za'ra na. E marĩ wa. Wa hã wa we satõrĩ za'ra ãwa, we si'aba'ré da hã.
21Tawamhã Pedru hã ma tô si'ra. Aibâ norĩ ma, ma tô siwasu'u, ãne:
— Wa hã, ĩzô te we airĩtĩ za'ra wa'wa. E marĩ zô te we ai'aba'réi wa'wa.
22Tawamhã aibâ norĩ hã ma siwi sada'â, ãne:
— Cornéliu dasi'wapéi 'manharĩ'wa norĩ wada'uri'wa hã te wei wazatõrĩ za'ra. Ta hã aibâ iwẽ, 'Re ihâimana u'âsi mono si te te 're umnhasi. Duré uburé Zudeu norĩ 'remhã dama wazé pese di. Hâiwa hawi 'Re ihâimana u'âsi mono ma romhuri'wa hã ma tô tãma tinha, tinhorõwa u asô hârâ da, te te aiwapari da, marĩ na tãma inharĩzém na hã.
23Tawamhã Pedru hã ma tô tãma nharĩ za'ra, 'ri para u sisisi da, sõtõ za'ra da a'â.
Awẽm na hã Pedru hã ma tô isiré timorĩ za'ra. Tawamhã nima norĩ isazei'wa norĩ Zopi 're, 're isi'ubumroi mono hã te isiré ai'aba'ré. 24Tawamhã awẽm na si ma tô aihutu, Cézaréia u hã. Cornéliu hã te sô mapari za'ra, tisiwadi norĩ ré duré isiwaihu'u norĩ 'râwi tãma 're ihâimana za'ra mono norĩ te te i'apo're pu'u ré. 25Tawamhã Pedru hã 'ri para u isébrézéb u, ma tô Cornéliu hã sina uzusi 'ridawa u. Hi'rãtitõ ma ipapara aime, ãma wata da. Coneliu hã. 26Tane nherẽ, Pedru hã ma tô wahutu. Ma tô tãma tinha, ãne:
— Aiwahutu. Wa hã tarére hã aibâ asine hã.
27Te te tãma robzanhamri sina, ma tô Pedru hã ãzé 'ri para u. Tame ma tô da'anhopẽtẽ, da'ahâ na idasi'rã'õno hã. 28Tawamhã Pedru hã te tãma nharĩ za'ra, ãne:
— Aima waihu'u pese za'ra wa'aba di, Zudeu norĩ nhimizaze hã te te i'rui õ na hã zudeu'õ norĩ na 're siwaihu'u za'ra mono tõ da, duré isõrõwa u 're sisisi mono tõ da hã. Tane nherẽ, 'Re ihâimana u'âsi mono hã ma tô ĩma hâi'ré, ni'wa hã iwasété na duré niwamhã i'u're na te wẽ'õ tõ da, zudeu norĩ hâimanazéb zarina 're hâimana mono õ nherẽ. 29Tahawa, ãma ĩzô aihârâ za'ra wa'aba wamhã, wa tô wei mo, ĩsiwapsari ãna. Tahawa wa ĩsima wẽ, te waihu'u da. E marĩ da, te ãma ĩzô aihârâ za'ra wa'wa.
30Tawamhã Cornéliu hã ma sada'â, ãne:
— Si'ubdatõ bâdâ ma tô ai'utõ, te irowaptẽrẽzém na hã ĩnhorõwa ãma, ãne bâtâ na si'ubdatõ ãma bâtâ pibuzém na hâiwahâ. Tawamhã rosa'rese õ ré, ĩnho're ma tô za, aibâ i'uza ihâirã uptabi hã. 31Ta hã te ãne ĩma tinha: “Cornéliu, 'Re ihâimana u'âsi mono hã ma tô wapa, tiwi irowaptẽrẽzé hã. Ma tô duré ãma sipo're pu'u, isimarĩ'õ 're i'apawapto mono zém na hã. 32Ma'ãpé ni'wa hã satõrĩ Zopi u, Simau Pedru na isisi zô. Ta hã te tihâiba tinhipsara Simau romhâ su'u'wa nhorõwa ãma, â poré zaihâ na 're isãmra mono ãma.” 33Tahawa, wa tô ãma asô satõrĩ za'ra awa'awi na, we te te siwi asaprõni da. Tahawa wẽ di, we i'aiwisizé hã. Ãhã na hã ãme wa oto wahâimana za'ra ni 'Re ihâimana u'âsi mono nho're, wa te aiwapari za'ra da, Uburé Danhib'apito te te aima iwaihu'uzém na hã.
Pedru hã te te irowasu'uzé, Cornéliu norĩ ma
34Tawamhã Pedru hã ma timreme na oto tãma sãna'rata za'ra, ãne:
— Ãhã na hã wa tô oto waihu'u pese, 'Re ihâimana u'âsi mono aiwap si te te 're ida'a'madâ'â mono na hã. 35Uburé dapoto mono bâ te te 're awaibui wẽ, ni'wam norĩ te te 're iwazé pese za'ra mono norĩ hã duré marĩ i'uwaibaba si te te 're i'manharĩ za'ra mono norĩ zama. 36Aima waihu'u pese za'ra wa'aba di, 'Re ihâimana u'âsi mono zadawa wasu'u, tinhib'a'uwẽ Izaraéu nhihudu norĩ ma, te te isõmri hã, Rowasu'uwẽ hã rowẽ u'âsi 're idahâimana za'ra mono zé hã Zezu Cristuhu ãma, Uburé Danhib'apito ãma. 37Aima waihu'u pese za'ra wa'aba di, iromhâimanazé hã uburé Izaraéu 'remhã, Galiléia ãma isãna'ratazé hã, â dawabzuri na Zuwã hã te te dama 're rowahutu mono pari. 38Aima waihu'u pese za'ra wa'aba di duré, ãne: 'Re ihâimana u'âsi mono hã ma tô 'manha, Zezusi Nazaré ãma aré 're isãmra mono ma, Ipẽ'ẽzani hã itẽme wisi da. Ma tô duré tãma tisõ, iwaihu'u pe hã. Ta hã Zezusi hã ma tô 're mo, daro mono bâ. Marĩ iwẽ hã te te 're a'manharĩ. Te duré te te 're apese wa'uburé te te 're iwati pese za'ra mono norĩ hã, 'Re ihâimana u'âsi mono isiré 're hâimana mono wa. 39Wa norĩ hã watõmo na i'madâ'â'wa, uburé marĩ te te 're i'a'manharĩ mono zé hã Zudeu norĩ nhipti'ai 'remhã duré Zeruzalẽ 'remhã. Tame ma tô dasiwi wĩrĩ ni, wedepo'o nhonhi'rãmi na da te dasiwi isasõmrizém na. 40Tane nherẽ, 'Re ihâimana u'âsi mono ma tô apâ hâiwa'utu, si'ubdatõ bâtâ ãma. Ma tô duré tãma pisutu, wa te wasiwi 'madâ'â da hã. 41Uburé a'uwẽ norĩ hã da te dasiwi 'madâ'â õ di. Wa norĩ si, wa tô 'madâ'â za'ra ni, 'Re ihâimana u'âsi mono duréi te te iwapisutu siromo za'ra hã. Dâ'â nherẽ, apâ hâiwa'utu parimhã, wa tô isiré wasaihuri ni. Duré isiré wa âhuri ni. 42Tawamhã Zezusi hã ma tô wama 'ru za'ra, Rowasu'uwẽ na wa te dama 're rowahutu za'ra mono da, duré ta hã wa te 're wasu'u za'ra mono da, 'Re ihâimana u'âsi mono te te ipisutu na hã da'ãma rowairébé'wa na hâiba ré 're ihâimana za'ra mono norĩ ma, duré idâ'â za'ra norĩ ma zama. 43Duréihã uburé 'Re ihâimana u'âsi mono zadawa 'mahârâ'wa norĩ hã ma tô Zezusi te te dama 're wasu'u za'ra, ni'wam norĩ te te 're isaze za'ra mono hã dawasédé te te da'ãma 're i'ab'madâ'â mono õ zé, za te te sima 're iwaibui mono na hã, õhõ nhisi zarina si.
Zudeu'õ norĩ hã 'Re ihâimana u'âsi mono Pẽ'ẽzani te te iwaibuzé
44Tawamhã Pedru hã zahadu te te tãma rowasu'u za'ra ré, ma tô 'Re ihâimana u'âsi mono Pẽ'ẽzani hã si'ra, uburé Pedruhu nhimirowasu'u te te iwapari za'ra norĩ nhisiwimhã. 45Tawamhã Zudeu norĩ, Zezusihi zazei'wa norĩ Zopi hawi Pedruhu siré isi'aba'ré hã ma tô ãma titob'uzui pese za'ra, 'Re ihâimana u'âsi mono tinhoprubzé iwẽ uptabi hã Tipẽ'ẽzani, zudeu'õ norĩ nhisiwi te te isa'warizém na hã. 46E marĩ wa. Ma tô wapari za'ra zudeu'õ norĩ hã, damreme aimawi na imreme zusi na hã duré 'Re ihâimana u'âsi mono hã danhipai u waihu'u pese uptabi wa, ãma iwata za'ra zé hã.
Tawamhã Pedru hã te tinha, ãne:
47— E 'wa hã te te tiwi sawi za'ra da bâ bété, ã norĩ hã â dawabzuri te te i'manharĩ za'ra da hã. 'Re ihâimana u'âsi mono Pẽ'ẽzani hã ma tô waibu, wa te iwaibu ne.
48Tawamhã ma tô tãma 'ru za'ra, Zezu Cristuhu nhisi na, â dawabzuri hã te te 'manharĩ za'ra da. Taha parimhã Pedruhu wi ma tô waptẽrẽ za'ra, a'â niha bâtâ na i'rata sãmra za'ra da.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.