Sirak 39
39
1Hemi deferen fo man hu i wiling fo lanem Lo blong Lod hu hemi hae tumas. Hemi stadim gud waes blong olketa olo bifoa an hemi stadim tu wanem olketa profet i talem. 2Hemi tingim olowe olketa waes toktok blong olketa hu i garem bikfala nem, an hemi save tumas hao fo mekem olketa tokpiksa hemi klia gudfala. 3Hemi stadim mining blong olketa waes toktok wea hemi staphaed an hemi save mekem klia olketa tokpiksa wea olketa i no klia. 4Olketa bik pipol i askem hem fo duim waka fo olketa, an hemi save stanap wetem olketa king. Hemi go long olketa farawe ples fo lane abaotem wanem hemi gud o hemi nogud fo pipol. 5Wei blong hem nao fo wekap eli long moning fo prea bikfala long Lod hu hemi mekem evrisamting, an askem God hu hemi hae tumas fo fogivim olketa sin blong hem. 6Nao, sapos Lod hemi wiling, bae hemi givim save long hem. An bae Lod hemi givim hem olketa waes toktok, an bae hemi talem tengkiu long Lod long prea blong hem. 7Bae man ya hemi garem save fo searem an gudfala advaes fo givim, an bae hemi searem tu olketa tingting haed blong Lod. 8Bae hemi somaot klia wanem hemi lanem long olketa samting wea hemi tisim, an bae hemi filpraod long Lo an agrimen blong Lod. 9Evri pipol bae preisim hem fo disfala waes blong hem wea hemi no save lus, bikos pipol wea i bon kam bihaen bae i rimembarem hem. 10Olketa hu i no Jiu bae tokabaotem waes blong hem, an bae olketa preisim long laod voes taem olketa kam tugeta. 11An sapos hemi stap go-go hemi olo, bae hemi garem hae nem. Bat sapos hemi dae bifoa hemi garem hae nem, bae hemi gud nomoa.
Singsing fo preisim God
12Olsem taem hemi ful mun, plande gudfala tingting tu hemi fulap long mi fo storim. 13Lisin kam long mi, yufala pikinini hu i tinghae long God, mekem maen blong yufala hemi open olsem naes flaoa wea hemi grou saet long riva an hemi smel gud tumas. 14Bae yufala olsem lili wea hemi smel naes fogud, an smel blong hem hemi goap long skae olsem insens. Singsing fo preisim Lod, an talem tengkiu long hem fo evrisamting wea hemi duim. 15Talemaot bikfala paoa blong hem long singsing blong yufala. An long miusik long hap, yufala mas singim singsing olsem:
16Evrisamting wea Lod hemi
duim
hemi gud tumas,
an evrisamting wea hemi odarem fo duim,
olketa samting i hapen kuiktaem o samtaem bihaen.
17Hemi no fitim fo eniwan fo askem
waswe nao olketa samting hem olsem;
ansa blong olketa kuestin bae hemi kam
long barava taem blong hem.
Hemi odarem wata fo kamap
an bikfala wata hemi kamap hae taem hemi tok.
18Enisamting wea hemi odarem
hemi hapen kuiktaem tumas.
Ya, paoa blong hem fo sevem man
hemi no garem en.
19Hemi lukim evrisamting wea pipol i duim,
an no enisamting save haed long hem.
20Evritaem Lod hemi lukim evrisamting,
stat kam bifoa go-go kasem taem disfala wol hemi finis.
21No eniwan hemi fit fo askem
waswe nao olketa samting ya i olsem;
bikos evrisamting wea God hemi mekem
hemi garem waka.
22Olketa blesing blong Lod
hemi fulap tumas
olsem taem Nael riva hemi flad.
23Hemi sensim wata
go long solwata,
an kros blong hem hemi raosimaot olketa deferen pipol.
24Fo olketa hu i tinghae long Lod,
wei blong olketa hemi stret.
An olketa hu i nogud,
trap blong hem hemi weitem olketa.
25Stat kam bifoa, hemi mekem
olketa gud samting fo olketa gud pipol,
an olketa nogud samting fo olketa nogud pipol.
26Olketa bikfala samting long
laef nao hemi olsem:
wata, faea an aean,
solt an flaoa,
hani an milk,
waen an oel,
an kaleko.
27Evrisamting ya hemi gud
fo olketa hu i tinghae long Lod,
bat hemi nogud samting
fo olketa hu i sin.
28God hemi mekem bikfala win fo panisim olketa pipol, an win ya hemi strong tumas fitim fo muvum olketa maonten. An long taem wea God bae hemi jaj, bae hemi strong moa, an bae hemi daonem bikfala kros blong God. 29-30God hemi mekem olketa samting fo panisim pipol: olketa wael animol an skopion an snek, an naef fo faet wea hemi spoelem olketa nogud pipol, an faea an ston long aes an taem blong hanggre, an sik. 31Olketa samting ya olketa hapi fo obeim strongfala toktok blong Lod, an olketa redi fo duim waka blong olketa fo hem long hia long disfala wol. An oltaem olketa obeim hem long taem blong olketa fo waka. 32Longtaem nao mi savegud long diswan. So taem mi finis fo tingting abaotem, mi raetemdaon nao. 33Evrisamting wea Lod hemi mekem hem gud, an hemi givim olketa samting fo olketa pipol taem olketa i nidim. 34So no eniwan save sei dat samfala samting hemi nogud winim olketa narawan, bikos evrisamting hemi gud nao an hemi stap falom wanem God hemi putum. 35!Sapos olsem, yufala mas singsing fo preisim God long ful laef blong yufala, an yufala mas preisim nem blong Lod!
Iliyochaguliwa sasa
Sirak 39: SIDC
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Pijin Catholic Bible © Bible Society of the South Pacific, 2008.
Sirak 39
39
1Hemi deferen fo man hu i wiling fo lanem Lo blong Lod hu hemi hae tumas. Hemi stadim gud waes blong olketa olo bifoa an hemi stadim tu wanem olketa profet i talem. 2Hemi tingim olowe olketa waes toktok blong olketa hu i garem bikfala nem, an hemi save tumas hao fo mekem olketa tokpiksa hemi klia gudfala. 3Hemi stadim mining blong olketa waes toktok wea hemi staphaed an hemi save mekem klia olketa tokpiksa wea olketa i no klia. 4Olketa bik pipol i askem hem fo duim waka fo olketa, an hemi save stanap wetem olketa king. Hemi go long olketa farawe ples fo lane abaotem wanem hemi gud o hemi nogud fo pipol. 5Wei blong hem nao fo wekap eli long moning fo prea bikfala long Lod hu hemi mekem evrisamting, an askem God hu hemi hae tumas fo fogivim olketa sin blong hem. 6Nao, sapos Lod hemi wiling, bae hemi givim save long hem. An bae Lod hemi givim hem olketa waes toktok, an bae hemi talem tengkiu long Lod long prea blong hem. 7Bae man ya hemi garem save fo searem an gudfala advaes fo givim, an bae hemi searem tu olketa tingting haed blong Lod. 8Bae hemi somaot klia wanem hemi lanem long olketa samting wea hemi tisim, an bae hemi filpraod long Lo an agrimen blong Lod. 9Evri pipol bae preisim hem fo disfala waes blong hem wea hemi no save lus, bikos pipol wea i bon kam bihaen bae i rimembarem hem. 10Olketa hu i no Jiu bae tokabaotem waes blong hem, an bae olketa preisim long laod voes taem olketa kam tugeta. 11An sapos hemi stap go-go hemi olo, bae hemi garem hae nem. Bat sapos hemi dae bifoa hemi garem hae nem, bae hemi gud nomoa.
Singsing fo preisim God
12Olsem taem hemi ful mun, plande gudfala tingting tu hemi fulap long mi fo storim. 13Lisin kam long mi, yufala pikinini hu i tinghae long God, mekem maen blong yufala hemi open olsem naes flaoa wea hemi grou saet long riva an hemi smel gud tumas. 14Bae yufala olsem lili wea hemi smel naes fogud, an smel blong hem hemi goap long skae olsem insens. Singsing fo preisim Lod, an talem tengkiu long hem fo evrisamting wea hemi duim. 15Talemaot bikfala paoa blong hem long singsing blong yufala. An long miusik long hap, yufala mas singim singsing olsem:
16Evrisamting wea Lod hemi
duim
hemi gud tumas,
an evrisamting wea hemi odarem fo duim,
olketa samting i hapen kuiktaem o samtaem bihaen.
17Hemi no fitim fo eniwan fo askem
waswe nao olketa samting hem olsem;
ansa blong olketa kuestin bae hemi kam
long barava taem blong hem.
Hemi odarem wata fo kamap
an bikfala wata hemi kamap hae taem hemi tok.
18Enisamting wea hemi odarem
hemi hapen kuiktaem tumas.
Ya, paoa blong hem fo sevem man
hemi no garem en.
19Hemi lukim evrisamting wea pipol i duim,
an no enisamting save haed long hem.
20Evritaem Lod hemi lukim evrisamting,
stat kam bifoa go-go kasem taem disfala wol hemi finis.
21No eniwan hemi fit fo askem
waswe nao olketa samting ya i olsem;
bikos evrisamting wea God hemi mekem
hemi garem waka.
22Olketa blesing blong Lod
hemi fulap tumas
olsem taem Nael riva hemi flad.
23Hemi sensim wata
go long solwata,
an kros blong hem hemi raosimaot olketa deferen pipol.
24Fo olketa hu i tinghae long Lod,
wei blong olketa hemi stret.
An olketa hu i nogud,
trap blong hem hemi weitem olketa.
25Stat kam bifoa, hemi mekem
olketa gud samting fo olketa gud pipol,
an olketa nogud samting fo olketa nogud pipol.
26Olketa bikfala samting long
laef nao hemi olsem:
wata, faea an aean,
solt an flaoa,
hani an milk,
waen an oel,
an kaleko.
27Evrisamting ya hemi gud
fo olketa hu i tinghae long Lod,
bat hemi nogud samting
fo olketa hu i sin.
28God hemi mekem bikfala win fo panisim olketa pipol, an win ya hemi strong tumas fitim fo muvum olketa maonten. An long taem wea God bae hemi jaj, bae hemi strong moa, an bae hemi daonem bikfala kros blong God. 29-30God hemi mekem olketa samting fo panisim pipol: olketa wael animol an skopion an snek, an naef fo faet wea hemi spoelem olketa nogud pipol, an faea an ston long aes an taem blong hanggre, an sik. 31Olketa samting ya olketa hapi fo obeim strongfala toktok blong Lod, an olketa redi fo duim waka blong olketa fo hem long hia long disfala wol. An oltaem olketa obeim hem long taem blong olketa fo waka. 32Longtaem nao mi savegud long diswan. So taem mi finis fo tingting abaotem, mi raetemdaon nao. 33Evrisamting wea Lod hemi mekem hem gud, an hemi givim olketa samting fo olketa pipol taem olketa i nidim. 34So no eniwan save sei dat samfala samting hemi nogud winim olketa narawan, bikos evrisamting hemi gud nao an hemi stap falom wanem God hemi putum. 35!Sapos olsem, yufala mas singsing fo preisim God long ful laef blong yufala, an yufala mas preisim nem blong Lod!
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Pijin Catholic Bible © Bible Society of the South Pacific, 2008.