Sirak 32
32
1Sapos olketa siusim yu fo yu bos long wanfala fist, yu no trae fo mekem yu seleva impoten. Yu mas putum yu seleva daon nomoa olsem olketa narafala pipol. Yu mas mekem olketa narafala pipol sidaon gudfala fastaem bifoa yu sidaon. 2Taem yu finisim olketa waka blong yu, den yu save sidaon an joenem olketa narafala pipol. An bae olketa tinghae long yu fo gudfala waka wea yu duim.
3Sapos yu olo moa winim olketa narawan yu save tok, bikos yu garem raet fo duim ya. Bat yu mas save long wanem yu tok abaotem an no trae fo stopem miusik. 4Sapos olketa letem miusik fo gohed, yu no toktok tumas. Hemi no raet taem fo yu so-of long save blong yu. 5-6Gudfala miusik an gudfala waen long wanfala fist, hemi olsem olketa nambawan ston wea hemi saen fogud wea hemi stap long nekles long gol.
7Sapos yu yangfala yet yu save tok nomoa taem olketa talem yu fo tok, bat yu no save tok winim tufala taem. An yu save tok nomoa sapos eniwan hemi tok kam long yu fastaem. 8Sapos olketa askem yu fo talem samting, talem long sotfala tok nomoa. Yu mas somaot wea yu save long wanem olketa talem yu, bihaen yu stap kuaet moa. 9No mekem yu seleva semsem wetem olketa impoten pipol, an no meksem long yu seleva fo askem olketa long plande kuestin. 10Wei blong man nao pipol save fastaem, olsem laetning hemi kam fastaem bifoa tanda hemi bosta.
11Yu mas lusim ples blong fist long raet taem, an yu no laswan fo lusim ples ya. Yu go stret long hom, an no stapbaek moa taem evriwan i go finis. 12Long hom nao yu save duim wanem yu laekem, bat yu mas keakea fo no tokhae abaotem yu seleva. 13An no foget fo tengkiu long God hu hemi mekem yu, bikos hem nao hemi givim yu evri gud samting wea yu hapi long hem.
Fo luksave long lo
14Sapos yu tinghae long Lod, bae yu hapi nomoa taem hemi stretem yu. Ya, bae Lod hemi blesim olketa hu i wekap eli long moning fo prea. 15Yu mas lanem lo blong Lod, an bae yu savegud. Bat sapos yu no falom, bae lo ya hemi panisim yu. 16Sapos yu tinghae long Lod, bae pipol i savegud long yu, bikos wei blong yu hemi stret. 17Hemi iusles nomoa fo stretem olketa hu i sin, bikos bae olketa eksplenem Lo falom tingting blong olketa seleva.
18Pipol hu i waes save lukluk gudfala insaet long evri tingting. Bat olketa praod pipol bae i no letem enisamting fo stopem wanem olketa wande duim. 19Oltaem, yu mas tingting gud fastaem abaotem samting, bifoa yu duim. Taem yu duim wanfala samting finis, no lukbaek, nogud yu tingim hemi moabeta sapos yu duim finis narafala samting. 20No trae fo duim samting wea hemi no sef fo yu, an no mekem semsem mistek tufala taem. 21No tingim yu barava save tumas, nomata olketa samting i luk isi nomoa. 22Yu mas lukluk gud, taem yu go long olketa ples. 23Yu mas keakea long wanem yu duim. Diswan nao hemi wei fo falom lo blong Lod. 24Fo biliv long Lo, hem nao fo falom strongfala toktok blong Lod. An sapos yu trastem Lod, bae yu no save lus.
Iliyochaguliwa sasa
Sirak 32: SIDC
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Pijin Catholic Bible © Bible Society of the South Pacific, 2008.