MARK 9
9
1Aru Tar he taikhan ke koise, “Moi tumikhan ke hosa kobo, iyate konuba ase, kon he Isor laga rajyo shakti te ahha nadekha tak namoribo.”
Tar Chehera Aru Kapoor Bodli Hua
2Aru soi din pasote Jisu he Tar logote Peter, James, aru John alag loi kene besi upor pahar ekta te uthise; aru tarkhan aage te Jisu ujala hoi kene pura bodli hoise, 3aru Tar laga kapoor sob ujala nisna boga hoise, prithibi te eneka boga koribo para eku bhi nai. 4Aru tarkhan usor te Elijah aru Moses ulaise; aru Jisu logot te kotha patise. 5Aru Peter he Jisu ke koise, “Rabbi, amikhan iyate thakile bhall ase; amikhan pora tinta tombu ghor bonabo, apuni karne ekta, Moses karne ekta aru Elijah karne ekta.” 6Kilemane tar pora ki kobo najana hoise, kilemane tarkhan besi bhoi lagise. 7Aru megh ahhi kene tarkhan ke bond korise, aru eitu megh pora ekta awaz ulai ahhise, “Eitu sobse priyo, moi laga Putro ase; Tar laga kotha hunibi.” 8Aru achanak tarkhan pora kon bhi dekha nai, kintu khali Jisu he thakise.
9Aru pahar pora nami ahha homoi te tarkhan pora ki dekhise eitu, Manuh laga Putro mora pora jinda hoi nautha tak kon ke bhi nakobi eneka Jisu pora hukum di kene koise. 10Eitu karne kotha tu tarkhan majote he rakhise, kintu mora pora jinda hua tu ki ase eitu tarkhan monn te hudi kene thakise. 11Aru tarkhan pora Tar ke hudise, “Kile pondit khan pora Elijah he prothom te ahhibo lage eneka koi?” 12Aru Tar pora tarkhan ke koise, “Sob jinis bachabo nimite Elijah tu aage te ahhibo lage; kintu Manuh laga Putro karne tu hole dukh kosto pabo aru tiyag kori dibo eneka hastro te kile likhi dise? 13Kintu moi tumikhan ke koi ase, Elijah ahhi jaise, aru likhi thaka nisna tarkhan pora ki koribole monn thakise eneka he tar upor te korise.”
Ohusi Atma He Dhora Chokra Ekjon Hustho Kora
14Aru ketiya tarkhan dusera chella khan usor te ahhise, besi manuh tarkhan usorte jama kori kene dekhise, aru pondit khan pora tarkhan logot te kotha juji thakise. 15Aru ketiya taikhan pora Jisu ke dekhise, besi manuh pora asorit paise aru loge loge Tar usor te polai ahhi kene swagat korise. 16Aru Jisu he taikhan ke hudise, “Taikhan logot te tumikhan ki kotha juji thakise?” 17Aru jama kori thaka manuh khan majot pora ekjon he koise, “Guruji, buba atma pora dhora, moi laga chokra apunar usor te anise. 18Aru ketiya eitu atma pora tar ke dhori loi, eitu pora tar ke maati te girai diye; aru mukh pora phen ulai aru dant korsin kori kene gau sob tan hoi jai; aru moi apunar chella khan ke eitu khedai dibole hudise, kintu tarkhan pora para nai.” 19Aru Jisu he tarkhan ke uttar di kene koise, “Hei obiswasi laga jugh manuh khan, moi tumikhan logot te kiman din thakibo? Kiman bar moi tumikhan ke rukhi thakibo? Moi usor te tar ke anibi.” 20Aru tarkhan pora chokra tu Tar usor te loi anise. Aru beya atma pora ketiya Jisu ke dekhise, loge loge lora ke dhorise aru maati te girai dise, aru tar mukh pora phen ulai kene palti hobole shuru hoise. 21Aru Jisu he tar baba ke hudise, “Kiman din tar eneka thaki ase?” Aru tar pora koise, “Bacha hua homoi pora eneka ase.” 22“Aru ketiyaba jui te aru ketiyaba paani te, eitu beya atma pora chokra ke morai dibole besi bar sesta korise; kintu jodi apuni kiba koridibo pare, tetiya amikhan ke morom dekhai kene madad kori dibi.” 23Aru Jisu he tar ke koise, “Jodi tumi biswas thake! Kon he biswas kore, tar karne sob paribo.” 24Loge loge bacha laga baba pora dangor awaz ulai kene koise, “Moi biswas ase, moi laga obiswas pora bachai dibi!” 25Aru jama kori thaka manuh khan polai ahha ketiya Jisu he dekhise, eitu bhut ke Jisu he gali di kene koise, “Tumi buba aru benga atma, moi tumi ke hukum di ase, tar pora ulai jabi aru ketiya bhi ghurai nahhibi.” 26Aru awaz dangor ulai kene besi dukh dise aru eitu ulaise, aru chokra tu mora manuh nisna hoise; tetiya besi manuh he koise, “Tar morise.” 27Kintu Jisu he chokra laga haat te dhori kene uthaise, aru tar uthi jaise. 28Aru ketiya Jisu ghor te ahhise, tar laga chella khan pora ekela thaka homoi te hudise, “Amikhan pora kile eitu ke khedai dibo para nai?” 29Aru Jisu he tarkhan ke koise, “Eitu nisna tu hole dusera pora nahoi, kintu prathana pora he paribo.”
Mora Aru Ponuruthan Laga Arubhi Aage Te Jisu He Kua
30Tate pora Tarkhan jai kene Galilee jaga par kori jaise. Aru Jisu pora kon ke bhi eitu jani dibole monn kora nai; 31kilemane Tar pora chella khan ke sikhai thakise, aru tarkhan ke koise, “Manuh laga Putro tu manuh khan haat te di dibo, aru tarkhan pora morai dibo; aru tin din pasote jinda hoi uthi jabo.” 32Kintu ki kotha koise eitu tarkhan pora buja nai, aru hudibole bhi bhoi lagise.
Sob Pora Dangor Kon Hobo?
33Aru tarkhan Capernaum te ahhise; aru ketiya Tar ghor te thakise chella khan ke hudise, “Tumikhan raasta te ki kotha alusona kori thakise?” 34Kintu tarkhan chup-chap thakise; kilemane sobse dangor kon hobo eneka raasta te taikhan eitu alusona kori thakise. 35Aru tar bohi jaise aru barohjon chella khan matise; aru tarkhan ke koise, “Jodi konuba pora prothom hobole monn ase, tai he sobse piche aru sob laga nokor hobo lage.” 36Aru Jisu he bacha ekjon loi kene tarkhan majote anise; aru tar laga haat te dhori kene koise, 37“Kon he moi laga nam te eneka bacha ke grohon kore, moi ke grohon kori ase; aru kon he moi ke grohon kore, moi ke nahoi kintu kon he moi ke pathaise Tar ke grohon kori ase.”
Amikhan Ke Birudh Nakora Khan Amikhan Logot Te Ase
38John he Tar ke koise, “Guruji manuh ekjon pora apunar nam te ohusi atma khedai diya dekhise, aru amikhan pora mana kori dise, kilemane tar tu amikhan piche te nahhe.” 39Kintu Jisu he koise, “Tar ke mana nakoribi; kilemane kon he moi laga nam te asorit kam kori ase, eitu manuh pora moi karne beya kotha joldi nokobo. 40Kilemane kon he amikhan ke birudh nakore, tar tu amikhan phale he ase. 41Kilemane kon he Khrista laga nam te ek cup paani holebhi tumikhan ke pibole dibo, moi hosa tumikhan ke kobo, eitu manuh tu inam naharabo.
Paap Koribole Porikhya
42“Kon he moi ke biswas kora, eitu huru khan ke, paap koribole diye, tar karne tu hole dhan mihin kora pathor ekta gola te bandhi kene nijor pora samundor te giri jua he bhall hobo. 43Aru jodi tumikhan laga haat pora paap koribole diye, eitu kati dibi; tumikhan karne duita haat loi kene ketiya bhi namora norok jui te jua bodli, haat nathaki kene ananta jivon te jua he bhall ase.#9:43 based text te v. 44 tu likha nai 45Aru jodi tumikhan laga theng pora paap koribole diye, eitu kati dibi; tumikhan karne duita theng loi kene norok te jua bodli, theng lengera hoi kene ananta jivon te jua he bhall ase.#9:45 based text te v. 46 tu likha nai 47Aru jodi tumikhan laga soku pora paap koribole diye, eitu ulai dibi; tumikhan karne soku duita loi kene norok te jua bodli soku ekta loi kene Isor laga rajyo te jua he bhall ase, 48kot jaga te puka bhi namore, aru jui ketiya bhi namore. 49Nimok pora keneka safa kore, eneka sob manuh jui pora safa koribo. 50Nimok bhall ase; kintu jodi nimok te swad harai jale, keneka hoi kene eitu swad koribo paribo? Tumikhan nijor he nimok nisna swad hobi, aru ekjon he ekjon logot te shant hoi thakibi.”
Iliyochaguliwa sasa
MARK 9: NagaMe
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2014, The Bible Society of India
All rights reserved.
MARK 9
9
1Aru Tar he taikhan ke koise, “Moi tumikhan ke hosa kobo, iyate konuba ase, kon he Isor laga rajyo shakti te ahha nadekha tak namoribo.”
Tar Chehera Aru Kapoor Bodli Hua
2Aru soi din pasote Jisu he Tar logote Peter, James, aru John alag loi kene besi upor pahar ekta te uthise; aru tarkhan aage te Jisu ujala hoi kene pura bodli hoise, 3aru Tar laga kapoor sob ujala nisna boga hoise, prithibi te eneka boga koribo para eku bhi nai. 4Aru tarkhan usor te Elijah aru Moses ulaise; aru Jisu logot te kotha patise. 5Aru Peter he Jisu ke koise, “Rabbi, amikhan iyate thakile bhall ase; amikhan pora tinta tombu ghor bonabo, apuni karne ekta, Moses karne ekta aru Elijah karne ekta.” 6Kilemane tar pora ki kobo najana hoise, kilemane tarkhan besi bhoi lagise. 7Aru megh ahhi kene tarkhan ke bond korise, aru eitu megh pora ekta awaz ulai ahhise, “Eitu sobse priyo, moi laga Putro ase; Tar laga kotha hunibi.” 8Aru achanak tarkhan pora kon bhi dekha nai, kintu khali Jisu he thakise.
9Aru pahar pora nami ahha homoi te tarkhan pora ki dekhise eitu, Manuh laga Putro mora pora jinda hoi nautha tak kon ke bhi nakobi eneka Jisu pora hukum di kene koise. 10Eitu karne kotha tu tarkhan majote he rakhise, kintu mora pora jinda hua tu ki ase eitu tarkhan monn te hudi kene thakise. 11Aru tarkhan pora Tar ke hudise, “Kile pondit khan pora Elijah he prothom te ahhibo lage eneka koi?” 12Aru Tar pora tarkhan ke koise, “Sob jinis bachabo nimite Elijah tu aage te ahhibo lage; kintu Manuh laga Putro karne tu hole dukh kosto pabo aru tiyag kori dibo eneka hastro te kile likhi dise? 13Kintu moi tumikhan ke koi ase, Elijah ahhi jaise, aru likhi thaka nisna tarkhan pora ki koribole monn thakise eneka he tar upor te korise.”
Ohusi Atma He Dhora Chokra Ekjon Hustho Kora
14Aru ketiya tarkhan dusera chella khan usor te ahhise, besi manuh tarkhan usorte jama kori kene dekhise, aru pondit khan pora tarkhan logot te kotha juji thakise. 15Aru ketiya taikhan pora Jisu ke dekhise, besi manuh pora asorit paise aru loge loge Tar usor te polai ahhi kene swagat korise. 16Aru Jisu he taikhan ke hudise, “Taikhan logot te tumikhan ki kotha juji thakise?” 17Aru jama kori thaka manuh khan majot pora ekjon he koise, “Guruji, buba atma pora dhora, moi laga chokra apunar usor te anise. 18Aru ketiya eitu atma pora tar ke dhori loi, eitu pora tar ke maati te girai diye; aru mukh pora phen ulai aru dant korsin kori kene gau sob tan hoi jai; aru moi apunar chella khan ke eitu khedai dibole hudise, kintu tarkhan pora para nai.” 19Aru Jisu he tarkhan ke uttar di kene koise, “Hei obiswasi laga jugh manuh khan, moi tumikhan logot te kiman din thakibo? Kiman bar moi tumikhan ke rukhi thakibo? Moi usor te tar ke anibi.” 20Aru tarkhan pora chokra tu Tar usor te loi anise. Aru beya atma pora ketiya Jisu ke dekhise, loge loge lora ke dhorise aru maati te girai dise, aru tar mukh pora phen ulai kene palti hobole shuru hoise. 21Aru Jisu he tar baba ke hudise, “Kiman din tar eneka thaki ase?” Aru tar pora koise, “Bacha hua homoi pora eneka ase.” 22“Aru ketiyaba jui te aru ketiyaba paani te, eitu beya atma pora chokra ke morai dibole besi bar sesta korise; kintu jodi apuni kiba koridibo pare, tetiya amikhan ke morom dekhai kene madad kori dibi.” 23Aru Jisu he tar ke koise, “Jodi tumi biswas thake! Kon he biswas kore, tar karne sob paribo.” 24Loge loge bacha laga baba pora dangor awaz ulai kene koise, “Moi biswas ase, moi laga obiswas pora bachai dibi!” 25Aru jama kori thaka manuh khan polai ahha ketiya Jisu he dekhise, eitu bhut ke Jisu he gali di kene koise, “Tumi buba aru benga atma, moi tumi ke hukum di ase, tar pora ulai jabi aru ketiya bhi ghurai nahhibi.” 26Aru awaz dangor ulai kene besi dukh dise aru eitu ulaise, aru chokra tu mora manuh nisna hoise; tetiya besi manuh he koise, “Tar morise.” 27Kintu Jisu he chokra laga haat te dhori kene uthaise, aru tar uthi jaise. 28Aru ketiya Jisu ghor te ahhise, tar laga chella khan pora ekela thaka homoi te hudise, “Amikhan pora kile eitu ke khedai dibo para nai?” 29Aru Jisu he tarkhan ke koise, “Eitu nisna tu hole dusera pora nahoi, kintu prathana pora he paribo.”
Mora Aru Ponuruthan Laga Arubhi Aage Te Jisu He Kua
30Tate pora Tarkhan jai kene Galilee jaga par kori jaise. Aru Jisu pora kon ke bhi eitu jani dibole monn kora nai; 31kilemane Tar pora chella khan ke sikhai thakise, aru tarkhan ke koise, “Manuh laga Putro tu manuh khan haat te di dibo, aru tarkhan pora morai dibo; aru tin din pasote jinda hoi uthi jabo.” 32Kintu ki kotha koise eitu tarkhan pora buja nai, aru hudibole bhi bhoi lagise.
Sob Pora Dangor Kon Hobo?
33Aru tarkhan Capernaum te ahhise; aru ketiya Tar ghor te thakise chella khan ke hudise, “Tumikhan raasta te ki kotha alusona kori thakise?” 34Kintu tarkhan chup-chap thakise; kilemane sobse dangor kon hobo eneka raasta te taikhan eitu alusona kori thakise. 35Aru tar bohi jaise aru barohjon chella khan matise; aru tarkhan ke koise, “Jodi konuba pora prothom hobole monn ase, tai he sobse piche aru sob laga nokor hobo lage.” 36Aru Jisu he bacha ekjon loi kene tarkhan majote anise; aru tar laga haat te dhori kene koise, 37“Kon he moi laga nam te eneka bacha ke grohon kore, moi ke grohon kori ase; aru kon he moi ke grohon kore, moi ke nahoi kintu kon he moi ke pathaise Tar ke grohon kori ase.”
Amikhan Ke Birudh Nakora Khan Amikhan Logot Te Ase
38John he Tar ke koise, “Guruji manuh ekjon pora apunar nam te ohusi atma khedai diya dekhise, aru amikhan pora mana kori dise, kilemane tar tu amikhan piche te nahhe.” 39Kintu Jisu he koise, “Tar ke mana nakoribi; kilemane kon he moi laga nam te asorit kam kori ase, eitu manuh pora moi karne beya kotha joldi nokobo. 40Kilemane kon he amikhan ke birudh nakore, tar tu amikhan phale he ase. 41Kilemane kon he Khrista laga nam te ek cup paani holebhi tumikhan ke pibole dibo, moi hosa tumikhan ke kobo, eitu manuh tu inam naharabo.
Paap Koribole Porikhya
42“Kon he moi ke biswas kora, eitu huru khan ke, paap koribole diye, tar karne tu hole dhan mihin kora pathor ekta gola te bandhi kene nijor pora samundor te giri jua he bhall hobo. 43Aru jodi tumikhan laga haat pora paap koribole diye, eitu kati dibi; tumikhan karne duita haat loi kene ketiya bhi namora norok jui te jua bodli, haat nathaki kene ananta jivon te jua he bhall ase.#9:43 based text te v. 44 tu likha nai 45Aru jodi tumikhan laga theng pora paap koribole diye, eitu kati dibi; tumikhan karne duita theng loi kene norok te jua bodli, theng lengera hoi kene ananta jivon te jua he bhall ase.#9:45 based text te v. 46 tu likha nai 47Aru jodi tumikhan laga soku pora paap koribole diye, eitu ulai dibi; tumikhan karne soku duita loi kene norok te jua bodli soku ekta loi kene Isor laga rajyo te jua he bhall ase, 48kot jaga te puka bhi namore, aru jui ketiya bhi namore. 49Nimok pora keneka safa kore, eneka sob manuh jui pora safa koribo. 50Nimok bhall ase; kintu jodi nimok te swad harai jale, keneka hoi kene eitu swad koribo paribo? Tumikhan nijor he nimok nisna swad hobi, aru ekjon he ekjon logot te shant hoi thakibi.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2014, The Bible Society of India
All rights reserved.