MARK 8
8
Jisu He Char Hazar Ke Khabole Diya
1Heitu din te, ketiya manuh khan arubhi besi jama kori loise, aru taikhan khabole eku bhi thaka nai, Tar chella khan mati kene koise, 2“Jama kori thaka manuh khan sai kene moi morom lagi ase, kilemane taikhan moi logot te thaka tu tin din hoise, aru khabole eku bhi pua nai; 3aru jodi taikhan tu eneka he bhuk lagi kene ghor te pathai dile, taikhan raasta te he giri jabo; aru konuba tu dur raasta pora bhi ahhi kene ase.” 4Aru Tar laga chella khan pora jawab di kene koise, “Kon pora eneka manuh nathaka jaga te iman manuh khan ke khabole dibo paribo?” 5Aru Tar pora uttar dise, “Tumikhan logot te kiman roti ase?” Taikhan pora koise, “Satta.” 6Aru Jisu he jama kori thaka manuh khan sob maati te bohi bole janai dise. Aru satta roti tu loi kene dhanyabad dise aru eitu bhangi kene manuh khan aage te bhag kori dibole chella khan ke dise; aru chella khan pora bhag kori kene dise. 7Aru huru huru maas bhi olop thakise. Aru ashirbad diya pasote, eitu khan bhi manuh khan aage te bhag koribole dise. 8Tetiya taikhan khai kene tripti hoise. Aru tarkhan pora tukura tukuri jama kora tu satta tukuri basise. 9Aru kua manuh khan sob mili kene char-hazar nisna thakise. Aru Tar pora taikhan ke pathai dise. 10Aru loge loge Tar chella khan logot ekta nao te bohi kene Dalmanutha jila te jaise.
Pharisees Khan Pora Ekta Sign Mangise
11Tate Pharisees khan ahhi kene Jisu logote kotha pora juji kene korise, aru Tar ke porikhya kori kene sorgo pora ekta sign mangise. 12Aru tar nijor atma te besi bhabna kori kene koise, “Eitu jugh pora kile sign mangi ase? Hosa moi tumikhan ke kobo, eitu jugh logot te eku sign bhi nadekhabo.” 13Aru taikhan ke shari kene nao te bohise aru dusera samundor kinar phale jaise.
Pharisees Aru Herod Laga Khomir
14Eitu homoi te, tarkhan pora roti bukhibole pahorise; aru tarkhan logot te ekta roti he thakise. 15Aru tarkhan mon dhyan kori di kene tar pora koise, “Pharisees aru Herod laga khomir karne hushier hobi.” 16Aru chella khan ekjon he ekjon majot te alusona kori kene koise, “Amikhan logot te roti nai.” 17Aru eitu jani kene, Jisu he tarkhan ke koise, “Tumikhan majot te roti nathaka karne kile tumikhan alusona kori ase? Tumikhan bhi etiya tak bujibo nahole dekhibole napari neki? Tumikhan laga mon tu iman tan hoise neki? 18Soku thaki kene nadekhe aru kan thaki kene nahune? Aru tumikhan pora yaad nakori neki? 19Ketiya moi pansta roti pora pans hazar karne bhangise? Kiman tukuri bhorta tumikhan pora paise?” Tarkhan pora koise, “barohta.” 20“Aru ketiya moi satta roti pora char hazar karne bhangaise, kiman tukuri bhorta jama korise?” Tarkhan pora koise, “Satta.” 21Aru tar pora tarkhan ke koise, “Tumikhan bhi etiya tak nabuji neki?”
Soku Andha Ekjon Bethsaida Te Jisu He Hustho Kora
22Aru tarkhan Bethsaida te ahhise. Tate konuba pora soku andha ekjon anise, aru Tar pora chui dibole onurudh korise. 23Tetiya Jisu he soku andha manuh tu haat te dhori loise, aru bosti bahar phale loi jaise; tate soku andha manuh laga soku te thuk marise aru Tar laga haat pora chui kene, Jisu he hudise, “Tumi kiba dekhi ase neki?” 24Aru tar pora upor phale sai kene koise, “Moi manuh khan dekhi ase, kintu taikhan ekta gos jaa nisna ase.” 25Tetiya arubhi Jisu he haat pora manuh laga soku te chuise; aru thik pora saa pasote bhall kori dise, aru eitu pasote he bhall pora dekhibole parise. 26Aru Jisu pora tar ke ghor te pathai kene koise, “Tumi bosti phale ghurai najabi.”
Peter He Jisu Ke Khrista Eneka Shikar Kora
27Aru Jisu he Caesarea Philippi te thaka bosti sob te chella khan logot jaise. Aru raasta te jaa homoi te chella khan logot te hudise, “Manuh khan pora moi tu kon ase eneka koi ase?” 28Tetiya tarkhan pora koise, “Baptisma diya John; aru dusera konuba pora koi, Elijah; aru dusera konuba pora koi, bhavobadi majote ekjon ase.” 29Aru Jisu he tarkhan ke hudise, “Kintu tumikhan pora bhi moi tu kon ase eneka koi?” Tetiya Peter pora uttar di koise, “Tumi Khrista ase.” 30Aru Tar tu kon ase eitu kon ke bhi nakobo nimite Jisu he tarkhan ke mana dise.
Tar Mora Aru Ponuruthan Laga Aage Te Jisu He Kua
31Aru Manuh laga Putro dukh kosto besi pabo lage, aru bridho khan, prodhan puruhit khan aru pondit khan pora tiyag koribo, eitu pasote morai dibo aru tin din pasot te jinda uthibo, eneka Jisu he tarkhan logote sikhai dise. 32Aru Tar he eneka sidha-sidhi tarkhan logot te koise. Aru Peter he Jisu ke alag loi jai kene gali dise. 33Kintu Jisu he ghurai kene chella khan phale sai kene Peter ke ulta gali di kene koise, “Moi laga piche te jabi, saitan! Kilemane tumi Isor laga itcha phale nahoi, kintu manuh laga itcha phale he ase.”
34Aru chella khan logot te jama kori thaka manuh khan ke mati kene koise, “Jodi konuba manuh he moi laga piche te ahhibole monn ase, tai nijor ke tiyag koribi aru nijor kros uthai lobi, aru moi laga piche te ahhibi. 35Kilemane kon he nijor jivon tu bachai rakhe, eitu harai jabo; kintu kon he moi nimite aru Susamachar nimite nijor jivon harai, taikhan jivon bachabo. 36Kilemane manuh ekjon karne prithibi sob phale bhi, nijor jivon harai jale, tate ki lab ase? 37Kilemane manuh ekjon pora nijor jivon laga bodli ki ghurai dibo paribo? 38Kilemane kon he Moi laga kotha aru Moi nimite eitu paapi aru biyobichar jugh majote sorom pai, Manuh laga Putro pora bhi Pitri laga mahima te pobitro sorgo dut khan logot ahha homoi te taikhan nimite sorom pabo.”
Iliyochaguliwa sasa
MARK 8: NagaMe
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2014, The Bible Society of India
All rights reserved.
MARK 8
8
Jisu He Char Hazar Ke Khabole Diya
1Heitu din te, ketiya manuh khan arubhi besi jama kori loise, aru taikhan khabole eku bhi thaka nai, Tar chella khan mati kene koise, 2“Jama kori thaka manuh khan sai kene moi morom lagi ase, kilemane taikhan moi logot te thaka tu tin din hoise, aru khabole eku bhi pua nai; 3aru jodi taikhan tu eneka he bhuk lagi kene ghor te pathai dile, taikhan raasta te he giri jabo; aru konuba tu dur raasta pora bhi ahhi kene ase.” 4Aru Tar laga chella khan pora jawab di kene koise, “Kon pora eneka manuh nathaka jaga te iman manuh khan ke khabole dibo paribo?” 5Aru Tar pora uttar dise, “Tumikhan logot te kiman roti ase?” Taikhan pora koise, “Satta.” 6Aru Jisu he jama kori thaka manuh khan sob maati te bohi bole janai dise. Aru satta roti tu loi kene dhanyabad dise aru eitu bhangi kene manuh khan aage te bhag kori dibole chella khan ke dise; aru chella khan pora bhag kori kene dise. 7Aru huru huru maas bhi olop thakise. Aru ashirbad diya pasote, eitu khan bhi manuh khan aage te bhag koribole dise. 8Tetiya taikhan khai kene tripti hoise. Aru tarkhan pora tukura tukuri jama kora tu satta tukuri basise. 9Aru kua manuh khan sob mili kene char-hazar nisna thakise. Aru Tar pora taikhan ke pathai dise. 10Aru loge loge Tar chella khan logot ekta nao te bohi kene Dalmanutha jila te jaise.
Pharisees Khan Pora Ekta Sign Mangise
11Tate Pharisees khan ahhi kene Jisu logote kotha pora juji kene korise, aru Tar ke porikhya kori kene sorgo pora ekta sign mangise. 12Aru tar nijor atma te besi bhabna kori kene koise, “Eitu jugh pora kile sign mangi ase? Hosa moi tumikhan ke kobo, eitu jugh logot te eku sign bhi nadekhabo.” 13Aru taikhan ke shari kene nao te bohise aru dusera samundor kinar phale jaise.
Pharisees Aru Herod Laga Khomir
14Eitu homoi te, tarkhan pora roti bukhibole pahorise; aru tarkhan logot te ekta roti he thakise. 15Aru tarkhan mon dhyan kori di kene tar pora koise, “Pharisees aru Herod laga khomir karne hushier hobi.” 16Aru chella khan ekjon he ekjon majot te alusona kori kene koise, “Amikhan logot te roti nai.” 17Aru eitu jani kene, Jisu he tarkhan ke koise, “Tumikhan majot te roti nathaka karne kile tumikhan alusona kori ase? Tumikhan bhi etiya tak bujibo nahole dekhibole napari neki? Tumikhan laga mon tu iman tan hoise neki? 18Soku thaki kene nadekhe aru kan thaki kene nahune? Aru tumikhan pora yaad nakori neki? 19Ketiya moi pansta roti pora pans hazar karne bhangise? Kiman tukuri bhorta tumikhan pora paise?” Tarkhan pora koise, “barohta.” 20“Aru ketiya moi satta roti pora char hazar karne bhangaise, kiman tukuri bhorta jama korise?” Tarkhan pora koise, “Satta.” 21Aru tar pora tarkhan ke koise, “Tumikhan bhi etiya tak nabuji neki?”
Soku Andha Ekjon Bethsaida Te Jisu He Hustho Kora
22Aru tarkhan Bethsaida te ahhise. Tate konuba pora soku andha ekjon anise, aru Tar pora chui dibole onurudh korise. 23Tetiya Jisu he soku andha manuh tu haat te dhori loise, aru bosti bahar phale loi jaise; tate soku andha manuh laga soku te thuk marise aru Tar laga haat pora chui kene, Jisu he hudise, “Tumi kiba dekhi ase neki?” 24Aru tar pora upor phale sai kene koise, “Moi manuh khan dekhi ase, kintu taikhan ekta gos jaa nisna ase.” 25Tetiya arubhi Jisu he haat pora manuh laga soku te chuise; aru thik pora saa pasote bhall kori dise, aru eitu pasote he bhall pora dekhibole parise. 26Aru Jisu pora tar ke ghor te pathai kene koise, “Tumi bosti phale ghurai najabi.”
Peter He Jisu Ke Khrista Eneka Shikar Kora
27Aru Jisu he Caesarea Philippi te thaka bosti sob te chella khan logot jaise. Aru raasta te jaa homoi te chella khan logot te hudise, “Manuh khan pora moi tu kon ase eneka koi ase?” 28Tetiya tarkhan pora koise, “Baptisma diya John; aru dusera konuba pora koi, Elijah; aru dusera konuba pora koi, bhavobadi majote ekjon ase.” 29Aru Jisu he tarkhan ke hudise, “Kintu tumikhan pora bhi moi tu kon ase eneka koi?” Tetiya Peter pora uttar di koise, “Tumi Khrista ase.” 30Aru Tar tu kon ase eitu kon ke bhi nakobo nimite Jisu he tarkhan ke mana dise.
Tar Mora Aru Ponuruthan Laga Aage Te Jisu He Kua
31Aru Manuh laga Putro dukh kosto besi pabo lage, aru bridho khan, prodhan puruhit khan aru pondit khan pora tiyag koribo, eitu pasote morai dibo aru tin din pasot te jinda uthibo, eneka Jisu he tarkhan logote sikhai dise. 32Aru Tar he eneka sidha-sidhi tarkhan logot te koise. Aru Peter he Jisu ke alag loi jai kene gali dise. 33Kintu Jisu he ghurai kene chella khan phale sai kene Peter ke ulta gali di kene koise, “Moi laga piche te jabi, saitan! Kilemane tumi Isor laga itcha phale nahoi, kintu manuh laga itcha phale he ase.”
34Aru chella khan logot te jama kori thaka manuh khan ke mati kene koise, “Jodi konuba manuh he moi laga piche te ahhibole monn ase, tai nijor ke tiyag koribi aru nijor kros uthai lobi, aru moi laga piche te ahhibi. 35Kilemane kon he nijor jivon tu bachai rakhe, eitu harai jabo; kintu kon he moi nimite aru Susamachar nimite nijor jivon harai, taikhan jivon bachabo. 36Kilemane manuh ekjon karne prithibi sob phale bhi, nijor jivon harai jale, tate ki lab ase? 37Kilemane manuh ekjon pora nijor jivon laga bodli ki ghurai dibo paribo? 38Kilemane kon he Moi laga kotha aru Moi nimite eitu paapi aru biyobichar jugh majote sorom pai, Manuh laga Putro pora bhi Pitri laga mahima te pobitro sorgo dut khan logot ahha homoi te taikhan nimite sorom pabo.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2014, The Bible Society of India
All rights reserved.