Esaburi 28
28
Esala lia Owuyeti
Esaburi ya Daudi.
1Ndakhuliriranga, Ewe OMWAMI;
olwanda lwange, ochava nga masiru khwise ta,
kava mbo suchia okhunjipa ta,
ndikhuva ngavekhanga mulina liavafu.
2Wulira omwoyo kwesava liange,
ni khulirira khulwowuyeti,
ningingula amakhono kange okhulecha achwenufu wuwo.
3Ochakhalakira alala navoni ta,
alala navakholi vamavi,
avalomaloma omulembe nende avamenywa vawe,
ne mumioyo kiawe vali nekhendekha.
4Ovawerese esinyasio okhulondana nevikhole viawe,
nundi okhulondana namavi aka vakhola;
vawerese esinyasio okhulondana nemilimo kiamakhono kawe;
vakholere akolana navo.
5Esikira sivaenderanga emilimo kia OMWAMI ta,
namwe emilimo kiamakhono kake ta,
achia okhuvatechula ne siachia okhuvombakha nundi ta.
6OMWAMI afumwe
esikira awuliye esava liomwoyo kwange.
7OMWAMI nje amaani kange nundi ekhumba yange;
omwoyo kwange kusuviranga muniye;
khanu kanjetire, mana omwoyo kwange kwekhoya,
emukhupira ochio muno mulwembo lwange.
8OMWAMI nje amaani kavanju vave,
nje esirukhiro siowuwonia khu owavakhwa amafucha wuwe.
9Ewe Nyasaye wonia avanju vavo, mana ovawerese ekhavi,
ove omwayi wawe, nundi ovalindenge enyinga chiosi.
Iliyochaguliwa sasa
Esaburi 28: LNTPP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©The Bible Society of Kenya, 2024