Piiluu 29
29
A Gyekɔb Naŋ Tuori Rakɛɛl
1A Gyekɔb pãã da tu la a o sori, a te ta a sapare noba teŋɛ. 2O da nyɛ la bulee a weɛ poɔ ka zagre ata peere gaŋ a bulee pare; bonso, a bulee ŋa koɔ̃ ka a donne da maŋ nyu. A kuuri naŋ da page a bulee noɔre da waa la kpoŋ, 3azuiŋ ka a donne zaaŋ wa lantaa a be, a pekyeenemɛ maŋ billi la a kuuri bare a bulee noɔre kyɛ ɔŋ a koɔ̃ eŋ a donne ka a nyu kyɛ ka ba la leɛ billi a kuuri page a bulee noɔre.
4A Gyekɔb da soore ba la, “N yɔɔmine, yeŋ ka yɛ yi?” Ka ba da yelsɔge, “Te yi la Haran.” 5Ka o soore ba, “Yɛ baŋ la a Nahɔ bidɔɔ Lɛban?” Ka ba da yelsɔge, “Te baŋ o la.” 6A Gyekɔb da leɛ soore ba la, “O taa la laafeɛ eŋ?” Ka ba da yelsɔge, “Õõ, o taa la laafeɛ. A o pɔgeyaa Rakɛɛl la ŋa te waana ne o peere.” 7Ka a Gyekɔb da yeli, “Nyɛ, a ŋmenaa naŋ kyɛnɛ waa la kpoŋ. A naŋ ba ta ka ba ŋmaa donne lantaa sɛre. Yɛ e ka a nyu koɔ̃ kyɛ ka yɛ leɛ taa a gaa ne ka a te ɔɔ moɔ.” 8Ka a pekyeenemɛ da leɛ yeli, “Te kontoɔ̃ e a lɛ ka a donne zaa ba wa lantaa sɛre, kyɛ ka ba billi a bulee noɔre kuuri bare. Lɛ la ka te pãã na ɔŋ a koɔ̃ eŋ a donne ka a nyu.”
9O naŋ da naŋ kyɛnɛ yele a yɛlɛ ne ba la ka Rakɛɛl te wa ne a o saa peere o naŋ da kyeenɛ. 10A Gyekɔb naŋ da wa nyɛ a Rakɛɛl, a o areba Lɛban pɔgeyaa ane a o areba Lɛban peere, a Gyekɔb da te billi la a bulee noɔre kuuri bare kyɛ ɔŋ a koɔ̃ eŋ a o areba Lɛban donne ka a nyu. 11A Gyekɔb da moore la a Rakɛɛl kyɛ da ŋmɛ kpɛlle a kono. 12A Gyekɔb da yeli ko la a Rakɛɛl ka o waa la o saa dɔgrɔ ane Rebɛka bidɔɔ. A Rakɛɛl da zo gaa te yeli ko la o saa.
13A Lɛban naŋ da wa woŋ a o yɔɔpuulee bidɔɔ Gyekɔb yɛlɛ, o da zo gaaɛ la ka o tuori o. O da te nyɔge o la kori, a sɛgre o nu, kyɛ taa o gaa ne o yiri. A Gyekɔb da yeli la a yɛlɛ ama zaa ko a Lɛban, 14ka a Lɛban da yeli ko o, “Serɛzaa, fo waa la n zẽẽ neɛ!” A Gyekɔb da kpɛ la a Lɛban zie kyuu-gbuli.
A Gyekɔb Naŋ De A Lɛban Pɔgeyaare
15A Lɛban pãã da soore la a Gyekɔb, “Fo naŋ waa n neɛ zuiŋ, a wuli ka fo toŋ ko ma weɛlɛ be? Yeli ko ma a san-yɔɔ fo naŋ boɔrɔ ka n ko fo.” 16A Lɛban da taa la pɔgeyaare bayi. A pɔgeya-kpoŋ yuori da la Leya kyɛ ka a pɔgeya-bile soba yuori di Rakɛɛl. 17A Leya niŋe da veɛlɛ la kyɛ ka a Rakɛɛl da veɛlɛ welle, ka o niŋe da nyegrɛ. 18A Gyekɔb da nɔŋ la a Rakɛɛl; lɛnso ka o da yeli, “N na toŋ la toma ko fo yuomo ayopoĩ kyɛ de a fo pɔgeyaa Rakɛɛl ka o e n pɔge.” 19Ka a Lɛban da yeli, “A na soma la ka N de o ko fo a gaŋ N naŋ na de o ko dɔɔ-yuo; kpeɛrɛ a N zie.” 20Lɛnso a Gyekɔb da toŋ la toma yuomo ayopoĩ ko a Lɛban kyɛ na de a Rakɛɛl. A yuomo o naŋ da toŋ da waa ŋa bebie belãã lɛ ko o a yi lɛ o naŋ da nɔŋ a Rakɛɛl zuiŋ.
21A Gyekɔb pãã da yeli ko la a Lɛban, “Ko ma a n pɔge ka maa ne o laŋ sɛŋ poɔ, bonso, N toŋ la a n toma baare.” 22A Lɛban da boɔle la a be noba zaa lantaa a maale tigri. 23A zimaane saŋ, o da de la a o pɔgeyaa Leya wa ko a Gyekɔb ka o laŋ ne o sɛŋ poɔ. 24(A Lɛban da de la o tontombi-pɔge Zilipa ko a o pɔgeyaa Leya ka o leɛ o tontombi-pɔge.) 25Zie naŋ da wa nyaa baguo saŋ, a Gyekɔb da kaara ka Leya la! A Gyekɔb da soore la a Lɛban, “Boŋ la a ŋaa fo naŋ e ma? A Rakɛɛl eŋɛ naane ka N toŋ a fo toma be? Boŋ pãã so ka fo bɛlle ma?” 26Ka a Lɛban da leɛ yeli, “A te yeltuuri poɔ, fo ba derɛ fo pɔgeya-bile terɛ serɛ kyɛ ka a pɔgeya-kpoŋ ba kuli serɛ sɛre. 27#Wed 14:12, 17 Di a kultaa tigri daa baare kyɛ la toŋ yuomo ayopoĩ kyɛ ka N de a bile soba meŋ ko fo.” 28A Gyekɔb da sage de la a lɛ a kyɛ di a pɔgde-tigri daa baare. A Lɛban pãã da de la a o pɔgeyaa Rakɛɛl meŋ ko a Gyekɔb ka o e o pɔge. 29(A Lɛban da de la a o tontombi-pɔge Bilha ko a o pɔgeyaa Rakɛɛl ka o leɛ o tontombi-pɔge.) 30#Bag 18:18 A Gyekɔb da laŋ ne la a Rakɛɛl meŋ sɛŋ poɔ. O da nɔŋ la a Rakɛɛl gaŋ a Leya. A Gyekɔb da leɛ toŋ la a Lɛban toma yuomo ayopoĩ.
31A DAANA naŋ da nyɛ ka a Gyekɔb ba nɔŋ a Leya, o da eɛɛ la ka a Leya taa dɔgebo kyɛ ka a Rakɛɛl e pɔg-ɔre. 32A Leya da taa la poɔ a dɔge bidɔɔ, a pore o yuori ka Rubin, bonso, o da yelee la, “A DAANA naŋ nyɛ a n toɔrɔ zuiŋ la so, pampana a n serɛ sereŋ na nɔŋ ma la.” 33O da la taa la poɔ a dɔge bidɔɔ, a da yeli, “A DAANA naŋ da woŋ ka ba ba nɔŋ ma la so ka O ko ma a bidɔɔ ŋa meŋ.” O da pore la o yuori ka Simion. 34O da la maaleŋ taa la poɔ a dɔge bidɔɔ, a da yeli, “Pampana ŋa eŋ, a n serɛ na kpimare ma la, bonso, N dɔge la bidɔbɔ bata ko o.” A lɛ zuiŋ, o da pore la a bie yuori ka Levi. 35O da laboreŋ taa la poɔ a dɔge bidɔɔ, a da yeli, “A naŋ ta ŋaa, N na danne la a DAANA.” A lɛ zuiŋ, o da pore la a o yuori ka Gyuda. O pãã da ŋmaa la dɔgebo.
Iliyochaguliwa sasa
Piiluu 29: DGA
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Dagaare First Bible © The Bible Society of Ghana, 2025.
Piiluu 29
29
A Gyekɔb Naŋ Tuori Rakɛɛl
1A Gyekɔb pãã da tu la a o sori, a te ta a sapare noba teŋɛ. 2O da nyɛ la bulee a weɛ poɔ ka zagre ata peere gaŋ a bulee pare; bonso, a bulee ŋa koɔ̃ ka a donne da maŋ nyu. A kuuri naŋ da page a bulee noɔre da waa la kpoŋ, 3azuiŋ ka a donne zaaŋ wa lantaa a be, a pekyeenemɛ maŋ billi la a kuuri bare a bulee noɔre kyɛ ɔŋ a koɔ̃ eŋ a donne ka a nyu kyɛ ka ba la leɛ billi a kuuri page a bulee noɔre.
4A Gyekɔb da soore ba la, “N yɔɔmine, yeŋ ka yɛ yi?” Ka ba da yelsɔge, “Te yi la Haran.” 5Ka o soore ba, “Yɛ baŋ la a Nahɔ bidɔɔ Lɛban?” Ka ba da yelsɔge, “Te baŋ o la.” 6A Gyekɔb da leɛ soore ba la, “O taa la laafeɛ eŋ?” Ka ba da yelsɔge, “Õõ, o taa la laafeɛ. A o pɔgeyaa Rakɛɛl la ŋa te waana ne o peere.” 7Ka a Gyekɔb da yeli, “Nyɛ, a ŋmenaa naŋ kyɛnɛ waa la kpoŋ. A naŋ ba ta ka ba ŋmaa donne lantaa sɛre. Yɛ e ka a nyu koɔ̃ kyɛ ka yɛ leɛ taa a gaa ne ka a te ɔɔ moɔ.” 8Ka a pekyeenemɛ da leɛ yeli, “Te kontoɔ̃ e a lɛ ka a donne zaa ba wa lantaa sɛre, kyɛ ka ba billi a bulee noɔre kuuri bare. Lɛ la ka te pãã na ɔŋ a koɔ̃ eŋ a donne ka a nyu.”
9O naŋ da naŋ kyɛnɛ yele a yɛlɛ ne ba la ka Rakɛɛl te wa ne a o saa peere o naŋ da kyeenɛ. 10A Gyekɔb naŋ da wa nyɛ a Rakɛɛl, a o areba Lɛban pɔgeyaa ane a o areba Lɛban peere, a Gyekɔb da te billi la a bulee noɔre kuuri bare kyɛ ɔŋ a koɔ̃ eŋ a o areba Lɛban donne ka a nyu. 11A Gyekɔb da moore la a Rakɛɛl kyɛ da ŋmɛ kpɛlle a kono. 12A Gyekɔb da yeli ko la a Rakɛɛl ka o waa la o saa dɔgrɔ ane Rebɛka bidɔɔ. A Rakɛɛl da zo gaa te yeli ko la o saa.
13A Lɛban naŋ da wa woŋ a o yɔɔpuulee bidɔɔ Gyekɔb yɛlɛ, o da zo gaaɛ la ka o tuori o. O da te nyɔge o la kori, a sɛgre o nu, kyɛ taa o gaa ne o yiri. A Gyekɔb da yeli la a yɛlɛ ama zaa ko a Lɛban, 14ka a Lɛban da yeli ko o, “Serɛzaa, fo waa la n zẽẽ neɛ!” A Gyekɔb da kpɛ la a Lɛban zie kyuu-gbuli.
A Gyekɔb Naŋ De A Lɛban Pɔgeyaare
15A Lɛban pãã da soore la a Gyekɔb, “Fo naŋ waa n neɛ zuiŋ, a wuli ka fo toŋ ko ma weɛlɛ be? Yeli ko ma a san-yɔɔ fo naŋ boɔrɔ ka n ko fo.” 16A Lɛban da taa la pɔgeyaare bayi. A pɔgeya-kpoŋ yuori da la Leya kyɛ ka a pɔgeya-bile soba yuori di Rakɛɛl. 17A Leya niŋe da veɛlɛ la kyɛ ka a Rakɛɛl da veɛlɛ welle, ka o niŋe da nyegrɛ. 18A Gyekɔb da nɔŋ la a Rakɛɛl; lɛnso ka o da yeli, “N na toŋ la toma ko fo yuomo ayopoĩ kyɛ de a fo pɔgeyaa Rakɛɛl ka o e n pɔge.” 19Ka a Lɛban da yeli, “A na soma la ka N de o ko fo a gaŋ N naŋ na de o ko dɔɔ-yuo; kpeɛrɛ a N zie.” 20Lɛnso a Gyekɔb da toŋ la toma yuomo ayopoĩ ko a Lɛban kyɛ na de a Rakɛɛl. A yuomo o naŋ da toŋ da waa ŋa bebie belãã lɛ ko o a yi lɛ o naŋ da nɔŋ a Rakɛɛl zuiŋ.
21A Gyekɔb pãã da yeli ko la a Lɛban, “Ko ma a n pɔge ka maa ne o laŋ sɛŋ poɔ, bonso, N toŋ la a n toma baare.” 22A Lɛban da boɔle la a be noba zaa lantaa a maale tigri. 23A zimaane saŋ, o da de la a o pɔgeyaa Leya wa ko a Gyekɔb ka o laŋ ne o sɛŋ poɔ. 24(A Lɛban da de la o tontombi-pɔge Zilipa ko a o pɔgeyaa Leya ka o leɛ o tontombi-pɔge.) 25Zie naŋ da wa nyaa baguo saŋ, a Gyekɔb da kaara ka Leya la! A Gyekɔb da soore la a Lɛban, “Boŋ la a ŋaa fo naŋ e ma? A Rakɛɛl eŋɛ naane ka N toŋ a fo toma be? Boŋ pãã so ka fo bɛlle ma?” 26Ka a Lɛban da leɛ yeli, “A te yeltuuri poɔ, fo ba derɛ fo pɔgeya-bile terɛ serɛ kyɛ ka a pɔgeya-kpoŋ ba kuli serɛ sɛre. 27#Wed 14:12, 17 Di a kultaa tigri daa baare kyɛ la toŋ yuomo ayopoĩ kyɛ ka N de a bile soba meŋ ko fo.” 28A Gyekɔb da sage de la a lɛ a kyɛ di a pɔgde-tigri daa baare. A Lɛban pãã da de la a o pɔgeyaa Rakɛɛl meŋ ko a Gyekɔb ka o e o pɔge. 29(A Lɛban da de la a o tontombi-pɔge Bilha ko a o pɔgeyaa Rakɛɛl ka o leɛ o tontombi-pɔge.) 30#Bag 18:18 A Gyekɔb da laŋ ne la a Rakɛɛl meŋ sɛŋ poɔ. O da nɔŋ la a Rakɛɛl gaŋ a Leya. A Gyekɔb da leɛ toŋ la a Lɛban toma yuomo ayopoĩ.
31A DAANA naŋ da nyɛ ka a Gyekɔb ba nɔŋ a Leya, o da eɛɛ la ka a Leya taa dɔgebo kyɛ ka a Rakɛɛl e pɔg-ɔre. 32A Leya da taa la poɔ a dɔge bidɔɔ, a pore o yuori ka Rubin, bonso, o da yelee la, “A DAANA naŋ nyɛ a n toɔrɔ zuiŋ la so, pampana a n serɛ sereŋ na nɔŋ ma la.” 33O da la taa la poɔ a dɔge bidɔɔ, a da yeli, “A DAANA naŋ da woŋ ka ba ba nɔŋ ma la so ka O ko ma a bidɔɔ ŋa meŋ.” O da pore la o yuori ka Simion. 34O da la maaleŋ taa la poɔ a dɔge bidɔɔ, a da yeli, “Pampana ŋa eŋ, a n serɛ na kpimare ma la, bonso, N dɔge la bidɔbɔ bata ko o.” A lɛ zuiŋ, o da pore la a bie yuori ka Levi. 35O da laboreŋ taa la poɔ a dɔge bidɔɔ, a da yeli, “A naŋ ta ŋaa, N na danne la a DAANA.” A lɛ zuiŋ, o da pore la a o yuori ka Gyuda. O pãã da ŋmaa la dɔgebo.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Dagaare First Bible © The Bible Society of Ghana, 2025.