Piiluu 2
2
1A sazu ane a teŋɛ ane a poɔ boma zaa pãã da maale baarɛɛ la. 2#Gyn 5:17; Hib 4:4, 10 A beri ayopoĩ daare, Naaŋmen da toŋ la a O toma zaa O naŋ da tonɔ baare kyɛ pãã da pɛnne a beri ayopoĩ daare a yi a O toma zaa poɔ. 3#Yiib 20:8-11 Naaŋmen pãã da maale la a beri ayopoĩ daare, a e ka o e bebi-soŋ, bonso, a lɛ daare la ka O da pɛnne, a O boma iruu toma zaa eŋɛ.
4Ŋaa la ka a sazu ane a teŋɛ iruu yɛlɛ da tu.
A Edin Gaadin Yɛlɛ
A daare na a DAANA Naaŋmen naŋ da iri a sazu ane a teŋɛ, 5ka teɛ zaa da ba kye a teŋɛzu, ka moɔ meŋ zaa da naŋ ba buli sɛre, bonso, a DAANA Naaŋmen da ba e ka saa mi a teŋɛzu, ka neɛzaa da kyebe a na kɔ a teŋɛ. 6Kyɛ koɔ̃ da maŋ bullo yire la a teŋɛ a e ka a teŋɛ zaa buri. 7#1 Kor 15:45 A DAANA Naaŋmen pãã da de la a teŋɛ tɛne mɛ ne nensaala, a da voore nyɔvore vooroŋ eŋ o nyɔbogriŋ; ka a nensaala da leɛ nenvore. 8A DAANA Naaŋmen da eŋ la gaadin a Edin sapare seŋ; a da e ka a nensaala O naŋ da iri kpeɛrɛ a be. 9#Piil 3:22, 24; Yuo 2:7; 22:2 A DAANA Naaŋmen da eɛɛ la ka teboorɔ zaa naŋ sãã velaa kyɛ soma ne diibu buli a gaadin poɔ. O da eɛɛ la ka nyɔvore teɛ meŋ be a gaadin sogɔŋ ane yelvelaa ane yelfaa bammo teɛ.
10Baa kaŋ da zoro yire la a Edin gaadin poɔ ka a koɔ̃ maŋ buri a gaadin. A baa da taa la gbɛɛ anaare. 11A bagbɛre dɛndɛŋ soba yuori da la Pesɔn; ona la da zoro gɔllɔ a Havila teŋɛ zaa, a be salema naŋ be. 12A salema naŋ be a teŋɛ na poɔ da veɛlɛ la; turaali mine ba naŋ boɔlɔ bidelium ane kusi-yuori kaŋ ba naŋ boɔlɔ ɔnes meŋ be la a be. 13A bagbɛre ayi soba yuori la Gehɔn; ona la zoro gɔllɔ a Kus teŋɛ zaa. 14A bagbɛre ata soba yuori la Tigris; ona la zoro a Asiiriya sapare seŋ. A bagbɛre anaare soba la Yuferet.
15A DAANA Naaŋmen da de la a nensaala eŋ a Edin gaadin poɔ ka o na koɔrɔ kyɛ kaara o zu. 16A DAANA Naaŋmen da yeli ko la a nensaala, “Fo taa la sori a na toɔ̃ di a gaadin poɔ tewɔmɔ zaa; 17#Rom 5:12; 1 Kor 15:21 kyɛ a ba seŋ ka fo di a yelvelaa ane a yelfaa bammo teɛ wɔmɔ, bonso, a bebiri na daare fo naŋ na di o, fo sereŋ na kpi la.”
18 #
Sek 31:10-31
A DAANA Naaŋmen pãã da yelee la, “A ba soma ka dɔɔ waa o yoŋ; N na maale la soŋnɔ ko o ka o waa o tɔsoba.” 19A DAANA Naaŋmen da iri la a wɛdonne zaa ane sazu nuuli zaa, a taa wa ko a dɔɔ ka o nyɛ yoe na o naŋ na ko a. Lɛ zaa a dɔɔ naŋ wa boɔle a donne kanzaa da leɛ la o yuori. 20A dɔɔ da ko la a nii zaa ane a sazu nuuli ane a wɛdonne zaa yoe; kyɛ a ama zaa puoriŋ, a dɔɔ da ba nyɛ soŋnɔ zaa naŋ seŋ ne ka o ne o na toɔ̃ lantaa. 21Lɛ la ka a DAANA Naaŋmen da e ka a dɔɔ gbiri gɔntooroŋ ka O pãã da iri a dɔɔ nyɛbikɔɔre kaŋ kyɛ de ennɛne page ne a be. 22#1 Kor 11:7-9, 12; 1 Tim 2:13 A DAANA Naaŋmen da de la a nyɛbikɔɔre O naŋ da iri a dɔɔ eŋɛ maale ne pɔge a taa wa ko a dɔɔ. 23Lɛ la ka a dɔɔ da yeli:
“Dabaglakala! Ŋa la kɔɔre naŋ yi n kɔbɔ poɔ
ane eŋɛ naŋ e n meŋɛ eŋɛ;
ba na boɔle o la Pɔge,
bonso, Dɔɔ eŋɛ la ka ba iri o.”
24 #
Mat 19:5-6; Efe 5:28-31 A ŋaa zuiŋ ka dɔɔ na maŋ bare o saa ane o ma kyɛ kpimare o pɔge ka ba e eŋgan-yeni. 25A dɔɔ ane a o pɔge zaa da taa la eŋkpoŋkpolo, kyɛ ka vi da ba kpɛ ba.
Iliyochaguliwa sasa
Piiluu 2: DGA
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Dagaare First Bible © The Bible Society of Ghana, 2025.