MALAKO 7
7
Yesu na okɔkɔ ba Bayuda
(Hokea koko Mat 15, 1-9)
1Bafalusai na bakina bato ba edjebeli ɛ mibeko badonga ta Yelusalɛmɛ babolama mbuti na Yesu. 2Baenɛ bakina batingami ba Yesu bayaka mia na mabɔ mbindo, etingodjai boo: pɛpɛ ososa mabɔ okimana na okɔkɔ. 3Na tina hee, Bafalusai na Bayuda bakina basusu bakasume mibeko mabakinea bakɔkɔ ba bobo: te bayɛ mia pɛpɛ ososa mabɔ. 4Ko ta ehole ekahule bo ta bisika ba masanga, te bayake mia boso ba osasɛnodja. Bakasume mibeko mikina mike ma okɔkɔ, elengɛɛ moda mopele ma ososa kɔbɔ, poke, masaso ma bibende na bisambe. 5Bafalusai na bato ba edjebeli ɛ mibeko bahɔdja Yesu boo: «Tina ndani batingami bawɛ tebasume mibeko malokinea bakɔkɔ ba boso, endolo bakayake mia ma bobo na mabɔ mbindo?» 6Yesu abasɔmbɛdja boo: «Isaya atɛlɛ ohuu miako ma Ndjambe ta tina ɛ bono, bato ba owɛi bobe, elengɛɛ okoma yo boo:
“Bato bii badii okumeani oko na monɔkɔ,
endolo milema ma bobo midii ohali na mbai.
7Losambo lokasambeleni bato bii loditi na tina,
ti ngasa bileho bikalehe bo bidii etoko mibeko ma bato.”
8Ino osundolini mobeko ma Ndjambe, ko osapini na okɔkɔ ba bato! 9Na bea Yesu abakea boo: Odumbini mobeko ma Ndjambe tina ɛ obanea okɔkɔ ba bono mɛɛnɛ. 10Na tina hee Mose abala boo: “Suma sangwao na ngwao”, ko na ikina: “Ho obalalea obe na sango kaoko na nango, aboani na etumbu ɛ ogwa.” 11Endolo ino okaleheni boo ekada moto akabala ohuu na sango kaoko na nango boo: “Epeeli ekɔki mbai naopɛ nayepi odii Ndjambe”, 12oditi opani enɔli odii mwana boo akɔe opele odii sango kaoko odii nango. 13Na moda mua, odini odongedja ebaeli ɛ Ndjambe tina ɛ okɔkɔ ibodii no oleha. Ko odini okɔ midjɔ mike ma moda mua.»
Midjɔ imikaimedjae moto mbindo
(Hokea koko Mat 15, 10-20)
14Yesu abea koko bato bike odii yo ko abanga obala boo: «Hokamedjanini, ino asusu, ko sipoani modjɔ muu. 15Pɛpɛ eka ekahule sokolu ɛ moto ehɔni omoimedja mbindo ekaingea ta tei ɛ nde. Edii ena ekaimane ta tei ɛ moto ekamoimedjae mbindo. [16Hokamedjani opele, ekada boo odini na matoi maooka!]»
17Ehole ɛ kina Yesu emumu ɛ bato ko ɔingea yo ta ndako, batingami ba nde bamohɔdja tina ɛ indjɛ dia. 18Abala na bu boo: «Na ino koko, otakini owɛi? Otadjebakani boo eka ekadonge osokolu ko eingei odii moto etahɔnɔ omoimedja mbindo, 19tina ɛ boo leka lua teloingee ta molema ma nde, endolo ta tei ɛ sɔpɔ dja nde, ko ngɔngɔ djia lokei ta ibela?» Na mibalo mia, Yesu abala ohuu boo mia masusu madii ma oya. 20Ko abala koko boo: «Edii eka he ekaimane ta tei ɛ moto yo iyena ekamoimedjae mbindo. 21Tin'ɛ boo edii ta tei ɛ moto, malɛi mabe makamolome ahelama ta midjɔ mibe, oiba, oowa, 22bɔɔli, bipalapala, otɔmbɔ, okosa, ohela ta wusuwsu, oda na ikuwa, obalea baminawɛ obe, osakumea na olole. 23Midjɔ mibe mii misusu mikadonge ta molema ma moto ko mikamoimedjae mbindo.»
Mwali mokɛndɛli adhimei Yesu
(Hokea koko Mat 15, 21-28)
24Yesu akina ena ko akɛɛ ta ekenge ɛ mokpɔtɔ ɛ Tula. Aingea ta ndako emɔti ko aipala moto omɔti adjebe boo adaka ena, endolo aihɔnɔ osabomba. 25Na tina hee, mwali omɔti ɔ ngando ena mwana ɔ nde atungeamaka na mwembo mobe, aoka gala ɛ Yesu ko adoa pɛpɛlɛ odii yo ko akwa ta mako ma nde. 26Mwali ona aidaka Moyuda, abotama ta Fenisi ɛ Sulia. Aongɔɔnɔ Yesu boo abengane mwembo mobe odii mwana ɔ nde mwali. 27Endolo Yesu abala na nde boo: «Peta kina bana bagole boso; elɔkɛ boo editi opele otomba mapa ma bana tin'ɛ omapa odii mva.» 28Mwali ona amosɔmbɛdja boo: «Na bea, Kumu, noko bana ba mva, ta tina dja mesa, bakayake opele mbumbu dja mapa ikadumbe bana.» 29Na bea Yesu abala na nde boo: «Ta tina ebaeli ɛ wɛ, yana: mwembo mobe moimani ta tei ɛ mwana ɔ wɛ mwali.» 30Ehole eyana yo ta ndako ɛ nde, atanea mwana asambi ta bwako: mwembo mobe maimana odii yo.
Yesu aheledja moto ɔ ohoka ko emimi
(Hokea koko Mat 15, 29-31)
31Yesu akina ekenge ɛ mokpɔtɔ ɛ Tula, anɔɔ ta Sidona okimana ndjia ɛ ibeke inɛnɛ la Galilai ko akatisa ekenge ɛ mokpɔtɔ ɛ Mabonga Doomi. 32Badoa odii yo na moto ɔ ohoka ko na kaka ta obala, ko bamoongɔɔnɔ boo abakee ebɔ diko la nde. 33Yesu akɛɛ na nde yo buki, ohali na esika ɛdaka emumu ɛ bato; aisa sapi ta matoi ma nde, atɔɔ masɔi ko amobinga elemi na masɔi ma nde. 34Ngɔngɔ djia, Yesu aihwedja miso ta busa, ahemana ko abala na nde boo: «Efata» Etingodjai boo: «Sadipoa!» 35Mbala emɔti, matoi ma nde masadipoa, elemi ɛ nde etingoa ko abanga obala opele. 36Yesu abakola matoi boo batatɔndɔ moto omɔti modjɔ mua; noko ɔbakola yo matoi, badaka oko bananganedja gala ɛ nde na onɔ. 37Ko bato bakamoa obuke mɛɛnɛ; babalaka bo: «Misusu midii yo okɔ midii mipele! Noko bato ba ohoka badi ooka ko bimimi badii obala opele!»
Iliyochaguliwa sasa
MALAKO 7: ngc
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)
MALAKO 7
7
Yesu na okɔkɔ ba Bayuda
(Hokea koko Mat 15, 1-9)
1Bafalusai na bakina bato ba edjebeli ɛ mibeko badonga ta Yelusalɛmɛ babolama mbuti na Yesu. 2Baenɛ bakina batingami ba Yesu bayaka mia na mabɔ mbindo, etingodjai boo: pɛpɛ ososa mabɔ okimana na okɔkɔ. 3Na tina hee, Bafalusai na Bayuda bakina basusu bakasume mibeko mabakinea bakɔkɔ ba bobo: te bayɛ mia pɛpɛ ososa mabɔ. 4Ko ta ehole ekahule bo ta bisika ba masanga, te bayake mia boso ba osasɛnodja. Bakasume mibeko mikina mike ma okɔkɔ, elengɛɛ moda mopele ma ososa kɔbɔ, poke, masaso ma bibende na bisambe. 5Bafalusai na bato ba edjebeli ɛ mibeko bahɔdja Yesu boo: «Tina ndani batingami bawɛ tebasume mibeko malokinea bakɔkɔ ba boso, endolo bakayake mia ma bobo na mabɔ mbindo?» 6Yesu abasɔmbɛdja boo: «Isaya atɛlɛ ohuu miako ma Ndjambe ta tina ɛ bono, bato ba owɛi bobe, elengɛɛ okoma yo boo:
“Bato bii badii okumeani oko na monɔkɔ,
endolo milema ma bobo midii ohali na mbai.
7Losambo lokasambeleni bato bii loditi na tina,
ti ngasa bileho bikalehe bo bidii etoko mibeko ma bato.”
8Ino osundolini mobeko ma Ndjambe, ko osapini na okɔkɔ ba bato! 9Na bea Yesu abakea boo: Odumbini mobeko ma Ndjambe tina ɛ obanea okɔkɔ ba bono mɛɛnɛ. 10Na tina hee Mose abala boo: “Suma sangwao na ngwao”, ko na ikina: “Ho obalalea obe na sango kaoko na nango, aboani na etumbu ɛ ogwa.” 11Endolo ino okaleheni boo ekada moto akabala ohuu na sango kaoko na nango boo: “Epeeli ekɔki mbai naopɛ nayepi odii Ndjambe”, 12oditi opani enɔli odii mwana boo akɔe opele odii sango kaoko odii nango. 13Na moda mua, odini odongedja ebaeli ɛ Ndjambe tina ɛ okɔkɔ ibodii no oleha. Ko odini okɔ midjɔ mike ma moda mua.»
Midjɔ imikaimedjae moto mbindo
(Hokea koko Mat 15, 10-20)
14Yesu abea koko bato bike odii yo ko abanga obala boo: «Hokamedjanini, ino asusu, ko sipoani modjɔ muu. 15Pɛpɛ eka ekahule sokolu ɛ moto ehɔni omoimedja mbindo ekaingea ta tei ɛ nde. Edii ena ekaimane ta tei ɛ moto ekamoimedjae mbindo. [16Hokamedjani opele, ekada boo odini na matoi maooka!]»
17Ehole ɛ kina Yesu emumu ɛ bato ko ɔingea yo ta ndako, batingami ba nde bamohɔdja tina ɛ indjɛ dia. 18Abala na bu boo: «Na ino koko, otakini owɛi? Otadjebakani boo eka ekadonge osokolu ko eingei odii moto etahɔnɔ omoimedja mbindo, 19tina ɛ boo leka lua teloingee ta molema ma nde, endolo ta tei ɛ sɔpɔ dja nde, ko ngɔngɔ djia lokei ta ibela?» Na mibalo mia, Yesu abala ohuu boo mia masusu madii ma oya. 20Ko abala koko boo: «Edii eka he ekaimane ta tei ɛ moto yo iyena ekamoimedjae mbindo. 21Tin'ɛ boo edii ta tei ɛ moto, malɛi mabe makamolome ahelama ta midjɔ mibe, oiba, oowa, 22bɔɔli, bipalapala, otɔmbɔ, okosa, ohela ta wusuwsu, oda na ikuwa, obalea baminawɛ obe, osakumea na olole. 23Midjɔ mibe mii misusu mikadonge ta molema ma moto ko mikamoimedjae mbindo.»
Mwali mokɛndɛli adhimei Yesu
(Hokea koko Mat 15, 21-28)
24Yesu akina ena ko akɛɛ ta ekenge ɛ mokpɔtɔ ɛ Tula. Aingea ta ndako emɔti ko aipala moto omɔti adjebe boo adaka ena, endolo aihɔnɔ osabomba. 25Na tina hee, mwali omɔti ɔ ngando ena mwana ɔ nde atungeamaka na mwembo mobe, aoka gala ɛ Yesu ko adoa pɛpɛlɛ odii yo ko akwa ta mako ma nde. 26Mwali ona aidaka Moyuda, abotama ta Fenisi ɛ Sulia. Aongɔɔnɔ Yesu boo abengane mwembo mobe odii mwana ɔ nde mwali. 27Endolo Yesu abala na nde boo: «Peta kina bana bagole boso; elɔkɛ boo editi opele otomba mapa ma bana tin'ɛ omapa odii mva.» 28Mwali ona amosɔmbɛdja boo: «Na bea, Kumu, noko bana ba mva, ta tina dja mesa, bakayake opele mbumbu dja mapa ikadumbe bana.» 29Na bea Yesu abala na nde boo: «Ta tina ebaeli ɛ wɛ, yana: mwembo mobe moimani ta tei ɛ mwana ɔ wɛ mwali.» 30Ehole eyana yo ta ndako ɛ nde, atanea mwana asambi ta bwako: mwembo mobe maimana odii yo.
Yesu aheledja moto ɔ ohoka ko emimi
(Hokea koko Mat 15, 29-31)
31Yesu akina ekenge ɛ mokpɔtɔ ɛ Tula, anɔɔ ta Sidona okimana ndjia ɛ ibeke inɛnɛ la Galilai ko akatisa ekenge ɛ mokpɔtɔ ɛ Mabonga Doomi. 32Badoa odii yo na moto ɔ ohoka ko na kaka ta obala, ko bamoongɔɔnɔ boo abakee ebɔ diko la nde. 33Yesu akɛɛ na nde yo buki, ohali na esika ɛdaka emumu ɛ bato; aisa sapi ta matoi ma nde, atɔɔ masɔi ko amobinga elemi na masɔi ma nde. 34Ngɔngɔ djia, Yesu aihwedja miso ta busa, ahemana ko abala na nde boo: «Efata» Etingodjai boo: «Sadipoa!» 35Mbala emɔti, matoi ma nde masadipoa, elemi ɛ nde etingoa ko abanga obala opele. 36Yesu abakola matoi boo batatɔndɔ moto omɔti modjɔ mua; noko ɔbakola yo matoi, badaka oko bananganedja gala ɛ nde na onɔ. 37Ko bato bakamoa obuke mɛɛnɛ; babalaka bo: «Misusu midii yo okɔ midii mipele! Noko bato ba ohoka badi ooka ko bimimi badii obala opele!»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)