MALAKO 13
13
Obedjama ba tepelo
(Hokea koko Mat 24, 1-3; Luk 21, 5-6)
1Oko ena ɔdaka Yesu aimane ta tepelo, omɔti ɔ batingami ba nde abala na nde boo: «Molehi, hokea! Muu mondumba ma ndeke opele nda, bii biyoli binɛnɛnɛ nda!» 2Yesu amosɔmbɛdja boo: «Oeni biyoli bii binɛnɛnɛ? Pɛpɛ mondeke momɔti modikabi mobaki ta diko la mokina; isusu isopeanabi.»
Bimbete ba suka
(Hokea koko Mat 24, 3-14; Luk 21, 7-9)
3Yesu adaa ta ngomba ɛ Olive ɛdaka eyɛlɛni na tepelo. Piɛlɛ, Djake, Yoani na Andele badaka oko ibo na nde ko bamohɔdja boo: 4«Lodjebedja ehole ekɔmɔbi midjɔ mia ko embete ndani einedjabi boo midjɔ mii misusu miboani makɔɔme?» 5Bea, Yesu abanga obala na bu boo: «Tomadingani boo moto omɔti ataokoseani. 6Bato bike badoabi na kombe ɛ mbai ko babalabi boo: “Nadi Masia!” Ko bakoseabi bato bike. 7Ehole eokabi no ngilimo dja bila na gala diko la bila dja ohali, pɛpɛ obangani; eboani boo midjɔ mia makɔɔme, endolo ena editi suka ɛ ngondo. 8Ekomi emɔti eonedjabi ekomi ekina, ko okumu bomɔti bonedjabi okumu bokina; kpɔtɔ ikumanabi ta bikenge ba ngondo bike, okeli bodabi ta ngondo. Edabi elengɛɛ ibange la epeko ɛ ibota. 9Tina ɛ boono tomangatanani, baofundabini ta tibinalo, baobomabini pimbo ta ndako dja miɔngɔnɔ dja Bayuda, osambabini boso ba bagupunɛlɛ na bakumu ibanɛnɛ, edalea tina ɛ boono enɔli ɛ opa tati boso ba bobo. 10Eboani boso mɛɛnɛ Mwako Mopele malehame ta bikomi bisusu ba ngondo. 11Ehole eokababini bo ta okɛɛ nanu ta tibinalo, pɛpɛ osatungeani boso ta tina ɛ eka eboani no obala; endolo balani oko bibaeli bipamabi na nu ta ehole ena, tin'ɛ boo editi ino ibabalabi, endolo Mwembo Mosɛnɔke. 12Mwɛɛngɛ moto akababi mwanango ta ogwa, ko sɛngɛ moto akɔbi oko moda momɔti na mwana ɔ nde; bana batɔmbɔbi na baboti ba bobo ko babakababi ta ogwa. 13Bato basusu baokeabini swɛ ta tin'ɛ kombe ɛ mbai. Endolo ona oikabi molema mbunoko o suka ahelabi.»
Bato banɔngɔbi obuke
(Mat 24, 15-28; Luk 21, 20-24)
14«Ta ehole enɛbi no ona obeaka bo “Mbeedji ɔ manene”: bamodedjai ta esika edii yo pɛpɛ oboana bo adae. – Yɛɛ molangi adjebe! – Na bea, ibadabi ta Yuda batie ta ngomba; 15moto odabi osokolu awetebi ingea atomba leka lodii ta ndako; 16ko ona odabi ta gue asɔmbɛtebi ta ndako atomba mokoto ma nde. 17Ndjokwa ndani tina ɛ bali badabi na meemi na bii banungeabi bana ta maswi mia! 18Ongɔɔnɔni Ndjambe bɛngɛ boo midjɔ mia mitadoa ta ehole ɛ piɔ epipo. 19Tin'ɛ boo, ta maswi mia, ndjokwa enɛnɛ ɛ moda mua ɛipaka enɛmɛ boso donga ibange la ngondo ehole ɛyoa Ndjambe leka losusu, mbunoko hadɛdi, ko ekina ɛ mondumba mua edɛtebi koko. 20Emiti daa boo Kumu akuhedjae ehole ena ɛ saya, pɛpɛ noko moto omɔti ohelabi. Endolo akuhedja maswi mia tin'ɛ bato ba nde ibahɔɔ yo.
21Ekadaa moto akabala nanu boo: “Hokea, Masia adii haa!” kaoko boo: “Hokea adii anaho!”, pɛpɛ omodhimeani. 22Tin'ɛ boo bamasia ba okosa na batɛli ba okosa baenɛmɛbi bakobi midjɔ ma okamoa imiboani okosea bato ibahɔɔ Ndjambe, nga enɔli ekada. 23Na bea, ino tomangatanani! Tin'ɛ boo naodjebedjaini misusu boso.»
Odoa ba Mwana ɔ moto
(Mat 24, 29-31; Luk 21, 25-28)
24«Endolo ta maswi mia, ngɔngɔ dja ehole ɛ monɔngɔ, diso la busa limeabi modidi, songe apɛtebi ohuu ba nde, 25ndjɔtɔ bakwabi donga busa, ko ngulu djidi o diko ikumanabi. 26Bea, oenɛbini Mwana ɔ moto adoe ta diko la matute na ngulu enɛnɛ ko na ekumu. 27Alomabi babwɛndi ba nde ta makono manei ma ngondo mbunoko ta makono masusu ma busa tin'ɛ oputoanedja bato ibahɔɔ yo.»
Indjɛ la mole ma figi
(Mat 24, 32-36; Luk 21, 29-33)
28Djebani eleho edii opama na indjɛ la mole ma figi: bitape ba mu bikaɛmbɛ ko kasa dja yanie itɔi, odjebeni bo ehole epele edii mbuti. 29Oko moda mua, ehole enɛbi no boo midjɔ mia mikokedjami, djebani boo odoa ba Mwana ɔ moto bobatami, boimei ta edipako. 30Nabali na nu sooti boo: bato bayangola hee batadimoa basusu boso ba boo midjɔ mia makokedjame. 31Busa na kpɔtɔ lodimoabi, endolo bibaeli ba mbai binɔtebi noko osinɛɛ.
Ndjambe yo buki adjebi ehole ɛ suka
(Hokea koko Mat 24, 36-44)
32«Ta tin'ɛ iswi kaoko ehole, moto omɔti tadjebe, ɛdae babwɛndi ta busa, noko na Mwana endolo Tata yo mɛɛnɛ adjebi.
33Todingani! Pɛpɛ ohwɛni hiɔ, tin'ɛ boo otadjebakani ehole eimeabi iswi dia. 34Edabi oko elengɛɛ moto akɛi ta mwɛngɔ: akini ndako ɛ nde ko api kpati ta mabɔ ma basali ba nde, api moto na moto mosala ma nde ko alomi sindjili ɔ edipako bo abanyee ndako opele. 35Na bea, pɛpɛ ohwɛni, tin'ɛ boo otadjebakani iswi lihulabi moswa ndako: edabi ehole ekina mɔkɔmɔkɔ, kaoko ta ndanda ɛ bulu, kaoko ta kɔkɔ ɔ boso, kaoko sɔɔ. 36Daani na bɔɔ bo asaka okundumodjani ta ehole ehwɛlino hiɔ. 37Midjɔ mii mibali mbai na nu, na mibali na bato basusu boo: Pɛpɛ ohwɛni hiɔ!»
Iliyochaguliwa sasa
MALAKO 13: ngc
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)
MALAKO 13
13
Obedjama ba tepelo
(Hokea koko Mat 24, 1-3; Luk 21, 5-6)
1Oko ena ɔdaka Yesu aimane ta tepelo, omɔti ɔ batingami ba nde abala na nde boo: «Molehi, hokea! Muu mondumba ma ndeke opele nda, bii biyoli binɛnɛnɛ nda!» 2Yesu amosɔmbɛdja boo: «Oeni biyoli bii binɛnɛnɛ? Pɛpɛ mondeke momɔti modikabi mobaki ta diko la mokina; isusu isopeanabi.»
Bimbete ba suka
(Hokea koko Mat 24, 3-14; Luk 21, 7-9)
3Yesu adaa ta ngomba ɛ Olive ɛdaka eyɛlɛni na tepelo. Piɛlɛ, Djake, Yoani na Andele badaka oko ibo na nde ko bamohɔdja boo: 4«Lodjebedja ehole ekɔmɔbi midjɔ mia ko embete ndani einedjabi boo midjɔ mii misusu miboani makɔɔme?» 5Bea, Yesu abanga obala na bu boo: «Tomadingani boo moto omɔti ataokoseani. 6Bato bike badoabi na kombe ɛ mbai ko babalabi boo: “Nadi Masia!” Ko bakoseabi bato bike. 7Ehole eokabi no ngilimo dja bila na gala diko la bila dja ohali, pɛpɛ obangani; eboani boo midjɔ mia makɔɔme, endolo ena editi suka ɛ ngondo. 8Ekomi emɔti eonedjabi ekomi ekina, ko okumu bomɔti bonedjabi okumu bokina; kpɔtɔ ikumanabi ta bikenge ba ngondo bike, okeli bodabi ta ngondo. Edabi elengɛɛ ibange la epeko ɛ ibota. 9Tina ɛ boono tomangatanani, baofundabini ta tibinalo, baobomabini pimbo ta ndako dja miɔngɔnɔ dja Bayuda, osambabini boso ba bagupunɛlɛ na bakumu ibanɛnɛ, edalea tina ɛ boono enɔli ɛ opa tati boso ba bobo. 10Eboani boso mɛɛnɛ Mwako Mopele malehame ta bikomi bisusu ba ngondo. 11Ehole eokababini bo ta okɛɛ nanu ta tibinalo, pɛpɛ osatungeani boso ta tina ɛ eka eboani no obala; endolo balani oko bibaeli bipamabi na nu ta ehole ena, tin'ɛ boo editi ino ibabalabi, endolo Mwembo Mosɛnɔke. 12Mwɛɛngɛ moto akababi mwanango ta ogwa, ko sɛngɛ moto akɔbi oko moda momɔti na mwana ɔ nde; bana batɔmbɔbi na baboti ba bobo ko babakababi ta ogwa. 13Bato basusu baokeabini swɛ ta tin'ɛ kombe ɛ mbai. Endolo ona oikabi molema mbunoko o suka ahelabi.»
Bato banɔngɔbi obuke
(Mat 24, 15-28; Luk 21, 20-24)
14«Ta ehole enɛbi no ona obeaka bo “Mbeedji ɔ manene”: bamodedjai ta esika edii yo pɛpɛ oboana bo adae. – Yɛɛ molangi adjebe! – Na bea, ibadabi ta Yuda batie ta ngomba; 15moto odabi osokolu awetebi ingea atomba leka lodii ta ndako; 16ko ona odabi ta gue asɔmbɛtebi ta ndako atomba mokoto ma nde. 17Ndjokwa ndani tina ɛ bali badabi na meemi na bii banungeabi bana ta maswi mia! 18Ongɔɔnɔni Ndjambe bɛngɛ boo midjɔ mia mitadoa ta ehole ɛ piɔ epipo. 19Tin'ɛ boo, ta maswi mia, ndjokwa enɛnɛ ɛ moda mua ɛipaka enɛmɛ boso donga ibange la ngondo ehole ɛyoa Ndjambe leka losusu, mbunoko hadɛdi, ko ekina ɛ mondumba mua edɛtebi koko. 20Emiti daa boo Kumu akuhedjae ehole ena ɛ saya, pɛpɛ noko moto omɔti ohelabi. Endolo akuhedja maswi mia tin'ɛ bato ba nde ibahɔɔ yo.
21Ekadaa moto akabala nanu boo: “Hokea, Masia adii haa!” kaoko boo: “Hokea adii anaho!”, pɛpɛ omodhimeani. 22Tin'ɛ boo bamasia ba okosa na batɛli ba okosa baenɛmɛbi bakobi midjɔ ma okamoa imiboani okosea bato ibahɔɔ Ndjambe, nga enɔli ekada. 23Na bea, ino tomangatanani! Tin'ɛ boo naodjebedjaini misusu boso.»
Odoa ba Mwana ɔ moto
(Mat 24, 29-31; Luk 21, 25-28)
24«Endolo ta maswi mia, ngɔngɔ dja ehole ɛ monɔngɔ, diso la busa limeabi modidi, songe apɛtebi ohuu ba nde, 25ndjɔtɔ bakwabi donga busa, ko ngulu djidi o diko ikumanabi. 26Bea, oenɛbini Mwana ɔ moto adoe ta diko la matute na ngulu enɛnɛ ko na ekumu. 27Alomabi babwɛndi ba nde ta makono manei ma ngondo mbunoko ta makono masusu ma busa tin'ɛ oputoanedja bato ibahɔɔ yo.»
Indjɛ la mole ma figi
(Mat 24, 32-36; Luk 21, 29-33)
28Djebani eleho edii opama na indjɛ la mole ma figi: bitape ba mu bikaɛmbɛ ko kasa dja yanie itɔi, odjebeni bo ehole epele edii mbuti. 29Oko moda mua, ehole enɛbi no boo midjɔ mia mikokedjami, djebani boo odoa ba Mwana ɔ moto bobatami, boimei ta edipako. 30Nabali na nu sooti boo: bato bayangola hee batadimoa basusu boso ba boo midjɔ mia makokedjame. 31Busa na kpɔtɔ lodimoabi, endolo bibaeli ba mbai binɔtebi noko osinɛɛ.
Ndjambe yo buki adjebi ehole ɛ suka
(Hokea koko Mat 24, 36-44)
32«Ta tin'ɛ iswi kaoko ehole, moto omɔti tadjebe, ɛdae babwɛndi ta busa, noko na Mwana endolo Tata yo mɛɛnɛ adjebi.
33Todingani! Pɛpɛ ohwɛni hiɔ, tin'ɛ boo otadjebakani ehole eimeabi iswi dia. 34Edabi oko elengɛɛ moto akɛi ta mwɛngɔ: akini ndako ɛ nde ko api kpati ta mabɔ ma basali ba nde, api moto na moto mosala ma nde ko alomi sindjili ɔ edipako bo abanyee ndako opele. 35Na bea, pɛpɛ ohwɛni, tin'ɛ boo otadjebakani iswi lihulabi moswa ndako: edabi ehole ekina mɔkɔmɔkɔ, kaoko ta ndanda ɛ bulu, kaoko ta kɔkɔ ɔ boso, kaoko sɔɔ. 36Daani na bɔɔ bo asaka okundumodjani ta ehole ehwɛlino hiɔ. 37Midjɔ mii mibali mbai na nu, na mibali na bato basusu boo: Pɛpɛ ohwɛni hiɔ!»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)