MATIE Eingeli
Eingeli
Lotanealea odii Matie midjɔ ma tina ma Mwako Mopele imakimana Malako:
Eleho ɛ Yoane Mobatisi (3, 1-12).
Oinama na omekama ba Yesu (3, 13-4, 11).
Misala ma Yesu ta Galilai: oleha, olaka bimumu na oheledja bato ba bipeko (4, 12-18, 35).
Mwɛngɔ ta dɔngɔ la Yelusalɛmɛ (19-20).
Oho Yesu akɔɔ maswi makɛkɛ imasukea na etumbu, na ogwa, na opusoa ko na oenɛmɛ ba nde mbala djike (21-28).
Ta ibange la buku (1-2) Matie akoma boso diko la mbota, obotama na obwɛngɛ ba Yesu. Okimana na Mwako Mopele ma nde, aenɛmɛdjaka boo: Yesu adii Kumu na moheledja ona ɔbunedjama, na koko boo Emanuɛlɛ (Ndjambe engbanga na su), edii na ndjia ɛ nde Ndjambe akokedja mbuno ɛpa yo ta Edhimaneli Eeyou.
Mwako Mopele moda imakoma Matie motikoani na bakomi bakina tina ɛ boo aputoanedja bileho ba Yesu na bikenge binɛnɛ bitano:
1) «Eleho ta diko la ngomba» (5-7), ena ɛbalaka diko la basɔmi ba yanie ibaboani na «Okumu ba diko».
2) Bileho odii bato ibaboani otɔndɔɔ Okumu bua (10).
3) Mbombi ɛ Okumu, ena ɛinedjama na mandjɛ saambo: Okumu bua bodii hadɛdi bobombamake, endolo elonga ɛ bu edabi enɛnɛ (13).
4) Moda ma ohelama ta Okumu bua (18).
5) Moda ma oomba elonga ɛ suka ɛ Okumu bua (24-25).
Bea ta Mwako Mopele imakoma Matie, Yesu aenɛmɛ elɛngɛɛ Molehi ona odoa aemea ngondo ɛ yanie ɛ Okumu ba diko ko adoa na eleho odii ibaingiabi bɛngɛ bapɛ tati odii bato bakina.
Iliyochaguliwa sasa
MATIE Eingeli: ngc
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)