Matta 3
3
Giz ma tə Yahwana mə ɗal batem
(Markus 1:1-8; Luka 3:1-18; Yahwana 1:19-28)
1Əŋ pis ta mba, Yahwana mə ɗal batem a təɗaha, a mar ley giz ma tə Bizlaf əŋ təp damu tə Yahudiya. 2A zla: «Hi buw nja təheni iyi, məŋgəvday Bay tə wuzlaf kəkərəɗaha kwata#3:2 Matta 4:17; Markus 1:15.!» 3Yahwana seh, ar hedi, Esaya, hedi mə giz ma abə miya tə Bizlaf mə zlap tə a mbiŋ, a zla:
«Ar wula tə hedi mə ja tə əŋ təp damu, a zla:
“Hi ɗiyaŋ kataf tə Bay Bayta,
hi ɗiyaŋ kataf iyi lawlaw delele#3:3 Esaya 40:3..”»
4Yahwana a ndək rukut seh, maja tə abə bujuguɗ tə ŋgelebe, a jaw gaŋ abə huntiɗ tə bukula. A zəm seh, wayak iyi abə mbəza tə ɓəɓam tə damu. 5Hedi tə Urusalima iyi abə hedi tə əŋ hayak tə Yahudiya iyi fuk liŋ hedi tə əŋ hayak tə meɗek lakwat tə Urdun iyi fuk, i ndaha əŋ kelek ŋga. 6I giz hem tata iyi a ma tə hedi iyi, Yahwana bahayim a ɗalaŋta batem#3:6 Batem Ley baŋ hem. a lakwat tə Urdun.
Ɗaf ma tə Yahwana ley buw nja
(Luka 3:7-9)
7Əŋ Yahwana mə gər Farisa iyi abə Saduki iyi mbeh səku i kəndaha əŋ kelek ŋga amba a ɗalaŋta batem, a zlapaŋta, a zla: «Heni wuziyi tə hursla iyi, mə gizeheni heni reh za a zəm nəf tə Bizlaf mə nda i ndaha seh viyey? 8Hi ɗal kəzəɗ səntaŋ iyi i mə giz heni kəbuw nja təheni cuza. 9Hi mba i wulək əŋ nəf təheni abə ley zlap: “Ibrahima seh, ar dide tə dide tini#3:9 Yahwana 8:33, 37, 39.” səku! Məŋgəvday sa kəzlapaheni, Bizlaf a gula i mbaɗ nvəŋ iyi wa əŋ wuziyi tə Ibrahima iyi! 10Jene mə ɗiyi kwata ley bəl mpay iyi mar a zem iyi ta fuk: kwa mpay iyi vitikey fuk mə mbuw wuziyi səntaŋ iyi səku seh, i bəlta za, i kapta za əŋ kahaw.
11«Sa seh, sa kəɗalaheni batem abə yim amba ley giz heni buw nja təheni. Ama hedi mə nda i ndaha tə abə dawaŋ na, a dayaka abə fagay, a nda i ɗalaheni batem abə Mimiɗ sə Kweɗek liŋ abə kahaw. Sa kəhwas kwa ley pəl serek tə kərap ŋga seh halla. 12Mbiŋ mbə a kəlaŋ abə kwaɗum kə mbeŋ ndəri a ndəra, a nda i wuɗak ndəri abə mbəɗmbəɗ. A nda i kəc ndəri əŋ tebeŋ ŋga, ama mbəɗmbəɗ seh, a nda i varu abə kahaw mə məc səku səlak.»
Batem tə Yesu
(Markus 1:9-11; Luka 3:21-22)
13Abə dawaŋ ta izey, Yesu a ndaha a Galili, a nda əŋ lakwat tə Urdun əŋ kelek Yahwana amba mə ɗalaŋ batem. 14Yahwana kəkuw halla, a zlapaŋgu, a zla: «Sa maa, sa kəmba hwa ɗalaka batem, hwa izey hwa ndaha əŋ kelek na!» 15Ama Yesu a ziŋgeŋ zlap, a zla: «Kuw ley ɗalu mənaŋ mba mənjawa, məŋgəvday sey namu iyi ɗal məsəkəŋ səntaŋ Bizlaf mə ɗəp fuk.»
Ɓa, Yahwana a kuw ley ɗalaŋ batem.
16Əŋ Yesu kəlim batem kwata seh, a təɗaha ŋga əŋ yim. Mbehmbeh mba, lay tə wuzlaf a rəz: a lim Mimiɗ tə Bizlaf a kəbəreŋgehe mənaŋ wanaɗ, a kəndaha a mbiŋ. 17Baha, wula a kəzlimehe a wuzlaf, a kəzlap, a zla: «Wawa, ar Mbu na mamba, sa kəsəsəm a mbiŋ mbeh səku.»
Iliyochaguliwa sasa
Matta 3: xmd
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
