Matta 19
19
Sərək tə Yesu a talaŋ gam wala
(Markus 10:1-12)
1Əŋ Yesu kəcukwaɗ zlap kwata seh, a gar əŋ hayak tə Galili, a nda əŋ hayak tə Yahudiya kəɗi əŋ kəv məzəwindi tə lakwat Urdun. 2Hedi makwas iyi mbeh səku i ziberʉ, ɓa, a mbəlaŋta hedi tata mə dal iyi.
3Farisa dakayta iyi i kərəɗaha əŋ kelek ŋga, məŋgəvday i mba i təlu. I ɗəpu, i zla: «Kataf əŋ hedi ley gam wala ŋga a ma kwa vitikey seh aka vaw?» 4A ziŋgeŋta zlap, a zla: «Heni kəjeŋge ma mawuzlel tə əŋ Ɗerewel tə Bizlaf halla vaw? “Əŋ mar tə məŋhayak, Bizlaf a ləmaha muwul abə wala.” 5Abə dawaŋ ta, a zlap, a zla: “Məŋgəvday a ɗek, hedi a yakaha baba ŋga abə mama ŋga za ley jam abə wala ŋga, tata bək tata iyi i mbaɗ za wucum ntaɗ.” 6Mənaŋ wa, tata hedi iyi bək səku ba, ama wucum ntaɗ. Məŋgəvday a ɗek, hedi mə mba i wuɗak məsəkəŋ Bizlaf mə jam səku.»
7Farisa iyi i ɗəpu, i zla: «Əŋgah mənaŋ mba seh, Musa a vəlaŋta kataf əŋ hedi iyi ley vəl ɗerewel kə gam wala əŋ mbiŋ a kəgam wala ŋga seh, a mey?» 8Yesu a ziŋgeŋta zlap, a zla: «Musa a vəlaheni kataf ley gam wala təheni seh məŋgəvday nəf təheni tawytawy. Ama əŋ mar tə məŋhayak, məsəkəŋ ta kəɗal mənaŋ wa halla. 9Sa kəzlapaheni: Hedi mə gam wala ŋga, əŋgah wala ta kəɗal barlaw halla, hedi ta kəɓətaha wala par za, mbamba seh, kəɓət wucum sifteleh za a palah.»
10Gula ŋga iyi i zlapaŋgu, i zla: «Əŋgah ma tə muwul abə wala a nda i ɗal mənaŋ mba seh, gelɓe ley nja mə tak wala.» 11Yesu a ziŋgeŋta zlap, a zla: «Hedi iyi fuk i gula i kuw ma ta halla, ama sey hedi iyi Bizlaf mə vəlaŋta fagay ley kuw ma ta. 12Hedi məzəwindi iyi mar əŋ mbuwaha tata, wucum tata a kəgar səku, hedi məzəwindi lakway mala iyi, hedi məzəwindi iyi bahayim i dəm wala səku məŋgəvday Bay tə wuzlaf. Hedi mə gula i kuw sərək ta wa seh, mə kuwu!»
Yesu a pireŋta ma əŋ wuziyi mekedek iyi
(Markus 10:13-16; Luka 18:15-17)
13Hedi iyi i daha wuziyi mekedek iyi əŋ Yesu, amba a ɗiyaŋta ndəra a talaŋ, a ɗal mbuh məŋgəvday tata, ama gula ŋga iyi i gwazlakta. 14Əŋ mbamba, Yesu a zlapaŋta, a zla: «Hi yak wuziyi mekedek iyi i mə ndaha əŋ kelek na, hi mba i takta səku, məŋgəvday Bay tə wuzlaf seh, mbə əŋ hedi iyi mənaŋ tata.» 15A ɗiyaŋta ndəra a talaŋ tata, ɓa, a nda ŋga.
Mbu gula tə abə məsəkəŋ
(Markus 10:17-31; Luka 18:18-30)
16Hedi məzəwindi aka, a ndaha əŋ kelek Yesu, ɓa, a ɗəpu, a zla: «Metir, kəzəɗ səntaŋ seh vitikey sa mə nda i ɗalu amba sa lim mədəŋcur mə cukwaɗ səku?» 17Yesu a ziŋgeŋ zlap, a zla: «Hwa ɗəpaka a talaŋ məsəkəŋ səntaŋ seh, məŋgəvday a mey? Ar Bizlaf taataɗ ŋga səntaŋ. Əŋgah hwa kəmba i lim mədəŋcur mə cukwaɗ səku seh, məl ma matak iyi.» 18A ɗəp Yesu, a zla: «Ma matak iyi vitikey?» Yesu a ziŋgeŋ zlap, a zla: «Hwa mba i ja hedi səku, hwa mba i ɓət wucum sifteleh a palah səku, hwa mba i hil səku, hwa mba i bərəsl ma a hedi səku. 19Waŋgaŋta talaŋ əŋ baba təkwa abə mama təkwa, mba məslige təkwa mənaŋ hwa mə mba talaŋ təkwa.» 20Gula sey, a zlapaŋgu, a zla: «Ma matak iyi wa fuk, sa kəwaŋgaŋta talaŋ za, mayakaka ley ɗal wa seh baha mey?» 21Yesu a zlapaŋgu, a zla: «Əŋgah hwa mba i mbaɗ əŋ hedi sə delele seh, nda, ber məsəkəŋ təkwa iyi fuk, vəlaŋta dala ta əŋ məstakwaŋ iyi, abə dawaŋ ta, hwa lim məsəkəŋ za a wuzlaf. Ɓa, hwa ndaha, hwa ziberekʉ.» 22Ama əŋ gula ta mə zlim zlap ta seh, a nda ŋga, kəsəsəm halla, məŋgəvday məsəkəŋ ŋga iyi mbeh səku təday.
23Yesu a zlapaŋta əŋ gula ŋga iyi, a zla: «Sa kəzlapaheni məndiwiŋ, tuwah aka əŋ hedi tə abə məsəkəŋ ley təɗ əŋ Bay tə wuzlaf. 24Məndiwiŋ, sa kəzlapaheni baha, gelɓe əŋ ŋgelebe ley təɗ kəɗi jiɓ tə batal a talaŋ hedi tə abə məsəkəŋ mə nda i təɗ əŋ Bay tə Bizlaf.» 25Əŋ gula ŋga iyi i mə zlim ma ta wa, i kəhar za mbeh səku, i zla: «Kay, əŋgah mənaŋ mba seh, mə nda i reh seh viyey?» 26Yesu a gərta, a zlapaŋta, a zla: «Əŋ hedi iyi seh, a ɗal səku, ama əŋ Bizlaf seh, a ɗal za.»
27Abə dawaŋ ta izey, Piyer a zlapaŋ əŋ Yesu, a zla: «Ehe, nini seh, nini kəyakaha məsəkəŋ tini iyi fuk, nini kəzibereh, mə nda i taŋ tə abə nini seh mey?» 28Yesu a ziŋgeŋta zlap, a zla: «Sa kəzlapaheni məndiwiŋ: Əŋ Mbu tə Hedi mə nda i nja tə əŋ lay kə nja tə bay ŋga səndawl tə əŋ məŋhayak lawayaŋ seh, heni mə zibereke iyi bahayim, heni nja za abə sa əŋ lay kə nja tə bay iyi wam a meɗek bək, məŋgəvday ley mbəzlaŋta ma əŋ ntaŋw tə Israyila iyi wam a meɗek bək. 29Kwa viyey mə yak ge ŋga, abə zliŋgeŋ muwul muwul iyi, wala wala iyi, aka səku baba ŋga, aka səku mama ŋga, aka səku wuziyi ŋga iyi, aka səku lay ŋga məŋgəvday sa seh, a limza za kə ŋgas temere, a lim mədəŋcur mə cukwaɗ səku za bahayim. 30Ama hedi iyi mbeh səku mənjawa titʉz iyi i mbaɗ za əŋ hedi maɗ ma iyi, hedi iyi mbeh səku mənjawa maɗ ma iyi i mbaɗ za əŋ hedi titʉz iyi.»
Iliyochaguliwa sasa
Matta 19: xmd
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Matta 19
19
Sərək tə Yesu a talaŋ gam wala
(Markus 10:1-12)
1Əŋ Yesu kəcukwaɗ zlap kwata seh, a gar əŋ hayak tə Galili, a nda əŋ hayak tə Yahudiya kəɗi əŋ kəv məzəwindi tə lakwat Urdun. 2Hedi makwas iyi mbeh səku i ziberʉ, ɓa, a mbəlaŋta hedi tata mə dal iyi.
3Farisa dakayta iyi i kərəɗaha əŋ kelek ŋga, məŋgəvday i mba i təlu. I ɗəpu, i zla: «Kataf əŋ hedi ley gam wala ŋga a ma kwa vitikey seh aka vaw?» 4A ziŋgeŋta zlap, a zla: «Heni kəjeŋge ma mawuzlel tə əŋ Ɗerewel tə Bizlaf halla vaw? “Əŋ mar tə məŋhayak, Bizlaf a ləmaha muwul abə wala.” 5Abə dawaŋ ta, a zlap, a zla: “Məŋgəvday a ɗek, hedi a yakaha baba ŋga abə mama ŋga za ley jam abə wala ŋga, tata bək tata iyi i mbaɗ za wucum ntaɗ.” 6Mənaŋ wa, tata hedi iyi bək səku ba, ama wucum ntaɗ. Məŋgəvday a ɗek, hedi mə mba i wuɗak məsəkəŋ Bizlaf mə jam səku.»
7Farisa iyi i ɗəpu, i zla: «Əŋgah mənaŋ mba seh, Musa a vəlaŋta kataf əŋ hedi iyi ley vəl ɗerewel kə gam wala əŋ mbiŋ a kəgam wala ŋga seh, a mey?» 8Yesu a ziŋgeŋta zlap, a zla: «Musa a vəlaheni kataf ley gam wala təheni seh məŋgəvday nəf təheni tawytawy. Ama əŋ mar tə məŋhayak, məsəkəŋ ta kəɗal mənaŋ wa halla. 9Sa kəzlapaheni: Hedi mə gam wala ŋga, əŋgah wala ta kəɗal barlaw halla, hedi ta kəɓətaha wala par za, mbamba seh, kəɓət wucum sifteleh za a palah.»
10Gula ŋga iyi i zlapaŋgu, i zla: «Əŋgah ma tə muwul abə wala a nda i ɗal mənaŋ mba seh, gelɓe ley nja mə tak wala.» 11Yesu a ziŋgeŋta zlap, a zla: «Hedi iyi fuk i gula i kuw ma ta halla, ama sey hedi iyi Bizlaf mə vəlaŋta fagay ley kuw ma ta. 12Hedi məzəwindi iyi mar əŋ mbuwaha tata, wucum tata a kəgar səku, hedi məzəwindi lakway mala iyi, hedi məzəwindi iyi bahayim i dəm wala səku məŋgəvday Bay tə wuzlaf. Hedi mə gula i kuw sərək ta wa seh, mə kuwu!»
Yesu a pireŋta ma əŋ wuziyi mekedek iyi
(Markus 10:13-16; Luka 18:15-17)
13Hedi iyi i daha wuziyi mekedek iyi əŋ Yesu, amba a ɗiyaŋta ndəra a talaŋ, a ɗal mbuh məŋgəvday tata, ama gula ŋga iyi i gwazlakta. 14Əŋ mbamba, Yesu a zlapaŋta, a zla: «Hi yak wuziyi mekedek iyi i mə ndaha əŋ kelek na, hi mba i takta səku, məŋgəvday Bay tə wuzlaf seh, mbə əŋ hedi iyi mənaŋ tata.» 15A ɗiyaŋta ndəra a talaŋ tata, ɓa, a nda ŋga.
Mbu gula tə abə məsəkəŋ
(Markus 10:17-31; Luka 18:18-30)
16Hedi məzəwindi aka, a ndaha əŋ kelek Yesu, ɓa, a ɗəpu, a zla: «Metir, kəzəɗ səntaŋ seh vitikey sa mə nda i ɗalu amba sa lim mədəŋcur mə cukwaɗ səku?» 17Yesu a ziŋgeŋ zlap, a zla: «Hwa ɗəpaka a talaŋ məsəkəŋ səntaŋ seh, məŋgəvday a mey? Ar Bizlaf taataɗ ŋga səntaŋ. Əŋgah hwa kəmba i lim mədəŋcur mə cukwaɗ səku seh, məl ma matak iyi.» 18A ɗəp Yesu, a zla: «Ma matak iyi vitikey?» Yesu a ziŋgeŋ zlap, a zla: «Hwa mba i ja hedi səku, hwa mba i ɓət wucum sifteleh a palah səku, hwa mba i hil səku, hwa mba i bərəsl ma a hedi səku. 19Waŋgaŋta talaŋ əŋ baba təkwa abə mama təkwa, mba məslige təkwa mənaŋ hwa mə mba talaŋ təkwa.» 20Gula sey, a zlapaŋgu, a zla: «Ma matak iyi wa fuk, sa kəwaŋgaŋta talaŋ za, mayakaka ley ɗal wa seh baha mey?» 21Yesu a zlapaŋgu, a zla: «Əŋgah hwa mba i mbaɗ əŋ hedi sə delele seh, nda, ber məsəkəŋ təkwa iyi fuk, vəlaŋta dala ta əŋ məstakwaŋ iyi, abə dawaŋ ta, hwa lim məsəkəŋ za a wuzlaf. Ɓa, hwa ndaha, hwa ziberekʉ.» 22Ama əŋ gula ta mə zlim zlap ta seh, a nda ŋga, kəsəsəm halla, məŋgəvday məsəkəŋ ŋga iyi mbeh səku təday.
23Yesu a zlapaŋta əŋ gula ŋga iyi, a zla: «Sa kəzlapaheni məndiwiŋ, tuwah aka əŋ hedi tə abə məsəkəŋ ley təɗ əŋ Bay tə wuzlaf. 24Məndiwiŋ, sa kəzlapaheni baha, gelɓe əŋ ŋgelebe ley təɗ kəɗi jiɓ tə batal a talaŋ hedi tə abə məsəkəŋ mə nda i təɗ əŋ Bay tə Bizlaf.» 25Əŋ gula ŋga iyi i mə zlim ma ta wa, i kəhar za mbeh səku, i zla: «Kay, əŋgah mənaŋ mba seh, mə nda i reh seh viyey?» 26Yesu a gərta, a zlapaŋta, a zla: «Əŋ hedi iyi seh, a ɗal səku, ama əŋ Bizlaf seh, a ɗal za.»
27Abə dawaŋ ta izey, Piyer a zlapaŋ əŋ Yesu, a zla: «Ehe, nini seh, nini kəyakaha məsəkəŋ tini iyi fuk, nini kəzibereh, mə nda i taŋ tə abə nini seh mey?» 28Yesu a ziŋgeŋta zlap, a zla: «Sa kəzlapaheni məndiwiŋ: Əŋ Mbu tə Hedi mə nda i nja tə əŋ lay kə nja tə bay ŋga səndawl tə əŋ məŋhayak lawayaŋ seh, heni mə zibereke iyi bahayim, heni nja za abə sa əŋ lay kə nja tə bay iyi wam a meɗek bək, məŋgəvday ley mbəzlaŋta ma əŋ ntaŋw tə Israyila iyi wam a meɗek bək. 29Kwa viyey mə yak ge ŋga, abə zliŋgeŋ muwul muwul iyi, wala wala iyi, aka səku baba ŋga, aka səku mama ŋga, aka səku wuziyi ŋga iyi, aka səku lay ŋga məŋgəvday sa seh, a limza za kə ŋgas temere, a lim mədəŋcur mə cukwaɗ səku za bahayim. 30Ama hedi iyi mbeh səku mənjawa titʉz iyi i mbaɗ za əŋ hedi maɗ ma iyi, hedi iyi mbeh səku mənjawa maɗ ma iyi i mbaɗ za əŋ hedi titʉz iyi.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia