Matta 18
18
Pay səndawl seh viyey?
(Markus 9:33-37; Luka 9:46-48)
1Əŋ hala ta mba, gula tə Yesu iyi i kərəɗaha əŋ kelek ŋga, i ɗəpu, i zla: «Pay səndawl əŋ Bay tə wuzlaf seh, viyey?» 2Yesu a ɗafaŋ ma əŋ mbu mekedek, a garu əŋ faŋw tata. 3Ɓa, a zlap, a zla: «Sa kəzlapaheni məndiwiŋ: əŋgah heni kəmbaɗ mənaŋ wuziyi mekedek iyi wa halla seh, hi təɗ əŋ Bay tə wuzlaf halla. 4Məŋgəvday a ɗek, hedi mə ziŋgehe talaŋ ŋga əŋ mekedek mənaŋ mbu wa, mbiŋ pay səndawl əŋ Bay tə wuzlaf. 5Hedi mə kuw mbu mənaŋ mbu wa məŋgəvday miya na, a kuw seh, sa.»
Hi sla wucum a məsəkəŋ mə nda i ndəv zliŋgeh təheni iyi əŋ hem
(Markus 9:42-48; Luka 17:1-2)
6«Hedi mə bim hedi ntaɗ mekedek tə əŋ faŋw tə hedi mə kuw ma na iyi ley ɗal hem seh, gelɓe əŋ mbiŋ i mə jawaŋ nvəŋ səndawl əŋ wula, i mə nahaw əŋ ndaŋw tə talafay. 7Tuwah əŋ hedi tə əŋ məŋhayak iyi wa aka, məŋgəvday məsəkəŋ mə bim hedi iyi ley ɗal hem aka, məndiwiŋ, sey məsəkəŋ mə bim hedi iyi ta a nja əŋ məŋhayak. Ama tuwah a talaŋ hedi mə nda i bim hedi iyi ley ɗal hem ta. 8Əŋgah ndəra təkwa, aka səku ŋgas təkwa a kədeɓeh əŋ hem seh, rəslta, kapta guduk abə hwa. Gelɓe hwa mə lim mədəŋcur mə cukwaɗ səku abə ndəra ntaɗ, aka səku abə ŋgas təkwa ntaɗ, a talaŋ hwa mə nda i təɗ əŋ kahaw mə cukwaɗ səku abə ndəra təkwa iyi bək tata, aka səku abə ŋgas təkwa bək tata iyi. 9Əŋgah nje təkwa a kədeɓeh ley ɗal hem, kʉslek nje ta, nahaw guduk abə hwa. Gelɓe hwa mə lim mədəŋcur mə cukwaɗ səku abə nje təkwa ntaɗ, a talaŋ hwa mə nda i təɗ əŋ kahaw mə cukwaɗ səku səlak abə nje təkwa bək tata iyi.»
Ma marərək a talaŋ ntek makuɗəp
(Luka 15:3-7)
10«Hi jaŋ talaŋ təheni, məŋgəvday hi mba i geŋgir hedi ntaɗ əŋ faŋw tə hedi mekedek iyi wa səku. Məndiwiŋ, sa kəzlapaheni, mələɓ tə Bizlaf tata iyi i mbə a kelek Baba na tə wuzlaf a pis ta a pis ta. 11[Məŋgəvday Mbu tə Hedi seh a ndaha ley reh hedi makuɗəp iyi#18:11 Luka 19:10..]»
12«Hi wulək a ma wa seh viŋgey? Əŋgah hedi abə ntek iyi temere, ntaɗ əŋ faŋw tata a kuɗəp, a yak ntek iyi ndəra cafaɗ a meɗek cafaɗ dakayta iyi a wuzum, ley nda i pələkaha makuɗəp iyi wa seh halla vaw? 13Məndiwiŋ, sa kəzlapaheni, əŋgah kəlimehew za, a səsəm za mbeh səku a ntek ntaɗ mba, pay day a ndəra cafaɗ a meɗek cafaɗ mə tak kuɗəp iyi mba. 14Mənaŋ mba bahayim, Baba təheni tə wuzlaf a kəmba hedi ntaɗ tə əŋ faŋw tə hedi mekedek iyi mba, a kuɗəp səku.»
Əŋgah zliŋgeh a ɗalah məsəkəŋ madawar
15«Əŋgah zliŋgeh kəɗalah məsəkəŋ madawar za seh, nda əŋ kelek ŋga, gizeŋ hem ŋga ta, heni bək bək ka. Əŋgah kəzlimeh zləm za, hwa kəziŋgehe zliŋgeh za əŋ kataf səntaŋ. 16Ama əŋgah a kəmba i zlimeh zləm səku seh, nda əŋ kelek ŋga abə hedi ntaɗ, aka səku abə hedi iyi bək, amba mənaŋ ma mawuzlel mə zlap, ma kwa vitikey fuk ley səŋ ma ta kəɗiy za seh, sey abə sedewe tə hedi iyi bək, aka səku maakaɗ. 17Ama əŋgah a kəmba i zlimeŋta ma səku seh, giz ma ta əŋ jam talaŋ tə hedi makuw ma iyi. Əŋgah kəzlimeŋta ma tə hedi tə əŋ jam talaŋ tə hedi makuw ma iyi halla seh, heni gəru mənaŋ hedi mə səŋ Bizlaf səku, aka səku mənaŋ hedi mə cakal budu.»
18«Sa kəzlapaheni məndiwiŋ: kwa ma heni mə jaw tə əŋ məŋhayak, mə jewi a wuzlaf bahayim. Kwa ma heni mə pəl tə əŋ məŋhayak, mə pili a wuzlaf bahayim#18:18 Yahwana 20:23.. 19Məndiwiŋ, sa kəzlapaheni baha: Əŋgah hedi iyi bək əŋ faŋw təheni, i kəjaw ma za əŋ məŋhayak ley ɗəp kwa mey abə ley ɗal mbuh seh, Baba na tə wuzlaf a vəlaŋta məsəkəŋ ta za. 20Məŋgəvday əŋ lay hedi iyi bək, aka səku hedi iyi maakaɗ i kəjam za abə miya na seh, sa mbə əŋ faŋw tata.»
Ma marərək a talaŋ hedi mə ɗal kəzəɗ mə səŋ nje həhər səku
21Abə dawaŋ ta, Piyer a kərəɗaha əŋ kelek Yesu, a ɗəpu, a zla: «Bay Bayta, əŋgah zliŋmana a kəziber ley ɗalaka məsəkəŋ madawar seh, sa nda i yakaŋ hem ŋga, ha ŋgas veney? Ha ŋgas dʉsəlʉɗ vaw?» 22Yesu a ziŋgeŋ zlap, a zla: «Kay! Ŋgas dʉsəlʉɗ səku, ama ndəra dʉsəlʉɗ ha ŋgas dʉsəlʉɗ. 23Ehe, Bay wuzlaf seh mənaŋ wa, bay məzəwindi aka, mə mba i ɗəp lisafi tə məsəkəŋ ŋga iyi a ndəra hedi ŋga mə ɗalaŋ kəzəɗ ŋga iyi. 24Əŋ mbiŋ a kəmar ley ɗal kəzəɗ ta, i dahaŋ hedi mbiŋ mə ziberʉ abə dala mbeh səku. 25Hedi ta məsəkəŋ ŋga ley min duwa ta halla. Bay ŋga ta, a zlapaŋta ley berʉ mənaŋ məva, mbiŋ abə wala ŋga, abə wuziyi ŋga iyi liŋ abə məsəkəŋ ŋga iyi fuk amba ley min duwa ŋga ta. 26Hedi mə ɗal kəzəɗ ta, a dar malakw a ma tə bay ŋga ta, ɓa, a zlapaŋgu, a zla: “A mbuh bay na, dak nəf məŋgəvday sa, sa minehza za fuk.” 27Bay ŋga ta, a səŋgaŋ nje həhər, a yakaŋ duwa ŋga ta fuk, ɓa, a yakza ley nda ŋga. 28Əŋ hedi mə ɗal kəzəɗ ta a kətəɗaha, a gbam talaŋ abə hedi par tata i mə ɗal kəzəɗ lalaŋ, mbiŋ mə ziberza abə dala mbizek. A məlu əŋ wula, a kəɓəɓətu, ɓa, a zlapaŋgu, a zla: “Mineke duwa na.” 29Hedi, tata i mə ɗal kəzəɗ lalaŋ ta, a dar malakw a ma ŋga, a ɗalaŋ mbuh, a zla: “Dak nəf, məŋgəvday sa, sa minehza za.” 30Ama hedi ta a kuw ley yakza səku, deɓ, a deɓza əŋ daŋgay ha mbiŋ mə mineŋ duwa ŋga ta. 31Əŋ hedi dakayta tata iyi i mə ɗal kəzəɗ lalaŋ i mə gər məsəkəŋ mə taŋ ta seh, məsəkəŋ ta kəjaŋta wucum za mbeh səku, i nda i gizeŋ məsəkəŋ mə taŋ iyi ta fuk əŋ bay tata. 32Əŋ hala ta mba, bay a ɗafaŋ ma əŋ hedi mə ɗal kəzəɗ ta, a zlapaŋgu, a zla: “Hwa, hedi mə ɗal kəzəɗ madawar, sa kəyakah duwa təkwa za fuk, məŋgəvday hwa mə ɗalaka mbuh. 33Hwa bahayim, hwa gula i səŋgaŋ nje həhər a hedi heni mə ɗal kəzəɗ lalaŋ mənaŋ sa mə səŋgah nje həhər wa səku vaw?” 34Bay ŋga ta, nəf ŋga kədəm mbeh səku, ɓa, a deɓʉ əŋ ndəra hedi mə vəl kəzəɗ tə abə tak wula iyi ha əŋ mbiŋ mə mineŋ duwa ŋga ta za fuk.»
35Abə dawaŋ ta, Yesu a zlap baha, a zla: «Baba na tə wuzlaf a nda i ɗalaheni mənaŋ mba bahayim, əŋgah kwa viyey əŋ faŋw təheni kəyakaŋ hem tə zliŋgeŋ abə nəf ntaɗ halla.»
Iliyochaguliwa sasa
Matta 18: xmd
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Matta 18
18
Pay səndawl seh viyey?
(Markus 9:33-37; Luka 9:46-48)
1Əŋ hala ta mba, gula tə Yesu iyi i kərəɗaha əŋ kelek ŋga, i ɗəpu, i zla: «Pay səndawl əŋ Bay tə wuzlaf seh, viyey?» 2Yesu a ɗafaŋ ma əŋ mbu mekedek, a garu əŋ faŋw tata. 3Ɓa, a zlap, a zla: «Sa kəzlapaheni məndiwiŋ: əŋgah heni kəmbaɗ mənaŋ wuziyi mekedek iyi wa halla seh, hi təɗ əŋ Bay tə wuzlaf halla. 4Məŋgəvday a ɗek, hedi mə ziŋgehe talaŋ ŋga əŋ mekedek mənaŋ mbu wa, mbiŋ pay səndawl əŋ Bay tə wuzlaf. 5Hedi mə kuw mbu mənaŋ mbu wa məŋgəvday miya na, a kuw seh, sa.»
Hi sla wucum a məsəkəŋ mə nda i ndəv zliŋgeh təheni iyi əŋ hem
(Markus 9:42-48; Luka 17:1-2)
6«Hedi mə bim hedi ntaɗ mekedek tə əŋ faŋw tə hedi mə kuw ma na iyi ley ɗal hem seh, gelɓe əŋ mbiŋ i mə jawaŋ nvəŋ səndawl əŋ wula, i mə nahaw əŋ ndaŋw tə talafay. 7Tuwah əŋ hedi tə əŋ məŋhayak iyi wa aka, məŋgəvday məsəkəŋ mə bim hedi iyi ley ɗal hem aka, məndiwiŋ, sey məsəkəŋ mə bim hedi iyi ta a nja əŋ məŋhayak. Ama tuwah a talaŋ hedi mə nda i bim hedi iyi ley ɗal hem ta. 8Əŋgah ndəra təkwa, aka səku ŋgas təkwa a kədeɓeh əŋ hem seh, rəslta, kapta guduk abə hwa. Gelɓe hwa mə lim mədəŋcur mə cukwaɗ səku abə ndəra ntaɗ, aka səku abə ŋgas təkwa ntaɗ, a talaŋ hwa mə nda i təɗ əŋ kahaw mə cukwaɗ səku abə ndəra təkwa iyi bək tata, aka səku abə ŋgas təkwa bək tata iyi. 9Əŋgah nje təkwa a kədeɓeh ley ɗal hem, kʉslek nje ta, nahaw guduk abə hwa. Gelɓe hwa mə lim mədəŋcur mə cukwaɗ səku abə nje təkwa ntaɗ, a talaŋ hwa mə nda i təɗ əŋ kahaw mə cukwaɗ səku səlak abə nje təkwa bək tata iyi.»
Ma marərək a talaŋ ntek makuɗəp
(Luka 15:3-7)
10«Hi jaŋ talaŋ təheni, məŋgəvday hi mba i geŋgir hedi ntaɗ əŋ faŋw tə hedi mekedek iyi wa səku. Məndiwiŋ, sa kəzlapaheni, mələɓ tə Bizlaf tata iyi i mbə a kelek Baba na tə wuzlaf a pis ta a pis ta. 11[Məŋgəvday Mbu tə Hedi seh a ndaha ley reh hedi makuɗəp iyi#18:11 Luka 19:10..]»
12«Hi wulək a ma wa seh viŋgey? Əŋgah hedi abə ntek iyi temere, ntaɗ əŋ faŋw tata a kuɗəp, a yak ntek iyi ndəra cafaɗ a meɗek cafaɗ dakayta iyi a wuzum, ley nda i pələkaha makuɗəp iyi wa seh halla vaw? 13Məndiwiŋ, sa kəzlapaheni, əŋgah kəlimehew za, a səsəm za mbeh səku a ntek ntaɗ mba, pay day a ndəra cafaɗ a meɗek cafaɗ mə tak kuɗəp iyi mba. 14Mənaŋ mba bahayim, Baba təheni tə wuzlaf a kəmba hedi ntaɗ tə əŋ faŋw tə hedi mekedek iyi mba, a kuɗəp səku.»
Əŋgah zliŋgeh a ɗalah məsəkəŋ madawar
15«Əŋgah zliŋgeh kəɗalah məsəkəŋ madawar za seh, nda əŋ kelek ŋga, gizeŋ hem ŋga ta, heni bək bək ka. Əŋgah kəzlimeh zləm za, hwa kəziŋgehe zliŋgeh za əŋ kataf səntaŋ. 16Ama əŋgah a kəmba i zlimeh zləm səku seh, nda əŋ kelek ŋga abə hedi ntaɗ, aka səku abə hedi iyi bək, amba mənaŋ ma mawuzlel mə zlap, ma kwa vitikey fuk ley səŋ ma ta kəɗiy za seh, sey abə sedewe tə hedi iyi bək, aka səku maakaɗ. 17Ama əŋgah a kəmba i zlimeŋta ma səku seh, giz ma ta əŋ jam talaŋ tə hedi makuw ma iyi. Əŋgah kəzlimeŋta ma tə hedi tə əŋ jam talaŋ tə hedi makuw ma iyi halla seh, heni gəru mənaŋ hedi mə səŋ Bizlaf səku, aka səku mənaŋ hedi mə cakal budu.»
18«Sa kəzlapaheni məndiwiŋ: kwa ma heni mə jaw tə əŋ məŋhayak, mə jewi a wuzlaf bahayim. Kwa ma heni mə pəl tə əŋ məŋhayak, mə pili a wuzlaf bahayim#18:18 Yahwana 20:23.. 19Məndiwiŋ, sa kəzlapaheni baha: Əŋgah hedi iyi bək əŋ faŋw təheni, i kəjaw ma za əŋ məŋhayak ley ɗəp kwa mey abə ley ɗal mbuh seh, Baba na tə wuzlaf a vəlaŋta məsəkəŋ ta za. 20Məŋgəvday əŋ lay hedi iyi bək, aka səku hedi iyi maakaɗ i kəjam za abə miya na seh, sa mbə əŋ faŋw tata.»
Ma marərək a talaŋ hedi mə ɗal kəzəɗ mə səŋ nje həhər səku
21Abə dawaŋ ta, Piyer a kərəɗaha əŋ kelek Yesu, a ɗəpu, a zla: «Bay Bayta, əŋgah zliŋmana a kəziber ley ɗalaka məsəkəŋ madawar seh, sa nda i yakaŋ hem ŋga, ha ŋgas veney? Ha ŋgas dʉsəlʉɗ vaw?» 22Yesu a ziŋgeŋ zlap, a zla: «Kay! Ŋgas dʉsəlʉɗ səku, ama ndəra dʉsəlʉɗ ha ŋgas dʉsəlʉɗ. 23Ehe, Bay wuzlaf seh mənaŋ wa, bay məzəwindi aka, mə mba i ɗəp lisafi tə məsəkəŋ ŋga iyi a ndəra hedi ŋga mə ɗalaŋ kəzəɗ ŋga iyi. 24Əŋ mbiŋ a kəmar ley ɗal kəzəɗ ta, i dahaŋ hedi mbiŋ mə ziberʉ abə dala mbeh səku. 25Hedi ta məsəkəŋ ŋga ley min duwa ta halla. Bay ŋga ta, a zlapaŋta ley berʉ mənaŋ məva, mbiŋ abə wala ŋga, abə wuziyi ŋga iyi liŋ abə məsəkəŋ ŋga iyi fuk amba ley min duwa ŋga ta. 26Hedi mə ɗal kəzəɗ ta, a dar malakw a ma tə bay ŋga ta, ɓa, a zlapaŋgu, a zla: “A mbuh bay na, dak nəf məŋgəvday sa, sa minehza za fuk.” 27Bay ŋga ta, a səŋgaŋ nje həhər, a yakaŋ duwa ŋga ta fuk, ɓa, a yakza ley nda ŋga. 28Əŋ hedi mə ɗal kəzəɗ ta a kətəɗaha, a gbam talaŋ abə hedi par tata i mə ɗal kəzəɗ lalaŋ, mbiŋ mə ziberza abə dala mbizek. A məlu əŋ wula, a kəɓəɓətu, ɓa, a zlapaŋgu, a zla: “Mineke duwa na.” 29Hedi, tata i mə ɗal kəzəɗ lalaŋ ta, a dar malakw a ma ŋga, a ɗalaŋ mbuh, a zla: “Dak nəf, məŋgəvday sa, sa minehza za.” 30Ama hedi ta a kuw ley yakza səku, deɓ, a deɓza əŋ daŋgay ha mbiŋ mə mineŋ duwa ŋga ta. 31Əŋ hedi dakayta tata iyi i mə ɗal kəzəɗ lalaŋ i mə gər məsəkəŋ mə taŋ ta seh, məsəkəŋ ta kəjaŋta wucum za mbeh səku, i nda i gizeŋ məsəkəŋ mə taŋ iyi ta fuk əŋ bay tata. 32Əŋ hala ta mba, bay a ɗafaŋ ma əŋ hedi mə ɗal kəzəɗ ta, a zlapaŋgu, a zla: “Hwa, hedi mə ɗal kəzəɗ madawar, sa kəyakah duwa təkwa za fuk, məŋgəvday hwa mə ɗalaka mbuh. 33Hwa bahayim, hwa gula i səŋgaŋ nje həhər a hedi heni mə ɗal kəzəɗ lalaŋ mənaŋ sa mə səŋgah nje həhər wa səku vaw?” 34Bay ŋga ta, nəf ŋga kədəm mbeh səku, ɓa, a deɓʉ əŋ ndəra hedi mə vəl kəzəɗ tə abə tak wula iyi ha əŋ mbiŋ mə mineŋ duwa ŋga ta za fuk.»
35Abə dawaŋ ta, Yesu a zlap baha, a zla: «Baba na tə wuzlaf a nda i ɗalaheni mənaŋ mba bahayim, əŋgah kwa viyey əŋ faŋw təheni kəyakaŋ hem tə zliŋgeŋ abə nəf ntaɗ halla.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia