Yahwana 2
2
Nda a wata dəma a hayak Kana
1A wan mahkaɗ a diwzha tə, nda a wata dəma aka a hayak ma dzamadzam Kana, ma ndza a hayak Galili. Mana ataa Yesu a tsutsa. 2Aa tayaha Yesu abə magəli tə aagi yəm a gwaygwaya nda a wata dəma watsa. 3Mbara a tsutsa, ndə mavə a ɗa kəɗaŋ ya, mana Yesu zlap a zlapanə, iŋgaya: «Mavə kəɗaŋ ara təmta,» iy. 4Ama Yesu zhin a zhinanə, iŋgaya: «Mana, hwa ɗiw ma ma ndza ara sa veme? Ler naka tanaka a ndaha səku.» 5Mbara azha mamən zlap a zlapatana a həji ma ɗal zlən aagi, i təmta iŋgaya: «Huni ɗal səkən ndə a kaazlapahuni a ɗal tiwtiw.» 6A tsutsa, Yahuda aagi taꞌunɓa bay bay ɗawər ŋkəɗaŋ ta aagi ka ŋkwah, aska njin kwakus ta ban dadawər ta aagi, a ɗawər ŋtaguleŋ a za letir teemeri a meɗeɗe. 7Yesu zlap a zlapatana a maɗal zlən aagi iŋgaya: «Huni mkpef ɗawər watsə aagi ka abə yəm,» iy. Mkpef aa mkpef ka pik abə ma tə. 8Yesu zlap a zlapatana, iŋgaya: «Anawatsə huni ɗə, huni jaɓanə a madagal ma ndza aha wəda,» iy. Jaɓ aa jaɓanə. 9Azha ndə a zlənzə, yəm tabəw tə a mavə. A kasən a ndaha ana mavə watsa a vatəy səku, ama həji ma ɗaha yəm aagi kasənə. Dəba a ayaha mawəl dəma. 10Azha, zlap a zlapanə, iŋgaya: «Manahayak a diw a vəla mavə ma ŋtan bəza, a diwzha tə, ndə mayahaya aagi sə ndar, dəba həji aɗatana ma lermaler. Ama, aŋkwa ya, hwa ɓah mavə ma yats aka a gwar anawatsə.»
11Tsakwa ikwa andza watsə abə Yesu a diw səkən tsaɓan tə aagi, a hayak ma dzamadzam Kana ma ndza a hayak a Galili. A ghal dagal sləf tə ikwa, magəli tə aagi taɗalanə awa. 12A diwzha tə, aa tsaa kanda ta a Kafarnahum abə tiw mamən, zliŋgin aagi abə magəli tə aagi. Aa tawan dagala a tsutsa akas.
Yesu a jak kwakus
(Mat 21.12-17; Mrk 11.15-17; Luk 19.45-46)
13Gwaygwaya Yahuda aagi ndə həji kayə Paska slaɓ, Yesu taf a taf a hayak ma dzamadzam Wərusalima. 14A jak kwakus watsa, a gəra həji ma kaber zli, ŋcimi abə ꞌwanan aagi. A gəra həji ma mbaɗ dala aagi a tsutsa wəruk, ata la ndza ta. 15Mbara azha, Yesu ꞌurəm i lakwatəy abə mbərlə, dəba a agamata aara a jak kwakus abə ŋcimi ta aagi, zli ta aagi. Kwaceɗ a kwaceɗatana dala dala ta aagi ka ata hayak, təhsələm a dzəɓatana la ndza ta aagi ka. 16Zlap a zlapatana a maber ꞌwanan aagi, iŋgaya: «Huni jizaka səkən watsə aagi a bəza tiwtiw a ɗi! Huni ɗiw a bəw jak Vana ka a jak ta ber səkən səku!» 17A ndatana a ha a magəli tə aagi ana ma ma ŋtiraya: Bizlaf, may naka ma ndza aska jak kwa a varaka a ꞌunəf naka andza kwahu. 18Azha magulakwakw Yahuda aagi ɗiw aa ɗiwzə, aagi iŋgaya: «Abə shiŋ mbaɗ tə veme, ndə hwa kaaɗalani aska ni sən ka, hwa abə təf a ɗalə ikwa,» aagiy. 19Yesu zlap a zlapatana, iŋgaya: «Huni ghurəm jak kwakus watsə ka, wan mahkaɗ, sa azhin a zhin ka ata la tə!» iy. 20Zlap Yahuda aagi zlapanə, aagi iŋgaya: «Va raŋfaɗ aha ŋkwah ana ndə həji ɗalə ata jak kwakus watsə a ꞌunə, azha ataa aŋkwa, wan mahkaɗ, hwa azhin a zhina bəza?» aagiy kəsha. 21Ama jak kwakus ndə Yesu a kazlap a heɗe, a ɗa zlikusəm tə. 22A diwzha kajik, tiɗa ndə Yesu a zhina tə a bəza a taba həji ma bazl ta aagi, magəli tə aagi deŋ aa deŋazə, ndə Yesu a zlap ma watsa. Dəba aagi aɗal awa ata ma ma ŋtiraya aagi abə zlap ndə Yesu a zlapata aagi.
Yesu a kasən ꞌunəf həji aagi katkadək
23Tiɗa ndə Yesu a ndza tə a hayak ma dzamadzam Wərusalima, ma vah gwaygwaya Paska, vərəm ana həji ma ɗalanə awa aagi, ara ndə aa gəra səkən tsaɓan ndə a kaɗalata aagi. 24Ama ŋkwaɓ Yesu tawan ata təmta səku, ara ndə a ɗa, a kasənata tiwtiw katkadək. 25Kwayal Yesu a həji aagi a ghalə ala watsa andza ikwa akas, ara ndə sha tə abə ha tə, a kasən ma ma ndza a ꞌunəf həji ma ndza manahayak aagi tiwtiw.
Iliyochaguliwa sasa
Yahwana 2: GOU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Yahwana 2
2
Nda a wata dəma a hayak Kana
1A wan mahkaɗ a diwzha tə, nda a wata dəma aka a hayak ma dzamadzam Kana, ma ndza a hayak Galili. Mana ataa Yesu a tsutsa. 2Aa tayaha Yesu abə magəli tə aagi yəm a gwaygwaya nda a wata dəma watsa. 3Mbara a tsutsa, ndə mavə a ɗa kəɗaŋ ya, mana Yesu zlap a zlapanə, iŋgaya: «Mavə kəɗaŋ ara təmta,» iy. 4Ama Yesu zhin a zhinanə, iŋgaya: «Mana, hwa ɗiw ma ma ndza ara sa veme? Ler naka tanaka a ndaha səku.» 5Mbara azha mamən zlap a zlapatana a həji ma ɗal zlən aagi, i təmta iŋgaya: «Huni ɗal səkən ndə a kaazlapahuni a ɗal tiwtiw.» 6A tsutsa, Yahuda aagi taꞌunɓa bay bay ɗawər ŋkəɗaŋ ta aagi ka ŋkwah, aska njin kwakus ta ban dadawər ta aagi, a ɗawər ŋtaguleŋ a za letir teemeri a meɗeɗe. 7Yesu zlap a zlapatana a maɗal zlən aagi iŋgaya: «Huni mkpef ɗawər watsə aagi ka abə yəm,» iy. Mkpef aa mkpef ka pik abə ma tə. 8Yesu zlap a zlapatana, iŋgaya: «Anawatsə huni ɗə, huni jaɓanə a madagal ma ndza aha wəda,» iy. Jaɓ aa jaɓanə. 9Azha ndə a zlənzə, yəm tabəw tə a mavə. A kasən a ndaha ana mavə watsa a vatəy səku, ama həji ma ɗaha yəm aagi kasənə. Dəba a ayaha mawəl dəma. 10Azha, zlap a zlapanə, iŋgaya: «Manahayak a diw a vəla mavə ma ŋtan bəza, a diwzha tə, ndə mayahaya aagi sə ndar, dəba həji aɗatana ma lermaler. Ama, aŋkwa ya, hwa ɓah mavə ma yats aka a gwar anawatsə.»
11Tsakwa ikwa andza watsə abə Yesu a diw səkən tsaɓan tə aagi, a hayak ma dzamadzam Kana ma ndza a hayak a Galili. A ghal dagal sləf tə ikwa, magəli tə aagi taɗalanə awa. 12A diwzha tə, aa tsaa kanda ta a Kafarnahum abə tiw mamən, zliŋgin aagi abə magəli tə aagi. Aa tawan dagala a tsutsa akas.
Yesu a jak kwakus
(Mat 21.12-17; Mrk 11.15-17; Luk 19.45-46)
13Gwaygwaya Yahuda aagi ndə həji kayə Paska slaɓ, Yesu taf a taf a hayak ma dzamadzam Wərusalima. 14A jak kwakus watsa, a gəra həji ma kaber zli, ŋcimi abə ꞌwanan aagi. A gəra həji ma mbaɗ dala aagi a tsutsa wəruk, ata la ndza ta. 15Mbara azha, Yesu ꞌurəm i lakwatəy abə mbərlə, dəba a agamata aara a jak kwakus abə ŋcimi ta aagi, zli ta aagi. Kwaceɗ a kwaceɗatana dala dala ta aagi ka ata hayak, təhsələm a dzəɓatana la ndza ta aagi ka. 16Zlap a zlapatana a maber ꞌwanan aagi, iŋgaya: «Huni jizaka səkən watsə aagi a bəza tiwtiw a ɗi! Huni ɗiw a bəw jak Vana ka a jak ta ber səkən səku!» 17A ndatana a ha a magəli tə aagi ana ma ma ŋtiraya: Bizlaf, may naka ma ndza aska jak kwa a varaka a ꞌunəf naka andza kwahu. 18Azha magulakwakw Yahuda aagi ɗiw aa ɗiwzə, aagi iŋgaya: «Abə shiŋ mbaɗ tə veme, ndə hwa kaaɗalani aska ni sən ka, hwa abə təf a ɗalə ikwa,» aagiy. 19Yesu zlap a zlapatana, iŋgaya: «Huni ghurəm jak kwakus watsə ka, wan mahkaɗ, sa azhin a zhin ka ata la tə!» iy. 20Zlap Yahuda aagi zlapanə, aagi iŋgaya: «Va raŋfaɗ aha ŋkwah ana ndə həji ɗalə ata jak kwakus watsə a ꞌunə, azha ataa aŋkwa, wan mahkaɗ, hwa azhin a zhina bəza?» aagiy kəsha. 21Ama jak kwakus ndə Yesu a kazlap a heɗe, a ɗa zlikusəm tə. 22A diwzha kajik, tiɗa ndə Yesu a zhina tə a bəza a taba həji ma bazl ta aagi, magəli tə aagi deŋ aa deŋazə, ndə Yesu a zlap ma watsa. Dəba aagi aɗal awa ata ma ma ŋtiraya aagi abə zlap ndə Yesu a zlapata aagi.
Yesu a kasən ꞌunəf həji aagi katkadək
23Tiɗa ndə Yesu a ndza tə a hayak ma dzamadzam Wərusalima, ma vah gwaygwaya Paska, vərəm ana həji ma ɗalanə awa aagi, ara ndə aa gəra səkən tsaɓan ndə a kaɗalata aagi. 24Ama ŋkwaɓ Yesu tawan ata təmta səku, ara ndə a ɗa, a kasənata tiwtiw katkadək. 25Kwayal Yesu a həji aagi a ghalə ala watsa andza ikwa akas, ara ndə sha tə abə ha tə, a kasən ma ma ndza a ꞌunəf həji ma ndza manahayak aagi tiwtiw.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia