Yahwana 1
1
Yesu Kərist ana zlap ma nda aka ara Bizlaf
1Ata diw səkən, Zlap aka tiw,
Zlap watsa a ndza ara Bizlaf, Zlap a ɗa Bizlaf.
2Zlap a ndza ara Bizlaf ata diw səkən aagi tiwtiw.
3Səkən aagi tiwtiw aa ɗal gwara a Zlap,
kwa səkən minja taɗalɓa abə Zlap səku akas.
4A Zlap, miɗ aka,
azha miɗ a ɗa weɗ la ataa həji ma dəgnak.
5Azha weɗ la a ɓal a ləvaŋ#1.5 Azha weɗ la a ɓal a ləvaŋ tagwar a tak ɓal təs ,
ama ləvaŋ tagaməra akas.
6Həji gəra ya, Bizlaf tazlənha ala minja, zləm tə Yahwana.
7A ndaha a ɗa ala ma ghal səkən ndə a gəra abə ndə a zlima, aska a ghal səkən ndə a gəra ŋter ata weɗ la, aska həji aagi tiwtiw, aagi a ɗalanə awa.
8Taɗa weɗ la abə ha təs, ama a ɗa ala ma ghal səkən ndə a gəra abə ndə a zlima ŋter ata weɗ la.
9Sha, ma ɗa Zlap ana ŋter weɗ la. Ndə a ndaha a manahayak, a kaɓal ata həji ma dəgnak tiwtiw.
10Zlap aka a manahayak,
azha gwara a Zlap abə Bizlaf a baha manahayak,
ama manahayak tasənəs.
11Taha a hayak tə, ama həji ma ndza a hayak tə aagi aa talamzə akas.
12Ama ataa həji ma lamzə aagi abə maɗal awa ata zləm tə aagi, Zlap watsa tavəlatana ɓərɓər a aagi aɗa wəzhi Bizlaf aagi. 13Həji watsa aagi tagwar a mbəwha abə ampəs səku, kwa abə may zlikusəm ataa ala səku, ama abə may ataa Bizlaf.
14Zlap tabəw tə, a ɗa ala,
tandaha a ndza a taba takwa.
Həji tagəra sləf tə,
sləf ataa malay Mbə həji ma dəgnak ma mkpef abə sənma abə ma ŋter, a ndaha ara Vava.
15Yahwana ana ma ghal səkən ndə a gəra abə ndə a zlima a heɗe, tazlap iŋgaya:
«Tsakwa ana ala ndə sa zlap: A diwzha naka, ala a ndaha, ama dəy aha sa, ara ndə a ɗa, tiɗa ndə sa awli a mbəwha, ataa aŋtə aka tiw.»
16Həji talima mavəy ŋtsəɓ tə bəza, taɗaŋkwa təwah aha təwah.
17Andza ma ma garagar a ndaha ara Musa, ama sənma abə ma ŋter aa ndaha ara Yesu Kərist.
18Kwa tep ala tava a gərazə Bizlaf akas. Ama malay Mbə watsa, ma ɗa Bizlaf, azha ma ndza abəra Bizlaf, sha ma ghalaŋkwa.
Ghal səkən ndə Yahwana ma ɗal batem a gəra abə ndə a zlima
19Azha tsakwa ana Yahwana ma ɗal batem a kaghal səkən ndə a gəra abə səkən ndə a zlima tiɗa ndə Yahuda aagi aa zlənha həji ma ɗal kwakus aagi abə Lewiŋku aagi a hayak ma dzamadzam Wərusalima, aska aagi a ɗiwzə: «Hwa, hwa vaye?» aagiy. 20Zhin a zhinatana, kwa taɓah akas, iŋgaya: «Sa ana Kərist səku,» iy. 21Azha ɗiw aa ɗiwzə zhana: «Mbara hwa vaya? Hwa Iliya vəw?» aagiy. Zhin a zhinatana iŋgaya: «Sa ɗa sha səku,» iy. Zhana aagi iŋgaya: «Hwa ala ma ɗaf ma ndə a zlimazə ara Bizlaf ndə həji kateh vəw?» aagiy. Zhin a zhinatana iŋgaya: «Aŋghə,» iy. 22Mbara, zlap aa zlapanə, aagi iŋgaya: «Hwa, mbara vaye? aagiy. Aska ni a nda ghalatana ma ndə ni zlima aara a həji ma zlənani aagi. Hwa zlap ata ha kwa avaŋga?» 23Yahwana zhin a zhinatana iŋgaya: «Sa ɗa ala ma ɗaf ma a damə, iŋgaya: “Huni lamanə təf Bay Madagal aka ghwaɗeɗe denehneh”, andza ndə a zlap ana ala ma ɗaf ma ndə a zlimazə ara Bizlaf Isaya.»
24Həji ma zlənha ara Yahwana aagi, aa ɗa Farisa aagi. 25Ɗiw aa ɗiwzə zhana, aagi iŋgaya: «Andza hwa tagwar a ɗa Kərist səku, Iliya səku, maɗaf ma Bizlaf ma kaandaha səku ya, mbara hwa ɗal batem a həji ava?» 26Yahwana zhin a zhinatana, iŋgaya: «Sa, sa ɗalatana batem a həji abə yəm. Ama a taba kuni, ala minja aka ndə huni ŋkula sənə kwagwa. 27A ndaha a diwzha naka, azha sa taɗa teete a pəl sherek aŋci tə səku.»
28Ma watsa tiwtiw a pew a hayak Baytaniya a bəzaha aha ma zlazlər Urdun, ata la ndə Yahwana a kaɗalatana batem a həji aagi.
Yesu a ɗa Mbə Bizlaf
29Apat tə ya, Yahwana a gəra Yesu a kandaha ara, azha iŋgaya: «Tsakwa ana mbə ŋcemek Bizlaf ma ji mpət ataa manahayak bəza. 30A heɗe abə sa zlap: “A diwzha naka, ala minja a andaha, ma ɗa dəy aha sa, ara ndə a ɗa, tiɗa sa awli kwagwa a mbəwha, ataa aŋtə aka.” 31Sa tə abə ha naka, sa tasən səku, dawna zlən tə ma ɗal a hayak Isərayila, abə sa ndaha a ɗal batem a yəm,» iy. 32Yahwana ghal a ghal səkən ndə a gəra a heɗe abə ndə a zlima, iŋgaya: «Sa tagəra Miɗ ma ghwaɗeɗe, a ndza andza ꞌwanan, a ndaha a wəzəm a wəzlaf, a ndza a heɗe. 33Sa, sa abə ha naka, sa tasən səku, ama ala ma zlənaka a ɗal batem a yəm, sha ana ma zlapaka iŋgaya: “Ala ndə hwa kaagəra Miɗ ma ghwaɗeɗe, a ndaha a wəzəm a wəzlaf a ndza a heɗe, sha ana ma kaaɗal batem abə Miɗ ma ghwaɗeɗe.” 34Ataa naka, sa tagəra ala watsa, sa kaghalə ŋter kwa səbakw akas, a ɗa Mbə Bizlaf.»
Magəli ataa Yesu ma mpər aagi
35Apat tə zhana, Yahwana a kandza ata la watsa abə magəli tə aagi gbak. 36Ndə a tsa nja tə ka ata Yesu ndə a kapew, zlap a zlap iŋgaya: «Tsakwa ana Mbə ŋcemek Bizlaf!» iy. 37Magəli ataa Yahwana ma gbak watsa aagi, ndə aa zlima a kazlap ikwa, dəba aagi asəbar Yesu. 38Yesu zlaz a zlazəha ma, a gəra ya, aa kasəbarə, ɗiw a ɗiwzata: «Huni gas veme?» Zhin aa zhinanə, aagiy kəsha iŋgaya: «Hwa ndza a vata Rabbi?» A may a ghal ana ma watsa ci, «Masərək» 39Zhin a zhinatana, iŋgaya: «Huni ndaha, huni agəra.» Mbara tsaw aa nda, gəra aa gəra la ndə a ndza a heɗe, kagha ta abəra ma vah watsa. A ɗal bəza ler ŋfaɗ ataa ŋtsəɓahw.
40Andire, zliŋgina Simun Piyer, a ɗa ala ma zlima ma Yahwana ma səbar Yesu a taba həji ma gbak watsa aagi. 41Ala ndə Andire a diw a lima abə sha ci, zliŋgin Simun, azha iy kəsha iŋgaya: «Ni tagəra “Mesi”.» Ma watsa a may a ghal ci, «Kərist». 42Dəba a alahzə ara Yesu. Yesu taŋ a taŋzə Simun, azha zlap a zlapanə, iŋgaya: «Hwa, hwa ɗa Simun, mbə ataa Yahwana. Həji ayahu Kefas.» Zləm watsa a may a ghal meni, «kefe».
43Apat tə, Yesu dəba a aji deŋ a nda a hayak Galili. Dəkdək aa limata abə Filip, iy kəsha iŋgaya: «Səbaraka,» iy. 44Filip a ɗa ndə hayak Baytisayda, hayak ma dzamadzam ataa tiw Andire abə Piyer. 45A diwzha tə, Filip gəra a gəra Nataniyel, i kəsha iŋgaya: «Ni tagəra a ma ma garagar, Musa tazlap ata ala aka. Maɗaf ma Bizlaf aagi, aa tazlap yəm: A ɗa Yesu mbə ataa Yusufu. A ndza a hayak ma dzamadzam ataa Nasaratu.» 46Nataniyel dəba a azlapanə a Filip iŋgaya: «A hayak Nasaratu ya, səkən ma ŋtan ma kandaha aka vəw?» Filip zhin a zhinanə iŋgaya: «Ndaha, hwa agəra,» iy.
47Yesu a gəra Nataniyel a kakərəɗha abəra, dəba a azlap a heɗe, iŋgaya: «Tsakwa ana ŋter ndə Isərayila, ala ma ŋkula zla gaɗaɗaŋ.» 48Nataniyel dəba a aɗiwzə, iŋgaya: «Hwa sənaka a vatəy?» iy. Yesu zhin a zhinanə iŋgaya: «Sa tagərahu tiɗa ndə hwa aska nduŋ shikiɗ, tiɗa ndə Filip tanaka a yahus.» 49Mbara Nataniyel zlap a zlapanə zhana, iŋgaya: «Masərək, hwa ana Mbə Bizlaf, hwa ana Bay ataa Isərayila aagi!» 50Yesu zhin a zhinanə, iŋgaya: «Anawatsə, hwa ɗal awa katkadək aska ma naka aagi ara ndə sa zlap, sa tagərahu aska nduŋ shikiɗ səku vəw? Hwa agəra səkən ma ŋtan ma dəy aha watsə aagi zhana!» 51Zhana, zlap a zlap: «Ayəw, sa zlapahuni ŋter ŋter: Huni agəra la ma ndza a wəzlaf tadəɗaya, zhana matəf Bizlaf aagi, aa kataf, aa katadukha a wəzəm aha Mbə həji ma dəgnak.»
Iliyochaguliwa sasa
Yahwana 1: GOU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Yahwana 1
1
Yesu Kərist ana zlap ma nda aka ara Bizlaf
1Ata diw səkən, Zlap aka tiw,
Zlap watsa a ndza ara Bizlaf, Zlap a ɗa Bizlaf.
2Zlap a ndza ara Bizlaf ata diw səkən aagi tiwtiw.
3Səkən aagi tiwtiw aa ɗal gwara a Zlap,
kwa səkən minja taɗalɓa abə Zlap səku akas.
4A Zlap, miɗ aka,
azha miɗ a ɗa weɗ la ataa həji ma dəgnak.
5Azha weɗ la a ɓal a ləvaŋ#1.5 Azha weɗ la a ɓal a ləvaŋ tagwar a tak ɓal təs ,
ama ləvaŋ tagaməra akas.
6Həji gəra ya, Bizlaf tazlənha ala minja, zləm tə Yahwana.
7A ndaha a ɗa ala ma ghal səkən ndə a gəra abə ndə a zlima, aska a ghal səkən ndə a gəra ŋter ata weɗ la, aska həji aagi tiwtiw, aagi a ɗalanə awa.
8Taɗa weɗ la abə ha təs, ama a ɗa ala ma ghal səkən ndə a gəra abə ndə a zlima ŋter ata weɗ la.
9Sha, ma ɗa Zlap ana ŋter weɗ la. Ndə a ndaha a manahayak, a kaɓal ata həji ma dəgnak tiwtiw.
10Zlap aka a manahayak,
azha gwara a Zlap abə Bizlaf a baha manahayak,
ama manahayak tasənəs.
11Taha a hayak tə, ama həji ma ndza a hayak tə aagi aa talamzə akas.
12Ama ataa həji ma lamzə aagi abə maɗal awa ata zləm tə aagi, Zlap watsa tavəlatana ɓərɓər a aagi aɗa wəzhi Bizlaf aagi. 13Həji watsa aagi tagwar a mbəwha abə ampəs səku, kwa abə may zlikusəm ataa ala səku, ama abə may ataa Bizlaf.
14Zlap tabəw tə, a ɗa ala,
tandaha a ndza a taba takwa.
Həji tagəra sləf tə,
sləf ataa malay Mbə həji ma dəgnak ma mkpef abə sənma abə ma ŋter, a ndaha ara Vava.
15Yahwana ana ma ghal səkən ndə a gəra abə ndə a zlima a heɗe, tazlap iŋgaya:
«Tsakwa ana ala ndə sa zlap: A diwzha naka, ala a ndaha, ama dəy aha sa, ara ndə a ɗa, tiɗa ndə sa awli a mbəwha, ataa aŋtə aka tiw.»
16Həji talima mavəy ŋtsəɓ tə bəza, taɗaŋkwa təwah aha təwah.
17Andza ma ma garagar a ndaha ara Musa, ama sənma abə ma ŋter aa ndaha ara Yesu Kərist.
18Kwa tep ala tava a gərazə Bizlaf akas. Ama malay Mbə watsa, ma ɗa Bizlaf, azha ma ndza abəra Bizlaf, sha ma ghalaŋkwa.
Ghal səkən ndə Yahwana ma ɗal batem a gəra abə ndə a zlima
19Azha tsakwa ana Yahwana ma ɗal batem a kaghal səkən ndə a gəra abə səkən ndə a zlima tiɗa ndə Yahuda aagi aa zlənha həji ma ɗal kwakus aagi abə Lewiŋku aagi a hayak ma dzamadzam Wərusalima, aska aagi a ɗiwzə: «Hwa, hwa vaye?» aagiy. 20Zhin a zhinatana, kwa taɓah akas, iŋgaya: «Sa ana Kərist səku,» iy. 21Azha ɗiw aa ɗiwzə zhana: «Mbara hwa vaya? Hwa Iliya vəw?» aagiy. Zhin a zhinatana iŋgaya: «Sa ɗa sha səku,» iy. Zhana aagi iŋgaya: «Hwa ala ma ɗaf ma ndə a zlimazə ara Bizlaf ndə həji kateh vəw?» aagiy. Zhin a zhinatana iŋgaya: «Aŋghə,» iy. 22Mbara, zlap aa zlapanə, aagi iŋgaya: «Hwa, mbara vaye? aagiy. Aska ni a nda ghalatana ma ndə ni zlima aara a həji ma zlənani aagi. Hwa zlap ata ha kwa avaŋga?» 23Yahwana zhin a zhinatana iŋgaya: «Sa ɗa ala ma ɗaf ma a damə, iŋgaya: “Huni lamanə təf Bay Madagal aka ghwaɗeɗe denehneh”, andza ndə a zlap ana ala ma ɗaf ma ndə a zlimazə ara Bizlaf Isaya.»
24Həji ma zlənha ara Yahwana aagi, aa ɗa Farisa aagi. 25Ɗiw aa ɗiwzə zhana, aagi iŋgaya: «Andza hwa tagwar a ɗa Kərist səku, Iliya səku, maɗaf ma Bizlaf ma kaandaha səku ya, mbara hwa ɗal batem a həji ava?» 26Yahwana zhin a zhinatana, iŋgaya: «Sa, sa ɗalatana batem a həji abə yəm. Ama a taba kuni, ala minja aka ndə huni ŋkula sənə kwagwa. 27A ndaha a diwzha naka, azha sa taɗa teete a pəl sherek aŋci tə səku.»
28Ma watsa tiwtiw a pew a hayak Baytaniya a bəzaha aha ma zlazlər Urdun, ata la ndə Yahwana a kaɗalatana batem a həji aagi.
Yesu a ɗa Mbə Bizlaf
29Apat tə ya, Yahwana a gəra Yesu a kandaha ara, azha iŋgaya: «Tsakwa ana mbə ŋcemek Bizlaf ma ji mpət ataa manahayak bəza. 30A heɗe abə sa zlap: “A diwzha naka, ala minja a andaha, ma ɗa dəy aha sa, ara ndə a ɗa, tiɗa sa awli kwagwa a mbəwha, ataa aŋtə aka.” 31Sa tə abə ha naka, sa tasən səku, dawna zlən tə ma ɗal a hayak Isərayila, abə sa ndaha a ɗal batem a yəm,» iy. 32Yahwana ghal a ghal səkən ndə a gəra a heɗe abə ndə a zlima, iŋgaya: «Sa tagəra Miɗ ma ghwaɗeɗe, a ndza andza ꞌwanan, a ndaha a wəzəm a wəzlaf, a ndza a heɗe. 33Sa, sa abə ha naka, sa tasən səku, ama ala ma zlənaka a ɗal batem a yəm, sha ana ma zlapaka iŋgaya: “Ala ndə hwa kaagəra Miɗ ma ghwaɗeɗe, a ndaha a wəzəm a wəzlaf a ndza a heɗe, sha ana ma kaaɗal batem abə Miɗ ma ghwaɗeɗe.” 34Ataa naka, sa tagəra ala watsa, sa kaghalə ŋter kwa səbakw akas, a ɗa Mbə Bizlaf.»
Magəli ataa Yesu ma mpər aagi
35Apat tə zhana, Yahwana a kandza ata la watsa abə magəli tə aagi gbak. 36Ndə a tsa nja tə ka ata Yesu ndə a kapew, zlap a zlap iŋgaya: «Tsakwa ana Mbə ŋcemek Bizlaf!» iy. 37Magəli ataa Yahwana ma gbak watsa aagi, ndə aa zlima a kazlap ikwa, dəba aagi asəbar Yesu. 38Yesu zlaz a zlazəha ma, a gəra ya, aa kasəbarə, ɗiw a ɗiwzata: «Huni gas veme?» Zhin aa zhinanə, aagiy kəsha iŋgaya: «Hwa ndza a vata Rabbi?» A may a ghal ana ma watsa ci, «Masərək» 39Zhin a zhinatana, iŋgaya: «Huni ndaha, huni agəra.» Mbara tsaw aa nda, gəra aa gəra la ndə a ndza a heɗe, kagha ta abəra ma vah watsa. A ɗal bəza ler ŋfaɗ ataa ŋtsəɓahw.
40Andire, zliŋgina Simun Piyer, a ɗa ala ma zlima ma Yahwana ma səbar Yesu a taba həji ma gbak watsa aagi. 41Ala ndə Andire a diw a lima abə sha ci, zliŋgin Simun, azha iy kəsha iŋgaya: «Ni tagəra “Mesi”.» Ma watsa a may a ghal ci, «Kərist». 42Dəba a alahzə ara Yesu. Yesu taŋ a taŋzə Simun, azha zlap a zlapanə, iŋgaya: «Hwa, hwa ɗa Simun, mbə ataa Yahwana. Həji ayahu Kefas.» Zləm watsa a may a ghal meni, «kefe».
43Apat tə, Yesu dəba a aji deŋ a nda a hayak Galili. Dəkdək aa limata abə Filip, iy kəsha iŋgaya: «Səbaraka,» iy. 44Filip a ɗa ndə hayak Baytisayda, hayak ma dzamadzam ataa tiw Andire abə Piyer. 45A diwzha tə, Filip gəra a gəra Nataniyel, i kəsha iŋgaya: «Ni tagəra a ma ma garagar, Musa tazlap ata ala aka. Maɗaf ma Bizlaf aagi, aa tazlap yəm: A ɗa Yesu mbə ataa Yusufu. A ndza a hayak ma dzamadzam ataa Nasaratu.» 46Nataniyel dəba a azlapanə a Filip iŋgaya: «A hayak Nasaratu ya, səkən ma ŋtan ma kandaha aka vəw?» Filip zhin a zhinanə iŋgaya: «Ndaha, hwa agəra,» iy.
47Yesu a gəra Nataniyel a kakərəɗha abəra, dəba a azlap a heɗe, iŋgaya: «Tsakwa ana ŋter ndə Isərayila, ala ma ŋkula zla gaɗaɗaŋ.» 48Nataniyel dəba a aɗiwzə, iŋgaya: «Hwa sənaka a vatəy?» iy. Yesu zhin a zhinanə iŋgaya: «Sa tagərahu tiɗa ndə hwa aska nduŋ shikiɗ, tiɗa ndə Filip tanaka a yahus.» 49Mbara Nataniyel zlap a zlapanə zhana, iŋgaya: «Masərək, hwa ana Mbə Bizlaf, hwa ana Bay ataa Isərayila aagi!» 50Yesu zhin a zhinanə, iŋgaya: «Anawatsə, hwa ɗal awa katkadək aska ma naka aagi ara ndə sa zlap, sa tagərahu aska nduŋ shikiɗ səku vəw? Hwa agəra səkən ma ŋtan ma dəy aha watsə aagi zhana!» 51Zhana, zlap a zlap: «Ayəw, sa zlapahuni ŋter ŋter: Huni agəra la ma ndza a wəzlaf tadəɗaya, zhana matəf Bizlaf aagi, aa kataf, aa katadukha a wəzəm aha Mbə həji ma dəgnak.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia