Yahwana 15
15
Yesu, nduŋ mpi ma ŋtan
1Yesu iŋgaya: «Sa ana nduŋ mpi ma ŋtan azha Vana ana cina la. 2Kala maram mpi ma ndza a sa, ma ŋkula mbəw mbə, a bəla ka, ama maram mpi ma ndza a sa, ma kambəw, həji sahw bəza, aska a mbəw ma dəy aha zhana. 3Huni, huni ghwaɗeɗe tiw dawna zlap naka ndə sa zlapahuni. 4Andza ndə maram mpi kula a mbəwɓa mbə səku ara ndə a ŋkula ndza ata nduŋ mpi, huni tə yəm, andza huni tandza a sa aka səku, huni kambəw mbə akas. 5Sa ana nduŋ mpi, huni ɗa maram mpi aagi. Ala ma ndza a sa pal, ndə sa tə yəm sa a mən pal, ala tə a mbəw mbə dagala, ara ndə huni, huni kula ɗal səkən minja andza sa abə huni akas. 6Andza ala ma ŋkula ndza a sa pal, a fak tə aha bəza andza maram mpi tsa kaŋhwal. A diwzha həji kwarata, həji kwiyata a kwahu azha aa tsa kaba. 7Andza huni tandza a sa pal, azha zlap naka aagi tandza a huni pal, huni aɗiw səkən ndə huni kamayə, huni alima. 8Səkən ma kasləf Vana ci, huni mbəw mbə dagala, azha ya, huni ɗa magəli naka aagi. 9Sa, sa mayahuni andza ndə Vava a kamayaka. Huni ndza pal a wəzaha a mayha naka. 10Andza huni tambəla ma naka ma ma dzawadzaw ci, huni andza pal a mayha naka, andza ndə sa, sa mbəla ma ma dzawadzaw ataa Vana, azha sa ndza pal a mayha tə.
11Sa tazlapahuni ma watsə aska ɓas naka a ndza a huni, azha ɓas kuni a ɗa mkpef. 12Tsakwa ana ma ma dzawadzaw naka: huni may kwa vaye kuni andza ndə sa mayahuni. 13Ala ma kavəla miɗ tə aska ŋgwanambə aagi, mayha ma dəy aha aka zhanas. 14Huni, huni ɗa ŋgwanambə naka aagi andza huni taɗal səkən ndə sa, sa garahuni ka. 15Sa kazhin a yahuni tep abə həji ma ɗal zlən aagi akas ara ndə ala ma ɗal zlən a kasən səkən ndə ala ma dagal tə a kaɗaləs. Sa yahuni ŋgwanambə naka aagi, ara ndə sa taghalahuni səkən ndə sa zlimazə tiwtiw ara Vana. 16Huni ma mayakas, sa ana ma mayahuni, azha sa ma tsahuni aska, ci huni, huni nda ya, huni ba mbə, azha ci mbə ma ndza pal. Mbara azha, Vava a avəlahuni kala səkən ndə huni kaaɗiw ara aagi tiwtiw ata zləm naka. 17Səkən ndə sa kaɗiwi ara huni ci, huni may kwa vaye kuni», iy.
Manahayak a kaji nja Yesu abə magəli tə aagis
18Yesu zhana iŋgaya: «Andza manahayak taji nja kuni səku, huni sən ka ya, a diw ŋkalzə nja naka mpər aha huni. 19Andza huni va a ɗa həji manahayak, manahayak a mayahuni, ama huni tagwar a ɗa həji tə aagi səku. Sa ana ma tsahuni ka parpar gədək abəra manahayak, mavəy sha abə manahayak a ŋkalzə nja kuni. 20Huni sənakənə ata ma ndə sa va a zlapahuni: “Ala ma ɗal zlən a kadəy madagal təs.” Andza həji aagi tasaka yaka, aagi asahuni yaka yəm, andza aa tambəla zlap naka ka, aagi ambəla zlap kuni yəm. 21Ama aagi aɗalahuni ikwa mavəy sa, ara ndə aa ŋkula sən ala ma zlənaka. 22Andza sa taha aka səku, andza sa tazlapatana aka səku, həna aa kagəy ma akas. Ama anawatsə, mpət ndəlndəl a ha ta. 23Ala ma tsaka wən, yəm tatsanə wən a Vana. 24Andza sa taɗal zlən ndə ala ŋkula va a ɗalzə a taba ta aka səku, həna aa kagəy ma kwa akas. Mbara azha, anawatsə, aa tagəra zlən watsa aagi, azha aa tsapani, tsa wən, sa abə Vana. 25Ama a ɗal andza watsə aska a kəliy ma ŋtiraya a ma ma garagar ta, iŋgaya: Aa tatsaka wən ata ɓəlaakaka.
26Ala ma ndaha a lamzahuni, a andaha: A ɗa Miɗ ma kaghal ma ŋter ma ndaha ara Vava. Sa azlənahuni malamahuni ma ndaha abəra Vava, azha a aghal abə ha ana səkən ndə a zlima abə ndə a gəra ata sa. 27Ataa aŋkuni, huni yəm, huni aghal səkən ndə huni gəra abə ndə huni zlima ata sa, ara ndə huni ara sa ꞌwa aka ata diw tə,» iy.
Iliyochaguliwa sasa
Yahwana 15: GOU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Yahwana 15
15
Yesu, nduŋ mpi ma ŋtan
1Yesu iŋgaya: «Sa ana nduŋ mpi ma ŋtan azha Vana ana cina la. 2Kala maram mpi ma ndza a sa, ma ŋkula mbəw mbə, a bəla ka, ama maram mpi ma ndza a sa, ma kambəw, həji sahw bəza, aska a mbəw ma dəy aha zhana. 3Huni, huni ghwaɗeɗe tiw dawna zlap naka ndə sa zlapahuni. 4Andza ndə maram mpi kula a mbəwɓa mbə səku ara ndə a ŋkula ndza ata nduŋ mpi, huni tə yəm, andza huni tandza a sa aka səku, huni kambəw mbə akas. 5Sa ana nduŋ mpi, huni ɗa maram mpi aagi. Ala ma ndza a sa pal, ndə sa tə yəm sa a mən pal, ala tə a mbəw mbə dagala, ara ndə huni, huni kula ɗal səkən minja andza sa abə huni akas. 6Andza ala ma ŋkula ndza a sa pal, a fak tə aha bəza andza maram mpi tsa kaŋhwal. A diwzha həji kwarata, həji kwiyata a kwahu azha aa tsa kaba. 7Andza huni tandza a sa pal, azha zlap naka aagi tandza a huni pal, huni aɗiw səkən ndə huni kamayə, huni alima. 8Səkən ma kasləf Vana ci, huni mbəw mbə dagala, azha ya, huni ɗa magəli naka aagi. 9Sa, sa mayahuni andza ndə Vava a kamayaka. Huni ndza pal a wəzaha a mayha naka. 10Andza huni tambəla ma naka ma ma dzawadzaw ci, huni andza pal a mayha naka, andza ndə sa, sa mbəla ma ma dzawadzaw ataa Vana, azha sa ndza pal a mayha tə.
11Sa tazlapahuni ma watsə aska ɓas naka a ndza a huni, azha ɓas kuni a ɗa mkpef. 12Tsakwa ana ma ma dzawadzaw naka: huni may kwa vaye kuni andza ndə sa mayahuni. 13Ala ma kavəla miɗ tə aska ŋgwanambə aagi, mayha ma dəy aha aka zhanas. 14Huni, huni ɗa ŋgwanambə naka aagi andza huni taɗal səkən ndə sa, sa garahuni ka. 15Sa kazhin a yahuni tep abə həji ma ɗal zlən aagi akas ara ndə ala ma ɗal zlən a kasən səkən ndə ala ma dagal tə a kaɗaləs. Sa yahuni ŋgwanambə naka aagi, ara ndə sa taghalahuni səkən ndə sa zlimazə tiwtiw ara Vana. 16Huni ma mayakas, sa ana ma mayahuni, azha sa ma tsahuni aska, ci huni, huni nda ya, huni ba mbə, azha ci mbə ma ndza pal. Mbara azha, Vava a avəlahuni kala səkən ndə huni kaaɗiw ara aagi tiwtiw ata zləm naka. 17Səkən ndə sa kaɗiwi ara huni ci, huni may kwa vaye kuni», iy.
Manahayak a kaji nja Yesu abə magəli tə aagis
18Yesu zhana iŋgaya: «Andza manahayak taji nja kuni səku, huni sən ka ya, a diw ŋkalzə nja naka mpər aha huni. 19Andza huni va a ɗa həji manahayak, manahayak a mayahuni, ama huni tagwar a ɗa həji tə aagi səku. Sa ana ma tsahuni ka parpar gədək abəra manahayak, mavəy sha abə manahayak a ŋkalzə nja kuni. 20Huni sənakənə ata ma ndə sa va a zlapahuni: “Ala ma ɗal zlən a kadəy madagal təs.” Andza həji aagi tasaka yaka, aagi asahuni yaka yəm, andza aa tambəla zlap naka ka, aagi ambəla zlap kuni yəm. 21Ama aagi aɗalahuni ikwa mavəy sa, ara ndə aa ŋkula sən ala ma zlənaka. 22Andza sa taha aka səku, andza sa tazlapatana aka səku, həna aa kagəy ma akas. Ama anawatsə, mpət ndəlndəl a ha ta. 23Ala ma tsaka wən, yəm tatsanə wən a Vana. 24Andza sa taɗal zlən ndə ala ŋkula va a ɗalzə a taba ta aka səku, həna aa kagəy ma kwa akas. Mbara azha, anawatsə, aa tagəra zlən watsa aagi, azha aa tsapani, tsa wən, sa abə Vana. 25Ama a ɗal andza watsə aska a kəliy ma ŋtiraya a ma ma garagar ta, iŋgaya: Aa tatsaka wən ata ɓəlaakaka.
26Ala ma ndaha a lamzahuni, a andaha: A ɗa Miɗ ma kaghal ma ŋter ma ndaha ara Vava. Sa azlənahuni malamahuni ma ndaha abəra Vava, azha a aghal abə ha ana səkən ndə a zlima abə ndə a gəra ata sa. 27Ataa aŋkuni, huni yəm, huni aghal səkən ndə huni gəra abə ndə huni zlima ata sa, ara ndə huni ara sa ꞌwa aka ata diw tə,» iy.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia